Fréttablaðið - 08.07.2004, Blaðsíða 36

Það er frekar undarleg upplifun
að sökkva ofan í leðursófasett
baksviðs á leðjusvæðinu á Hró-
arskelduhátíðinni. Hún verður
svo öllu undarlegri þegar viðmæl-
endur þínir þrír eru allir klæddir
í nákvæmlega eins búninga. Hvíta
sportjakka, svartar skyrtur undir
með hvítar slaufur. Allir eru þeir í
svörtum buxum í hvítum lakk-
skóm. Þetta er sænska rokksveit-
in The Hives sem lék svo á stóra
sviði Hróarskelduhátíðarinnar
nokkrum klukkustundum síðar.
Það gerði upplifunina svo bara
enn undarlegri að sjá að augna-
brýr söngvarans Howlin’ Pelle
Almqvist voru málaðar þykkar og
svartar. Miðað við hvernig maður-
inn er á sviði, gerði það að sitja
við hlið hans í rólegheitum enn
undarlegra. Rólegur og áhuga-
samur piltur sem gæddi sér á
hlaupi úr skál af borðinu fyrir
framan sig á meðan hann spjall-
aði. Hinir tveir voru gítarleikar-
inn Nicholaus Arson og nafnlaus
liðsmaður sem sagði ekki orð all-
an tímann. Kannski var þetta bara
gína, svo að hinum tveimur myndi
ekki leiðast um of í viðtalinu?
Teymi sérþjálfaðra hermanna
The Hives voru að gefa út nýja
plötu sem heitir því skemmtilega
nafni Tyrannosaurus Hives og þeir
eru greinilega spenntir að fá við-
brögð. Þegar gítarleikarinn spyr
mig hvað mér finnist um hana,
þrýsta hinir hausum sínum í átt til
mín til þess að heyra nákvæmlega
það sem ég hef að segja.
„Hún er þurrari og meiri
keyrsla,“ segir Nicholaus svo eft-
ir að ég segi honum að ég eigi eft-
ir að heyra hana.
„Okkur langaði bara að gera
eitthvað nýtt,“ segir Pelle og
bendir á að allir semji tónlistina
saman. „Við erum að reyna fanga
sömu tilfinningu á nýjan hátt.
Áður fyrr reyndum við að láta allt
hljóma eins og kröftug messa. Nú
er allt mjög hreint og pússað.“
„Við vorum nú samt svolítið
hreinir og pússaðir fyrir,“ bætir
Nicholaus við og brosir.
Svipað eins og fötin ykkar bara?
“Já, þetta er fatnaður fyrir
tómstundir, við klæðumst þessu
bara áður en við spilum,“ útskýrir
Pelle. „Við gerðum þetta aldrei
öðruvísi. Við getum ekki spilað án
fatanna, og viljum það ekki.“
„Að klæðast venjulegum fötum
væri ósanngjarnt,“ segir Nicholaus.
„Okkur liði örugglega eins og
við værum allsberir, því við
myndum skammast okkar svo
mikið,“ segir Pelle
Er þetta svipuð tilfinning og
fyrir fótboltamenn, að þurfa að
vera í einkennisbúningum?
“Hmm, já eða kannski bara eins
og gengi. Eins og teymi sérþjálfaðra
hermanna í stríði,“ segir Pelle.
The Hives voru búnir að vera á
tónleikaferðalagi í nokkrar vikur
áður en þeir komu fram á aðal-
sviði Hróarskelduhátíðarinnar.
Fljótlega liggur leið þeirra aftur
til Bandaríkjanna, þar sem þeir
hafa síðustu tvö ár tekið við titlin-
um af The Cardigans sem hin vin-
sæla sveit Svía. Plata þeirra síð-
asta Veni Vidi Vicious kom þar út
á hárréttum tíma, þegar ruslrokk-
ið var að ryðja sér til rúms. Hrár
hljómur The Hives smellpassaði
eins og flís við rass og sveitin
vakti mikla lukku, bæði í sjón-
varpi og útvarpi.
Af hverju eru þið svona stórir í
Bandaríkjunum?
“Vonandi vegna þess að við
erum góðir,“ svarar Pelle án þess
að hika.
„Ég veit það ekki. Það er alltaf
svo margt sem spilar inn í. Þetta
var líka bara heppni með tíma-
setningu,“ segir Nicholaus hóg-
vær sem mótvægi við félaga sinn.
„Við urðum vinsælir í gegnum
MTV í Englandi, svo mikið er
víst.“
„Við erum mjög góðir fyrir
sjónvarpið,“ segir Pelle, aftur viss
á sínu.
Óspennandi grunge og teknó
The Hives var stofnuð í smá-
bænum Fagersta í Sviðþjóð árið
1993. Sveitin hafði starfað í átta
ár áður en hún sló í gegn. Vin-
sældir þeirra uxu óvænt hratt,
bæði í heimalandi sem utan þess.
