Fréttablaðið - 07.07.2004, Blaðsíða 4
4 7. júlí 2004 MIÐVIKUDAGUR
KB banki:
Eykur hlutafé til að fjármagna kaup
VIÐSKIPTI KB banki stendur fyrir
einhverju stærsta hlutafjárútboði
Íslandssögunnar til þess að fjár-
magna kaupin á danska bankan-
um HIB. Hluthafafundur sam-
þykkti í gær heimild til útboðs á
110 milljón nýjum hlutum og á
fundi stjórnar var ákveðið að verð
hlutanna yrði 360 krónur. Þetta
þýðir að til stendur að safna um
fjörutíu milljörðum króna í nýju
hlutafé.
Núverandi hlutafjáreigendur
hafa forkaupsrétt frá 21. júlí á
nýju hlutina og geta keypt í sama
hlutfalli og eign þeirra nemur til
4. ágúst. Ef einhverjir neyta ekki
forgangsréttar síns, eða fram-
selja hann, flyst rétturinn til
kaupanna yfir á aðra hluthafa.
Verðið á nýju hlutunum er því
tæplega þrettán prósentum lægra
en lokagengi bréfa í KB banka við
lok viðskipta í gær en það var 412
krónur. Gengi bréfanna lækkaði
um 6,5 prósent í gær eftir að
hlutafjáraukningin var tilkynnt.
Stjórn KB banka hefur einnig
fengið heimild til þess að auka
hlutféð um 1,1 milljarða að nafn-
virði til viðbótar og selja þá hluti
til annarra heldur en núverandi
hluthafa. Ákveðið hefur verið að
óska eftir ráðgjöf þýski bankans
Deutsche Bank við hugsanlega
framkvæmd á þessari heimild. ■
Klæðning nýs náttúru-
fræðahúss að skemmast
Hönnunargalli veldur því að tæring myndast í klæðningu nýs náttúru-
fræðahúss Háskóla Íslands. Húsið var formlega tekið í notkun í apríl
og kostaði bygging þess um 2,2 milljarða.
BYGGINGAR Klæðning nýs náttúru-
fræðahúss Háskóla Íslands,
Öskju, er að gefa sig samkvæmt
heimildum Fréttablaðsins. Askja
var formlega tekin í notkun í
apríl síðastliðnum en bygging
hússins hófst árið 1997.
Samkvæmt heimildum blaðs-
ins veldur hönnunargalli því að
klæðningin sem þekur húsið að
utan er að tærast upp. Ryðfríir
naglar hafi verið settir í klæðn-
inguna og það valdi spennusviði
sem hafi tæringu í för með sér.
Ekki mun vera hægt að stöðva
eyðilegginguna samkvæmt
heimildum en jafnvel er talið er
að skipta þurfi um klæðninguna
með ærnum tilkostnaði.
Einn heimildarmanna blaðs-
ins sagði jafnframt að fagmenn
hefðu varað við tæringunni
þegar bygging hússins stóð yfir.
Ekki hafi verið orðið við athuga-
semdum þeirra.
Bygging Öskju var fjármögn-
uð með tekjum frá Happdrætti
Háskóla Íslands eins og aðrar
byggingar Háskólans. Heildar-
kostnaður við byggingu hússins
nemur 2,2 milljörðum króna
samkvæmt bráðabirgðauppgjöri
frá því í apríl. Er
þar innifalinn all-
ur kostnaður við
bygginguna, þar
með talinn sér-
hæfður búnaður
til rannsókna,
samkvæmt upp-
lýsingum frá Há-
skóla Íslands.
Askja hýsir
náttúruvísinda-
nemendur Há-
skólans auk nátt-
úruvísindastofn-
ana Háskólans.
Fjöldi nemenda
sem þar stunda
nám er á sjöunda
hundrað en kennsla vorannar
hófst í húsinu þegar 7. janúar.
