Fréttablaðið - 08.07.2004, Blaðsíða 32
24 8. júlí 2004 FIMMTUDAGUR
Valskonur áttu ás upp í erminni gegn ÍBV:
Guðbjörg vel á verði í Valsmarkinu
FÓTBOLTI „Það er erfitt að vera
svona góður markvörður og vera
ekki í landsliðinu,“ sagði Elísabet
Gunnarsdóttir, þjálfari Valsliðsins
eftir 3-1 sigur Vals á ÍBV í Lands-
bankadeild kvenna á dögunum.
Guðbjörg Gunnarsdóttir, 19 ára
markvörður Vals, var ásinn upp í
ermi toppliðs Vals í Landsbanka-
deild kvenna í einum af úrslita-
leikjum mótsins gegn ÍBV.
Guðbjörg hafði „aðeins“ fengið
á sig 15 skot í fyrstu sex deildar-
leikjum liðsins en var búin að fá á
sig fjögur úr algjörum dauðafær-
um á fyrstu 14 mínútum leiksins. Í
hálfleik hafði Guðbjörg varið sjö
skot og haldið marki sínu hreinu á
meðan að Valsliðið náði að skora
eitt mark og gerbreyta stöðu sinni
í leiknum. Seinni hálfleikurinn var
síðan allt annar og betri en ef Guð-
björg hefði ekki verið vel vakandi
í upphafi leiks hefðu þessi þrjú
stig ekki komið í hús á Hlíðarenda.
„Ég er búin að vera með rosa-
lega góða vörn fyrir framan mig
en þó að það sé lítið að gera þá
skiptir miklu máli að stjórna vörn-
inni fyrir framan mig. Þegar þær
spila öruggt þá spila ég öruggt og
þegar ég er örugg þá finnst mér
vörnin vera örugg. Ég er síðan til-
búin ef vörnin klikkar eitthvað,“
sagði Guðbjörg eftir leikinn.
Guðbjörg er á sínu öðru ári á
Hlíðarenda en hún kemur upphaf-
lega úr FH. ■
Íslenska landsliðið í frjálsu
falli niður FIFA-listann
Íslenska A-landsliðið hefur fallið niður um 19 sæti á aðeins tveimur mánuðum á styrkleika-
lista Alþjóða knattspyrnusambandsins.
FÓTBOLTI Hvað eiga Zimbabwe,
Venesúela, Hondúras, Óman, Fíla-
beinsströndin og Kóngó sameigin-
legt? Jú. þetta eru nokkrar af
minna þekktum knattspyrnuþjóð-
um heims sem allar eru þó fyrir
ofan Ísland á styrkleikalista Al-
þjóða knattspyrnusambandsins.
Íslenska A-landsliðið hefur nú
leikið sjö leiki í röð án þess að
vinna sigur og nú er svo komið að
við höfum fallið niður um 27 sæti
á listanum frá því í september í
fyrra. Í kjölfarið á fjórum æfinga-
leikjum á þessu ári, þremur töp-
um og einu markalausu jafntefli,
hefur íslenska liðið hrapað niður
um 19. sæti á síðustu tveimur
mánuðum. Nýjasti listinn var birt-
ur í gær og þá kom í ljós að stríðs-
hrjáð þjóð eins og Írak er 32 sæt-
um fyrir ofan okkur þótt erfitt sé
að ímynda sér miklar knatt-
spyrnuæfingar í því ótrygga
ástandi sem Írakar búa við þessa
dagana.
Það þarf að fara rúm sex ár aft-
ur í tímann til að finna íslenska
landsliðð jafnlágt á listanum og nú
en vorið 1998 vorum við í 76. sæti
á listanum fyrir apríl. Guðjón
Þórðarson var þá nýtekinn við og
íslenska liðið hafði tapað fimm af
fyrstu níu leikjunum undir hans
stjórn. Frá því að þessi listi kom
út lék íslenska liðið ellefu leiki í
röð án þess að tapa og komst hæst
upp í 42. sætið í ársbyrjun 2000.
Þegar þeir Ásgeir Sigurvinsson
og Logi Ólafsson tóku við íslenska
liðinu fyrir rúmu ári var liðið
komið niður í 70. sæti og hafði þá
fallið um tíu sæti á þremur mán-
uðum. Íslenska landsliðið vann
fyrstu þrjá leiki sína undir stjórn
þeirra félaga og komst hæst upp í
48. sæti í september eftir marka-
lausa jafnteflið við Þjóðverja á
Laugardalsvellinum. Síðan þá hef-
ur íslenska landsliðið leikið sex
leiki í röð án þess að vinna og
mörkin í þessum leikjum eru að-
eins fjögur. Síðasta áfallið var 1-6
tap fyrir Englendingum í byrjun
júní.
