Fréttablaðið - 07.07.2004, Blaðsíða 2

2 7. júlí 2004 MIÐVIKUDAGUR
Stefna í skipulagsmálum gagnrýnd:
R-listinn í ferð án fyrirheits
SAMGÖNGUR Ólafur F. Magnússon,
fulltrúi frjálslyndra í borgar-
stjórn, gagnrýnir skipulagsyfir-
völd Reykjavíkurborgar fyrir að
ráðast í færslu Hringbrautar án
þess að skipuleggja fyrst aðliggj-
andi svæði. Kallar hann skipu-
lagsvinnu borgaryfirvalda ferð án
fyrirheits þar sem verið sé að
gera hlutina í vitlausri röð.
Ólafur tekur undir gagnrýnis-
raddir átakshóps Höfuðborgar-
samtakanna og Samtaka um betri
byggð sem hafa gagnrýnt borgar-
yfirvöld fyrir skammsýni í skipu-
lagsmálum. Þá er hópurinn ósátt-
ur við meðferð borgaryfirvalda á
tillögum hópsins, sem meðal ann-
ars ganga út á að grafa opinn
stokk fyrir Hringbraut þannig að
framtíðarbyggingarlandi verði
ekki fórnað.
Borgarfulltrúar Sjálfstæðis-
flokksins telja fulla ástæðu til
þess að kanna betur hugmyndir
átakshópsins í ljósi athugasemda
sem hópurinn gerði við afgreiðslu
tillagnanna hjá borginni.
„Við viljum gæta alls sann-
mælis,“ segir Guðrún Ebba Ólafs-
dóttir borgarfulltrúi. „Til þess að
við séum ekki að loka neinum dyr-
um er mjög mikilvægt að skoða
þetta aftur miðað við hugmyndir
þeirra og athugasemdir og leita
jafnvel til hlutlauss þriðja aðila.“
Fulltrúar R-listans hafna gagn-
rýni sjálfstæðismanna og Ólafs F.
Magnússonar. „Það er svolítið
seint í rassinn gripið þegar búið
er að fara í gegnum allt skipulags-
ferlið að ætla að koma og umturna
öllu,“ segir Alfreð Þorsteinsson,
formaður borgarráðs. „Það eru
vinnubrögð sem tíðkast ekki og
ganga aldrei upp.“
Að sögn Alfreðs var tekið tillit
til allra sjónarmiða sem fram
komu á réttum tíma. Nú sé fram-
kvæmdin hins vegar hafin og því
erfitt að hafa áhrif á hana. ■
Banaslys í Skutulsfirði:
Níu ára
stúlka lést
BANASLYS Níu ára stúlka lést þegar
hún hrapaði í fjallshlíð í Kubban-
um fyrir botni Skutulsfjarðar á
þriðja tímanum í gærdag. Hún
var þar að leik með vini sínum.
Lögreglunni á Ísafirði barst
tilkynning frá Neyðarlínunni
laust fyrir klukkan þrjú og fór
strax á staðinn og kallaði til
sjúkralið. Lögreglan og læknir
komu á vettvang klukkan þrjú og
var stúlkan þá úrskurðuð látin.
Samkvæmt upplýsingum frá
lögreglunni á Ísafirði eru aðstæð-
ur þarna varasamar þar sem
fjallshlíðin er brött með lausu
grjóti og klettar þar hættulegir
yfirferðar. Ekki er hægt að birta
nafn stúlkunnar að svo stöddu. ■
„Jú, ég held að það sé best svo ég fari
nú ekki að líta út eins og góðvinur
minn Einar Bárðarson.”
Þorkell Máni Pétursson er þjálfari sigursæls liðs
fjórða flokks kvenna Vals í knattspyrnu. Hann
kvartar yfir því að hann hafi fitnað og fitnað á
meðan stelpurnar hans sigra og sigra. Þorkell
Máni er einnig umboðsmaður hljómsveitarinnar
Mínuss.
SPURNING DAGSINS
Þorkell Máni, þarftu ekki bara að fá
stelpurnar til að þjálfa þig?
Varnarliðið í Keflavík:
Óþolandi
óvissa
VARNARMÁL „Það er óþolandi staða að
starfa við þessa óvissu. Það þarf að
leggja grundvallar-
línur fyrir starf-
semina og hversu
margir starfi við
völlinn,“ segir Árni
Sigfússon, bæjar-
stjóri í Reykjanes-
bæ, um fund
Davíðs og Bush.
