Fréttablaðið - 05.07.2004, Blaðsíða 14

14 5. júlí 2004 MÁNUDAGUR
Í STRÍÐI
Safngestur svarar í síma undir málverki
sem sýnir herflota Kína. Málverkið er til
sýnis í Herminjasafni Kínverja í Peking.
Kínverski herinn mun í þessum mánuði
halda æfingar í Taívansundi en hernaðaryf-
irvöld vilja leggja frekari áherslu á hótanir
um innrás í Taívan.
Blikastaðanesið í Mosfellsbæ:
Golfvöllur stækkaður
MOSFELLSBÆR Bæjarstjórn Mos-
fellsbæjar og Golfklúbburinn
Kjölur hafa undirritað sam-
komulag um stækkun Hlíða-
vallar í úr níu holum í átján.
Auk þess að stækka völlinn
verður byggt nýtt æfingasvæði
og nýtt áhalda- og starfsmanna-
hús.
Golfvöllurinn verður stækk-
aður út á svonefnt Blikastaða-
nes sem Mosfellsbær eignaðist
nýlega í makaskiptum við Ís-
lenska aðalverktaka. Bærinn
lætur klúbbnum í té afnot af
hluta landsins.
Í skipulagi vallarins er gert
ráð fyrir ósnortnum svæðum
milli brauta. Samkvæmt ný-
samþykktu deiliskipulagi fyrir
Blikastaðanesið er þar einnig
gert ráð fyrir aðstöðu fyrir
margvíslega aðra útivist svo
sem göngu- og hjólastígum og
reiðgötum. Sérstakt samkomu-
lag hefur verið gert milli golf-
klúbbsins og hestamannafé-
lagsins Harðar um legu reið-
leiða.
Vinna hefst við þessar fram-
kvæmdir á næstu dögum og er
gert ráð fyrir að þeim ljúki að
fullu eftir þrjú til fjögur ár. ■
Gert að greiða
milljón í tryggingu
Sýslumaður á Sauðárkróki krefur Landsmótshaldara um 2,4 milljónir í löggæslu-
kostnað. Landsmótsnefnd ætlar ekki að greiða kostnaðinn og lítur á málið sem próf-
mál um hvort innleiða eigi misrétti landsbyggðarinnar gegn höfuðborgarsvæðinu.
NORÐUR-ÍRLAND Lögregla hindraði
för um 2.000 mótmælenda um
kaþólska hluta Portadown í ár-
legri göngu Óraníureglunnar í
gær. Þetta er sjöunda árið í röð
sem gangan er stöðvuð á þessum
stað. Leiðtogar Óraníureglunnar
afhentu lögreglumönnum mót-
mælabréf og kröfðust þess að fá
að ganga Garvaghy-veg að miðbæ
Portatown, en við þann veg hafa
harðlínukaþólikkar haldið uppi
mótmælum síðastliðinn áratug.
Eftir viðræður við lögreglu var
göngumönnum tjáð að þeim væri
velkomið að mótmæla friðsam-
lega við hindranir lögreglunnar.
Einungis fáum mínútum síðar
hvarf meirihluti göngumanna á
brott án vandræða. ■





 

 

  
!"#$
%&'()* +,$+-+.+,$+-+/%
Höfðabakka 1 - sími 587 50 70
LÚÐA OG KEILA
Á GRILLIÐ
OPIÐ
LAUGARDAGA
FRÁ 10-14.30
SKRIFAÐ UNDIR SAMNING
Samning um stækkun Hlíðavallar undirrit-
uðu Ragnheiður Ríkharðsdóttir bæjarstjóri
og Skúli Skúlason, formaður golfklúbbsins.
Norður-Írland:
Portadown-ganga stöðvuð
LANDSMÓT Sýslumannsembætti
Sauðárkróks hefur sent Lands-
mótsnefnd bréf og óskað eftir
því að þeir greiði eina milljón
króna í tryggingu fyrir lög-
gæslukostnað fyrir mótið sem
hefst á fimmtudag. Landsmóts-
höldurum er gert að greiða rétt
tæplega 2,4 milljónir í löggæslu
fyrir bæði Landsmótið og Ung-
lingalandsmótið á Sauðárkróki.
Um 2.000 manns hafa skráð sig
til þátttöku á fullorðinsmótinu.
Von er á að sex til fimmtán þús-
und gestir fylgi þátttakendum.
„Það stendur ekki til af hálfu
okkar sem undirbúum mótið eða
að hálfu sveitarfélagsins að
greiða þennan kostnað,“ segir
Bjarni Jónsson, formaður
Landsmótsnefndar og varafor-
seti sveitarstjórnar.
Bjarni segir að íþróttafélög
af öllu landinu mæti til leiks. „Ef
sambærilegt mót yrði haldið á
Reykjavíkursvæðinu þá á ég
ekki von á að farið væri fram á
að slíkur kostnaður yrði greidd-
ur frekar en verið hefur,“ segir
Bjarni og bætir við: „Við teljum
að stjórnvöld eigi að standa það
vel við lögreglu- og sýslumanns-
embætti í landinu að þau ráði
við slíkt og jafnréttis sé gætt.“
Bjarni segir dómsmálaráð-
herra hafa boðað nefndina á
fund eftir landsmótið. „Mér
finnst að sá fundur ætti allavega
að fara fram áður en við förum
að reiða fram tryggingar á með-
an við bíðum eftir farsælli nið-
urstöðu.“
Bjarni segir sömu stöðu um
allt land. „Ég veit að það er fyl-
gst með þessu máli hér alls stað-
ar á landinu hjá lögregluemb-
ættum, sveitarfélögum, íþrótta-
félögum og við lítum á þetta sem
prófmál um það hvort það eigi
að innleiða þetta misrétti til
framtíðar. Menn munu hugsa
sinn gang með að leggja í það
hvort fara eigi í svona á lands-
byggðinni og ég trúi því ekki að
stjórnvöld ætli að láta það ger-
ast.“
Ekki náðist í Ríkharð Másson,
sýslumann á Sauðárkróki.
gag@frettabladid.is
ÓRANÍUMENN STOPP
Lögreglan stöðvaði árlega göngu Óraníumanna í gær.
SAUÐÁRKRÓKUR
Bjarni segir að það kæmi flatt upp á mótshaldara Landsmótsins ef þeir yrðu látnir greiða
sérstakan löggæslukostnað sem sé aðeins krafist þar sem mótið sé haldið á landsbyggð-
inni. Þeir vilji að jafnræðis landbyggðar og höfuðborgar gætt. Landsmótsnefnd hefur þeg-
ar samið við björgunarsveit um gæsluna.