Fréttablaðið - 11.07.2004, Blaðsíða 10
Síðasti séns á skralli
Laurence Olivier, einn þekktasti
leikari 20. aldarinnar, lést í
Englandi á þessum degi árið 1989. Á
leikferli sínum hafði hann leikið í
rúmlega 120 verkum á sviði, næst-
um 60 kvikmyndum og um 15 sjón-
varpsmyndum. Hann hlaut ótal við-
urkenningar og verðlaun á löngum
ferli. Hann var tólf sinnum tilnefnd-
ur til óskarsverðlauna, ýmist sem
leikari, framleiðandi eða leikstjóri,
og vann tvisvar. Hann hlaut verð-
launin sem besti leikari í aðalhlut-
verki og bestu mynd ársins,
Hamlet, árið 1949 og 30 árum síðar
fékk hann óskarsheiðursverðlaunin.
Laurence Olivier var vel mennt-
aður prestssonur sem hafði
snemma verið kynntur fyrir list-
um. Hann lék sitt fyrsta hlutverk
þegar hann var fimmtán ára nemi
við drengjaskólann All Saints
Choir School, en hlutir fóru ekki að
gerast fyrr en hann gekk til liðs við
Birmingham Repertory leikfélagið
árið 1926. Fyrsta stóra Hollywood-
hlutverk hans var aðalhlutverkið í
Yellow Ticket. Þegar hann síðar lék
í Fire Over England var hann orð-
inn gífurlega umtalaður, ekki síst
vegna sambands hans við mót-
leikkonu sína, Vivien Leigh. Þá
voru þau bæði gift öðrum en gift-
ust síðar og voru gift í rúm 20 ár.
Hann var aðlaður árið 1947 og
árið 1970 fékk hann nafnbótina
Oliver Barón af Brighton, auk fjölda
annarra viðurkenninga sem hann
hlaut á lífsleiðinni fyrir þjónustu
sína við leikhúsið. ■
■ ÞETTA GERÐIST
1346 Karl IV af Lúxemborg er kjörinn
rómverskur keisari í Þýskalandi.
1786 Marokkó samþykkir að hætta að
ráðast á amerísk skip á Miðjarð-
arhafi gegn 10.000 dala greiðslu.
1918 Enrico Caruso tekur upp lagið
Over there eftir Gerorge M.
Cohan.
1977 Við athöfn í hvíta húsinu var sr.
Martin Luther King jr. veitt frelsis-
orðan eftir andlát hans.
1980 Ajatollah Ruhollah Khomeini fyr-
irskipar að Richard Queen skuli
sleppt úr gíslingu sökum veik-
inda. Queen hafði verið tekinn
sem gísl, ásamt 62 öðrum
Bandaríkjamönnum, í banda-
ríska sendiráðinu í Teheran, 4.
nóvember 1979.
1991 Almyrkvað verður víða í heimin-
um í sólmyrkva sem stendur í
um sex mínútur.
1994 Shawn Eckhardt var dæmdur til
18 mánaða fangelsisvistar fyrir
sinn hlut í árásinni á skauta-
drottninguna Nancy Kerrigan.
LAURENCE OLIVIER
Fyrir hlutverk sitt í Hamlet hlaut Laurence
Olivier önnur óskarsverðlaun sín.
Barón Oliver af Brighton deyr
„Það er aldeilis margt og mikið á
prjónunum hjá mér í komandi
viku,“ segir brosvaldurinn og fjöl-
miðlakamelljónið Hermann Gunn-
arsson um áform næstu viku. „Í
forgangi verður að njóta þess að
vera til. Það er númer eitt, tvö og
þrjú. Ég ákveð á hverjum morgni
að vera í góðu skapi og það geng-
ur alveg ljómandi vel. Ég kem til
með að hreyfa mig eitthvað,
synda og ganga úti í náttúrunni,
enda mikill náttúrumaður í mér.
Fer mikið í Heiðmörkina mína
þegar ég er í Reykjavíkinni, sem
er hreinasta náttúruparadís sem
alltof fáir hafa uppgötvað. Þar get
ég gengið endalaust með sjálfum
mér og spáð í tilveruna. „
Hemmi ætlar meðfram göngu-
ferðunum að standa í búflutning-
um í næstu viku, en vitaskuld í
engu stressi.
„Ég ætla að skipta um íbúð en
það geri ég ekki í neinu akkorði
heldur gef mér stóran hluta næstu
viku í þá flutninga. Svo byrja ég
með nýjan laugardagsþátt á
Bylgjunni um lífið og tilveruna,
blandaðan léttum viðtölum og
hvatningu til fólks um að vera
kátt og brosa svolítið meira. Alla
næstu viku verð ég líka í bullandi
næturvinnu við fótboltalýsingar á
Sýn, en nú er suður-ameríska
meistarakeppnin í gangi og leik-
irnir svo seint að sjaldan hefur
verið heppilegra en nú að vera
ekki giftur í því næturstússinu.
Þetta er allt svo rosalega
skemmtilegt og ég svo mikill
lukkunnar pamfíll að geta valið
mér verkefni sem ég hef áhuga á
þannig að það er aldrei leiðinlegt
að vakna til vinnu hjá mér. Og það
finnst mér nú engin smá forrétt-
indi.“ ■
Er svo mikill lukkunnar pamfíll
10 11. júlí 2004 SUNNUDAGUR
■ AFMÆLI
■ AFMÆLI
■ ANDLÁT
11. JÚLÍ
Hvað heitir blaðberinn?
