Fréttablaðið - 11.07.2004, Blaðsíða 18

Ef þú ert á milli starfa og vantar smá aukapening þá er um að gera að
safna saman gömlu dóti og reyna að selja það. Leigðu þér bás í Kola-
portinu eða settu vörurnar þínar inn á ebay.com - hver veit, kannski
verður heppnin með þér.
Kristrún (t.h.) ásamt félögum sínum á Ási.
Kristrún Guðmundsdóttir á vinnustofunni Ási:
Dansar við Ómar Ragnars
Ás er vernduð vinnustofa Styrkt-
arfélags vangefinna þar sem hátt
í fimmtíu starfsmenn og verkefn-
isstjórar vinna. Kristrún Guð-
mundsdóttir hefur starfað á Ási
undanfarin átta ár og segist
hlakka til að koma í vinnuna á
hverjum degi. „Andinn á vinnu-
staðnum er bara mjög góður og
allir þekkjast vel,“ segir
Kristrún, sem sinnir fjölbreytt-
um störfum, s.s. pökkun á blöðum
og jólakúlum, flokkun, merking-
ar á umslögum og fleiru. „Við
erum bara að pakka fyrir fólk úti
í bæ og svo límum við merkimiða
á blöðin og svona. Svo er sauma-
stofa hérna á neðri hæðinni þar
sem eru saumaðir gólfklútar,
viskustykki, bleiur og ýmislegt.“
Vinnustofan á stóran viðskipta-
hóp en Kristrún er aðallega í
pökkun. „Ég hef líka verið að
sinna þvottum og hjálpa til í eld-
húsinu.“
Þegar Fréttablaðið heimsótti
Kristrúnu var líf og fjör á starfs-
mönnum stofunnar. „Við erum að
dansa. Það er alltaf leikfimi hjá
okkur en stundum dönsum við
líka. Ég hef lært línudans í Sól-
túni og finnst skemmtilegast að
dansa við Ómar Ragnarsson,“
segir hún og hlær.
Áður en Kristrún kom á vinnu-
stofunna í Brautarholti starfaði
hún á Bjarkarási. „Ég var bæði á
vinnustofunni þar og dagheimil-
inu. Ég held að mér finnist dag-
heimilið skemmtilegast.“ Hún
segist hafa náð vel til krakkanna
en saknar þeirra ekkert sérstak-
lega eftir að hún byrjaði á Ási.
Hún er alin upp í Hlíðunum en í
dag býr hún í Breiðholti. „Það er
ekkert langt, ég fer í vinnuna
með Ferðaþjónustunni á hverjum
degi.“ En þó að Kristrúnu þyki
gaman í vinnunni hlakkar hún
mikið til að fara í sumarfrí. „Ég
fer í sumardvöl í Hrísey á hverju
ári og ein vinkona mín kemur
með mér núna. Eftir það fer ég
ein að heimsækja frænku mína á
Dalvík. Hún býður mér í mat og
er mjög almennileg.“
thorat@frettabladid.is
Lenging skólaársins:
Bitnar mest á ferðaþjónustunni
Ef lenging skólaársins yrði að
veruleika myndi það helst bitna á
starfsmannahaldi ferðaþjónust-
unnar, ef horft er til einstakra
greina atvinnulífsins. Þetta kem-
ur fram í niðurstöðum könnunar
sem Samtök atvinnulífsins gerðu í
síðasta mánuði um áhrif lenging-
ar skólaársins á starfsmannahald
fyrirtækja. Þar kemur einnig
fram að lenging skólaársins
myndi einnig hafa veruleg áhrif á
starfsmannahald fyrirtækja í
verslun og þjónustu en í öðrum
greinum yrðu áhrifin minni og þá
minnst meðal rafverktaka. Þá
myndi lengingin frekar hafa áhrif
á fyrirtæki á landsbyggðinni en á
höfuðborgarsvæðinu.
