Fréttablaðið - 05.07.2004, Blaðsíða 4
4 5. júlí 2004 MÁNUDAGUR
Landhelgisgæslan sendi þyrluna á vettvang:
Leitað að Eldey þrem-
ur tímum eftir hvarf
SJÓÖRYGGI Landhelgisgæslan heyrði
Tilkynningarskylduna óska eftir
grennslan báta á hvarfi sómabáts-
ins Eldeyjar af sjálfvirku tilkynn-
ingarskyldunni á neyðarbylgju
skipa og báta sem kallast rás sextán
klukkan 14.54 í gær. Báturinn hafði
dottið út úr tilkynningarskyldukerf-
inu rúmum þremur tímum fyrr,
klukkan 11.41. Samkvæmt reglu-
gerð hefur Tilkynningarskyldan
hálfa klukkustund til að bregðast
við.
Jón Ebbi Björnsson, varðstjóri
Landhelgisgæslunnar, segir það
skyldu Tilkynningarskyldunnar að
láta Landhelgisgæsluna vita af
hvarfi bátsins. Starfsmaður Land-
helgisgæslunnar hafi hins vegar
haft samband við starfsmann Til-
kynningarskyldunnar og áhöfn
þyrlunnar hafi í kjölfarið verið köll-
uð út. „Þetta fannst okkur dálítið
langur tími þannig að það var bara
tekið af skarið og kallað út.“
Jón segir að samkvæmt dagbók-
um Landhelgisgæslunnar hafi starfs-
maður hennar brugðist rétt við þegar
hann sendi þyrluna á vettvang. „Hann
fékk þær upplýsingar að báturinn
hefði dottið úr sjálfvirku tilkynning-
arskyldunni klukkan 11.41 og að til-
raunir til að ná sambandi við bátinn
hafi ekki borið árangur.“ Tilkynning-
arskyldan hafði ekki óskað eftir að-
stoð.
Þórhallur Ólafsson, framkvæmda-
stjóri Neyðarlínunnar, segir að við
fyrstu sýn sé ekkert óeðlilegt við
vinnubrögðin. Málið verði skoðað. ■
Vill sjá sátt
Formaður Framsóknarflokksins vill sjá sátt um málefni fjölmiðla. Hann
neitar að deila hafi komið upp milli stjórnarflokkanna um setningu laga
um þjóðaratkvæði.
FJÖLMIÐLALÖG „Ég legg mikið upp
úr því að menn vinni að málinu á
næstunni þannig að um það ríki
bærileg sátt,“ segir Halldór Ás-
grímsson, formaður Framsóknar-
flokksins, um nýtt frumvarp að
lögum um fjölmiðla.
Halldór neitar því að upp hafi
komið deila milli ríkisstjórnar-
flokkanna um hvernig leiða ætti
til lykta lög um þjóðaratkvæði.
„Við höfum í sjálfu sér ekki verið
að deila,“ segir Halldór. „Við höf-
um verið að ræða málið og komist
að þessari niðurstöðu sem ég tel
að sé mjög farsæl.“ Hann hafnar
því einnig að þessi niðurstaða
komi til vegna þess að ekki hafi
náðst samstaða um hlutfall at-
kvæðisbærra manna sem greiða
þurfi atkvæði gegn lögum til þess
að þau falli úr gildi.
Halldór telur engan vafa á því
að forseti Íslands geti skrifað
undir þessi nýju lög. „Það liggur
fyrir að kosningar verða haldnar í
landinu áður en þessi lög taka
gildi,“ segir Halldór. „Hér er um
nýtt mál að ræða sem vonandi
næst um góð sátt. Forsetinn hefur
lagt á það áherslu að slík sátt náist
og við höfum boðið stjórnarand-
stöðunni að koma að vinnslu máls-
ins.“
Aðspurður hvort ríkisstjórnin
hafi verið beygð í málinu, segir
Halldór að vel megi vera að slíkt
verði haft á orði. „Sá vægir sem
vitið hefur meira og ef menn vilja
segja að við höfum verið beygðir í
þessu máli þá er það í lagi mín
vegna.“
Halldór segir þessa lausn hafa
fæðst í samtölum hans við forsæt-
isráðherra og hún hafi aðallega
verið rædd nú um helgina.
