Fréttablaðið - 10.07.2004, Blaðsíða 16
Í lögreglufylgd
gegnum Hvalfjarðargöngin
Á þessum degi árið 1940 hófu
Þjóðverjar að varpa fyrstu
sprengjunum á Bretland í árás
sem stóð í þrjá og hálfan mánuð.
Eftir að Þjóðverjar náðu Frakk-
landi á vald sitt, vissu Bretar að það
væri bara tímaspursmál hvenær
Öxulveldin beindu augum sínum
yfir Ermarsundið. Þann 10. júlí 1940
réðust 120 sprengju- og orustuflug-
vélar á breska skipalest á sundinu.
Á sama tíma létu um 70 sprengju-
flugvélar sprengjum sínum rigna
yfir skipasmíðastöð í suður Wales.
Þrátt fyrir að Bretar hefðu mun
færri orustuflugvélar en Þjóðverj-
ar, höfðu þeir yfir að ráða radar,
sem gerði það að verkum að erfitt
var fyrir Þjóðverjana að hefja
óvæntar árásir. Bretarnir áttu ein-
nig mun betri flugvélar en Þjóð-
verjarnir og voru bresku Spitfirer-
arnir til dæmis liprari en þýsku
ME109 vélarnar. Þýsku flugvélarn-
ar gátu flogið styttra, og sprengju-
flugvélarnar gátu ekki borið nægj-
anlegt magn af sprengjum.
Fyrstu daga bardagans var það
ál sem Bretum vantaði sárlega.
Ríkisstjórnin setti því fram beiðni
þar sem öllu áli í landinu yrði
komið til ráðuneytis framleiðslu
flugvéla. „Við breytum pottum
ykkar og pönnum í Spitfirera og
Hurricanes,“ sagði ráðuneytið og
stóð við orð sín. ■
ORUSTUFLUGVÉLAR Á FLUGI
Orustu- og sprengiflugvélar voru það sem
máli skipti í orustuni um Bretland þar sem
Þjóðverjar létu sprengjum rigna í rúma
þrjá mánuði.
Baráttan um Bretland hefst
16 10. júlí 2004 LAUGARDAGUR
■ AFMÆLI
JESSICA SIMPSON
Leikkonan og söngkonan Jessica Simpson
er 24 ára í dag.
10. JÚLÍ
Gísli Torfason er 50 ára.
Stefán Karl Stefánsson leikari er 29
ára.
■ ANDLÁT
Borghildur Sólveig Ólafsdóttir, Hjalla-
lundi 3a, Akureyri, lést miðvikudaginn 7.
júlí.
Helga Ágústa Hjálmarsdóttir, fyrrv.
gjaldkeri Ríkisspítalanna, Hlíðarhúsum
3-5, Reykjavík, lést þriðjudaginn 6. júlí.
Jón Árnason, Þverá, Eyjafjarðarsveit, lést
miðvikudaginn 7. júlí.
Olga Ásbergsdóttir, Súgandafirði, lést
miðvikudaginn 7. júlí.
Ragnhildur Pétursdóttir, Hlaðhömrum,
Mosfellsbæ, lést fimmtudaginn 1. júlí.
Útför hefur farið fram í kyrrþey.
Sunneva Hafberg, Reynimel 82, Reykja-
vík, lést þriðjudaginn 6. júlí.
■ JARÐARFARIR
11.00 Steinunn Guðrún Björnsdóttir,
Seljavegi 8, Selfossi, verður jarð-
sungin frá Selfosskirkju.
14.00 Atli Benedikt Hilmarsson verður
jarðsunginn frá Svalbarðskirkju í
Þistilfirði.
14.00 Helga Ólína Aradóttir, Móbergi,
Langadal, verður jarðsungin frá
Holtastaðakirkju.
14.00 Ari Benedikt Sigurðsson, Fagur-
hólsmýri, Öræfum, verður jarð-
sunginn frá Hofskirkju í Öræfum.
14.00 Sigríður Guðjónsdóttir, Hlíð í
Skaftártungu, verður jarðsungin
frá Grafarkirkju í Skaftártungu.
„Ég er 46 ára í dag,“ segir Helgi
Björnsson tónlistarmaður og
kveðst löngu orðinn skallapoppari
þó að enginn sé skallinn. ‘’Dagur-
inn fer nú sennilega mestur í und-
irbúning fyrir tónleikana sem við
í Grafík erum að halda hérna í Al-
þýðuhúsinu á Ísafirði klukkan
átta í kvöld. Mér sýnist meira að
segja að allt stefni í aukatónleika
klukkan 11. Hljómsveitin er að
koma saman í tilefni af því að 20
ár eru síðan við gáfum út plötuna
Get ég tekið séns? Platan sem
kom út 1984, sló í gegn og hefur
lifað með þjóðinni síðan,“ segir
Helgi grafalvarlegur,
Hann segist þó ætla að
þjófstarta afmælinu og grilla með
yngstu systur sinni sem einmitt á
sama afmælisdag og hann. „Við
bjóðum fjölskyldu og vinum til
fagnaðar, og það er nú ekki verra
að fá svona æðislegt veður,“ sagði
Helgi alsæll í bongóblíðu fyrir
vestan.
