Fréttablaðið - 11.07.2004, Blaðsíða 16

11. júlí 2004 SUNNUDAGUR
Forsetakosningar hjá spænska stórliðinu.
Hver mun ráða hjá Real?
Forsetakosningar hjá spænska
stórliðinu Real Madrid fara fram
í dag. Þrír menn eru í framboði,
Florentino Perez, Lorenzo Sanz
og Arturo Baldesano. Framtíð
margra leikmanna í Evrópu
veltur á því hver þeirra vinnur.
Tímabil án titils
Fyrir síðasta tímabil styrkti
Real vörn sína ekki tilfinnanlega.
Spánverjar eru ekkert sérstak-
lega hrifnir af varnarbolta. Þeir
vilja flottan fótbolta þar sem
getan og tæknin eru aðalatriðin.
Sagan sýnir að það er ekki nóg
að Real vinni. Liðið á að vinna
fallega. Real Madrid ætlaði að
ganga skrefið til fulls og spila
bara sókn. David Beckham fann
sig vel fyrri hluta tímabilsins
sem og markaskorarinn Ronaldo
sem spænskir fjölmiðlar kalla
feitabolluna.
Á síðari hluta tímabilsins fór
allt að hrynja. Liðið endaði tíma-
bilið með buxurnar á hælunum.
Tapaði megninu af síðustu leikj-
unum. Þetta var eins og að horfa
á hóp uppáklæddra smástelpna
sem vilja ekki skíta út fínu kjól-
ana sína í barnaafmæli. Slíkt var
andleysið. Stuðningsmenn liðs-
ins hentu rusli í þjálfarann,
Carlos Quieroz, á síðasta heima-
leik tímabilsins. Honum var
kennt um slakt gengi liðsins og
var látinn taka pokann sinn.
José Antonio Camacho var
ráðinn í hans stað. Auk Camacho
hefur Florentino Perez frá-
farandi forseti liðsins tryggt lið-
inu krafta argentínska varnar-
mannsins Walter Samuel.
Camacho hefur sagt að liðið
þurfi ekki fleiri leikmenn þar
sem leikmaðurinn sem vantað
hafi í liðið sé Samuel. Forseta-
frambjóðendurnir eru hins
vegar ekki á því og keppast við
að lofa stuðningsmönnum liðsins
nýjum leikmönnum fyrir
forsetakosningarnar. ■NÝTT
frá Jóa Fel
basil & hvitlauks sósa
rósapipar sósa
dijon hunangs sósa
STJÖRNUR REAL
Frammistaðan var slök á síðasta tímabili.
ARTURO BALDESANO
Þriðji frambjóðandinn, Baldesano, er ekki talinn
líklegur að bera sigur úr býtum. Baldesano segir
Real hafa tapað allri auðmýkt og trúnni á vinnu-
semi. Að bæði leikmenn og stjórnendur liðsins
séu orðnir of værukærir og hrokafullir.
Baldesano hefur sagst ætla að næla í Wayne
Rooney og möguleiki sé að hann selji Beckham.
Eins og Sanz hefur Baldesano gagnrýnt Perez
fyrir að halda ekki nógu góðu sambandi við
stuðningsmenn liðsins. Hann ætlar að verða
alþýðlegri stjórnandi.
LORENZO SANZ
Það þótti tíðindum sæta árið 2000 þegar Sanz
tapaði í forsetakosningunum fyrir Florentino
Perez, nokkrum mánuðum eftir að Real land-
aði sínum öðrum meistaradeildartitli á þrem
árum. Megingagnrýni Perez á Sanz var skulda-
söfnun félagsins undir stjórn hans. Nú gagnrýn-
ir Sanz Perez fyrir að hafa eytt of miklum
peningum í leikmannakaup.
Í kosningabaráttunni hefur Sanz lofað að koma
á fót sterku uppbyggingarstarfi í yngri liðunum
og gagnrýnt stefnu Perez sem gengið hefur út
á að kaupa stjörnur til liðsins.
Sanz hefur lofað að stuðningsmenn liðsins fái
aukna möguleika til að hafa áhrif á mótun
liðsins.
Eins og Perez hefur Sanz lofað því að fá
ákveðna leikmenn til liðsins. Menn eins og
Milan Barros, Tomas Rosicky og portúgalska
miðjumanninn Maniche.
Stuðningsmenn Real eru langræknir. Ólíklegt er
að þeir séu búnir að gleyma bágri fjárhags-
stöðu liðsins eftir síðustu stjórnartíð Sanz. Ekki
þykir líklegt að Sanz nái að velta Perez af stóli.
FLORENTINO PEREZ
Undir stjórn Perez hefur liðið sigrað tvisvar í
deildinni og einu sinni í meistaradeildinni.
Ráðning Quieroz sem þjálfara voru mistök
sem Perez gekkst við eftir tímabilið. Real stóð
uppi án titils sem þykir ófært á þeim bænum.
Perez var að hluta til kennt um því hann
styrkti ekki vörnina fyrir tímabilið. Perez hefur
lofað að styrkja miðju og vörn liðsins með því
að kaupa portúgölsku landsliðsmennina
Carvalho og Costinha frá Porto.
Þrátt fyrir slakt gengi liðsins á síðasta tímabili
er Perez líklegastur af frambjóðendunum til að
verða kosinn. Hann hefur aukið frægð liðsins á
alþjóðavettvangi með markaðssetningu og
með því að kaupa rétta leikmenn. Hann nýtur
auk þess stuðnings tveggja af mest lesnu fót-
boltablöðum Spánar. Fyrir Perez er Real hug-
sjón ekki fótboltalið.