Fréttablaðið - 02.07.2004, Blaðsíða 29

7FÖSTUDAGUR 2. júlí 2004
Málið sjálf
flottar
myndir
á baðherbergið
Keramikgallery ehf,
Dalvegi 16b, 200 Kópavogi, s: 544-5504
Opið alla virka daga
frá kl. 10.00-18.00
[ ELDAÐ Í LE CREUSET ]
Coq au vin
1 stór kjúklingur hlutaður í 6–8 hluta
Innmatur og skrokkur notað í soð
1 laukur og nokkur piparkorn í soðið
150 g beikon
30 g smjör
2 meðalstórir laukar
1 stór gulrót
2 sellerístilkar
2 hvítlauksgeirar
2 msk. koníak
2 msk. hveiti
1 flaska af rauðvíni
2 greinar af timían eða blóðbergi
3 lárviðarlauf
40 g smjör
12 perlulaukar
200 g sveppir
Útbúið kjúklingasoð úr innmat og skrokk,
gulrót, lauk og piparkornum. Sjóðið á lágum
hita þar til þið þurfið á því að halda. Steikið
beikonið á meðalhita í þykkum emaleruð-
um pottjárnspotti. Takið beikonið frá. Saltið
og piprið kjúklingabitana og steikið þá í
beikonfeitinni á meðalhita þar til þeir eru
hunangsbrúnir. Takið kjúklingabitana þá frá
og steikið lauk, sellerí og gulrót á meðalhita
í sömu feiti. Bætið hvítlauknum hægt og ró-
lega út í á meðan þið steikið hitt grænmetið.
Þegar laukurinn er orðinn glær setjið þá
kjúklingabitana og beikonið aftur í pottinn.
Setjið hveitið út í og látið krauma í eina mín-
útu áður en koníaki, víni og kryddjurtum er
blandað við. Bætið síðan kjúklingasoðinu út
í þar til flýtur vel yfir kjúklingabitana. Látið
suðuna koma upp og lækkið strax hitann og
látið allt malla í hálflokuðum pottinum á
hægum hita í um eina klukkustund. Steikið
sveppi og lauk á pönnu og setjið út í með
kjúklingnum. Takið kjúklingabitana upp úr
soðinu og hækkið hitann undir soðinu og
látið það malla þar til það hefur þykknað.
Setjið þá kjúklingabitana út í sósuna og
berið fram í pottinum. Soðnar kartöflur eru
algengt meðlæti með þessum eðalrétti.
Kristbjörgu Kari Sólmundsdóttur
söngkonu líður best í borðstofu-
horninu, innan um sköpunarverk
sín og hljóðfæri.
„Þar er ég vön að sitja og skapa
og semja lög og það er gott að vera
við borðið því þá get ég verið að
skrifa niður í leiðinni. Yfirleitt sit
ég þar með gítarinn og teygi mig í
píanóið og er þá með allt sem ég
þarf til að semja innan seilingar.
„Innblástur og uppörvun sækir
Kari í ýmsar áttir og hún er alhliða
listamaður.“ Á veggnum hangir
mitt fyrsta málverk sem ég málaði
fyrir ári. Það er í rauninni ekki af
neinu formi og er frekar eins og
flæðið sem verður þegar maður er
að hleypa sköpunarkraftinum
fram. Ég hef aldrei kunnað að teik-
na en langaði að prófa að mála og
fannst fáránlegt að láta einhverja
minnimáttarkennd hindra mig í því
að tjá mig á striga.“ Hljóðfærin
skipa auðvitað líka stóran sess.
„Píanóið er gjöf frá tengdaforeldr-
um mínum og það hefur nýst vel
því við hjónin semjum mikið af
tónlist saman og okkar bestu
stundir eru þegar hann situr við
píanóið og ég við borðstofuborðið
með gítarinn og svo verður til lag,“
segir Kristbjörg Kari, en hún og
maðurinn hennar, Björn Árnason,
skipa hljómsveitina Tube sem á sér
þarna hreiður í horni. ■
Uppáhaldshornið:
Sköpunarhreiður
í borðstofunni
Sköpunarhorn Kristbjargar Kari.
Franski pottaframleiðandinn Le
Creuset hefur í hartnær hundrað
ár notast við aldagamlar aðferðir
við framleiðslu potta og panna úr
pottjárni. „Þessar pönnur og pott-
ar endast margar kynslóðir,“ segir
Birgir E. Birgisson, kaupmaður í
Búsáhöldum í Kringlunni þar sem
Le Creuset pottarnir fást, og tekur
sem dæmi að bæði Síldarminja-
safnið á Siglufirði og Árbæjarsafn
eigi í fórum sínum Le Creuset
potta sem hafa verið í notkun hér
á Íslandi frá því snemma á síðustu
öld. „Það eru endingagildið og
gæðin sem hafa gert það að verk-
um að þessum pottum var áður
best treyst til þess að taka við
hlutverki kleinupottsins á íslensk-
um heimilum.“
Í Frakklandi hafa pottar sem
þessir verið til á velflestum heimil-
um og vegna sinna sérstöku eigin-
leika má segja að þeir séu ein af
undirstöðunum í margrómaðri mat-
argerðarhefð Frakka. Þeir eru
emaleraðir að innan og þess vegna
má meðal annars marínera í þeim.
Það er hægt að taka þá af eldavélar-
hellunni og setja í heitan ofninn og
þaðan beint á matarborðið. Vegna
þykktar sinnar halda þeir vel hita
þannig að maturinn kólnar ekki
meðan á máltíð stendur, og svo eru
þeir líka mjög litríkir og fallegir og
sóma sér mjög vel á borði. ■
Le Creuset:
Potturinn og pannan í
franskri matargerðarlist
Le Creuset pottarnir eru til í hjartalaga formi. Ekki
leiðinlegt fyrir ungt og ástfangið fólk að elda máltíðir
sínar í slíkum pottum
Þá má nota á allar gerðir eldavéla, gas, rafmagn,
helluborð og á segulhellur.
Stærri gerðin af Le Creuset pottunum er mjög vinsæl. Í
þeim er meðal annars hægt að steikja kjúkling og
gera pottrétti sem þurfa hæga eldun.
Í Danmörku eru Le Creuset pottar mjög vinsælir og eru kallaðir „ekta“ pottar.