Næsta verkefni liðsins er æf-
ingaleikur gegn Ítölum (9. sæti á
FIFA-listanum) í ágúst og svo und-
ankeppni HM þar sem við spilum
við Búlgara (41.sæti), Ungverja
(78. sæti), Möltubúa (132. sæti), og
Svía (19.sæti). Fari illa í þessum
leikjum er hætt við því að við bæt-
um metið frá því í ágúst 1997 er
við sátum í 88. sæti listans. ■
LEIKIR
19.15 Víkingur og Grindavík
mætast á Víkingsvelli í
Landsbankadeild karla í fótbolta.
19.15 Keflavík og Fram mætast á
Keflavíkurvelli í Landsbankadeild
karla í fótbolta.
SJÓNVARP
10.00 Suður Ameríku-bikarinn á
Sýn. Útsending frá leik Argentínu
og Ekvador sem fór fram í nótt.
17.00 Suður Ameríku-bikarinn á
Sýn. Útsending frá leik Mexíkó og
Úrúgvæ sem fór fram í gærkvöld.
19.25 Inside the US PGA Tour
2004 á Sýn. Vikulegur þáttur þar
sem fjallað er um bandarísku
PGA-mótaröðina í golfi.
19.50 Shell-mótið í Eyjum á Sýn.
Þáttur um Shell-mót 6. flokks
karla í fótbolta í Vestmannaeyjum.
20.20 European PGA Tour 2003 á
Sýn. Þáttur um Opna Smurfit-
mótið á evrópsku mótaröðinni.
22.00 Íslensku mörkin á Sýn. Öll
mörk 9. umferðar Landsbanka-
deildar karla í fótbolta sýnd.
22.20 Landsmót UMFÍ á RÚV.
Samantekt frá fyrsta degi UMFÍ
sem fram fer á Sauðárkróki.
22.20 Suður Ameríku-bikarinn á
Sýn. Bein útsending frá leik Kosta
Ríka og Paragvæ í Suður
Ameríkubikarnum í fótbolta.
00.35 Suður Ameríku-bikarinn á
Sýn. Bein útsending frá leik
Brasilíu og Chile í Suður
Ameríkubikarnum í fótbolta.
ARMSTRONG Í ÞEIRRI GULU
Bandaríski hjólreiðakappinn Lance Arm-
strong, sem hefur unnið Frakklandskeppn-
ina fimm ár í röð, er kominn í gulu treyj-
una, sem forystusauður keppninnar á hverj-
um tíma klæðist, eftir aðeins 4 dagleiðir.
HJÓLREIÐAR
HVAÐ? HVENÆR? HVAR?
5 6 7 8 9 10 11
Föstudagur
MARS
ÍSLAND Á FIFA-LISTANUM:
Júlí 2004 75. sæti
Júní 2004 65. sæti
Maí 2004 56. sæti
Apríl 2004 60. sæti
Mars 2004 58. sæti
Febrúar 2004 59. sæti
Janúar 2004 56. sæti
Desember 2003 58. sæti
Nóvember 2003 60. sæti
Október 2003 55. sæti
September 2003 48. sæti
SKOT Á GUÐBJÖRGU Í SUMAR:
KR (heima) 5 varin : 0 mörk á sig
Stjarnan (úti) 1 varið: 1 mark á sig
FH (úti) 0 skot á sig
Þór/KA/KS (heima) 3 varið: 0 mörk á sig
Fjölnir (úti) 0 skot á sig
Breiðablik (úti) 4 varin: 1 mark á sig
ÍBV (heima) 10 varin: 1 mark á sig
Samtals: 23 skot varin: 3 mörk á sig
NIÐUR UM 19 SÆTI Á 60 DÖGUM
Íslenska karlalandsliðið er nú í 75. sæti styrkleikalista Alþjóða knattspyrnusambandsins.
VEL Á VERÐI Í VALSMARKINU
Guðbjörg Gunnarsdóttir ver hér eitt af tíu
skotum frá Eyjaliðinu í toppslag liðanna í
Landsbankadeild kvenna í vikunni.