Fréttablaðið - 02.07.2004, Blaðsíða 44

Kvikmyndagerðarmaðurinn og rit-
höfundurinn Michael Moore gerir
allt snarbrjálað með nýju myndinni
sinni Fahrenheit 9/11 þar sem hann
beinir spjótum sínum enn á ný að
George W. Bush, forseta Bandaríkj-
anna. Moore er umdeildur og það er
myndin líka en fólk er löngu búið að
mynda sér skoðanir á myndinni þó
hún hafi ekki verið frumsýnd fyrr
en í síðustu viku í Bandaríkjunum.
Árás á forsetann
Hægrimenn eru afar ósáttir
við Moore og segja myndina vera
„grófa árás á forsetann á stríðs-
tímum“ en svo skemmtilega vill
til að vinstrimenn eru hæst-
ánægðir með myndina og líta á
hana sem tímabæra „grófa árás á
forsetann á stríðstímum“.
Andstæðingar Moores hafa
lagt sig fram um að grafa undan
trúverðugleika hans og segja
hann ekki hika við að hnika til
staðreyndum til þess að gera hlut
Bush sem verstan.
Það er sjálfsagt ýmislegt til í
þessari gagnrýni en þá má ekki
gleyma því að Moore hefur aldrei
þóst vera hlutlaus fréttaskýrandi
í heimildarmyndum sínum frekar
en öðrum verkum. Hann hefur
eitt takmark um þessar mundir og
það er að koma Bush og ríkis-
stjórn hans frá.
Áróður sem skemmtiefni
Tilgangurinn helgar meðalið
hjá Moore og árangurinn lætur
ekki á sér standa. Fahrenheit
9/11fær dreifingu á við risastórar
Hollywood-hasarmyndir, var opn-
uð í 500 kvikmyndahúsum í
Bandaríkjunum, og dollararnir
rúlla í kassann hjá Moore sem
aldrei fyrr. Það fer ekkert á milli
mála að Moore er að reka áróður
en snilldin í verkum hans felst
ekki síst í því að hann klæðir boð-
skap sinn í hefðbundinn búning
dægurmenningarinnar með því að
skopast að andstæðingum sínum
og ganga fram af fólki með því að
sýna skelfilega atburði í grá-
glettnu ljósi. Þetta er framsetn-
ingarmáti sem nær til nýrra kyn-
slóða sem hafa alist upp á MTV og
tölvuleikjum.
Moore þarf svo sem ekkert að
réttlæta vinnubrögð sín þar sem
hann er í stríði og þegar hann hjólar
í andstæðinga sína kemur í ljós að
hugmyndafræði hans er ekki svo
fjarskyld þankagangi höfuðand-
stæðingsins í Hvíta húsinu. Menn
eru annað hvort góðir eða slæmir í
heimsmynd Moores og þegar Bush
horfir á heiminn eru menn annað
hvort með honum í liði eða á móti.
Vinur litla mannsins eða eigin-
hagsmunapotari?
Moore hefur alltaf gert sig út
sem sérstakan vin „litla mannsins“
og þar liggur helsti veikleiki hans
um þessar mundir því andstæðing-
um hans hefur hægt og bítandi tek-
ist að rífa niður leiktjöldin í kring-
um hann og þegar gríma mannvin-
arins fellur virðist skína í hroka-
fullan eiginhagsmunapotara sem
setur sjálfan sig í fyrsta sæti.
Breskir blaðamenn hafa verið
einna iðnastir undanfarið við að
sýna skuggahliðar Moores og sjálf-
ur hefur hann lagt þeim vopnin í
hendurnar með tuddalegri fram-
komu, ekki síst á kvikmyndahátíð-
inni í Cannes þar sem Moore kom að
öðru leyti, sá og sigraði og fór heim
með Gullpálmann í höndunum.
Það þarf ef til vill engan að
undra þó Moore sé kominn í varnar-
stöðu þar sem andstæðingar hans
sækja að honum úr öllum áttum.
