Fréttablaðið - 05.07.2004, Blaðsíða 52

20 5. júlí 2004 MÁNUDAGUR
Dregið í bikarkeppni Evrópu í körfubolta í München í Þýskalandi í gær:
Keflvíkingar fá dönsku meistarana
KÖRFUBOLTI Keflvíkingar voru
mjög ánægðir með mótherjana í
bikarkeppni Evrópu en dregið var
í riðla í München í Þýskalandi í
gær. Keflvíkingar fengu með sér í
riðil dönsku meistarana úr
Bakken Bears, franska liðið
Reims Champagne og portúgalska
liðið CAB Madeira sem Keflvík-
ingar mættu einnig í sömu keppni
á síðasta tímabili og unnu á
heimavelli en töpuðu á útivelli.
Árangur Keflavíkurliðsins á
heimavelli sínum á Sunnubraut-
inni í fyrra var frábær en liðið
vann alla þrjá heimaleiki sína í
riðlinum. Það var líka ljóst þegar
leikjunum var raðað niður í
Þýskalandi í gær að liðið spilar
þrjá fyrstu leiki sína í keppninni á
heimavelli á 15 dögum í nóvember
en allir útileikirnir eru síðan spil-
aðir í kjölfarið og er klárað mun
fyrr en í fyrra en síðasti leikurinn
fer fram 9. desember.
Keflvíkingar lögðu mikið upp
úr því að geta spilað tvo leiki í
sömu ferð til að spara ferðakostn-
að sinn og það tókst líkt og í fyrra.
Liðið spilar í Danmörku 7. desem-
ber og í Portúgal tveimur dögum
seinna.
Keflvíkingar komust áfram í
fyrra í átta liða úrslitin en nú er
keppnisfyrirkomulagið breytt.
Það eru þrír fjögurra liða riðlar
og átta lið komast áfram upp úr
þeim. Tvö efstu sætin tryggja
sætið í átta liða úrslitum en þang-
að komast einnig tvö lið með best-
an árangur af þeim sem eftir
standa. ■
Sharapova og Federer
fóru með sigur af hólmi
Wimbledon-mótinu í tennis lauk um helgina á sögulegan hátt þegar Maria Sharapova varð fyrsta
rússneska konan og þriðja yngsta til að vinna mótið og Roger Federer vann annað árið í röð.
TENNIS Það urðu heldur betur
óvænt tíðindi í úrslitaleik kvenna
á opna Wimbledon-mótinu í tennis
en þá gerði rússneska ung-
lingstúlkan, Maria Sharapova, sér
lítið fyrir og lagði að velli sigur-
vegara mótsins síðustu tveggja
ára, Serenu Williams. Það kom
einnig á óvart hversu öruggur sig-
ur Sharapovu var en að sjálfsögðu
var þetta fyrsti sigur hennar á
stórmóti og einnig fyrsti úrslita-
leikurinn. Sigurinn er að því leyti
sögulegur að Sharapova er fyrsti
Rússinn til að vinna sigur á
Wimbledon-mótinu og hún er
þriðji yngsti sigurvegarinn í sögu
þess.
Það var hins vegar ekki að sjá
að hin sautján ára Maria Shara-
pova, væri að spila til úrslita í
fyrsta sinn á stórmóti – leikur
hennar einkenndist af yfirvegun
og öryggi. Það sama er ekki hægt
að segja um hinn margreynda
andstæðing hennar, Serenu Willi-
ams, sem hefur sex sinnum sigrað
á stórmóti og gat fagnað sigri á
Wimbledon þriðja árið í
röð.ÝLokatölur í tveimur settum
voru 6-1 og 6-4 og hinn ungi sigur-
vegari, Sharapova, mátti vart
mæla eftir leikinn og þau voru ófá
tárin sem hrundu niður vanga
hennar: „Þetta er ótrúlegt, ég er
algjörlega orðlaus,“ sagði Shara-
pova og var í hálfgerðri geðs-
hræringu: „Það hefur alltaf verið
draumur minn að vinna sigur hér
á Wimbledon en í sannleika sagt
þá átti ég ekki von á að það gerð-
