Fréttablaðið - 10.07.2004, Blaðsíða 2

2 10. júlí 2004 LAUGARDAGUR
Kona með fíkniefni í Leifsstöð:
Tekin með hálft kíló af kókaíni
LÖGREGLUMÁL Tæplega þrítug kona
frá Nígeríu reyndist vera með um
155 grömm af kókaíni innanklæða
þegar leitað var á henni í tollinum
á Keflavíkurflugvelli. Konan var
þá send í röntgenmyndatöku og
kom þá í ljós að hún var með hylki
innvortis með um 330 grömmum
af kókaíni.
Samkvæmt upplýsingum frá
sýslumanninum á Keflavíkurflug-
velli er þetta mesta magn kókaíns
sem fundist hefur innvortis á ein-
staklingi við leit í tollinum á Leifs-
stöð. Konan var úrskurðuð í
gæsluvarðhald til 19. júlí.
Ekki er vitað hver átti að taka
við fíkniefnunum en líklegt þykir
að um skipulagða, alþjóðlega
glæpastarfsemi sé að ræða. Sölu-
andvirði kókaínsins mun vera á
þriða tug milljóna króna. ■
Viðurkennir að Strætó
beri nokkra ábyrgð
Ökuréttindalaus strætisvagnabílstjóri ók á í tvígang á sömu vaktinni. Framkvæmdastjóri Strætó
segir verkferil fyrirtækisins í ráðningarmálum hafa beðið hnekki og verða endurskoðaðan í
samráði við lögreglu. Segir ekki sjálfgefið að fá upplýsingar um gildi ökuréttinda hjá lögreglu.
STRÆTISVAGNAR Verklagsreglur
Strætó bs. í ráðningarmálum
verða væntanlega endurskoðaðar í
kjölfar þess að ökuréttindalaus bíl-
stjóri var ráðinn til starfa að sögn
Ásgeirs Eiríkssonar, fram-
kvæmdastjóra Strætós.
Upp komst um réttindaleysi bíl-
stjórans eftir að hann ók á í tví-
gang á sömu vaktinni, að sögn
Ásgeirs. Í fyrra skiptið ók bíl-
stjórinn á annan bíl á gatnamótum
og er grunaður um að hafa ekið á
móti rauðu ljósi. Eftir að lögregla
hafði tekið skýrslu af manninum
hélt hann áfram akstri. Skömmu
síðar ók hann á kyrrstæðan bíl.
Sömu lögreglumennirnir komu á
vettvang og kom þá í ljós að bíl-
stjórinn var án ökuréttinda.
Að sögn Ásgeirs framvísaði bíl-
stjórinn ökuskírteini við ráðningu
og fór í gegnum allt undirbúnings-
ferli verðandi strætisvagnabíl-
stjóra án vandræða. „Okkar innri
verkferlar og öryggismál biðu
hnekki,“ segir Ásgeir. „Núna er
okkar verkefni að athuga hvað við
getum gert til þess að koma í veg
fyrir að svona geti gerst aftur.“
Ásgeir segist í viðræðum við
starfsmenn hjá lögreglustjóra-
embættinu um hugsanlegar að-
gerðir. „Það er ekki sjálfgefið að
við getum fengið upplýsingar, til
dæmis um hvort ökuskírteini séu í
gildi, þar sem þetta flokkast undir
persónuvernd,“ segir Ásgeir. „Í
ljósi þessa máls hljótum við þó, í
samvinnu við lögreglu, að finna út
hvaða leiðir eru færar.“
Ásgeir segir ljóst að Strætó
beri nokkra ábyrgð á atburðunum.
„Það kemur í ljós að unnt er að
komast fram hjá eftirlitskerfi
okkar,“ segir Ásgeir. „Við gátum
hins vegar ekki séð þetta fyrir. Til
þessa höfum við verið í góðri trú
þegar menn framvísa gildum öku-
skírteinum. Þessi maður hins veg-
ar framvísaði ökuskírteini sem
hann átti í raun ekki að hafa sem
er möguleiki sem við höfðum ekki
gert ráð fyrir.“ ■
Uppreisnarmenn:
Hundrað
manns myrt
SÚDAN, AP Uppreisnarmenn frá
Úganda myrtu um eða yfir hundrað
manns og stökktu um 15.000 manns
á flótta í árásum í suðurhluta
Súdans, um 30 kílómetra fyrir
norðan landamærin að Úganda.
Uppreisnarmenn úr röðum And-
spyrnuher drottins, sem hafa bæki-
stöðvar í sunnanverðu Súdan, eru
sagðir hafa ráðist á þorp nærri
bænum Madgwi. Þar eiga þeir að
hafa myrt fólk, rænt munum og
kveikt í heimilum. Prestur á svæð-
inu segir uppreisnarmenn hafa
myrt um hundrað manns en
súdönsk uppreisnarhreyfing á
svæðinu segir 122 hafa látið lífið. ■
STJÓRNARSKRÁ Lögmenn sem komu
fyrir allsherjarnefnd í dag eru á
öndverðum meiði um hvort það
standist stjórnarskrána að ríkis-
stjórnin afturkalli lög og breyti
þeim samtímis. Álitsgjafarnir
voru Eiríkur Tómasson lagapró-
fessor sem telur það brot á stjórn-
arskrá og Davíð Þór Björgvins-
son, lögmaður og formaður fjöl-
miðlanefndarinnar, sem segir að
svo sé ekki.