Bókin Michael Moore Is a Big Fat
Stupid White Man er væntanleg en
þar beita höfundarnir aðferðum
Moores til að sýna fram á hvernig
hann notar kvikmyndatökuvélina til
að fanga sína mynd af sannleikan-
um. Þeir segja bókinni ætlað að af-
hjúpa „rangtúlkanirnar og hræsn-
ina sem hafa einkennt allan hans
feril“. Þá hefur kvikmyndagerðar-
maðurinn Michael Wilson lokið við
heimildarmyndina Michael Moore
Hates America. Þar er einnig tækni
Moores beitt þegar kvikmynda-
gerðarmaðurinn eltir Moore á rönd-
um og reynir að fá hann til að skýra
bakgrunn viðhorfa sinna til banda-
rísks samfélags.
Vinsælli en Beckham
Fyrrum samstarfsfólk Moores
hefur verið dregið fram í dagsljósið
og fengið til að tjá sig um Moore og
einn þeirra hefur þetta um hann að
segja. „Hann er erfiðasti maður
sem ég hef unnið með. Hann er með
peninga á heilanum og er eigin-
gjarnasti maður sem ég hef unnið
með.“ Andlegt jafnvægi hans er að
sögn þessa fyrrum framkvæmda-
stjóra hjá Moore lítið sem ekkert.
„Hann þykist hugsa um litla mann-
inn en það eina sem kemst fyrir hjá
honum er hann sjálfur.“
Auður Moores og skapgerðar-
brestir virðast því vera hans helsti
akkilesarhæll og hann ætlar að eiga
erfiðara með að halda andliti sem
góði gæinn á þessum forsendum
þar sem eldheitir andstæðingar
Bush úti um allan heim kippa sér
ekki upp við það þó hann hagræði
staðreyndum til að koma höggi á
forsetann. Þeir sem trúa því að
heimurinn verði betri án Bush geta
ekki sett vinnubrögð Moores fyrir
sig og sjálfur bendir Moore á að
kjörsókn í Bandaríkjunum sé svo lé-
leg að það sé beinlínis hættulegt.
Ætli það sé til sterkari leið til að ná
til almennings og vekja hann til
umhugsunar en einmitt kvikmynd
sem flytur boðskap um leið og hún
býður upp á skemmtun? Markað-
urinn hefur í það minnsta tekið
Moore tveimur höndum og fari svo
að einhverjir missi af Fahrenheit
9/11 í bíó er engin hætta á að fólki
gefist ekki tækifæri til að sjá
myndina á DVD fyrir forseta-
kosningarnar í september.
Feiti karlinn með derhúfuna er í
ham og sennilega má Bush fara að
vara sig þar sem Moore nær til
fólksins. Sem dæmi má nefna að
bók Moores, Dude Where’s My
Country?, hefur selst í fleiri ein-
tökum en sjálfsævisaga Davids
Beckham í Bretlandi. Staðan eftir
árið 2003 var 481.343 eintök gegn
438.175, Moore í hag. ■
32 2. júlí 2004 FÖSTUDAGUR
Ómissandi á DVD Glæpamyndin Scarface eftir Brian De Palma ætti að eiga öruggt
pláss í hillum allra alvöru bíóbrjálæðinga. Myndin er endurgerð samnefndrar myndar frá
árinu 1932 en í þessari útgáfu frá 1983 fer Al Pacino á kostum í hlutverki kúbanska
smákrimmans Tony Montana sem verður meirháttar eiturlyfjabarón. Ofmetnaður hans
leiðir svo til þess blóðugs uppgjörs við kólumbíska dópkónga. Lokaatriðið er ógleyman-
legt, eins og myndin öll, þegar Pacino mætir til bardaga með kókaínhvítt smettið.
Ármúla 31 • S. 588 7332 • www.i-t.is
Veri› velkomin
í glæn‡ja verslun okkar a› Ármúla 31
Furu eldhús- og ba›innréttingar
w
w
w
.d
es
ig
n.
is
@
2
00
4
Til afgrei›slu af lager
Hagstætt ver›!
