Fréttablaðið - 06.07.2004, Blaðsíða 22

6. júlí 2004 ÞRIÐJUDAGUR
Wayne Rooney vill hafa David Beckham áfram sem
fyrirliði enska landsliðsins í knattspyrnu:
Becks er góður fyrirliði
FÓTBOLTI Wayne Rooney, helsta
vonarstjarna enska landsliðs-
ins í knattspyrnu, ver David
Beckham og segist vilja sjá
hann áfram sem fyrirliða
landsliðsins á næstu árum.
Beckham hefur legið undir
nokkru ámæli eftir EM í Portú-
gal og nú finnst Rooney nóg
komið af skömmum:
„Becks er mjög góður fyrir-
liði. Hann veit svo sannarlega
hvað hann er að gera og á
skilið að vera fyrirliði enska
landsliðsins áfram. Ég hef lært
gríðarlega mikið af því að um-
gangast leikmenn eins og
David Beckham og Michael
Owen,“ sagði Rooney.
Gríðarlegar umræður eru
um framtíð Rooneys og það
nýjasta er að Manchester
United hefur dregið sig út úr
kapphlaupinu um hann.
Líklegast er talið að risaboð
frá Chelsea berist á næstunni –
tilboð sem Everton getur
einfaldlega ekki hafnað. ■
Gríska sálin
er stærsta
guðsgjöfin
Fyrirliði Evrópumeistaranna, Þeóðoros
Zagorakis, var valinn besti leikmaður EM.
EM Í FÓTBOLTA Fyrirliði grísku
Evrópumeistaranna, Þeóðoros
Zagorakis, var valinn besti leikmað-
ur mótsins og er sú tilnefning
punkturinn yfir i-ið á hinu ótrúlega
gríska ævintýri sem við höfum orð-
ið vitni að undanfarnar þrjár vikur.
Þessi 32 ára leikmaður AEK í
Aþenu er holdgervingur gríska liðs-
ins – vinnusamur miðjumaður sem
lætur ekkert hafa áhrif á leik sinn,
gerir það sem fyrir hann er lagt og
efast ekki um ákvarðanatöku
þjálfarans.
Zagorakis var valinn besti mað-
ur vallarins í fyrsta leik mótsins og
einnig í þeim síðasta og er það
lýsandi dæmi um árangur Grikkj-
anna á EM – þeir opnuðu mótið með
stæl og lokuðu því með stæl. Árang-
ur þeirra var síður en svo tilviljun –
margir héldu að fyrri sigurinn á
Portúgölum hefði verið tilviljun ein,
bóla sem myndi springa í næsta leik
– en hafi þetta verið bóla þá var hún
úr stáli.
Zagorakis var um tíma hjá enska
liðinu Leicester City en saga hans
þar er ekki mörkuð af sigrum né
frægð, frekar en grísk knattspyrnu-
saga fram til þessa dags. Á tveimur
og hálfu ári í Leicester-borg var
Zagorakis aðeins 45 sinnum í byrj-
unarliðinu og fékk að fara á frjálsri
sölu sumarið 2000 til AEK þar sem
hann er enn.
Hugur minn tómur
Hann átti afar erfitt með að tjá
sig um tilfinninguna sem fylgdi því
að taka á móti bikarnum í leikslok:
„Hugur minn var algerlega tómur,
það eina sem ég vildi gera var að
hefja bikarinn á loft. Í raun á ég
engin orð til að lýsa því hvernig mér
líður núna – þetta er ólýsanleg til-
finning.“
Zagorakis verður tíðrætt um sál-
ina í gríska liðinu: „Við höfum sann-
að enn og aftur að gríska sálin er, og
verður alltaf, aðalstyrkur okkar.
Hún er stórkostlegasta gjöfin sem
Guð hefur nokkurn tímann gefið
okkur.“
Fyrir EM í Portúgal höfðu Grikk-
ir ekki unnið leik á stórmóti. Reynd-
ar höfðu þeir aðeins tekið þátt
tvívegis – EM 1980 og HM 1994.
„Bara það að komast í loka-
keppnina var mikið afrek hjá okk-
ur,“ sagði Zagorakis en Grikkir
þóttu einnig koma mjög á óvart í
undankeppninni. Þeir stóðu sig frá-
bærlega þar, urðu að lokum efstir í
sínum riðli og skutu sterkum knatt-
spyrnuþjóðum eins og Spánverjum
og Úkraínumönnu ref fyrir rass.
„Þrátt fyrir góðan árangur okkar
í undankeppninni bjóst enginn við
þessum árangri í lokakeppninni.
