Fréttablaðið - 03.07.2004, Blaðsíða 18
18 3. júli 2004 LAUGARDAGUR
Já, þetta var ánægjulegt enstrembið,“ segir Úlfur Eldjárn
um þýðingu og staðfærslu Fame.
„Ég hafði aldrei gert svona lagað
áður og fyrirvarinn var skammur
en ég hef þá skemmtilegu til-
hneigingu að segja yfirleitt já við
því sem ég er beðinn um að gera
og spýtti bara í lófana. Það vita
það ekki allir en maður verður
geðveikur á svona löguðu, ekki
síst að þýða söngtexta á stuttum
tíma. Á tímabili var ég að hugsa
um að hringja í Þorstein Eggerts-
son og bjóða honum viskíflösku
fyrir að snara nokkrum textum.
En þetta er reynsla sem ég hafði
gaman af og gagnast mér eflaust
í framtíðinni.“
Úlfi er ekki að fullu ljóst
hversvegna aðstandendur sýn-
ingarinnar leituðu til hans um
þýðinguna, í ljósi þess að hann
hafði enga reynslu af slíkum
störfum. „Það voru einhverjir
baktjaldamenn sem bentu á mig,
einhverjir nafnlausir huldumenn
sem stjórna öllu á bak við tjöld-
in,“ segir hann. „Þetta liggur
ágætlega fyrir mér, ég hef unnið
við hugmynda- og textagerð á
auglýsingastofu í tæp fimm ár og
get sagt að ég sé löggilt iðnaðar-
skáld.“
Talsverður tími fór í verkið en
Úlfi er ekki ljóst hve mikill.
„Þetta var rosaleg törn á tímabili
og það vildi þannig til að ég sinnti
nokkrum öðrum verkefnum sam-
hliða. Vökustundirnar voru því
nokkrar.“
Er lítið fyrir söngleiki
Söngleikurinn Fame er byggður á
samnefndum þáttum og kvikmynd
sem nutu vinsælda á níunda ára-
tugnum. Úlfur var kunnugur þátt-
unum en þekkti ekki söngleikinn
sem slíkan. „Ég er reyndar afskap-
lega lítið fyrir söngleiki en hef hins
vegar gaman af öllu sem tengist af-
þreyingu. Þessi litli söngleikjaá-
hugi minn var kannski að hluta til
ástæða þess að ég tók verkefnið að
mér. Þetta var talsverð áskorun.“
Uppfærslan hefur hlotið mis-
jafna dóma en gagnrýnendur hafa
lokið nokkru lofsorði á þýðingu og
staðfæringu Úlfs og hann er yfir
höfuð sáttur við gagnrýnina. „Jájá,
ég er þokkalega ánægður. Ég átti
svosem aldrei von á einhverjum
glimrandi dómum og vissi líka að
hér væri ekki verið að brjóta blað í
íslenskri leikhússögu. Enda ekki
markmiðið. Fame er fyrst og
fremst aðgengileg skemmtun fyrir
mjög breiðan hóp og íslenska upp-
setningin er örugglega með þeim
skemmtilegri í heiminum. Mér
heyrist allavega að maður götunn-
ar sé nokkuð ánægður með þetta.“
Úlfur bendir á að söngleikir séu
snúið form og um margt ófullkom-
ið. Oft sé sögð mikil saga á stuttum
tíma og þessi söngleikur sé þar
engin undantekning. „Þó að ég hafi
fengið talsvert svigrúm þá hafði ég
auðvitað ekki leyfi til að semja
þetta upp á nýtt, sagan kemur beint
frá Broadway og uppfyllir auðvitað
alla ameríska gæðastaðla um at-
burðarás og efnistök.“
ÚLFUR ELDJÁRN Í
KAFFIVAGNINUM ÚTI Á GRANDA
„Ég reyndi að láta söngtextana ganga upp
sem einhvers konar millistig af talmáli og
dægurlagaþvaðri, sem uppfyllti þó lág-
markskröfur um stuðla og rím. Ég skamm-
ast mín hinsvegar lítið fyrir að sletta og
nota „vonda“ íslensku þar sem við á.“
Úlfur Eldjárn hefur mörg járn í eldinum. Hann er í hljómsveitinni Apparat Organ
Quartet, vinnur á auglýsingastofu og er nýbúinn að þýða Fame. Úlfur lítur lífið
jákvæðum augum og hefur erft sitt skemmtilega lífsviðhorf frá fjölskyldunni.
Plata
Get ekki nefnt eitthvað eitt. Í
tilefni tónleikasumarsins
mikla segi ég bara Metallica:
Master of Puppets,
Kraftwerk: Computer World
og Pixies: Surfer Rosa. Heil-
steyptar plötur, óháðar tíma
og rúmi, sem hafa haft gífur-
leg áhrif á alla æðri tónlist
síðustu ára.
Bók
Erfitt. Flestar bækur eftir
Haruki Murakami, Paul Aust-
er, „stóru skáldsögurnar“ eft-
ir Laxness og allt eftir pabba
minn. Non-Fiction: The Dirt,
ævisaga Mötley Crüe.
Wouldn’t It Be Nice, ævisaga
Brian Wilson. „Ég vil nú eiga
mínar konur sjálfur“ og
„Áfram með smérið piltar“,
ævisagnabækur Ólafs á
Oddhóli.
Kvikmynd
Some Kind of Monster,
heimildarmyndin um Metall-
ica, og Eternal Sunshine of
the Spotless Mind. Bestu
myndir sem ég hef séð ný-
lega. Margar, margar aðrar í
uppáhaldi.
Matur
Tom Kha Kai súpan hjá Ban-
Thai er betri en kynlíf og
heróín til samans.
Drykkur
Espresso kaffi: kaffi 90%,
vatn 10%.
Borg
Engin ein uppáhalds. Á
nokkra uppáhaldsbari í
Helsinki. Leiðinlegasta borg-
in er hins vegar Groningen í
Hollandi.
Í uppáhaldi hjá Úlfi
Spillum ekki gleðinni
með skynsemi