Fréttablaðið - 08.07.2004, Blaðsíða 30
Á þessum degi árið 1918 slasaðist
rithöfundurinn Ernest Hemingway
alvarlega þar sem hann var að bera
félaga sinn í öruggt skjól á víg-
línunni milli Austurríkis og Ítalíu í
fyrri heimsstyrjöldinni.
Hemingway, sem starfaði sem
sjúkrabílsstjóri hjá Rauða krossin-
um á þeim tíma, var heiðraður fyrir
hetjulund sína og sendur heim.
Hann fæddist árið 1899 í Oak
Park, Illinois. Áður en hann gekk til
liðs við Rauða krossinn, starfaði
hann sem blaðamaður hjá The
Kansas City Star. Eftir stríðið giftist
hann svo hinni auðugu Hadley
Richardson. Hjónin fluttu til París-
ar og voru þar í hópi brottfluttra
bandarískra rithöfunda, rétt eins og
F. Scott Fitzgerald, Gertrude Stein
og Ezra Pound. Með stuðningi
þeirra og aðstoð birti Hemingway
fyrsta smásagnakver sitt í Banda-
ríkjunum árið 1925. Ári síðar kom
frá honum skáldsagan Og sólin
rennur upp, sem vel var tekið. Hem-
ingway giftist þrisvar enn og var
álíka mikill áhugi á ástarlífi hans og
skáldsögum.
Á fjórða og fimmta áratug
síðustu aldar var Hemingway orð-
inn drykkfelldur mjög. Hann bjó
fyrst í Key West og síðar á Kúbu en
hélt áfram miklum ferðalögum.
Árið 1952 kom Gamli maðurinn og
hafið út. Fyrsta stóra skáldsaga
hans í næstum áratug og hlaut hann
Pulitzer-verðlaunin fyrir þá bók
1953. Seinna það ár særðist Hem-
ingway í flugslysi og eftir það varð
hann mjög þunglyndur. Líkt og fað-
ir hans framdi Hemingway sjálfs-
morð. Hann skaut sig á heimili sínu
í Idaho árið 1961. ■
■ ÞETTA GERÐIST
ERNEST HEMINGWAY
Hann gifti sig fjórum sinnum á lífsleiðinni
og hafði fólk álíka mikinn áhuga á ástar-
málum hans og skáldsögum.
Heiðraður fyrir hetjulund
„Ég hef svona sveigst meira yfir á
þetta svið síðustu ár, sérstaklega
eftir að ég fór að starfa á fullum
krafti hjá IMG Gallup,“ segir Þor-
lákur Karlsson, nýráðinn deildar-
forseti viðskiptadeildar Háskól-
ans í Reykjavík. Síðastliðin sex ár
hefur hann starfað hjá Gallup,
hann er menntaður í sálfræði og
hefur áður starfað sem dósent í
aðferðafræði við Háskóla Íslands.
„Rannsóknir í viðskiptafræði
eru að mörgu leyti félagsvísindi,
því þær fjalla um hegðan fólks,“
bætir hann við. Þorlákur þekkir
Háskólann í Reykjavík mjög vel,
þar sem hann vann að undir-
búningi skólans þegar hann var
stofnaður, auk þess að hafa kennt
þar tölfræði undanfarin tvö ár.
„Ég þekki fólkið þarna vel og
hlakka til að starfa með því.
Erfiða ákvörðunin var að fara frá
ágætu starfsfólki IMG Gallup.
Það hefur verið spennandi að
vinna með þeim og ég fæ vonandi
að vinna með þeim áfram og þeir
að njóta krafta minna.“
Þó svo staða deildarforseta sé
fyrst og fremst stjórnunarstaða,
segist Þorlákur vera mikill áhuga-
maður um rannsóknir og hann
muni ekki láta af þeim. „Ég hef
aldrei hætt rannsóknum, þó þær
hafi verið á öðru sviði og þarna
gefst mér ennþá betra tækifæri
til að sinna þeim. Minn áhugi á
deildinni er ekki bara að halda
áfram góðu starfi og kennslu,
heldur að efla rannsóknir og það
verður mitt hlutverk að vera svo-
lítið leiðandi á því sviði í
deildinni.“ ■
Vill rannsaka hegðun fólks
ÞORLÁKUR KARLSSON
Segir erfiðu ákvörðunina að yfirgefa starfsfólk IMG Gallup.
22 8. júlí 2004 FIMMTUDAGUR
■ AFMÆLI
■ JARÐARFARIR
■ ANDLÁT
KEVIN BACON
Leikarinn er kannski ekki jafn fótafimur og
hann eitt sinn var, enda orðinn 46 ára.
8. JÚLÍ
Ragnar Arnalds, rithöfundur og fyrrum
alþingismaður, er 66 ára.
Védís Hervör Árnadóttir söngkona er
22 ára.
Gunnar Christiansen, Prestastíg 11, lést
mánudaginn 4. júlí.
Ingibjörg Guðmundsdóttir lyfjafræðing-
ur, lést þriðjudaginn 6. júlí.
Sigurður Þór Sveinsson, Miðholti 5,
Mosfellsbæ, lést sunnudaginn 4. júlí.
Þorsteinn Gíslason frá Nýjabæ, Vestur-
Skaftafellssýslu, lést mánudaginnn 5.
júlí.
Þuríður Jónsdóttir (Hulla), Meistaravöll-
um 7, lést sunnudaginn 4. júlí.
Örn Ingolfsson leðursmiður, Skóla-
vöruðustíg 17A, Reykjavík, lést sunnu-
daginn 4. júlí.
