Fréttablaðið - 05.07.2004, Blaðsíða 54

22 5. júlí 2004 MÁNUDAGUR
Franski kappaksturinn fór fram um helgina:
Það var Schumacher!
FORMÚLA 1 Þýski ökuþórinn Mich-
ael Schumacher vann enn einn
sigurinn í Formúlu 1 kappakstrin-
um um helgina en þá var franski
kappaksturinn á dagskrá.
Þetta var fjórði sigur
Schumachers í röð og sá níundi í
síðustu tíu keppnum.
Spánverjinn Fernando Alonso,
sem ekur fyrir Renault, kom ann-
ar í mark eftir að hafa verið í for-
ystu nánast hálfa keppnina, en
hann hóf keppni á ráspól. Rubens
Barrichello stakk sér síðan í þrið-
ja sætið á síðasta hring, reyndar í
næstsíðustu beygjunni, með því
að fara fram úr Renault ökuþórn-
um, Jarno Trulli.
Sigur Schumachers nú var
hans sjöundi í franska kappakstr-
inum á ferlinum en hann hefur nú
unnið 79 sigra í það heila.
Yfirburðir Schumachers í ár
eru að verða einn allsherjar
brandari og víst er að áhuginn á
Formúla 1 kappakstrinum er ekki
að aukast - því miður.
„Þetta gekk alveg fullkomlega
upp hjá okkur í dag. Áætlun okkar
gekk eftir og starfsmennirnir
stóðu sig ótrúlega vel í viðgerðar-
hléunum og lögðu í raun algjör-
lega grunninn að sigrinum,“ sagði
yfirburðarmaðurinn Michael
Schumacher eftir sigur númer 79.
Í keppni ökuþóra er
Schumacher með 90 stig en næst-
ur kemur félagi hans hjá Ferrari,
Brasilíumaðurinn Rubens
Barrichello, með 68. Í keppni bíla-
smiða er spennan svipuð og hjá
ökumönnunum – Ferrari er með
158 stig en Renault-liðið kemur
næst með 79.
Grískur gleðileikur á
sviðinu í Lissabon
Ótrúleg velgengnisaga Grikkja á EM í Portúgal náði hámarki í gærkvöld þegar liðið lagði Portú-
gala að velli í úrslitaleik.
EM Í FÓTBOLTA Grikkir eru Evrópu-
meistarar í knattspyrnu. Þeir
unnu sanngjarnan og verðskuld-
aðan sigur á Portúgölum, 1-0, í
Lissabon í gærkvöld.
Þar með er lokið óvæntustu
velgengnissögu í knattspyrnunni
frá upphafi hennar. Enginn átti
von á þessu, enginn. Ekki einu
sinni allra bjartsýnustu fylgis-
menn gríska liðsins og fyrir mót
var nánast gengið að því vísu að
liðið myndi tapa öllum leikjunum í
riðlakeppninni. Í veðbönkum voru
möguleikar Grikkja á Evrópu-
meistaratitlinum taldir 80/1 – sá
sem veðjaði á sigur Grikkja fékk
það því áttatíufalt til baka. En að
leiknum sjálfum.
Eins og svo oft áður í úrslita-
leikjum stórmóta var þessi leikur
bragðdaufur og tilþrifalítill. Fyrri
hálfleikur var ekki sérlega mikið
fyrir augað í það heila og þróaðist
í raun eins og flestir áttu von á
fyrirfram – Grikkir vörðust fim-
lega og skutust síðan fram á við
þegar færi gafst.
Reyndar fór leikurinn ágæt-
lega af stað og Grikkirnir þá ekk-
ert síður sókndjarfir. Þeir áttu
fallega sókn á 16. mínútu, spiluðu
sig nánast í gegnum vörn Portú-
gala en markvörður þeirra, Ric-
ardo, var vel á verði.
Smám saman fór síðan leikur-
inn í það far sem flestir áttu von á
og fátt markvert gerðist það sem
eftir lifði hálfleiksins. Grikkirnir
lokuðu vel á sóknarlotur Portú-
gala sem fundu einfaldlega ekki
taktinn – eða öllu heldur –
Grikkirnir sviptu þá taktinum.
Framan af síðari hálfleik gerð-
ist ekki mikið og í raun var alveg
óbreytt ástand frá fyrri hálfleikn-
um. Það dró síðan til tíðinda eftir
tólf mínútna leik í síðari hálfleik
en þá skoruðu Grikkir og þar var
að verki Angelos Charisteas með
skalla eftir hornspyrnu frá Ang-
elos Basinas. Markið skrifast að
miklu leyti á markvörðinn Ric-
ardo sem átti skelfilegt úthlaup.
Hornspyrnan var sú fyrsta sem
Grikkir fengu í leiknum og enn og
aftur sýndu þeir hversu nýtnir
þeir eru.
Eftir markið reyndu Portúgal-
ar allt hvað þeir gátu til þess að ná
upp sterkri sóknarpressu en það
gekk frekar brösuglega.