Halldór neitar að stjórnarsam-
starfið hafi verið í hættu, þrátt
fyrir að reynt hafi á alla aðila að
finna lausn á málinu.
Halldór játar að vera kunni að
ríkisstjórnin hafi gert mistök með
hraðri afgreiðslu fjölmiðlafrum-
varpsins gegnum þingið. „Það má
vel vera að það hafi verið mistök
en það er nú svo að stundum ligg-
ur á að ljúka málum. Þetta mál
kom seint fram og menn vildu
ljúka þinginu,“ segir Halldór.
Halldór bætir við að það liggi á
að stefna sé mörkuð í málefnum
fjölmiðla. „Með þessu frumvarpi
er ramminn settur og ég tel mjög
mikilvægt að hann liggi fyrir. Ég
hef engan hitt sem ekki telur
nauðsynlegt að til séu lög um
þessi mál, um það eru allir sam-
mála og nú fá allir að koma að því
borði.“ helgat@frettabladid.is
Finnst þér veðrið hafa verið gott í
sumar?
Spurning dagsins í dag:
Ætlarðu að fara á sumarútsölur?
Niðurstöður gærdagsins
á visir.is
18%
82%
NEI
JÁ
KJÖRKASSINN
Farðu inn á visir.is og segðu þína skoðun
visir.is
Erfitt að tapa þjóðarat-
kvæðagreiðslu:
Klókur leikur
FJÖLMIÐLALÖG „Ég myndi halda að
þetta væri klókur leikur,“ segir Gunn-
ar Helgi Kristinsson, prófessor í
stjórnmálafræði. „Það hefði verið
erfitt fyrir að þá að beita sér við
samningu nýrra fjöl-
miðlalaga ef þeim
gömlu hefði verið
hafnað í þjóðarat-
kvæðagreiðslu. Með
þessu eru þeir að
tryggja að þeir eru að-
alspilararnir í nýjum
fjölmiðlalögum. Það
væri athyglisvert ef
þeir eru búnir að tala við stjórnarand-
stöðuna og hún búin að samþykkja
þetta því þá á forsetinn ekki frekari
leiki. Hvort verður þjóðaratkvæða-
greiðsla fer eftir því hvernig forset-
inn tekur þessu frumvarpi. Hans
þætti í málinu er ekki lokið. Þessi
leikur stjórnarinnar opnar málið og
dregur það á langinn.“ ■
Samfélag á hvolf fyrir
óbreytt ástand:
Niðurlæging
fyrir Davíð
FJÖLMIÐLALÖG „Þetta er ekki kosninga-
mál,“ segir Birgir Hermannsson
stjórnmálafræðingur um ákvæði í
nýju fjölmiðlafrumvarpi að það taki
ekki gildi fyrr en eftir kosningar 2007.
„Forsetinn getur skrifað undir lögin á
þeim forsendum að það verði kosið um
þau. En það er verið að taka af fólki
þjóðaratkvæðakosninguna. Þetta er
niðurlæging fyrir Davíð, að keyra
þetta áfram af þvílíkum krafti og
koma samfélaginu á hvolf yfir ein-
hverju sem síðan skiptir engu máli og
það er óbreytt ástand fram yfir næstu
kosningar. Það er augljóst á þessu að
Davíð er á leiðinni út.“ Hvað varðar
breytingar á lögunum segir hann þau
engu breyta í grundvallaratriðum.