„Mér hefur borist þetta til
eyrna,“ segir Brynjólfur Sig-
urðsson, formaður byggingar-
nefndar Háskóla Íslands, að-
spurður um skemmdir á klæðn-
ingu hússins. „Ef þetta er eins og
mér hefur verið tjáð verður
málið rannsakað ítarlega.“
Brynjólfur segist á þessi stigi
málsins ekki vita í hverju
skemmdirnar geti falist. „Ég er
að reyna að ná í sérfræðinga til
þess að rannsaka málið,“ segir
Brynjólfur.
Hönnuður hússins, Maggi
Jónsson arkitekt, sagðist ekki
kunnugt um málið þegar haft var
samband við hann.
helgat@frettabladid.is
Háskóli Íslands:
2.500
nýnemar
HÁSKÓLINN Afgreiðslu umsókna
um nám við Háskóla Íslands er nú
að mestu lokið og er gert ráð fyrir
að nýnemar við skólann á næsta
skólaári verði um 2.500 talsins.
Þegar hafa verið sendir út
greiðsluseðlar til 1.900 nemenda
og eru umsóknir 600 nemenda enn
í vinnslu.
Á síðasta háskólaári voru ný-
nemar um 3000 þegar þeir voru
flestir í janúar á þessu ári. Til við-
bótar við nýskrárningar hafa um
6000 nemendur verið skráðir til
náms næsta vetur en það er svip-
aður fjöldi og á síðasta skólaári. ■
Öfgasinnaðir gyðingar:
Varað við
morðum
JERÚSALEM, AP Tsahi Hanegbi, lög-
reglumálaráðherra Ísraels, varaði
við því í gær að öfgasinnaðir gyðing-
ar ætluðu sér að ráða áberandi
stjórnmálamenn og háttsetta emb-
ættismenn af dögum þegar ríkis-
stjórnin hóf að flytja landnema frá
Gazasvæðinu. Áður hafði yfirmaður
Shin Bet, öryggislögreglunnar, varað
við því að brotthvarf frá landnema-
byggðum gæti leitt til aukinnar ólgu.
Hanegbi sagði að meðal þeirra
sem öfgamenn kynnu að reyna að
myrða væru forsætisráðherrann,
aðrir ráðherrar, herforingjar og lög-
regluforingjar. Hann sagði engan
skort á öfgamönnum. ■
,,Einn
heimildar-
manna
blaðsins
sagði jafn-
framt að
fagmenn
hefðu var-
að við tær-
ingunni
þegar bygg-
ing hússins
stóð yfir.
Mun nýtt fjölmiðlafrumvarp
stuðla að sáttum?
Spurning dagsins í dag:
Eiga Íslendingar að hætta varnar-
samstarfi við Bandaríkin?
Niðurstöður gærdagsins
á visir.is
77,85%
22,15%
Nei
Já
KJÖRKASSINN
Farðu inn á visir.is og segðu þína skoðun
visir.is
Sprengjuárás:
Þrettán
létu lífið
ÍRAK, AP Þrettán manns létu lífið og
tugir særðust þegar bílasprengja
sprakk í bænum Khalis, norðaust-
ur af Bagdad. Fórnarlömb árásar-
innar voru viðstödd minningar-
athöfn um tvo einstaklinga sem
létu lífið í skotárás vígamanna á
sunnudag. Þá var ráðist á heimili
embættismanns, tveir skotnir til
bana og tveir særðir skotsárum.
Fjölmenni var við minningar-
athöfnina um mennina. Í það
minnsta 35 einstaklingar voru
fluttir á sjúkrahús svo hægt væri
að gera að sárum þeirra. ■
Opið:
mán.–fim. 9–23.30
fös. 9–00.30
lau.–sun. 10–00.30
Leigjum út VHS og DVD
myndir í tvo sólarhringa
Einnig VHS og DVD tæki
Tilvalið í sumarbústaðinn
Sunnumörk 2
(nýja verslunarmiðstöðin í Hveragerði)
HÖFUÐSTÖÐVAR KB BANKA
Gert er ráð fyrir að um fjörutíu milljarðar
safnist í hlutafjárútboði á 110 milljón nýjum
hlutum í félaginu að nafnvirði 1,1 milljarður.