Þeir pössuðu sig alltaf á því að
vera líflegir í viðtölum og bjuggu
til goðsögn um hvernig sveitin
hefði orðið til. Þar sem allir áttu
að hafa fengið bréf frá dularfull-
um manni sem bað þá um að mæta
á tiltekinn stað á tilteknum tíma.
Sjálfur mætti maðurinn ekki, en
þegar þeir voru allir saman komn-
ir í sama herbergi varð hljóm-
sveitin til.
Sjálfir segjast þeir ekki vera
undir miklum áhrifum frá öðrum
sænskum sveitum.
„Það eru samt nokkrar sænsk-
ar pönksveitir sem við erum und-
ir áhrifum frá,“ segir Pelle. „En
aðallega sveitir frá öðrum lönd-
um. Ekkert frá tíunda áratugnum.
Ég held að ekkert þar hafi hreyft
við okkur. Þegar við stofnuðum
sveitina 1993 vorum við að reyna
að vera í uppreisn gegn því sem
var á seyði á þeim tíma.“
Af hverju funduð þið fyrir þörf
til þess að fara í uppreisn?
“Það var svo mikið um óspenn-
andi tónlist á þessum tíma. Sér-
staklega grunge-senan og euro-
teknóið,“ segir Pelle.
Kom ekki mikið af þessari
euro-teknó tónlist einmitt frá Svið-
þjóð?
“Jú, fullt af henni. Það var nú
samt ekki okkur að kenna. Þú
þarft ekki að refsa okkur fyrir
það,“ segir Pelle og brosir.
Þegar ég er svo búinn að slökk-
va á segulbandstækinu verður
Pelle mjög áhugasamur um Ísland.
Hann segir þá félaga hafa skemmt
sér vel þar en rifjar upp leiðinlega
reynslu sem hann og hljómsveit
hans lentu í á hótelinu þar sem þeir
gistu. Öll hljómsveitin og fylgdar-
lið, alls níu manns, tróð sér í lyftu
fyrir sjö manns. Lyftan gaf sig og
allur hópurinn féll niður tvær hæð-
ir. „Þetta var mjög sársaukafullt,“
segir hann. „Og við fengum ekki
einu sinni afsökunarbeiðni.“
Eftir að sveitinni var bjargað
úr prísund sinni var þeim sagt að
það hefði verið vitleysisgangur að
ofhlaða lyftuna svona. Þeir hafa
víst passað upp á þetta hér eftir.
Kannski var það lán í óláni að hót-
elherbergi þeirra var aðeins á
annarri hæð?
biggi@frettabladid.is
I’m stuck in ways of sadistic joy and my
talent only goes as far
as to annoy.
I’m on my way. This is my main offender.
- The Hives í laginu Main Offender.
28 8. júlí 2004 FIMMTUDAGUR
Í SPILARANUM HJÁ RITSTJÓRNINNI
!!!: Louden Up Now, The Fiery Furnaces: Gallowsbird’s Bark, Im Being Good: 8 of us
are Dead, Miami Vice 2: New Music from the Television Series, Eva Cassidy: Songbird,
The Cure: The Cure, The Cure: Galore, Nick Cave: The Good Son og Yo la Tengo:
Summer Sun.
ÁST
Ragnheiður Gröndal
EINHVERS STAÐAR....
Nylon
FALLEGUR DAGUR
Bubbi og Bang Gang
I THINK OF ANGELS
KK
SIGURLAGIÐ
Sverrir Stormsker og Sigurmolarnir
VÍSUR VATNSENDA-RÓSU
Ragnheiður Gröndal
HEY YA (RADIO MIX)
Outkast
MÉR ER SAMA
Tinna Marína Jónsdóttir
LÖG UNGA FÓLSINS
Nylon
STRANGE KIND OF WOMAN
Deep Purple
SUNNUDAGSMORGUNN
Jón Ólafsson
ÞÚ BÍÐUR EFTIR MÉR
Ragnheiður Gröndal
LAST CHANCE
Jet
HVAÐ VITA ÞEIR
Björgvin Halldórsson og Jónsi
FRELSIÐ Í HÆTTU, EINU SINNI ENN
Bubbi Morthens
SARA
Fleetwood Mac
GLEÐITÍMAR
Kalli Bjarni
SÖNGUR DÝRANNA Í TÝRÓL
Stuðmenn
MISS YOU
Rolling Stones
FYRRUM ÉG, FYRRUM ÞÚ
Védís Hervör Árnadóttir
1
2
3
4
5
6
7
8
9
10
11
12
13
14
15
16
17
18
19
20
[ TOPP 20 ]
MEST SÓTTU LÖGIN Á
TÓNLIST.IS - VIKA 27
Í uppreisn gegn
tíunda áratugnum
THE HIVES
Ný plata, nýir búningar, nýr hljómur.
www.gitarskoli.com