Fréttablaðið - 11.07.2004, Blaðsíða 19
3SUNNUDAGUR 11. júlí 2004
Lausar stöður við Háteigskirkju
Háteigssöfnuður auglýsir eftirfarandi stöður
lausar til umsóknar:
• Framkvæmdastjóri (50% staða). Daglegur
rekstur safnaðarins, framkvæmdir, ýmis verkefni.
• Fræðslufulltrúi (80% staða).
Umsjón barna- og unglingastarfs kirkjunnar
• Stjórnandi barnakórs (25% staða).
Uppbygging nýs barnakórs frá grunni
Umsóknarfrestur er til 21. júlí 2004.
Nánari upplýsingar um stöðurnar er að finna á
heimasíðu kirkjunnar www.hateigskirkja.is
Það er gott að
búa í Eyjum
Vegna forfalla eru lausar kennarastöður
við Barnaskóla Vestmannaeyja.
Aðalkennslugreinar eru almenn kennsla og
raungreinakennsla.
Upplýsingar gefa: Hjálmfríður Sveinsdóttir skóla-
stjóri í símum 481-1898 og 690-8756, netfang:
hjalmfr@ismennt.is og og Björn Elíasson aðstoðar-
skólastjóri í símum 481-2776 og 694-2776,
netfang: bjorne@ismennt.is.
Viðamiklar upplýsingar um skólann er
að finna á slóðinni:
http://vestmannaeyjar.ismennt.is/
Netbókhald.is óskar eftir að ráða kerfis- eða
tölvunarfræðing.
Hugbúnaðurinn sem um ræðir er skrifaður í Java og
notar JDBC til þess að hafa samskipti við gagna-
grunn. RMI er notað í samskiptum á milli miðlara
og biðlara.
Hæfniskröfur:
Viðkomandi þarf að hafa reynslu af forritun í Java
umhverfinu.
Einnig reynslu af eftirfarandi Java tækni:
• JDBC
• JSP
• JFC/Swing
• RMI
• XML
Reynslu af SQL fyrirspurnarmáli er nausynleg.
Einnig þarf viðkomandi að geta séð um IIS vefþjón
og Microsoft Exchange póstþjón.
Fagleg og sjálfstæð vinnubrögð.
Áhugavert starf fyrir metnaðarfullan einstakling.
Umsóknir sendist Fréttablaðinu merkt Netbokhald.is
1506 fyrir 20 júlí.
Íslenskar jurtir til útflutningsframleiðslu:
Heimurinn er svolítið stór
„Þar sem eftirspurn er eftir
afurðum úr íslenskum jurt-
um ákváðum við að bjóða
upp á námskeið í tínslu og
meðhöndlun þeirra meðal
kvenna sem hafa aðgang að
hentugu landi,“ segir
Bjarnheiður Jóhannsdóttir,
starfsmaður verkefnisins
Fósturlandsins freyjur.
Hún segir kennsluna verða
á hendi sérfræðinga Vist-
fræðistofunnar og býst við
að námskeiðin verði haldin
á þremur stöðum á lands-
byggðinni og staðsett eftir
þátttöku á hverju svæði
fyrir sig. Mikill áhugi sé
fyrir þeim. „Á fimmta tug
kvenna hefur haft samband
eftir að við auglýstum. Þær
eru óskaplega glaðar yfir
því að eitthvað skuli vera
gert á þessu sviði,“ segir
hún.
Fósturlandsins freyjur
er þriggja ára verkefni á
vegum atvinnu og jafnrétt-
isráðgjafa Byggðastofnun-
ar og er ætlað konum í
dreifbýli. Bjarnheiður seg-
ir hægt að skipta þeim í
þrjá hópa sem hafi haft
samband vegna jurtatínsl-
unnar. Í einum þeirra séu
konur sem hafi áhuga á að
tína villtan gróður. Annar
hafi áhuga á að rækta og
tína jurtir á jörðum sínum
og í þriðja hópnum séu kon-
ur sem vilji vinna afurðir
úr jurtum. „Þannig að þetta
kann að hafa margfeldisá-
hrif þegar upp er staðið,“
segir hún ánægjulega og
bætir við að í kjölfar nám-
skeiðanna verði farið í þró-
unarvinnu með þeim kon-
um sem áhuga hafi á því.
Síðan taki við lífrænis-
vottun þar sem fyrirhugað-
ir tínslustaðir verði teknir
út. En hvaða tegundum er
helst sóst eftir? „Það eru til
dæmis vallhumall, æti-
hvönn, mjaðurt, fjallagrös,
smári, blóðberg, baldurs-
brá, klóelfting og maríu-
stakkur,“ upplýsir Bjarn-
heiður. Hún segir tvö ís-
lensk fyrirtæki í eigu
kvenna vera í samstarfi við
Freyjurnar, annað í mat-
vælaframleiðslu og hitt í
snyrtivörugeiranum og
muni þau koma til með að
kaupa jurtir af konum víða
um land. En skyldi markað-
urinn vera ótakmarkaður?
„Nei, örugglega ekki en
bæði fyrirtækin eru í út-
flutningi og heimurinn er
svolítið stór,“ svarar hún
brosandi.
Aðspurð segir Bjarn-
heiður körlum ekki meinað-
ur aðgangur að grasa-
tínslunni og því síður ætl-
unina að stuðla að hjóna-
skilnuðum, þannig að hjón
sem stundi þessa iðju sam-
an séu velkomin. Hinsveg-
ar sé verkefnið sérstaklega
ætlað konum og þeim finn-
ist það greinilega heillandi.
„Hljómgrunnurinn er góð-
ur en við erum bara að
stíga fyrstu skrefin.“ segir
hún að lokum.
gun@frettabladid.is
Sumarstarf
Starfsmaður óskast tímabundið við þrif á bílum á
bílaleigu. Um er að ræða vinnu föstudaga, laugar-
daga, sunnudaga og mánudaga. Þarf að geta
byrjað strax og verið vel fram í ágústmánuð.
Vinsaml. sendið umsóknir á berg@bergcar.is
Hvönn er meðal þeirra tegunda
sem sóst er eftir.
„Áhuginn á jurtatínslu er mikill meðal kvenna víða um land,“ segir Bjarnheiður sem hér er úti í guðs
grænni náttúrunni með syni sína Dag og Mána Þórarinssyni.