ist á þessu ári.“
Í karlaflokki áttust við í úr-
slitaleiknum þeir Roger Federer,
frá Sviss og Andy Roddick, frá
Bandaríkjunum. Svo fór að Sviss-
lendingurinn hafði betur í fjórum
settum, 4-6, 7-5, 7-6 og 6-4.
Þetta er annað árið í röð sem
Federer sigrar á mótinu en í fyrra
lagði hann Ástralann Mark Phil-
ippoussis að velli í úrslitaleik.
Með sigrinum sýndi Federer með
óyggjandi hætti að hann er besti
tennisleikarinn í heiminum í dag.
Þó er óhætt að segja að Roddick
hafi látið Federer hafa vel fyrir
sigrinum og undir það tók Feder-
er: „Hann spilaði af miklum krafti
og ég verð að viðurkenna að spila-
mennska hans kom mér nokkuð á
óvart í byrjun. Ég náði þó að halda
dampi og smám saman náði ég
betri tökum á leiknum og það er
alveg yndislegt að ná að verja tit-
ilinn,“ sagði Federer.
Andy Roddick tók tapinu af
karlmennsku: „Ég gaf allt sem ég
átti í leikinn en það var einfald-
lega ekki nóg. Roger er frábær
meistari og vonandi eigum við
eftir að mætast oft í úrslitaleikj-
um á komandi árum,“ sagði Rodd-
ick. ■
JÜRGEN KLINSMANN
Sést hér ásamt portúgölsku goðsögninni,
Eusebio.
Jürgen Klinsmann:
Vill útlendan
þjálfara
FÓTBOLTI Þýski landsliðsmaðurinn
fyrrverandi, Jürgen Klinsmann,
er á því að Þjóðverjar eigi að
íhuga þann möguleika að leita út
fyrir landsteinana þegar kemur
að því að ráða nýjan landsliðs-
þjálfara: „Það yrði ekkert vanda-
mál – við verðum að velja besta
mögulega þjálfarann. Það yrði
nýtt skref fyrir Þjóðverja og
mögulega fengjum við nýja sýn á
þýska fótboltann. Við þurfum að
gera eitthvað til að leysa okkar
vandamál,“ sagði Klinsmann sem
á sínum ferli með landsliðinu
skoraði 47 mörk í 108 landsleikj-
um og varð meðal annars Heims-
meistari árið 1990 og Evrópu-
meistari 1996. ■
Sunna Gestsdóttir:
Íslandsmet í
100 metra
hlaupi
FRJÁLSAR ÍÞRÓTTIR Sunna Gestsdótt-
ir úr UMSS setti glæsilegt Ís-
landsmet í 100m hlaupi í undan-
rásum á móti í Gautaborg í gær
þegar hún hljóp á 11,76 sekúndum
þrátt fyrir að hlaupa í mótvindi og
rigningu sem gerir afrek hennar
enn glæsilegra.
Gamla metið var 19 ára gamalt en
það átti Svanhildur Kristjónsdótt-
ir, sem hljóp 100 metrana á 11,79
sekúndum árið 1985. Sunna stökk
einnig 6,15 metra í langstökki en
hún á einnig Íslandsmetið í þeirra
grein frá því að hún stökk 6,30
metra á síðastliðnu ári.
Sunna er við það met orðin fljót-
asta íslenska konan frá upphafi. ■
EM Í FÓTBOLTA





    

   !" #$%&  !"   '"

   !(  " )"  # * *"$

 !" $$++ "   ! KEFLVÍKINGAR AFTUR Í EVRÓPU-
KEPPNINNI
Keflavík tekur annað árið í röð þátt í bikar-
keppni Evrópu í körfubolta.
LEIKIR KEFLAVÍKUR Í EVRÓPU-
KEPPNINNI:
Keflavík-Reims 3. nóv.
Keflavík-Madeira 10. nóv.
Keflavík-Bakken 18. nóv.
Reims-Keflavík 23. nóv.
Bakken-Keflavík 7. des.
Madeira-Keflavík 9.des
KOMU, SÁU OG SIGRUÐU
Maria Sharapova fagnar hér að ofan óvæntum og glæsilegum sigri á Wimbledon-mótinu í
tennis en til hliðar sést Svisslendingurinn Roger Federer fagna sínum öðrum Wimbledon-
titli í röð eftir sigur á Bandaríkjamanninum Andy Roddick.