[ SMS ]
UM MYNDIRNAR Í BÍÓ
THE CHRONICLES OF RIDDICK
Framhaldsmynd hinnar stórskemmtilegu
Pitch Black fær falleinkunn hjá gagnrýn-
anda Fréttablaðsins.
The Cronicles of Riddick
„Hér hafa menn greinilega ætlað að sleppa ódýrt
frá öllu saman og veðjað á að það væri nóg að
láta Diesel hnykla ofvaxna vöðvanna og sprengja
eitthvað í loft upp. Það þarf bara svo miklu, miklu
meira til að gera góða hasarmynd.“
ÞÞ
Godsend
„Handritið er sköllótt og sagan illa ígrunduð
þannig að engin raunveruleg spenna myndast
nokkurn tíma enda er myndin með ólíkindum
fyrirsjáanleg.“
ÞÞ
The Ladykillers
„The Ladykillers heldur þó ekki dampi og mun
seint flokkast með betri verkum þessara snjöllu
Coen-bræðra. Hún hefði sjálfsagt sigið vel niður
fyrir meðallag í höndunum á minni spámönnum
en þeim bræðrum sem eru meira að segja góðir á
slæmum degi.“
ÞÞ
The Punisher
„Þessi nýja Punisher-mynd rétt slefar því yfir
meðallagið en ég vona að hún græði nógu margar
milljónir dollara til þess að við fáum framhald. Þá
er þessi mynd eðlilegur fórnarkostnaður, það þurfti
að kynna Castle til sögunnar og leyfa honum að
drepa þá sem káluðu fjölskyldu hans. Nú er því
lokið og hann getur snúið sér að hvaða þjófi,
nauðgara og morðingja sem verður á vegi hans og
drápin ættu að geta byrjað fyrir alvöru.“
ÞÞ
Eurotrip
„Það vefst mikið fyrir mér hvernig ég á að halda
sjálfsvirðingunni um leið og ég upplýsi að mér
fannst Eurotrip ferlega skemmtileg en þessi vit-
leysa er þrælfyndin á köflum. Tilgangur myndar-
innar er einfaldlega að skemmta áhorfendum í 90
mínútur og það tekst býsna vel. Þetta er fín kynlífs-
brandarasúpa með nokkrum óborganlegum bragð-
efnum og ekki skemmir fyrir að mikið skín í bert
hold.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni
þessa dagana. Mynd sem gleymist seint og býður
upp á endalausar vangaveltur fyrir þá sem á annað
borð nenna að pæla í nokkrum sköpuðum hlut.
Brilljant mynd.“
ÞÞ
Mors Elling
„Það er auðvitað ávísun á vandræðalegar uppá-
komur og góða brandara að senda ruglukoll eins
og Elling til Mallorca og Mors Elling er því hin
besta skemmtun. Hún er þó langt því frá jafn þétt
og góð og fyrri myndin og þar munar mest um
fjarveru Kjell-Bjarne, sem ekki er kominn til
sögunnar, en samspil vitleysinganna tveggja var
burðarás Elling.“
ÞÞ
MICHAEL MOORE
Michael Moore malar gull með nýju heimildarmyndinni sinni Fahrenheit 9/11. Hann fer ekki
leynt með að myndinni er ætlað að koma George W. Bush frá völdum. Það fer heldur ekk-
ert á milli mála að í augum Moores er Bush vondi kallinn en hversu góður er Moore sjálfur?
Feita ólíkindatólið
gerir allt brjálað
Lula: That Johnnie is one clever detective. You know how clever?
Sailor: How clever?
Lula: He told me once he could find an honest man in Washington.
Elskendurnir Sailor og Lula eiga oft á tíðum magnþrungnar
samræður á leið sinni á vit örlaganna í meistaraverki Davids
Lynch, Wild at Heart frá 1990.