Fréttablaðið - 05.07.2004, Blaðsíða 2

2 5. júlí 2004 MÁNUDAGUR
Össur Skarphéðinsson formaður Samfylkingarinnar:
Furðuleg ósvífni
FJÖLMIÐLALÖG Össur Skarphéðinsson,
formaður Samfylkingarinnar, segir
að ákvörðun ríkisstjórnarinnar um að
afturkalla fjölmiðlalögin sé sigur fyr-
ir andstæðinga laganna og staðfesti
undanhald ríkisstjórnarinnar í mál-
inu en telur breytingarnar sem lagðar
eru til ekki vera veigamiklar.
„Það er í raun furðuleg ósvífni af
þeim að ætla sér að kalla aftur eða
fella úr gildi gömlu lögin en knýja síð-
an fram ný lög sem eru nákvæmlega
eins og gömlu lögin nema hvað mark-
aðsráðandi aðilar mega nú eiga tíu
prósent í fjölmiðlum en ekki fimm
prósent eins og áður,“ segir hann.
„Ég dreg sömuleiðis þá ályktun að
forystumenn ríkisstjórnarinnar séu
dauðhræddir menn sem þora ekki að
leggja mál, sem þeir hafa þröngvað í
gegnum þingið með þjösnalegum
vinnubrögðum, í dóm þjóðarinnar.
Þeir leggja ekki í þjóðaratkvæða-
greiðsluna vegna þess að þeir telja að
þeir muni skíttapa henni,“ segir Öss-
ur. Um það hvort Samfylkingin muni
taka sæti í nefnd um fjölmiðla eins og
boðað hefur verið til af hálfu forsæt-
isráðherra segir Össur að hann geti
ekki sagt til um og það verði rætt inn-
an Samfylkingarinnar og innan
stjórnarandstöðunnar sem að sögn
Össurar hefur staðið saman „sem
einn maður í þessu máli“. ■
FJÖLMIÐLALÖG „Tillögur ríkis-
stjórnarinnar voru samþykktar
samhljóða,“ sagði Davíð Oddsson
forsætisráðherra eftir þing-
flokksfund Sjálfstæðisflokksins
sem lauk upp úr átta í gærkvöld.
„Tillögurnar eru þær að það
verður lagt fram nýtt frumvarp
að fjölmiðlalögum þar sem verða
gerðar tvær efnisbreytingar frá
fyrra frumvarpi. Annars vegar
það að réttur markaðsráðandi fyr-
irtækja til þátttöku í útvarps-
rekstri er rýmkaður úr 5% í 10%.
Í öðru lagi, og það sem kannski
mikilvægara er, að gildistöku
frumvarpsins er frestað til 1.
september 2007. Það þýðir með
öðrum orðum að menn kjósa til
Alþingis á nýjan leik áður en lögin
taka gildi og sá þingmeirihluti
sem til staðar er eftir þær kosn-
ingar hefur allmarga mánuði eftir
að þing kemur saman til þess að
ákveða hvort þeir vilji gera breyt-
ingar á þessum lögum; fresta gild-
istöku enn freka eða láta lögin
standa. Kjósendur í landinu hafa
með þeim hætti atbeina til að láta
áhuga sinn á þessu máli ráða því
hvernig þeir haga atkvæði sínu í
kosningunum.“
Davíð segir engar forsendur til
þess að Ólafur Ragnar Grímsson
forseti hafni þessum lögum.
„Enda væri þá kominn upp skrípa-
leikur í landi sem ég held að eng-
inn vilji stuðla að.“
Davíð segir frumvarpið ekki
sprottið af ósamkomulagi stjórn-
arflokkanna heldur hafi ágrein-
ingur lögfræðinga um 26. grein
stjórnarskrárinnar og þjóðarat-
kvæðagreiðsluna verið djúpstæð-
ur. „Þannig að menn losa sig og
þjóðina út úr þeim ógöngum að
vera að fara með þetta mál fram í
fullkominni óvissu,“ segir Davíð
og bætir við: „Þannig að með
þessu þá hefst hvoru tveggja, að
lögin lengja aðlögunarfrestinn og
eins hefur þjóðin tækifæri til að
koma að málunum áður en þau
taka gildi.“
Hugmyndina hafi Davíð fengið
fyrir þremur dögum. Hann hafi
farið yfir málið með forsetanum.