„Ég tel það brot á stjórnarskrá
og núgildandi stjórnskipan að
fella fjölmiðlalögin úr gildi og
breyta þeim samtímis þannig að
þær breytingar taki gildi um
leið,“ segir Eiríkur.
„Ef lengra yrði gengið af hálfu
Alþingis er þingið að taka fram
fyrir hendurnar á hinum hand-
hafa löggjafarvaldsins, forsetan-
um. Með því að virða ekki þá
ákvörðun forseta að synja lögum
staðfestingar og bera þau undir
þjóðaratkvæðagreiðslu er þingið
að gera annan handhafa löggjaf-
arvaldsins ómerkan. Upp gæti
komið þrátefli milli forseta og
þings sem leitt gæti af sér stjórn-
skipulega kreppu sem ber að forð-
ast í lengstu lög,“ segir Eiríkur.
Forsætisráðherra var spurður
eftir ríkisstjórnarfund í gær
hvernig ríkisstjórnin myndi
bregðast við lögfræðiáliti sem
kæmist að þeirri niðurstöðu að
það stæðist ekki stjórnarskrá að
afturkalla lög um leið og lagt væri
fram nýtt frumvarp með breyt-
ingum á sömu lögum.
„Ef einhver fær einhvern lög-
fræðing að segja einhverja vit-
leysu þá gerum við ekkert með
það,“ sagði Davíð.
„Það er svo pottþétt og öruggt
að það er hægt að breyta stjórnar-
frumvörpum sem eru orðin að
lögum hvenær sem er. Auðvitað
geta menn fengið einhvern lög-
fræðing til að segja einhverja vit-
leysu, býst ég við,“ sagði Davíð.
Ekki náðist í Davíð Þór Björg-
vinsson í gær.
sda@frettabladid.is
Greinir á um stjórnarskrá
Tveir lögfræðingar sem komu fyrir allsherjarnefnd í dag eru á öndverð-
um meiði um hvort það væri brot á stjórnarskrá að fella lög úr gildi og
breyta þeim samtímis.
■ VIÐSKIPTI
„Nei, ég geri það ekki.“
Ari Magnússon hefur opnað fyrsta íslenska upp-
boðsvefinn á netinu á slóðinni uppbod.is.
SPURNING DAGSINS
Ari, þú óttast ekki að lenda á
uppboði með þetta?
HÆKKAR VEXTI KB banki til-
kynnti í gær um hækkun bæði á
innlánum og útlánum á óverð-
tryggðum reikningum. Í frétta-
tilkynningu kemur fram að þetta
hafi verið ákveðið í kjölfar vaxta-
hækkunar Seðlabanka Íslands.
Engar breytingar eru á vöxtum
verðtryggðra inn- og útlána.
■ VIÐSKIPTI
AUKINN BÍLAINNFLUTNINGUR
Í fréttabréfi greiningardeildar
KB banka í gær kom fram að
bílainnflutningur í júní 2004
hafi verið 20 prósent meiri en
í fyrra. Þar segir að bíla-
innflutningur sé talinn
mikilvæg mælistika á þróun
einkaneyslu.
DAVÍÐ ODDSSON AÐ LOKNUM RÍKISSTJÓRNARFUNDI Í GÆR
„Það er svo pottþétt og öruggt að það er hægt að breyta stjórnarfrumvörpum sem eru
orðin að lögum hvenær sem er. Auðvitað geta menn fengið einhvern lögfræðing
til að segja einhverja vitleysu, býst ég við.“
ÁSGEIR EIRÍKSSON
Framkvæmdastjóri Strætó bs. brá sér í hlutverk vagnstjóra í gær og ók leið sjö. Nokkuð er
um liðið síðan Ásgeir settist síðast undir stýri á strætó og sagðist því fá smá fiðring
enda sé strætóbílstjórastarfið bæði skemmtilegt og gagnlegt.
VIÐ KÍNVERSKA SENDIRÁÐIÐ
Félagar Falun Gong mótmæltu illri
meðferð á félögum hreyfingarinnar við
kínverska sendiráðið tvívegis í gær
í óþökk starfsmanna þess.
Friðsamleg áskorun:
Mótmæla
ofsóknum
MÓTMÆLI Félagar Falun Gong mót-
mæltu tvívegis illri meðferð
félaga hreyfingarinnar í Kína við
kínverska sendiráðið í gær.
Kínverski dómsmálaráðherr-
ann, Zhang Fusen, hefur undan-
farna daga verið í heimsókn hér á
landi og kynnt sér starfsaðferðir
íslenskra dómstóla.
Þórdís Hauksdóttir, talsmaður
Falun Gong á Íslandi, segir að ekki
sé verið að mótmæla kínversku
ríkisstjórninni. „Þetta er friðsöm
áskorun til kínverskra yfirvalda að
hætta að ofsækja og pynta saklaust
fólk heima hjá sér.“
Þórdís segir samtökin hafa lagt
fram 28 kærur í 17 lýðræðis-
löndum, þar á meðal hér, á hendur
Luo Gan fyrir glæpi gegn mann-
kyni. Luo Gan er einn æðsti yfir-
maður öryggis- og dómsmála í
Kína. Hann heimsótti landið í
september í fyrra. ■
KÓKAÍN
Konan var alls með tæplega hálft kíló af kókaíni innanklæða og innvortis.