Rúmlega 1.300 aðildarfyrir-
tæki Samtaka atvinnulífsins
fengu spurningar í netpósti og
bárust svör frá tæpum 600. ■
Ný atvinnukönnun vestan hafs:
Helmingur vill segja upp störfum
Ný könnun í Bandaríkjunum
leiðir það í ljós að næstum helm-
ingur vinnandi manna í Banda-
ríkjunum ætlar að hætta í vinnu
sinni við fyrsta tækifæri. 2.600
starfsmenn tóku þátt í þessari
könnun. Könnunin leiðir það í
ljós að mörgum starfsmönnum
finnst þeir lítilsmetnir og eru
almennt óánægðir í vinnunni. 34
prósent myndu ekki mæla með
vinnuveitenda sínum. 47 pró-
sent þeirra sem tóku þátt í könn-
unni eru að leita að nýrri vinnu
eða ætla að gera það á næstu
tólf mánuðum.
112.000 ný störf urðu til í síð-
asta mánuði og um 1,2 milljónir
starfa hafa orðið til það sem af
er árinu 2004.
Þessi aukna óánægja er mikið
áhyggjuefni fyrir vinnuveitend-
ur sem sjá nú fram á blóm-
strandi efnahag en í kjölfarið
missa þeir alla bestu starfs-
menn sína.
Laun auka líka á óánægjuna
og hafa þau hækkað mjög lítið á
síðustu árum. Tæplega 50 pró-
sent þeirra sem tóku þátt í könn-
unni segjast vera að skilja við
vinnuna vegna lágra launa.
Tímakaup hefur aðeins hækkað
um 0,2 prósent á síðasta ári. 45
prósent sögðu hins vegar að
framavonir sínar væru litlar í
fyrirtækinu og því væru þau að
hætta. 36 prósent eru á höttun-
um eftir betri eftirlaunasamn-
ingi.
Það má ekki gleyma þeim
sem vilja halda í vinnuna. Rúm-
lega 50 prósent sögðust halda
áfram í núverandi vinnu vegna
góðs eftirlaunasamnings á með-
an 46 prósent nutu sveigjanlegs
vinnutíma og 43 prósent sögðu
auðvelt að komast til vinnu. ■
[ Hvernig verð ég... ]
Rannsóknarlögreglumaður?
Til að verða rannsóknarlögreglumaður þarf að byrja frá grunni og sækja um í
Lögregluskólanum, sem er eins árs nám. Því næst er nauðsynlegt að starfa inn-
an hinnar almennu lögreglu og öðlast talsverða reynslu. Starf lögreglumanna
snýst jú að mörgu leyti um rannsóknir á málum.
Framhaldið ræðst af áhuga hvers og eins en lögreglan er mjög fjölbreytt og því
margar leiðir til að sérhæfa sig.
Rannsóknarlögreglumenn eru sérhæfðir í áframhaldandi rannsóknum en við-
eigandi námskeið er hægt að sækja í Lögregluskólanum eftir störf sem almenn
lögregla um tíma. Eftir slík námskeið er hægt að sérhæfa sig enn frekar, til
dæmis í tæknirannsóknum.
Rannsóknarlögreglan er ekki lengur aðskilin frá almennu lögreglunni heldur
deild innan hennar.
Í dag starfa um 70 manns í rannsóknardeild lögreglunnar í Reykjavík en rann-
sóknarlögreglumenn starfa einnig í öllum stórum umdæmum á landinu.
Starf rannsóknarlögreglunnar er að upplýsa mál, sem felur í sér að komast að
því hvort brot hafi verið framið og þá hver framdi það. Því næst undirbýr hún
málið fyrir dómsmeðferð svo ákæruvaldið geti tekið ákvörðun um hvern á að
ákæra og fyrir hvað. Afla þarf ítarlegra upplýsinga um málið og finna vitni.
Tæplega helmingur Bandaríkjamanna vilja skipta um vinnu vegna lágra launa og
óánægju í starfi.
Ef lenging skólaársins yrði að veruleika myndi það helst bitna á starfsmannahaldi
ferðaþjónustunnar.