Fréttablaðið - 09.07.2004, Blaðsíða 27

7FÖSTUDAGUR 9. júlí 2004
Var fundin
upp fyrir
flugvélarnar
Nú eru komnar fram á sjónarsvið-
ið ryksugur sem hægt er að
spenna á bakið á sér og henta vel
í þrifum á stigum og öðrum litlum
flötum sem erfitt er að paufast
með stórar ryksugur um. Við
fundum slíka ryksugu í verslun-
inni Besta og framkvæmdastjór-
inn þar, Friðrik Ingi Friðriksson,
fræddi okkur lítillega um sögu
hennar. „Hugmyndin að þessum
ryksugum varð til fyrir mörgum
árum og kom fyrst upp þegar ver-
ið var að þrífa flugvélar,“ upplýs-
ir hann og heldur áfram. „Síðan
hafa þær smám saman verið að
ryðja sér til rúms á heimilis-
tækjamarkaðinum og nú er farið
að nota þær æ meira á svæðum
sem örðugt er að komast um með
stóru ryksugurnar.“
Uppboðsvefur á netinu:
Sá fyrsti sinnar tegundar á Íslandi
„Í samræðum mínum við fólk
hef ég tekið eftir að það er mik-
il þörf á svona miðli,“ segir Ari
Magnússon, annar eigandi upp-
boðsvefsins uppbod.is. Ari rek-
ur þennan vef með konu sinni,
Guðrúnu Þórisdóttur, en einnig
eiga þau verslunina Antíkmunir
á Klapparstíg 40 í Reykjavík.
„Ég hef rekið verslunina í 13
ár og verið viðloðandi antík-
bransann í þrjátíu ár. Vefinn
opnuðum við hins vegar 17. júní
síðastliðinn. Reyndar var nú
búið að vinna í honum í eitt og
hálft ár,“ segir Ari en hann og
Guðrún eru að stíga sín fyrstu
spor í uppboðsrekstrinum þessa
dagana.
„Á vefnum eru vandaðar vör-
ur sem passa ekki í hefðbundnar
umboðssölur. Hér kemur fólk
með dánarbú og margir sem eru
hræddir við smáauglýsingar og
vilja ekki fá ókunnugt fólk heim
til sín þarfnast þessarar þjón-
ustu,“ segir Ari en hugmyndin
að vefnum kviknaði einmitt í
samræðum við fólk sem taldi
svona vef vanta.
Fyrirmyndin að íslenska
vefnum er erlendir vefir. Marg-
ir erlendir uppboðsvefir eru
starfræktir í heiminum og njóta
töluverðra vinsælda. Nefna má
vefinn ebay.com. „Þetta virkar
þannig hjá okkur að fólk kemur
með hlutinn til okkar. Við skoð-
um hann og athugum hvort hann
standist gæðakröfur okkar. Síð-
an aldursgreinum við hann og
lýsum bæði kostum og göllum
tiltekins hlutar,“ segir Ari.
Nýjar vörur bætast inná vef-
inn nær daglega og ættu margir
að finna þar eitthvað við sitt
hæfi. Fyrstu uppboðin kláruðust
í byrjun þessa mánaðar og hér
eftir verða nokkrar vörur slegn-
ar daglega á uppboðsvefnum.
Vefurinn er vinsæll um þessar
mundir en um sex hundruð
manns heimsækja síðuna nú
daglega og fer fjölgandi. „Hug-
myndin er að hafa eitthvert
fyrsta verð eða lágmarksverð
en það verður samt ekkert endi-
lega alltaf. Eitthvað af hlutunum
sem við fáum inn er frá fólki
sem er annt um hlutinn sinn og
vill ekki henda honum. Það vill
frekar að einhver annar fái að
njóta hans. Þá er verðið ekki
alltaf aðalatriðið,“ segir Ari en
uppbod.is verður væntanlega al-
þjóðlegur vefur með haustinu.
Tölvukerfið á vefnum vaktar
alltaf boðin og sendir þeim sem
bjóða í vöru sjálfkrafa póst ef
þeir hafa verið yfirboðnir. Hægt
er að bjóða langt yfir fyrsta boð
en þá vaktar tölvukerfið það og
ef enginn yfirbýður þig færðu
vöruna á lægsta mögulega
verði, þó þú hafir verið tilbúinn
að greiða meira.
„Í næstu viku mun myndlistin
halda innreið sína inn á heima-
síðuna og þá geta viðskiptavinir
tekið þátt í uppboðum á fjöl-
breyttum listaverkum, eins og
málverkum, leirlist, grafík og
fleiru eftir starfandi listamenn.
Hlutirnir sem við seljum eru
mjög vandaðir og við veitum
fljóta og góða þjónustu,“ segir
Ari að lokum og vonar að þessi
nýjung á Íslandi gangi vel í fram-
tíðinni.
lilja@frettabladid.is Ari er mjög bjartsýnn á gengi vefsins og stoltur af framtaki sínu.
Sýnishorn af þeim hlutum sem hægt er
að bjóða í á vefnum uppbod.is.
FR
ÉT
TA
B
LA
Ð
IÐ
/R
Ó
B
ER
T
Hentug ryksuga fyrir smáskonsur
og stiga.