1099 Fyrstu krossfararnir umkringja
Jerúsalem.
1497 Portúgalski landkönnuðurinn
Vasco da Gama heldur í för til að
finna sjóleiðina til Indlands.
1709 Her Péturs mikla sigrar her Karls
XII við Poltava í Úkraínu.
1755 Bretar enda diplómatísk samskipti
við Frakka vegna deilna í Vestur-
heimi.
1815 Lúðvík XVIII snýr aftur til Parísar
eftir ósigur Napóleóns.
1889 Fyrsta tölublað The Wall Street Jo-
urnal kemur út.
1960 Sovétríkin kæra Gary Powers fyrir
njósnir. Hann var í U-2 njósna-
flugvél sem skotin var niður.
1963 Allar eigur Kúbana í Bandaríkjun-
um eru frystar.
1986 Kurt Waldheim verður forseti Aust-
urríkis, þrátt fyrir deilur um meint
tengsl hans við stríðsglæpi nas-
ista.
1994 Leiðtogi Norður Kóreu, Kim Il
Sung deyr, 82 ára.
1997 NATO tilkynnir Póllandi, Ungverja-
landi og Tékklandi að þeim sé
boðið að ganga í bandalagið árið
1999.
„Á afmælisdaginn ætla ég að
taka því rólega um morguninn,
svo fer ég á æfingu seinnipart-
inn,“ segir Hallveig Rúnars-
dóttir, nýútskrifuð söngkona
sem er nú að æfa með sumar-
óperunni auk þess sem hún
kennir tónfræði og stefnir á að
færa sig yfir í söngkennslu fljót-
lega. „Ætli maðurinn minn bjóði
mér og dótturinni ekki út að
borða um kvöldið.“
Afmælisfagnaðinum lýkur
ekki á afmælisdaginn, því stefn-
an er tekin á mikla veislu á laug-
ardaginn. „Hún virðist ætla að
enda með 50 til 60 manns, eins
og oft gerist og verður fyrsta
sumaróperupartíið inni í þessu.
Blóm og kransar eru vinsamleg-
ast afþakkaðir. En þeir sem vilja
minnast æsku minnar mega
leggja inn á píanóreikninginn
minn sem ég hef nýstofnað. Það
er ótækt fyrir söngkonu eins og
mig að eiga ekki hljóðfæri.“
Verk sumaróperunnar að
þessu sinni er Happy End eftir
Kurt Weill og Bertholt Brecht
undir leikstjórn Kolbrúnar Hall-
dórsdóttur. Æfingar hófust í
byrjun júlí og stefnt er að frum-
sýningu 7. ágúst. Þau eru fjórtán
sem fara með hlutverk í söng-
leiknum, auk hljómsveitar, og
segir Hallveig að þetta sé sterk-
ur hópur sem stendur að sýning-
unni. „Þetta er gífurlega
skemmtileg saga sem gerist í
Chicago á bannárunum um
árekstur mafíunnar og hjálp-
ræðishersins. Þetta er sama sag-
an og í Gæjum og píum sem
frumflutt var einhverjum miss-
erum síðar og það veit enginn
hvort þessar tvær sögur tengj-
ast eitthvað.“ Áður hefur sumar-
óperan verið í barokkóperum,
en Hallveig segir þau núna vera
komin í allt annað.
„Ég syng Jane sem er saklaus
sveitastúlka í hjálpræðishern-
um, en við eigum eftir að sjá
hvernig verður spilað úr hlut-
verkinu og kannski er hún ekki
alveg eins saklaus og hún lætur.“
Þó svo Happy End sé næsta
verk á dagskrá hjá Hallveigu,
eru þetta ekki einu æfingarnar
sem hún sækir, því hún er í kór
Sweeny Todd óperunnar sem
frumsýnd verður í haust. ■
AFMÆLI
HALLVEIG RÚNARSDÓTTIR ER
30 ÁRA
■ heldur stóra veislu á laugardaginn.
TÍMAMÓT
NÝR DEILDARFORSETI VIÐ HR
■ Rannsóknaráhuginn hefur sveigst á
þessa braut.
8. JÚLÍ 1918
ERNEST HEMINGWAY
■ slasast í fyrri heimsstyrjöldinni.
HALLVEIG RÚNARSDÓTTIR
Tekur þátt í Happy End sem er sumaróperan í ár. Æfingar eru nýhafnar, en stefnt er að frumsýningu 7. ágúst.
Ástkær móðir mín, tengdamóðir og amma
INGIBJÖRG LILJA BJÖRNSDÓTTIR
Norðurbrún 1, Reykjvík.
lést á Landsspítalanum Fossvogi þann 22. júní
Hún var jarðsungin í kyrrþey að eigin ósk.
Innilegar þakkir fyrir auðsýnda samúð og hlýhug
Guðbjörg Richter Guðmundur Magnússon
Guðný Guðmundsdóttir, Margrét Guðmundsdóttir,
Brynjólfur Guðmundsson.
13.30 Björn Zophanias Ketilsson, skip-
stjóri og útgerðarmaður, Vesterled
8, Hirtshals, verður jarðsunginn
frá Fossvogskirkju.
15.00 Sigurður H. Ingvarsson símaverk-
stjóri, áður til heimilis að Strand-
götu 81, Hafnarfirði, verður jarð-
sunginn frá Hafnarfjarðarkirkju.
Blóm og kransar
vinsamlegast afþakkaðir
FR
ÉT
TA
B
LA
Ð
IÐ
/V
AL
LI