„Ég fór yfir málið og gerði grein
fyrir þessum tillögum og gerði
grein fyrir því að þetta frumvarp
yrði sent honum til áritunar ef
menn samþykktu. Viðbrögð for-
setans voru ekki önnur en þau að
fara yfir þetta í stuttu máli og
lýsa því yfir að sér þætti þetta
fróðlegt.“
Davíð segir óhjákvæmilegt að
huga að breytingu á stjórnar-
skrárákvæði um þjóðaratkvæða-
greiðslu. Það sé algerlega ófram-
bærilegt „... og hefur ekkert verið
lagað vegna þess að menn hafa
verið í tímaþröng og ætlað svo að
klára það árið eftir en hafa ekki
gert það, sennilega vegna þess að
þeir töldu að þessu ákvæði yrði
aldrei beitt.“
gag@frettabladid.is
Sjálfstæðisflokkur:
Alger sátt
FJÖLMIÐLALÖG Einar Kristinn Guð-
finnsson, þingflokksformaður Sjálf-
stæðisflokks, segir algera sátt vera
innan þingflokks-
ins um breytt fjöl-
miðlalög. „Það
tjáðu sig mjög
margir og allir
voru mjög ánægð-
ir og sáttir við nið-
urstöðuna.“
Einar telur að
niðurstaðan styrki
samvinnu stjórn-
a r f l o k k a n n a .
„Þetta var auðvitað mál sem var
þess eðlis að það gat reynt á hana og
það sýndi sig, eins og alltaf í þeim
málum sem við höfum verið að
takast á við á okkar langa sambúð-
arferli, að okkur hefur tekist að
leysa málið að lokum. Það tókst ein-
nig í þetta skipti.“ Aðspurður hvort
málið sé það erfiðasta sem stjórnar-
flokkarnir hafi fengist við segir
Einar: „Ég held nú að andstæðurnar
milli þingflokkanna hafi verið
magnaðar upp umfram það sem til-
efni var til.“ ■
■ LÖGREGLUFRÉTTIR
It’s a classic.
Kristinn Júníusson, söngvari hljómsveitarinnar Vín-
yls, er á leið til Bandaríkjanna ásamt hljómsveit
sinni til að freista gæfunnar.
SPURNING DAGSINS
Kristinn, er Vínyllinn vinsæll í Banda-
ríkjunum ?
SMS-hátíð í Galtalækjar-
skógi:
Mikil ölvun
ungmenna
LÖGREGLA Í Galtalækjarskógi söfn-
uðust um fjögur hundruð ung-
menni saman um helgina í tengsl-
um við svo kallaða SMS-hátíð.
Þrátt fyrir mikla ölvun á svæðinu
fór allt nokkuð vel fram. Þó komu
upp þrjú fíkniefnamál á svæðinu.
Fjölmenni var á tjaldsvæðinu
að Skógum um helgina en þar er
talið að um fimm hundruð manns
hafi safnast saman. Að sögn lög-
reglunnar á Hvolsvelli fór allt vel
fram á svæðinu. ■
Engar forsendur fyrir
forsetann að hafna
Fjölmiðlalögin verða afturkölluð og ný lög lögð fyrir sumarþing Alþing-
is. Forsætisráðherra fékk hugmyndina fyrir þremur dögum. Hann segir
forseta Íslands ekki hafa forsendur til að hafna nýju lögunum.
DAVÍÐ ODDSSON
„Nú hafa menn ennþá lengri aðlögunarfrest til að laga sig að lögunum. Eins geta menn,
ef þeir vilja, barist fyrir því að fá sér hliðhollan meirihluta á Alþingi ef þeir vilja að lögum
verði hagað með öðrum hætti en þessum lögum.“
EINAR KRISTINN
GUÐFINNSSON.
Metaðsókn á Metallicu:
Geðveikt í
Egilshöllinni
TÓNLEIKAR Átján þúsund manns
gafst kostur á að kaupa sér miða á
tónleika Metallicu sem haldnir
voru í Egilshöllinni í gær. Þrátt
fyrir að nokkrir miðar voru óseld-
ir, voru þetta stærstu innitónleik-
ar sem nokkurn tímann hafa verið
haldnir á Íslandi. Greinilegt var
að tónleikagestir þekktu hljóm-
sveitina vel og var stemningin eft-
ir því. Þrátt fyrir aðskilnað í
svæði A og B var um nokkurn
troðning að ræða, sérstaklega
þegar nær dró hljómsveitinni. Það
var mikið um sveitta og þreytta
en mjög káta gesti að tónleikunum
loknum. ■
JAMES ALAN HETFIELD
Það reyndi á söngvara Metallicu, einnar
stærstu rokkhljómsveitar í heimi, á stærstu
innanhússtónleikum sem haldnir hafa ver-
ið á Íslandi.