Hann segir þó
ekki hægt að ætl-
ast til þess að end-
anleg lausn feng-
ist á þrjátíu mín-
útna fund og telur
enn fremur ekki óeðlilegt að tekj-
ur af alþjóðaflugi á Keflavíkur-
velli sé varið í auknum mæli til að
standa straum af kostnaði við
rekstur vallarins. Þá fagnar hann
stuðningi yfirvalda í málinu.
Árni ætlar „að eftir fund for-
sætisráðherrans og Bandaríkja-
forseta hljóta menn að setja í
gírinn“. ■
UNDIRSKRIFTIR AFHENTAR
Dóra Pálsdóttir, einn meðlima átakshóps
Höfuðborgarsamtaka og Samtaka um betri
byggð, afhenti borgarstjóra 1.500 undir-
skriftir þeirra sem vilja að kosið verði
um færslu Hringbrautar.
FJÖLMIÐLALÖG Íslenska ríkið verð-
ur að öllum líkindum bótaskylt
gagnvart starfandi fyrirtækjum á
ljósvakamarkaði verði nýtt frum-
varp ríkisstjórnarinnar um eign-
arhald á fjölmiðlum að lögum.
Þetta kom fram í máli Bjarna
Benediktssonar, þingmanns Sjálf-
stæðisflokksins, á fundi sem
Vörður, fulltrúaráð sjálfstæðis-
félaganna í Reykjavík, hélt í gær.
Ástæðan fyrir bótaskyldu er sú
að í nýju lögunum mun útvarps-
réttarnefnd geta afturkallað út-
varpsleyfi þegar lögin taka gildi
2007. Í fjölmiðlalögunum sem
samþykkt voru frá Alþingi í vor og
forseti synjaði staðfestingar var
útvarpsleyfum leyft að renna út.
„Í gagnrýni á þessi nýju lög
hefur verið bent á að þetta
ákvæði sé mikil þrenging á rétt-
indum starfandi ljósvakamiðla.
Má það hugsanlega til sanns veg-
ar færa,“ sagði Bjarni. Benti hann
á að í nefndaráliti allsherjar-
nefndar, sem hann fer með for-
mennsku fyrir, hafi verið gerð at-
hugasemd við sams konar ákvæði
sem voru í lögunum fyrir síðustu
breytingar á þeim. Hugsanlegt sé
að nýju lögin brjóti í bága við 72.
grein stjórnarskrárinnar er varð-
ar eignarrétt. „Það þýðir þó ekki
að lögin sem slík brjóti í bága við
stjórnarskrána,“ sagði Bjarni.
Geir H. Haarde fjármálaráð-
herra sagði meðal annars á fund-
inum að með nýju gildistöku-
ákvæði geti forseti Íslands ekki
notað sömu rök og áður ef hann
synjaði þeim staðfestingar.
Spurningar um fyrirkomulag
þjóðaratkvæðagreiðslu myndu
vakna að nýju og væri forsetinn
þá „kominn enn dýpra í stjórn-
máladeilur samtímans,“ að því er
Geir sagði. ■
Sjálfstæðismenn funda um ný fjölmiðlalög:
Íslenska ríkið líklega bótaskylt
FRÁ FUNDI FULLTRÚARÁÐS SJÁLFSTÆÐISFÉLAGANNA Í REYKJAVÍK Í GÆR
Bjarni Benediktsson, þingmaður Sjálfstæðisflokksins, sagði að líklega yrði íslenska ríkið
bótaskylt gagnvart starfandi fyrirtækjum á ljósvakamarkaði
ef nýja fjölmiðlafrumvarpið yrði að lögum.
Tilkynningarskyldan:
Viðbragðs-
tími styttur
SJÓÖRYGGI Tilkynningarskyldan
hefur stytt viðbragðstíma um
helming gefi sjálfvirki tilkynn-
ingabúnaður í bátum ekki frá sér
merki.
Árni Sigurbjörnsson, yfirvarð-
stjóri Tilkynningarskyldunnar,
segir að tíminn hafi áður verið 15
mínútur, en þetta sé til reynslu.
Með breytingunni fái þeir aukinn
tíma til eftirgrennslan.
Tilkynningaskyldan hafði sam-
band við um 30 báta í gær sem
ekki höfðu gefið upp staðsetningu
með sjálfvirka tilkynningar-
búnaðinum. ■
Elbaradei heimsækir Ísrael:
Á engan
töfrasprota
TEL AVIV, AP Mohamed Elbaradei,
framkvæmdastjóri Alþjóða-
kjarnorkumálastofnunarinnar,
kom til Ísraels í gær. Elbaradei
var ekki bjartsýnn við komuna
til landsins og sagðist engan
töfrasprota eiga til þess að hafa
áhrif á þá stefnu Ísraelsmanna
að viðurkenna ekki að eiga
kjarnorkuvopn.