„Það tekur marga mánuði að semja
svona lög. Ég held að það verði að
draga þetta fjölmiðlafrumvarp alveg
til baka og hætta við þingið.“ ■
T í m a r i t u m ú t i v i s t o g f e r ð a l ö g
Vertu áskrifandi fyrir
aðeins 2.495 kr. á ári
Gönguferðir
Skíðaferðir
Fjallaferðir
Jeppaferðir
Vélsleðaferðir
Vélhjólaferðir
Fjallahjólaferðir
Kajakferðir
Fréttir og fróðleikur
Feröasögur
Búnaðarprófun
Nýr búnaður
Sérfræðingar svara
Ljósmyndir
Getraunir
w w w. u t i v e r a . i s
u t i v e r a @ u t i v e r a . i s
S í m i : 8 9 7 - 1 7 5 7
Eina sinnar tegundar á Íslandi
Í s l e n s k t t í m a r i t u m ú t i v i s t o g f e r ð a l ö g
Upphaflega gert ráð fyrir að draga lögin til baka:
Lagalega umdeilanlegt
FJÖLMIÐLALÖG „Þetta er lausn sem
er upphaflega komin frá Sigurði
Líndal en þá var gert ráð fyrir að
lögin yrðu dregin til baka,“ segir
Svanur Kristjánsson, prófessor í
stjórnmálafræði. „Fyrst svo er
ekki myndi ég halda að þjóðarat-
kvæðagreiðslan þyrfti að fara
fram. Það á að standa hreinlega
að málunum og ekki vera að gera
eitthvað sem er frá lagalegu
sjónarmiði umdeilanlegt. Alþingi
er búið að samþykkja lög og þá
myndi ég halda að ríkisstjórnin
gæti dregið þau til baka. Þess í
stað eru þeir að breyta smá-
atriðum í lögunum. Þeir eru að
tala um samráð við stjórnarand-
stöðuna en það er ekkert samráð
um það hvernig er að staðið að
þessu máli, þannig að það er ver-
ið að stilla fólki upp við vegg.
Hins vegar sýnist mér líka að
Halldór Ásgrímsson sé orðinn
forsætisráðherra og Davíð sé í
raun hættur. Þeir hafa augsýni-
lega ekki náð samkomulagi um
hvernig ætti að hegða þjóðara-
kvæðagreiðslu.“ ■
SVANUR KRISTJÁNSSON
Stjórnin er að breyta smáatriðum í fjölmiðlalögunum.
GUNNAR
HELGI KRIST-
INSSON
Hjálmar Árnason:
Kom
skemmtilega
á óvart
FJÖLMIÐLALÖG „Þessi lausn kom
skemmtilega á óvart,“ segir Hjálm-
ar Árnason, þingflokksformaður
Framsóknarflokks, um nýtt frum-
varp að lögum um
fjölmiðla og ákvörð-
un þess efnis að fella
þau gömlu úr gildi.
Að sögn Hjálmars
fékk þingflokkurinn
ekki að vita um
ákvörðun formanna
stjórnarflokkanna
fyrr en á þingflokksfundi í gær-
kvöld. „Formaður flokksins hefur
haft mjög gott samráð við þing-
menn og því vitað hvernig hjarta
þingmanna slær í þessu máli,“ segir
Hjálmar.
Að sögn Hjálmars ríkir sátt inn-
an þingflokksins með niðurstöðuna.
„Þingflokkurinn telur að með þessu
sé verið að stíga skref til þess að ná
þverpólitískri þjóðarsátt um mál
sem þjóðin lætur sig verulegu
varða.“ ■
ÞYRLA LANDHELGISGÆSLUNNAR
Jón Ebbi Björnsson, varðstjóri Landhelgisgæslunnar, segir það skyldu Tilkynningarskyld-
unnar að láta Landhelgisgæsluna vita af hvarfi bátsins.
Steingrímur J. Sigfússon:
Endurspegl-
ar uppgjöf
FJÖLMIÐLALÖG Steingrímur J. Sigfús-
son, formaður Vinstri grænna, segir
að öðrum þræði sé nýtt lagafrum-
varp uppgjöf að hálfu Davíðs Odds-
sonar og Halldórs Ásgrímssonar.
Hann segir þá ekki hafa þorað í
kosningar um málið.
„Síðan eru þeir að leita leiða til að
komast hjá kosningunni á þennan
lúalegan hátt með því að kalla frum-
varpið til baka en leggja svo fram
eins frumvarp,“ segir hann.
„Það á eftir að vera umdeilt hvort
þeir séu ekki bara að reyna að
svindla sér undan þjóðaratkvæða-
greiðslu. Þetta slær mann þannig,“
bætir hann við. ■
HJÁLMAR
ÁRNASON
HALLDÓR ÁSGRÍMSSON
Segist sáttur við þá niðurstöðu að setja ný lög um fjölmiðla og fella þau gömlu úr gildi.
Niðurstaðan hafi verið samþykkt samhljóða í þingflokki Framsóknarflokksins.
FR
ÉT
TA
B
LA
Ð
IÐ
/V
AL
LI