Eftir því sem nær dró leikslok-
um fór örvæntingin síðan að gera
vart við sig og færin voru fá. Tvö
helstu voru, að Maniche átti
lúmskt skot á 81. mínútu en gríski
markvörðurinn Antonios Niko-
politis var virkilega vel á verði.
Níu mínútum síðar átti Luis Figo
skot rétt framhjá gríska markinu
og það var síðasta færi leiksins.
Það eru því Grikkir sem eru
Evrópumeistarar og það verður
að segjast eins og er að það er
fyllilega sanngjarnt. Lið sem sigr-
ar Portúgala tvisvar í Portúgal og
leggur síðan Frakka og Tékka að
velli er verðskuldaður sigurveg-
ari.
Þjóðverjinn Otto Rehhagel hef-
ur gert kraftaverk fyrir gríska
knattspyrnu og náð að hnoða sam-
an ótrúlega sterkri liðsheild þar
sem varnarleikur hefur nánast
verið gerður að listformi. Otto
þessi var oftlega nefndur Otto II
þegar hann var við stjórnvölinn
hjá Werder Bremen því liðið varð
svo oft í öðru sæti þýsku úrvals-
deildarinnar. Sá ís er löngu brot-
inn og sigrarnir orðnir fjölmargir
en þessi er án efa sá stærsti og
auðvitað sá óvæntasti. Otto I hafði
þetta að segja eftir sigurinn sann-
gjarna:
„Þetta er sögulegur sigur. Þetta
er stórkostlegt. Þetta er óvenju-
legt afrek fyrir grískan fótbolta
og sérstaklega fyrir evrópskan
fótbolta. Mitt lið spilaði stórkost-
legan fótbolta og við nýttum
möguleika okkar mjög vel í allri
keppninni.“
„Við biðjum Portúgala að fyrir-
gefa okkur þetta tap,“sagði þjálf-
ari Portúgala, Luiz Felipe Scolari,
eftir leik og bætti þessu við: „Við
vorum ekki þess megnugir að
skora mark í leiknum og því fór
sem fór og þetta tap er ótrúlega
sárt. Þeir unnu á varnarleiknum.
Þeir unnu því að þeir kunna að
spila varnarleik.“ Orð að sönnu.
sms@frettabladid.is
15 STIG GEGN KÍNA
Jón Arnór Stefánsson er að standa sig vel
með Dallas.
Leikir Dallas og kínverska
landsliðsins:
Jón Arnór
með 15 stig í
sigri Dallas
KÖRFUBOLTI Jón Arnór Stefánsson
skoraði 15 stig í öðrum æfingaleik
Dallas Mavericks við kínverska
landsliðið í fyrrinótt. Dallas vann
leikinn örugglega, 97-85, og bætti
fyrir tap tveimur dögum fyrr. Lið-
in spiluðu síðan í þriðja og síðasta
sinn í nótt.
Jón Arnór varð fjórði stiga-
hæsti leikmaður Dallas í leiknum
en stigahæstur var nýliðinn Devin
Harris, einn af keppinautum Jóns
um sæti í liðinu. Harris, sem var
valinn fimmti í nýliðavalinu á dög-
unum, skoraði 21 stig og gaf 5
stoðsendingar og spilaði mun bet-
ur en í fyrsta leiknum.
Það munaði reyndar miklu fyrir
Kína að liðið lék án miðherja síns
og leikmanni Houston, Yao Ming,
sem leiddi liðið í stigum (22), frá-
köstum (11) og stoðsendingum (4) í
fyrsta leiknum sem Kína vann. Jón
Arnór var með átta stig í þeim leik
og er greinilega að sýna sig og
sanna í þessum leikjum.
Það er mikilvægt því þrátt fyrir
brotthvarf Steve Nash til Phoenix
þá er Dallas búið að gera sex ára
samning við bakvörðinn Marquis
Daniels og nú er Harris farinn að
sýna tilþrif í stöðu Jóns Arnórs. ■
ÈM Í FÓTBOLTA
MARKAHÆSTU MENN Á EM
Milan Baros, Tékklandi 5
Wayne Rooney, Englandi 4
Ruud Van Nistelrooy, Hollandi 4
Frank Lampard, Englandi 3
Henrik Larsson, Svíþjóð 3
Jon Dahl Tomasson, Danmörku 3
Zinedine Zidane, Frakklandi 3
Antonio Cassano, Ítalíu 2
Angelos Charisteas, Grikklandi 2
Marek Heinz, Tékklandi 2
Thierry Henry, Frakklandi 2
Zlatan Ibrahimovic, Svíþjóð 2
Jan Koller, Tékklandi 2
Maniche, Portúgal 2
Cristiano Ronaldo, Portúgal 2
Rui Costa, Portúgal 2
MILAN BAROS
Markahæstur á EM.
ÓSIGRANDI
Michael Schumacher fagnaði enn einum sigrinum um helgina, þeim 79. á ferlinum.
HVER HEFÐI TRÚAÐ ÞESSU?
Grikkir fagna verðskulduðum sigri á Portúgölum í úrslitaleik EM. Varnarleikur þeirra í keppninni var ekkert annað en snilldin tær.