Colin Powell, utanríkisráð-
herra Bandaríkjanna, neitaði í
gær að taka afstöðu til þess
hvort þvinga ætti Ísraelsmenn
til þess að opna kjarnakljúfa
sína fyrir eftirlitsmönnum. ■
ÁRNI SIGFÚS-
SON
Telur að menn
hljóti nú að
„setja í gírinn“.
Í HÖFN
Tilkynningarskyldan hefur nú rúmlega sjö
viðbótarmínútur til eftirgrennslan.
SVALBARÐI Íslensk stjórnvöld af-
hentu norska sendiráðinu formleg
mótmæli á reglugerð um síldveiðar
á Svalbarðasvæðinu í gær. Norsk
stjórnvöld settu reglugerðina 14.
júní. Þar er þeim fimm ríkjum sem
eiga ásamt Noregi aðild að
stofnsáttmála Svalbarða veitt leyfi
til að veiða samtals 80 þúsund tonn
á afmörkuðum hluta svæðisins.
Þjóðréttarfræðingur utanríkisráðu-
neytisins segir framhaldið undir
norskum stjórnvöldum komið.
Tómas H. Heiðar, þjóðréttar-
fræðingur hjá utanríkisráðuneyt-
inu, segir mótmælin vera byggð á
tveimur forsendum. „Í fyrsta lagi
er þessi reglugerð ekki byggð á
samningnum um Svalbarða, sem að
mati íslenskra stjórnvalda er eini
lagalegi grundvöllur fullveldisrétt-
inda Noregs á hafsvæðum Sval-
barða. Við lítum svo á að reglugerð-
in eigi sér enga stoð og feli í sér brot
á hafréttarsamningi Sameinuðu
þjóðanna.“ Tómas segir að af því
leiði að Ísland sé óbundið að reglu-
gerðinni. „Síðan kemur efnisleg
hlið reglugerðarinnar; þá lítum við
svo á að þær takmarkanir á veiði-
heimildum, þ.e.a.s. 80 þúsunda þak
og afmörkun á þeim svæðum sem
veiða má á, fari í bága við Sval-
barðasamninginn, fáist ekki staðist
enda eru þær ekki byggðar á vís-
indalegum grunni.“
Tómas segir svo virðast sem
norskum stjórnvöldum sé ljóst að
þeir brjóti á jafnræðissamningnum.
„Hingað til hafa norsk stjórnvöld
gert það að skilyrði fyrir því að skip
fái veiðiheimildir á Svalbarðasvæð-
inu að þau séu jafnframt með kvóta
í eiginlegri norskri lögsögu. Við
höfum litið svo á að það sé augljóst
brot á jafnræðisreglu Svalbarða-
samningsins að fara með Sval-
barðasvæðið eins og hvert annað
norkst svæði. Það er útlit fyrir að
þeim hafi loksins orðið það ljóst að
þetta væri brot á jafnræðissamn-
ingnum því þeir setja þetta ekki
lengur sem skilyrði,“ segir Tómas.
gag@frettabladid.is
Stjórnvöld í hart
við Norðmenn
Norskum yfirvöldum ljóst að þau brjóta stofnsamning Svalbarðasvæðis. Íslensk
stjórnvöld hafa mótmælt yfirgangi Norðmanna á svæðinu með formlegum hætti.
Þjóðréttarfræðingur utanríkisráðuneytisins segir norsk stjórnvöld eiga næsta leik.
FERÐAMANNI KOMIÐ TIL HJÁLP-
AR Lögreglan og björgunar-
sveitir á Patreksfirði voru kall-
aðar út á sjöunda tímanum í
gærkvöldi þegar Neyðarlín-
unni barst tilkynning um að
þýsk kona hafi meiðst skammt
frá vitanum við Látrabjarg.
Konan, sem var á ferðalagi
ásamt félögum sínum, fannst
um áttaleytið í gærkvöldi og
reyndist hafa snúið á sér
ökklann og var henni komið til
læknis.
■ LÖGREGLUFRÉTTIR
MÓTMÆLA SÍLDARKVÓTA
Íslensk stjórnvöld sætta sig ekki við norska reglugerð sem veitir þeim ásamt Færeyjum,
Bretlandi og Evrópusambandsríkjunum 80 þúsund tonna síldarkvóta í lögsögu Svalbarða.