Fréttablaðið - 12.07.2004, Blaðsíða 8
8 12. júlí 2004 MÁNUDAGUR
Dönsk rannsókn um mengun drykkjarvatns:
Kólígerlar lífsseigari
en talið var
HEILBRIGÐI Greint er frá því í Dan-
mörku að samkvæmt rannsóknar-
verkefni sem þar fór fram eru
kólígerlar í vatni mun lífsseigari
en áður var talið. Hefur hingað til
þumalputtareglan verið sú að
gerlar af þessari tegund lifa ekki í
drykkjarvatni lengur en nokkra
daga en Danirnir hafa uppgötvað
að bakteríurnar geta þrifist marg-
ar vikur ef aðstæður eru réttar.
Víða í landinu glíma stjórnvöld
við mengað drykkjarvatn og líður
ekki sumar án þess að einhvers
staðar verði vart við kólígerla af
einhverri tegund. Sem dæmi hafa
íbúar í Veilje lengi orðið að láta
sér lynda að drekka vatn sem ekki
þykir sem best fallið til manneldis
vegna mengunar.
Þess ber að geta að kólígerlar
eru sjaldan hættulegir fólki en
fjöldi þeirra og útbreiðsla gefur
yfirvöldum tilefni til að vera bet-
ur á varðbergi en verið hefur. Til
þeirra teljast saurgerlar frá
mönnum og dýrum sem berast á
tíðum í ár og læki. ■
Landsmót UMFÍ á Sauðarkróki slitið:
Friðsælla en ball í Miðgarði
Eftir verðlaunaafhendingu
sigursælustu liðanna á lands-
móti UMFÍ, sem haldið var á
Sauðárkróki um helgina, var því
slitið í einmuna sumarblíðu að
viðstöddum fimmtán þúsund
sólbrúnum og himinglöðum
gestum á öllum aldri síðdegis á
sunnudag. Alls kepptu tæplega
þrjátíu lið í tæplega þrjátíu
íþróttagreinum, sem bæði voru
hefðbundnar; eins og fótbolti,
handbolti, blak, siglingar og
frjálsíþróttir, en einnig í starfs-
íþróttum eins og pönnuköku-
bakstri og jurtagreiningu. Voru
elstu keppendurnir um nírætt,
en á landsmóti er jafnan keppt í
greinum sem henta öllum og í
sinni fjölbreyttustu flóru.
Veðurblíðan lék við mótsgesti
allt frá setningu á fimmtudag
með glampandi sól og 25 stiga
hita. Að sögn Ómars Braga Stef-
ánssonar, framkvæmdastjóra
landsmótsins, voru haldnir
landsmótafundir á hverjum
morgni en aldrei lágu nein mál
fyrir.
„Hér kom enginn skapaður
hlutur upp á og ekkert til tíðinda
nema friðsæld og góðar fréttir.
Við fengum okkur því bara
kaffibolla, horfðum á hvort ann-
að og brostum af ánægju á þess-
um morgunfundum,“ segir
Ómar Bragi og tekur undir með
lögreglunni á Sauðárkróki sem í
hádegisfréttum útvarps þakkaði
mótsgestum sérstaklega fyrir
frábært mót og góða framkomu.
„Lögreglan sagði helgina
hafa verið friðsælli ein eitt ball í
Miðgarði að jafnaði, enda af-
skaplega gaman hér og mikill
mannkærleikur í hávegum hafð-
ur frá setningu til slita. Held að
sólin hafi spilað þar stórt hlut-
verk, því þegar hún skín gengur
mót sem þetta eins og smurð
vél,“ segir Ómar Bragi og lítur
yfir tjaldsvæðið, sem eftir af-
bragðs umgengni lítur út eins og
nýtt, hreint og ónotað eftir alla
fimmtán þúsund gestina.
Í heildarstigakeppni lands-
mótsins voru UMSK stigahæst-
ir, en þar á eftir heimamenn. Í
þriðja sæti var HSK.
thordis@frettabladid.is
Ísrael:
Færri í
háskóla
SKÓLAMÁL Mun fleiri arabar
sækja orðið háskólanám en
gyðingar og veldur þetta ráða-
mönnum í Ísrael þungum
áhyggjum.
Er orsökin talin vera lág
fæðingartíðni auk þess sem
ásókn í háskóla í miðhluta Ísra-
el þangað sem flestir leitast
eftir að búa er langt umfram
það sem hægt er að veita. Sjá
ráðamenn fram á að innan
nokkurra ára verði stétt há-
skólagenginna í landinu alltof
lítil og heimta aðgerðir hið
fyrsta. ■
■ EVRÓPA
SVONA ERUM VIÐ
FJÖLDI HANDTAKA OG VISTANA Í
FANGAGEYMSLUM LÖGREGLUNNAR
ÁRIÐ 2003
Handtökur
Fjöldi handtaka 3.946
Fjöldi einstaklinga 2.061
Karlar 82%
Konur 18%
HLUTFALL HANDTEKINNA VISTAÐIR Í
FANGAGEYMSLU ER 77%
Vistanir
Fjöldi vistana 3.041
Fjöldi einstaklinga 1.417
Vistaðir karlar 1.195
Vistaðar konur 222
Heimild: Ársskýrsla Lögreglustjórans í Reykjavík 2003
Evrópusambandið aðvarar Breta:
Hunsa fyrirmæli
sambandsins
EVRÓPUSAMBANDIÐ Evrópusam-
bandið hefur nú gefið Bretum
sínu þriðju og síðustu aðvörun
vegna aðgerða breskra tollayfir-
valda sem sýna mikla hörku
gagnvart þeim þegnum sínum
sem kaupa áfengi og tóbak í
öðrum Evrópusambandslöndum.