Helgi er ekkert sérstakur af-
mælisstrákur og afmælið hans
gleymdist gjarnan þegar hann var
yngri. „Ég geri yfirleitt ekki mik-
ið úr þessu, en konan mín hélt
einu sinni „surprise“ veislu fyrir
mig sem var voða gaman. Ég
mundi þá ekkert að ég átti af-
mæli.“
Eftirminnilegasta afmæli
Helga var fertugsafmælið. Mér
fannst ég þurfa að halda upp á
það með stæl. Síðustu ferð Akra-
borgarinnar bar einmitt upp á
sama dag. Við Stefán Stephensen
vinur minn ákváðum að fara
þessa síðustu ferð fram og til
baka með bátnum. Við tókum
með okkur kampavín og ljóða-
bækur og settumst upp á dekk í
blíðunni. Þetta var svona „lax-
nesk“ stemmning. Á Akranesi
fórum við svo á kaffihús og tókst
að missa af ferðinni til baka. Þá
voru góð ráð dýr því ég átti að
vera í leiksýningu um kvöldið í
Íslensku óperunni. Til stóð að
opna Hvalfjarðargöngin daginn
eftir, en ég lagðist í símann til að
fá menn til að opna göngin. Það
endaði með að við fórum í lög-
reglufylgd gegnum göngin dag-
inn áður en þau voru vígð. Ég
náði í óperuna og bauð til veislu
eftir sýninguna. Þetta var hreint
út sagt yndislegt.
Fyrir aðdáendur Helgar og
Grafíkur má geta þess að Grafík
heldur væntanlega eina tónleika
Reykjavík í lok sumars. Ekki
missa af því. ■
AFMÆLI
HELGI BJÖRNSSON ER 46 ÁRA
■ Hann er í góðum gír á Ísafirði með
hljómsveitinni Grafík og er jafnframt að
halda upp á að 20 ár eru síðan platan
Get ég tekið séns, kom út.
10. JÚLÍ 1940
SÍÐARI HEIMSSTYRJÖLDIN
■ Baráttan um Bretland
HELGI BJÖRNSSON
Heldur upp á afmælið sitt á Ísafirði í dag, en þar heldur hann tvenna tónleika í kvöld með hljómsveitinni Grafík endurvakinni.
Útför móður okkar, tengdamóður ömmu og
langömmu
GUÐMUNDU LILJU ÓLAFSDÓTTUR,
Seljahlíð, Hjallaseli 55
sem lést 5. júlí sl.
verður gerð frá Dómkirkjunni, föstudaginn 16. júlí kl. 13:30
Helga Karlsdóttir Gunnar Ingimarsson
Guðríður Þorsteinsdóttir Stefán Reynir Kristinsson
Vilhelmína Þorsteinsdóttir
ömmubörn og langömmubörn
Fimm nýjar hljóðbækur verða
kynntar í versluninni Iðu við
Lækjargötu í dag. Um er að
ræða Grafarþögn eftir Arnald
Indriðason í upplestri Sigurðar
Skúlasonar leikara og barna-
bækurnar Lína Langsokkur,
Hrói Höttur,
V a l i n
Grimmsæv-
intýri og
Skemmtilegu
s m á b a r n a -
bækurnar. Þá
hefur verið opnuð heimasíðan
hljodbok.is en þar má m.a. hlus-
ta á sýnishorn af hverri bók.
Að sögn Herdísar Hallvarðs-
dóttur, markaðsstjóra hljod-
bok.is, hafa viðbrögð almenn-
ings verið góð. „Salan hefur far-
ið ágætlega af stað. Þetta er til-
tölulega ný vara sem Íslending-
ar eru ekki vanir að kaupa sér.
Hins vegar eru menn mjög já-
kvæðir. Ég er ánægð með mót-
tökurnar,“ segir Herdís.
Hún segir að fjölmargir geti
nýtt sér bækurnar, ekki bara
þeir sem eru blindir eða hafi
slæma sjón. „Þeir sem eru að
keyra í vinnu geta hlustað á bæk-
urnar og líka þeir sem eru með
börn og eru að keyra kannski út
úr bænum í frí. Börnin eru miklu
rólegri ef þau hafa eitthvað að
hlusta á,“ segir hún. „Þetta getur
líka verið fyrir önnum kafið fólk
sem gefur sér ekki tíma til að
lesa. Það getur hlustað á bæk-
urnar þegar það fer út að labba
eða er heima hjá sér að strauja.“
Auk bókakynningarinnar
munu tvær stúlkur frá Hinu hús-
inu, þær Bryndís Sveinbjörns-
dóttir og Sigrún Baldursdóttir,
kynna fatalínu sína Lykkju-
fall...úps. ■
Hljóðbækur fyrir önnum kafið fólk
TÍMAMÓT
HLJÓÐBÓK.IS
■ hefur sent frá sér fimm nýjar hljóð-
bækur, þeirra á meðal Grafarþögn eftir
Arnald Indriðason.
GRIMMS-
ÆVINTÝRI
Upplagt er að
spila Grimms-
ævintýri fyrir
börnin þegar
farið er í ferðalag.
GÍSLI HELGASON
Annar stofnandi Hljóðbókar.is sem mun
kynna nýjar hljóðbækur í dag.