Fréttablaðið - 12.07.2004, Blaðsíða 10

10 12. júlí 2004 MÁNUDAGUR
PERLAN ÞVEGIN
Þeir þjáðust ekki af lofthræðslu þessir tveir
menn sem fengu það vandasama verkefni
að þrífa krónu Perlunnar. Þeir unnu verk
sitt af kostgæfni enda mikilvægt
að Perlan líti vel út.
Fjölmörg vitni að láti chiwhawha-hunds:
Keyrt yfir smá-
hund í Hafnarfirði
GÆLUDÝR Mikill söknuður ríkir á
heimili Benedikts Ólafssonar og
fjölskyldu eftir að annar hunda
þeirra, Pjakkur, hljóp fyrir bíl á
Reykjavíkurvegi í Hafnarfirði á
föstudagseftirmiðdag.
„Ég bý á Reykjavíkurvegi og er
með tvo chiwhawha-hunda. Það er
hundur hinum megin við götuna og
annar hundanna minna sér hann og
verður svona æstur og vill hitta
hann. Ég var niður í garði og heyri
að það er eitthvað í gangi. Hundur-
inn hleypur út og beint út á götuna.
Þar keyrir bíll yfir hann og hann
hálsbrotnar stax en bílstjórinn
keyrir í burtu,“ segir Benedikt.
Benedikt segir fjölmarga hafa
orðið vitni að slysinu. „Það fengu
allir mikið sjokk og fólkið öskraði
upp þegar það sá litla dýrið hlaupa
út á götuna.“ Benedikt segir að sjón-
arvottarnir hafi ekki náð númerinu
á bílnum en um lítinn, dökkbláan
sendibíl hafi verið að ræða. „Önnur
dóttir mín, tíu ára, horfir upp á
þetta og áfallið er mikið,“ segir
Benedikt. Hann biður bílstjórann að
hafa samband við lögreglu svo þau
geti fengið hundinn bættan úr
tryggingum því hundurinn hafi
kostað um 150 þúsund krónur. ■
Róttækar breytingar
á vegamálum Breta
Breska samgönguráðuneytið skoðar nú af alvöru hugmyndir þess efnis að rukka ökumenn
um 12 krónur fyrir hvern ekinn kílómetra á vegum úti. Miklar tafir og alvarleg slys
eru daglegt brauð á þjóðvegum landsins.
UMFERÐARMÁL Hægt er að minnka
umferð á þjóðvegum Bretlands um
allt að helming með róttækum að-
ferðum sem breska samgönguráðu-
neytið er að skoða. Er um nokkurs
konar vegatoll að ræða en þó ekki
með því móti sem
margir þekkja frá
Evrópu þar sem
ekið verður gegn-
um sérstök tollhlið.
Bretarnir sýna því
meiri áhuga að
nota gervihnatta-
tækni til að rukka
breska ökumenn.
Gengur hug-
myndin út á að
setja sérstakan
tölvukubb í allar 30
milljónir bifreiða
sem til eru í land-
inu og eftir það sjá
gervihnettir um að
telja ekna vega-
lengd hjá hverjum og einum öku-
manni. Verður bíleigendum því
næst sendur reikningur fyrir hvern
ekinn kílómetra og hefur heyrst að
rukka eigi allt að tólf krónum fyrir
hvern kílómetra. Mun slíkt kerfi
ekki eingöngu bæta milljörðum
króna í kistur samgönguráðuneytis-
ins heldur einnig spara ríkinu háar
fjárhæðir með bættri umferða-
menningu.
Vegir í Bretlandi og þá sérstak-
lega þjóðvegir landsins eru fyrir
alllöngu orðnir of litlir fyrir þá gríð-
arlegu umferð sem um þá fer og
kosta tafir og slys á þeim tugi millj-
arða króna tap á ári hverju. Að-
gerða er þörf og samkvæmt ráð-
leggingum ráðgjafa samgönguráðu-
neytisins er þetta í raun eina færa
leiðin en þó hefur nefndin bent á tíu
aðrar tillögur sem ekki eru jafn rót-
tækar. Innan samgönguráðuneytis-
ins gera menn sér ljóst að tillaga á
borð við þessu mun valda miklum
deilum milli hins almenna öku-
manns sem vill fá lækkun á þeim
þungu bifreiðargjöldum sem hann
greiðir í dag og talsmanna iðnaðar
og atvinnu en þeir heimta greið-
færa vegi til að geta komið vörum
sínum til skila á réttum tíma.