Samkvæmt lögum sambandsins
eru engar hömlur á verslun
landa á milli að því gefnu að um
einkaneyslu sé að ræða en yfir-
völd í Bretlandi hafa ítrekað orð-
ið uppvís að því að gera upptækt
áfengi og tóbak sem þegnar
þeirra kaupa mun ódýrara ann-
ars staðar.
Ástæðan er einfaldlega sú að
verð á áfengi og tóbaki er óvíða
hærra en í Bretlandi og munar
miklu á verði þar og í flestum öðr-
um ríkjum sambandsins. Breska
stjórnin segir að svartamarkaðs-
brask með þessar vörur sé vax-
andi og því sé gengið harðar fram
en ella en Evrópusambandið fellst
ekki á þessi rök og er reiðubúið að
senda málið fyrir dómstóla ef
ekki er gerð bragarbót á.
Bretar eru ekki einir um
áhyggjur af tekjumissi vegna
ásóknar í ódýrt vín og tóbak.
Finnska stjórnin horfir ráðþrota á
landa sína versla í Eistlandi og
hefur sú verslun aukist hratt þrátt
fyrir mikla skattalækkun
finnskra stjórnvalda á þessum
sömu vörum. ■
Frönsk mannæta:
Óánægður
með matinn
FRAKKLAND Franskur fangi sem
situr í lífstíðarfangelsi fyrir morð
og mannát á árum áður notaði
tækifærið nýlega til að bragða á
öðrum fanga þegar verið var að
dreifa hádegismat í fangelsinu.
Skipti engum togum að um leið og
klefi hans var opnaður réðst hann
á samfanga sinn með öskubakka,
drap manninn og var byrjaður að
gæða sér á heila hans þegar
fangaverðir loks náðu að skerast í
leikinn og draga hann burtu. Ekki
fylgdi sögunni hvort maðurinn
var svona óánægður með hinn
venjulega hádegismat en hann
var strax sendur í einangrun. ■
LÍK TIL SÝNIS
Á ráðstefnunni gefur á að líta lík manns
sem lést úr alnæmi fyrir nokkrum árum.
Alþjóðaheilbrigðisstofnunin:
Náði ekki
markmiðum
sínum
HEILBRIGÐISMÁL Á alþjóðlegri ráð-
stefnu um alnæmisvandann á
heimsvísu sem fram fer í Bankok
í Taílandi hefur komið fram gagn-
rýni á Alþjóðaheilbrigðisstofnun-
ina. Athugasemdir eru gerðar við
að stofnuninni hafi ekki tekist að
framfylgja þeim markmiðum sín-
um að koma þrem milljónum fá-
tækra sjúklinga til hjálpar með
lyfjum. Kom fram á ráðstefnunni
að 440 þúsund manns fá nú nauð-
synleg lyf sem er um 60 þúsund-
um minna en áætlun gerði ráð
fyrir. Er þetta vatn á myllu þeirra
sem segja að ef alþjóðastofnanir
halda ekki sín loforð sé baráttan
við alnæmi því sem næst töpuð. ■
LÆKUR VIÐ NESJAVELLI
Rannsókn sýnir að gerlar lifa mun lengur í
vatni en áður var talið.
107 TEKNIR Gríska strand-
gæslan hefur handtekið 107
innflytjendur. Ekki er enn vitað
hvaðan flóttamennirnir koma
en ströng öryggisgæsla er við
strendur Grikklands í að-
draganda Ólympíuleikanna.
KYNÞÁTTAÁRÁS Í PARÍS Hópur
ungra manna réðst á unga konu
og ungabarn í neðanjarðarlest í
París á föstudaginn. Þeir skáru
konuna og teiknuðu á hana
hakakross. Konan bjó í 16.
hverfi Parísar og munu árásar-
mennirnir hafa sagt að einungis
gyðingar byggju þar. Hvorki
konan né kornabarnið eru
alvarlega slösuð.
VÍNFRAMLEIÐSLA
Þrátt fyrir að tollar eigi að heita horfnir innan Evrópusambandsríkja eru enn nokkur ríki
með takmarkanir á innflutningi á tóbaki og áfengi.
VEL HEPPNUÐU LANDSMÓTI UMFÍ LOKIÐ
Sólin var í aðalhlutverki á landsmóti UMFÍ á Sauðárkróki um helgina og sendi friðargeisla á fimmtán þúsund landsmótsgesti.