ÖSSUR SKARPHÉÐINSSON
Segir ríkisstjórnina dauðhrædda um að tapa kosningum um fjölmiðlalög og reyni því að
komast hjá henni.
Stjórnarformaður Norðurljósa:
Sýndar-
breytingar
FJÖLMIÐLALÖG Skarphéðinn Berg
Steinarsson, stjórnarformaður
Norðurljósa, segir að breyting-
arnar á fjölmiðlalögum sem
kynntar voru af ríkisstjórninni í
gær breyti engu. Hann segir að
Norðurljós muni halda áfram að
undirbúa málshöfðun vegna lag-
anna.
„Fyrri lög brutu í bága við EES
og stjórnarskrá og ég geri ráð fyr-
ir að þessar sýndarbreytingar
sem verið er að gera hafi engin
áhrif á það,“ segir hann.
„Mér finnst hálfdapurlegt
hvernig með þessu er verið að
hæðast bæði að forsetanum og
þjóðinni,“ segir Skarphéðinn. ■
Sigurður Líndal lagaprófessor:
Getur leitt til þráteflis
FJÖLMIÐLALÖG Sigurður Líndal
lagaprófessor segist ekki geta
sagt til um það hvort breyting-
ar á lögum um fjölmiðla geri
það að verkum að lögin séu lík-
legri en áður til að standast
stjórnarskrá.
Hann segir að sér hefði þótt
eðlilegra að fella lögin úr gildi
og í kjölfar þess færi fram und-
irbúningur og umræða um nýja
lagasetningu. Hann bendir ein-
nig á að „einkennilegt þrátefli“
geti orðið ef Alþingi kemst hjá
þjóðaratkvæðagreiðslu um lög
með því að gera minniháttar
breytingar á þeim eftir að þeim
hefur verið skotið til þjóðarinn-
ar.
Jónatan Þórmundsson laga-
prófessor segir að nýr kafli í
fjölmiðlamálinu taki við eftir
ákvörðun ríkisstjórnarinnar í
gær. Hann segir að það verðs-
kuldi athugun hvort það stand-
ist stjórnarskrá að Alþingi aft-
urkalli, eða felli úr gildi, lög
sem vísað hefur verið til þjóð-
aratkvæðagreiðslu en fljótt á
litið telur hann að þingið geti
gert það.
„Þingið getur fellt úr gildi
þessi lög. Ég held að formlega
séð fái það staðist. Hitt er svo
annað mál hvernig það lítur út
lýðræðislega þegar búið er að
taka ákvörðun um að þjóðin fái
að segja skoðun sína. Ég hugsa
að þetta standist lögfræðilega
en ég er í meiri vafa um þetta
lýðræðislega,“ segir Jónatan. ■
SIGURÐUR LÍNDAL
Telur að eðlilegra hefði verið að afnema
lögin.
JÓNATAN ÞÓRMUNDSSON
Segir aðferðina standast lagalega en er í
vafa um hvort hún sé lýðræðisleg.
RÓLEGT Í MIÐBÆNUM Lítill erill
var lögreglunni í Reykjavík um
helgina því margir lögðu leið sína
úr úr bænum. Umferð var með
minnsta móti og fáir að skemmta
sér í miðbænum.
FJÖLDI Á AKUREYRI Margt var
um manninn á Akureyri um helg-
ina þar sem pollamótið í knatt-
spyrnu fór fram. Fimm skemmti-
ferðaskip voru þar um helgina og
því fjöldi erlendra ferðamanna í
bænum. Rólegt var hjá lögregl-
unni þrátt fyrir fólksfjöldann í
bænum.
HRAÐAKSTUR VIÐ VÍK Mikið var
um hraðaakstur í nágrenni Víkur í
Mýrdal um helgina en að öðru leyti
var rólegt hjá lögreglunni þar.