Til gamans má geta þess að yrði
slíku kerfi komið á hérlendis yrði
ökumaður sem færi frá Reykjavík
til Egilsstaða að greiða litlar átta
þúsund krónur í vegatolla sé miðað
við sömu upphæð og lagt er til að
Bretar greiði. albert@frettabladid.is
■ EVRÓPA
,,Með
slíku kerfi
hérlendis
yrði öku-
maður sem
færi frá
Reykjavík
til Egils-
staða að
greiða litlar
átta þús-
und krónur
í vegatolla.
Garðabær:
Deiliskipulag
endurskoðað
SVEITARSTJÓRNARMÁL Skipulagsnefnd
Garðabæjar hefur verið falið að
endurskoða deiliskipulag Hnoðra-
holts en það er sú byggð sem rís
hvað hæst í bænum austan megin
við Reykjanesbraut. Hefur bæjar-
stjórn beint þeim tilmælum til
nefndarinnar að skoða jafnframt
möguleika á uppbyggingu í landi
Vetrarmýri og Vífilsstaða. Þessi
svæði þykja liggja afar vel við
verslun og þjónustu ýmis konar og
tímabært að kortleggja framtíðina
og byggja þau upp sem fyrst. ■
Áttræður
forstjóri
flækti
tugi í
svikamyllu
Tugir manna lögðu fram 100
milljónir í von um hagnað.
– hefur þú séð DV í dag?
KÓKAÍN FALIÐ Í SANDI Lögreglan í
Belgíu fann 15 kíló af kókaíni sem
falið var í sandöldum við strand-
lengju Norðursjós. Fréttamiðlar
hafa greint frá því að handtökur
þriggja Breta í vikunni sem grun-
aðir eru um fíkniefnasmygl hafi
leitt til þess að efnið fannst.
Belgíska lögreglan telur að efnið
hafi átt að fara á götur Bretlands.
Nýjar niðurstöður danskra félagsmálayfirvalda:
Dönsk börn lífsglöð, grönn og hamingjusöm
Ef trúa skyldi svartagallsrausi
danskra fjölmiðla og einstaka þar-
lendra sérfræðinga, ættu dönsk
börn hreint ekki sjö dagana sæla.
Samkvæmt þeim þjást þau af lús,
streitu og offitu. Í skólanum
kunna þau svo hvorki að sitja kyrr
eða lesa, og utan skóla standa þau
í stimpingum og einelti.
Sannleikurinn er hins vegar sá
að dönsk börn hafa aldrei haft það
eins gott og nú, ef marka má nið-
urstöður nýrrar rannsóknar
félagsmálayfirvalda um æsku
landsins. Samkvæmt þeim eiga
langflest dönsk börn hamingju-
ríka barnæsku, eru lífsglöð og
félagslega sjálfstæð. Þau eiga vini
og eru í góðum samskiptum við
jafnaldra sína, sem og hina full-
orðnu. Mikill meirihluti býr í
dæmigerðum kjarnafjölskyldum,
líður engan skort og lagt er dekur
við uppeldið í hvívetna. Vildu
danskir foreldrar ekki kannast
við að börn þeirra ættu í nokkrum
vanda með einelti, streitu, offitu
eða lífsleiða. Úrtak rannsóknar-
innar voru 5000 börn sem fylgst
var með frá 1995. ■
FJÖLSKYLDAN
hefur fengið samúðarkort frá nágrönnunum sem fannst svo sárt að horfa upp á litla
hundinn deyja.
DÖNSK BÖRN EIGA HAMINGJURÍKA BARNÆSKU
Ný rannsókn sýnir að dönsk börn hafa aldrei haft það eins gott og einmitt í nútímanum.
ÁRTÚNSBREKKAN
Í Bretlandi er verið að skoða að rukka ökumenn fyrir hvern ekinn kílómetra með flóknu kerfi gervihnatta
til að minnka umferðina á vegum landsins.
FR
ÉT
TA
B
LA
Ð
IÐ
/P
JE
TU
R
SÉÐ YFIR GARÐABÆ
Hnoðraholtið er næst á myndinni og er
útsýni fjarska gott til Faxaflóans
og yfir höfuðborgarsvæðið.