Helena Ýr Gunnarsdóttir.
Hvað hefurðu borið út
lengi?
Í sjö mánuði.
Hvað ertu með í vasan-
um?
Ekkert.
Hvað finnst þér skemmti-
legast að gera?
Vera með vinum mínum.
Hvert er þitt mottó?
Láttu drauma þína rætast!
[ BLAÐBERI VIKUNNAR ]
HELENA ÝR GUNNARSDÓTTIR
Hermann Hreiðarsson knattspyrnu-
kappi er 30 ára.
Arnþór Þórðarson, Lindargötu 57,
Reykjavík, lést miðvikudaginn 7. júlí.
Hafdís Jónsdóttir, Rauðalæk 36,
Reykjavík, lést föstudaginn 9. júlí.
Kristófer Guðmundsson, lést miðviku-
daginn 30. júní. Útför hefur farið fram í
kyrrþey.
Margrét Kristín Guðmundsdóttir, Suð-
urhólum 26, Reykjavík, lést fimmtudag-
inn 24. júní. Útför hefur farið fram í kyrr-
þey.
Sólveig Guðmundsdóttir þroskaþjálfi,
Hjallavegi 46, Reykjavík, lést fimmtudag-
inn 8. júlí.
„Á sunnudaginn ætla ég að njóta
hvíldar. Stærsta verkefnið verður
að horfa á tvo síðustu þættina af
24. Ef afmælisveislan verður eins
og ég vonast eftir, nægir þetta
sem verkefni fyrir daginn,“ segir
Ari Edwald, framkvæmdarstjóri
Samtaka atvinnulífsins, sem er
fertugur í dag. „Ég eldist reyndar
bara um einn dag í einu og stend í
þeirri trú að það sé bara hylkið
sem eldist, en ég er síungur í
anda.“
Þegar blaðamaður náði tali af
honum var hann að undirbúa sig
fyrir helgina og þá sérstaklega
veisluna sem hann bauð til á Nasa
við Austurvöll í gær. „Þó ég eigi
afmæli á sunnudegi, vildi ég ekki
gera ýmsum félögum mínum það
að bjóða þeim í kokteil á svoleiðis
degi. Ég er að vonast til að fólk
eigi notalega stund saman og að
afmælið verði upphafið að góðu
laugardagskvöldi, þetta gæti orð-
ið mikil skemmtun.“ Þó svo árin
standi á heilum tug segist hann
ekki hafa borðið mjög formlega til
veislunnar, þetta verði meira opið
hús.
„Það má nú jafnvel segja að ég
hafi talað mig inn í þetta í Frétta-
blaðinu í fyrra. Þið höfðuð mig þá
sem 39 ára afmælisbarn og höfð-
uð fyrirsögnina „Verður stærra á
næsta ári“. Ég er mjög spenntur
fyrir að halda upp á þennan áfan-
ga og það er ekki hægt annað en
að standa við stóru orðin. Þetta er
líka síðasti sénsinn á að skralla að-
eins áður en maður kemst á fimm-
tugsaldurinn.“
Ari er nýkominn úr stuttu
sumarfríi, þar sem hann eyddi
nokkrum tíma í það að veiða. Það
sem af er sumri hefur hann náð
tveimur löxum meðalstórum.
Hann segist kunna best við sig í
Laxá í Leirársveit. „Það sem
kannski ræður mínu mati á
þessu, er að mér hefur alltaf
gengið vel þar. Þá myndast betri
tengsl við ána. Ég beiti flugunni
mest, sem kemur dálítið af sjálfu
sér þar sem maðkurinn er víða
ekki leyfilegur, og það er líka
skemmtilegra. Ég hef þó ekki
enn náð þeim þroska sem veiði-
maður að sleppa fiski sem ég næ
að landa, en ég held að það stytt-
ist í það.“ ■
AFMÆLI
ARI EDWALD
■ er 40 ára. Hélt veisluna í gær.
VIKAN SEM VERÐUR
HERMANN GUNNARSSON
■ fjölmiðlamaður og gleðigjafi ætlar
að flytja, byrja með nýjan útvarpsþátt,
lýsa fótboltaleikjum í næturvinnu
og ganga í Heiðmörkinni
11. JÚLÍ 1989
LAURENCE OLIVIER
■ deyr 82 ára.
ARI EDWALD
Sagði í Fréttablaðinu fyrir ári að hann héldi mikla veislu í ár og þurfti því standa við stóru orðin.
HERMANN GUNNARSSON
Þessi ástsæli fjölmiðlamaður snýr eina
ferðina enn aftur í útvarp og mun leysa
Gulla Helga af á laugardögum á Bylgjunni.
HELENA ÝR GUNNARSDÓTTIR
Er blaðberi vikunnar hjá Fréttablaðinu.
Hún er kvartanalaus og mikill dugnaðar-
forkur. Hún hefur borið út í sjö mánuði, er
ekki með neitt í vösunum en stefnir að því
að láta draumana rætast.
GIORGIO ARMANI
Að ganga í Armani-jakkafötum er frekar
lífsstíll en tíska. Tískuhönnuðurinn sjálfur
er 70 ára í dag.
LIL’ KIM
Rapparinn, sem eitt sinn var í Destiny’s
Child og er einnig þekkt fyrir vafasaman
klæðaburð, er 29 ára í dag.