Fréttablaðið - 09.07.2004, Blaðsíða 39
FÓTBOLTI Víkingar unnu sinn þriðja
sigur í röð í Landsbankadeild
karla og komust upp úr fallsæti í
fyrsta sinn í sumar eftir 1–0 sigur
á Grindavík í Víkinni í gær.
Varnarmaðurinn Grétar
Sigurðsson skoraði sitt þriðja
mark í fjórum leikjum með skalla
af stuttu færi eftir aukaspyrnu
Vilhjálms Vilhjálmssonar. Öll
mörk Grétars hafa komið með
skalla eftir föst leikatriði.
Víkingar spiluðu manni færri
síðustu 30 mínútur leiksins eftir að
Sölvi Geir Ottesen fékk sitt annað
gula spjald fyrir að stöðva boltann
með hendinni. Útsendarar
Djurgarden fengu því ekki að sjá
eins mikið af Sölva og þeir höfðu
ætlað fyrirfram. Víkingar létu
brottrekstur Sölva hinsvegar
ekkert á sig fá og Grindvíkingar
fengu engan tíma til athafna sig
frekar en þegar Víkingar voru með
fullskipað lið. Vilhjálmur
Vilhjálmsson átti meðal annars tvö
sláarskot í seinni hálfleik, annað
þeirra úr aukaspyrnu frá miðju
vallarins.
Grétar Sigurðsson átti mjög
góðan leik og var kjölfestan í
varnarleik Víkinga í seinni
hálfleik. Víkingar unnu ekki leik í
fyrstu sex umferðunum og staðan
var ekki árennileg en með þremur
sigrum í röð eru þeir búnir að
koma sér upp úr botnsætinu og
sanna að þeir eiga heima meðal tíu
bestu liða landsins. Rautt spjald
Sölva þýðir þó að þeir verða án
Sigurðar Jónssonar þjálfara, Sölva
og Kára Árnasonar sem verða allir
í leikbanni í næsta leik gegn Fram.
Grindvíkingar eru ekki að spila
sannfærandi um þessar mundir og
eiga enn eftir að vinna á útivelli.
Tilkoma Momir Mileta sem spilaði
sinn fyrsta virðist engu breyta þar
um, hann byrjaði ágætlega en
missti fljótt taktinn. ■
23FÖSTUDAGUR 9. júlí 2004
FÓTBOLTI Keflvíkingar og
Framarar gerðu jafntefli í
Keflavík í gær, 1–1, en Keflavík
vann bikarleik liðanna fyrir
þremur dögum 1–0. Framarar
léku þar með sinn áttunda leik í
röð án sigurs og sitja langneðstir
á botni deildarinnar, 4 stigum á
eftir KA sem á auk þess leik inni.
Þórarinn Kristjánsson kom
Keflavík yfir með laglegu marki
eftir skemmtilegan einleik en Jón
Gunnar Gunnarsson skoraði sitt
fyrsta mark fyrir Fram og jafnaði
leikinn. Hvorugt liðið náði að
skora í seinni hálfleiknum sem
var afar slakur og leiðinlegur en
sá fyrri var mun skemmtilegri
fyrir 646 áhorfendur leiksins.
Ragnar Árnason fékk sitt
annað gula spjald á 69. mínútu og
Framarar voru því manni færri
síðustu 21 mínútu leiksins. ■
Landsbankadeild karla í knattspyrnu:
Framarar langneðstir
■ VÍKINGUR – GRINDAVÍK1-0
1–0 Grétar Sigfinnur Sigurðsson 37.
DÓMARINN
Gísli Hlynur Jóhannsson Sæmilegur
BESTUR Á VELLINUM
Grétar Sigurðsson Víkingi
TÖLFRÆÐIN
Skot (á mark) 10–10 (6–3)
Horn 3–2
Aukaspyrnur fengnar 16–27
Rangstöður 6–5
MJÖG GÓÐIR
Grétar Sigfinnur Sigurðsson Víkingi
GÓÐIR
Steinþór Gíslason Víkingi
Haukur Armin Úlfarsson Víkingi
Vilhjálmur Vilhjálmsson Víkingi
Paul McShane Grindavík
■ KEFLAVÍK – FRAM 1-1
1–0 Þórarinn Kristjánsson 22.
1–1 Jón Gunnar Gunnarsson 39.
DÓMARINN
Jóhannes Valgeirsson Góður
BESTUR Á VELLINUM
Jónas Guðni Sævarsson Keflavík
TÖLFRÆÐIN
Skot (á mark) 19–10 (5–4)
Horn 7–4
Aukaspyrnur fengnar 16–21
Rangstöður 6–5
GÓÐIR
Ólafur Ívar Jónsson Keflavík
Stefán Gíslason Keflavík
Jónas Guðni Sævarsson Keflavík
Þórarinn Kristjánsson Keflavík
Ríkharður Daðason Fram
Jón Gunnar Gunnarsson Fram
Gunnar Sigurðsson Fram
Ragnar Árnason Fram
Ingvar Þór Ólason Fram
Þrír sigrar í röð
Nýliðar Víkings eru að sanna sig í Landsbanka-
deild karla eftir 1–0 sigur á Grindavík í gær.
ÞÓRARINN KRISTJÁNSSON
Skoraði eina mark Keflavíkur gegn Fram.
ÞRIÐJA SKALLAMARKIÐ Í SUMAR
Grétar Sigurðsson fagnar hér marki sínu
gegn Grindavík í gær en þetta var þriðja
skallamark hans í Landsbankadeildinni.
FR
ÉT
TA
BL
AÐ
IÐ
/
VA
LL
I