Fréttablaðið - 08.07.2004, Blaðsíða 38

8. júlí 2004 FIMMTUDAGUR
„Mér datt í hug að þurrka út
þessa klassísku mynd af sköpun-
inni. Ég er ekki að leika mér með
leikreglur þessa listmenntaða
heims um niðurröðun og hólfun í
alþýðu- eða hálist, dægurlist eða
klassík heldur hendi ég því öllu út
um gluggann og vil fá inn í safnið
allt það fólk sem er að sýsla við
listsköpun,“ segir Birna Krist-
jánsdóttir, forstöðumaður Lista-
safns Árnesinga.
Birna hefur hleypt af stokkun-
um verkefninu „Sýsla“ en það er
opið fólki á öllum aldri, úr öllum
greinum og af öllu landinu. Lista-
safnið kallar eftir verkum frá
skapandi einstaklingum og er eina
skilyrðið fyrir þátttökunni há-
marksstærð verkanna. Þau mega
ekki fara yfir hálfan metra, hvor-
ki á hæðina, dýptina eða breidd-
ina. „Ástæðan fyrir stærðar-
takmörkunum er að mig langar til
að koma sem flestum verkum
fyrir á safninu. Fólk verður því að
setja sköpun sinni ákveðin stærð-
artakmörk.“
Birna segir markmiðið að end-
urspegla samtímann og spurning-
in er nú hvort sýningin bjóði ekki
upp á nýjan menningarlestur ís-
lensks samfélags á þessari öld.
„Samtímalist segir frá því
sem er að gerast í dag en það er
óttablandin ánægja fyrir þá sem
ekki eru í greininni. Það geta all-
ir sent inn verk og ég vona að
þátttaka verði sem mest. Mér
finnst allir hlutir forvitnilegir og
þeir mega vera að marvíslegum
toga úr öllum gerðum af efnum.
Það verður engu kastað út vegna
þess að verkin hafi ekki langt
endingargildi eða vegna þess að
þau eru ekki úr rétta efninu,“
segir Birna.
„Mig langar í góða þátttöku og
að fólk verði ekki feimið að taka
þátt þrátt fyrir að það sé ekki sér-
fræðingar á sínu sviði. Safnið vill
einmitt fá alls konar verk eftir
alls konar fólk. Ég vona síðan að
fólk verði glatt að sjá alla fjöl-
breytnina,“ segir Birna og bætir
því við að fróðlegt verði að sjá
hvernig hópurinn verði saman
settur.
Safnið er til húsa í Austurmörk
21 í Hveragerði og þangað getur
fólk sent listaverkin. ■
Kalla eftir listaverkum
LISTVERKEFNIÐ SÝSLA
LISTASAFN ÁRNESINGA
■ kallar eftir listsköpun landsmanna.
Safnið hvetur fólk á öllum aldri, úr öllum
greinum og af öllu landinu til að svara
kallinu og senda listaverk á sýninguna.
Yfir 8000 miðar seldir
Lau. 10 júli kl. 16.30 upps. Lau. 10 júli kl. 19.30 upps.
fim. 15 júli kl. 19.30 Fös. 16 júli kl. 19.30
fim. 22 júli kl. 19.30
ÓSÓTTAR PANTANIR SELDAR DAGLEGA
BIRNA KRISTJÁNSDÓTTIR
Hún ætlar út fyrir klassísku myndina af listsköpuninni og sýna verk eftir fólkið í landinu í Listasafni Árnesinga.
Ástarbrall á Þingvöllum
Hin vikulega fimmtudagsganga
verður gengin á Þingvöllum í kvöld.
Í þetta skiptið undir leiðsögn Jóns
Karls Helgasonar bókmenntafræð-
ings en hann mun fjalla um ástina á
þingstaðnum helga í bókmenntum.
Fyrirlesturinn ber heitið „Ástar-
brall á Þingvöllum: Vitjað um sviðs-
myndir úr bókmenntasögunni“ far-
ið verður vítt og breytt í bók-
menntasögunni í honum. Gengið
verður frá Hakinu niður Almanna-
gjá en þar áttu Jón Hreggviðsson
og Snæfríður Íslandssól einmitt af-
drifaríkan fund í Íslandsklukku
Halldórs Laxness. Fundurinn
tengdist óvenjulega ástarbréfi
Snæfríðar til Arnas Arnæus. Úr Al-
mannagjá verður gengið í Mosfell-
ingabúð en þar felldu Gunnar á
Hlíðarenda og Hallgerður langbrók
hugi saman í Njálu. Einnig verður
vikið að einum af mörgum fundum
Steins Elliða og Diljá í Vefaranum
mikla frá Kasmír við Ylfingabúð og
að ótal frásögnum samtímabók-
menntanna af fundum elskenda á
þingstaðnum við hraunjaðarinn
austan við Þingvallakirkju.
Jón Karl mun velta fyrir sér
hlutverki Þingvalla í ótal
bókmenntaverkum og hvernig
miðlun listamanna á þessum merka
stað getur haft áhrif á skynjun al-
mennings á honum.
Gangan hefst klukkan 20 eins og
áður segir við Hakið og lýkur henni
um kl. 22 við Þingvallakirkju með
bænastund undir stjórn Þingvalla-
prests. ■
GÖNGUFERÐ
HIN VIKULEGA
■ fimmtudagsganga á Þingvöllum verð-
ur tileinkuð ástarbralli á þingstaðnum
helga í bókmenntum. Leiðsögn verður í
höndum Jóns Karls Helgasonar.
ÞINGVELLIR
Lagt verður af stað í göngu um Þingvelli í kvöld undir leiðsögn
Jóns Karls Helgasonar bókmenntafræðings.