Það sem við afrekuðum síðan hér í
Portúgal er auðvitað ekki búið að
vera neitt annað en eitt allsherj-
arævintýri sem mikil forréttindi
hafa verið að taka þátt í.“
Zagorakis sagði fögnuðinn í
búningsklefanum eftir leikinn
hafa verið rosalegan: „Þú getur
ekki ímyndað þér hvað gekk á, öll
þessi gleði umlykjandi, allur þessi
fögnuður. En að sjálfsögðu til-
einkum við þennan sigur öllum
Grikkjum hvar sem þeir eru í
heiminum. Ég held að við höfum
gefið fólkinu eitthvað meira en
bara gleði. Við höfum gefið þeim
mikið stolt – stolt sem það getur
borið með sér ævina á enda,“ sagði
fyrirliði grísku Evrópumeistar-
anna og besti leikmaður EM í
Portúgal, Þeóðoros Zagorakis. ■
HVAÐ? HVENÆR? HVAR?
3 4 5 6 7 8 9
Þriðjudagur
JÚLÍ
flugfelag.is
EGILSSTAÐA
6.100 kr.
Flug aðra leiðina.
Bara á www.flugfelag.is
Takmarkað sætaframboð
á völdum brottfarartímum.
Milli Reykjavíkur og
ÍSAFJARÐAR
5.000kr.
Flug aðra leiðina.
Bara á www.flugfelag.is
Takmarkað sætaframboð
á völdum brottfarartímum.
Milli Reykjavíkur og
AKUREYRAR
5.000 kr.
Flug aðra leiðina.
Bara á www.flugfelag.is
Takmarkað sætaframboð
á völdum brottfarartímum.
Milli Reykjavíkur og
flugfelag.is
7. - 13. júlí
GRÍMSEYJAR
3.600 kr.
Flug aðra leiðina.
Bara á www.flugfelag.is
Takmarkað sætaframboð
á völdum brottfarartímum.
Milli Akureyrar og
Börn, 2ja–12 ára, í fylgd með fullorðnum,
greiða 1.833 kr. aðra leiðina.
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
F
LU
2
52
37

07
/2
00
4
VOPNAFJARÐAR/
ÞÓRSHAFNAR
3.600
Flug aðra leiðina.
Bara á www.flugfelag.is
Takmarkað sætaframboð
á völdum brottfarartímum.
Milli Akureyrar og
LEIKIR
 20.00 FH og KR mætast á
Kaplakrikavelli í Landsbankadeild
karla í knattspyrnu.
 20.00 Fjölnir og FH mætast á
Fjölnisvelli í Landsbankadeild
kvenna í knattspyrnu.
 20.00 Stjarnan og Breiðablik
mætast á Stjörnuvelli í
Landsbankadeild kvenna í
knattspyrnu.
SJÓNVARP
 13.50 Trans World Sport á Stöð 2.
 18.05 Motorworld á Sýn. Kraftmikill
þáttur um allt það nýjasta í heimi
akstursíþrótta.
 18.35 Gillette-sportpakkinn á Sýn.
 19.05 Trans World Sport á Sýn.
 19.45 Íslenski boltinn á Sýn. Bein
útsending frá leik FH og KR í
Landsbankadeild karla í knatt-
spyrnu.
 22.20 Suður-Ameríku bikarinn á
Sýn. Bein útsending frá leik
Venesúela og Kólumbíu.
 01.05 Suður-Ameríku bikarinn á
Sýn. Bein útsending frá leik Perú
og Bólivíu.
MÆTTUR AFTUR
Giovanni Trapattoni var ekki lengi á
atvinnuleysisskrá. Kominn til starfa
hjá Benfica.
Giovanni Trapattoni var
ekki lengi atvinnulaus:
Ráðinn til
Benfica
FÓTBOLTI Giovanni Trapattoni hefur
verið ráðinn þjálfari portúgalska
liðsins Benfica aðeins níu dögum
eftir að hann missti stöðu sína sem
landsliðsþjálfari Ítala. Marcello
Lippi, fyrrum þjálfari Juventus, tók
við stjórn ítalska landsliðsins af
Trapattoni.
Hjá Benfica tekur Trapattoni
hins vegar við af Jose Antonio
Camacho, sem mun taka við stjórn-
artaumunum hjá Real Madrid.
Benfica hafnaði í öðru sæti
portúgölsku deildarinnar á síðustu
leiktíð en vann hins vegar bikar-
keppnina – fyrsti bikar félagsins í
heil átta ár.
Trapattoni hefur víða komið við
á löngum og glæsilegum ferli. Hann
hefur meðal annars verið við stjórn-
völinn hjá stórliðum eins og Juvent-
us, Inter Milan og Bayern München
og hefur hampað tuttugu stórum
titlum.
Trapattoni var harðlega gagn-
rýndur af ítölskum fjölmiðlum eftir
EM í Portúgal þar sem liðið komst
ekki áfram úr sínum riðli. ■
WAYNE ROONEY
Enska undrabarnið styður David Beckham
og segir hann eiga skilið að vera áfram
fyrirliði enska landsliðsins í knattspyrnu.
ÞEÓÐOROS ZAGORAKIS
Fyrirliði grísku Evrópumeistaranna. Sést
hér með bikarinn eftirsótta. Var valinn
besti leikmaður EM í Portúgal.