ASKJA
Hafist var handa við byggingu hússins árið
1997 og var það formlega tekið í notkun
nú í apríl. Bygging hússins kostaði um 2,2
milljarða samkvæmt bráðabirgðauppgjöri.SKEMMDIR Á KLÆÐNINGU
Hönnunargalli veldur því að tæring mynd-
ast kringum nagla í klæðningu hússins.
FR
ÉT
TA
B
LA
Ð
IÐ
/E
IN
AR
Ó
LA
SO
N
Í SPRENGJUGÍG
Bílasprengjan sprakk sólarhring eftir
loftárás Bandaríkjamanna á aðsetur
meintra hryðjuverkamanna í Falluja.
Búlgaría og ESB:
Fái aðild
sem fyrst
BÚLGARÍA, AP „Evrópusambandið
myndi vilja sjá Búlgaríu skrifa
undir aðildarsamninga sem fyrst,“
sagði Pat Cox, fráfarandi forseti
þings Evrópusambandsins, á
blaðamannafundi í Sofíu, höfuð-
borg Búlgaríu. Cox hafði þá fund-
að með Ognian Gerdjikov, forseta
búlgarska þingsins.
Búlgarar luku aðildarviðræð-
um við Evrópusambandið í síðasta
mánuði, hálfu ári á undan áætlun.
Þær viðræður hafa snúið að því að
Búlgaría gerðist aðili að Evrópu-
sambandinu í næstu bylgju nýrra
aðildarríkja, árið 2007. ■
FORVARNARSTARF SAMAN, sam-
starfshópur sem stuðlar að vel-
ferð barna, kynnti í gær niður-
stöður könnunar sem hópurinn
lét IMG Gallup gera í sumar um
viðhorf foreldra til unglinga og
hagi þeirra.
Könnunin leiðir í ljós að að
foreldrar eru sammála um flest
það sem snýr að högum ung-
menna og segja talsmenn SAM-
AN hana draga fram ákveðinn
hugmyndaramma foreldra um
hvernig líf unglinga eigi að
vera. Meðal þess sem könnunin
sýnir er að 95 prósent foreldra
unglinga í 8. til 10. bekk segjast
virða reglur um útivistartíma og
álíka margir telja sig vita alltaf
eða oftast hvað unglingurinn að-
hefst þegar hann er ekki heima.
Ríflega 80 prósent foreldra
unglinga hafa ekki útvegað
börnum sínum áfengi og vilja
ekki gera það til að fylgjast með
vínneyslu þeirra. Þá vildu tæp
95 prósent foreldra vilja að
þeim væri sagt frá ef barn þeir-
ra drykki án þeirrar vitundar.
Foreldrar vilja almennt ekki eft-
irlitslausar sumarbústaðaferðir
eða útilegur og vilja flestir tak-
marka aðgang unglinga að úti-
hátíðum við átján ára aldur ef
þeir eru ekki í fylgd með full-
orðnum. ■
Könnun á högum unglinga:
Mikil samstaða meðal foreldra
NIÐURSTÖÐUR KYNNTAR
SAMAN hópurinn kynnti niðurstöður sína
á fundi í rútu við BSÍ í gær.
ARIEL SHARON
Áætlun hans um brotthvarf frá landnema-
byggðum hefur valdið miklum deilum.
FIMM FÉLLU Fimm manns létu
lífið í skotbardaga í palestínskum
flóttamannabúðum á Vesturbakk-
anum í fyrrinótt. Tveir vígamenn
og einn ísraelskur hermaður lét-
ust en einnig sextán ára piltur og
faðir hans sem urðu fyrir skotum
þeirra sem börðust.
RANNSAKA SEMENTSSÖLU Palest-
ínska heimastjórnin hefur sam-
þykkt að láta hefja opinbera
rannsókn á sementssölu palest-
ínskra fyrirtækja. Talið er að inn-
an við fimm prósent sements sem
nota átti í Palestínu hafi farið í að
reisa heimili fyrir Palestínu-
menn. Stærsti hlutinn hafi verið
seldur Ísraelum, meðal annars til
nota í landnemabyggðum. ■
■ MIÐAUSTURLÖND