Fréttablaðið - 12.07.2004, Blaðsíða 36

18 12. júlí 2004 MÁNUDAGUR
Ný heilsársbyggð
á bökkum Sogsins
Grímsnes-og Grafningshreppur auglýsir til sölu eignarlóðir
til heilsársbúsetu.
Lóðirnar eru í nýju hverfi sem kallast Ásborgir og eru á kjarri
vöxnu hrauni á bökkum Sogsins. Um er að ræða 36 lóðir
að stærð 3.608 til 6.616 fermetrar hver á sérlega fallegum
stað í um það bil 70 km. fjarlægð frá Reykjavík.
Gert er ráð fyrir útivistarsvæði í kringum lóðirnar.
Í Grímsnes-og Grafningshreppi er háhraða internetenging
og hitaveita.
Einstakt tækifæri til að eignast íbúðarlóð á friðsælum stað.
Allar nánari upplýsingar veitir sveitarstjóri í síma
898-2668 eða á netfangingu gogg@gogg.is
Í nokkrum hverfum Reykjavíkur
frá 5. og 6. áratug síðustu aldar
standa tvö sambyggð hús á bak-
lóðum inn af sömu innkeyrslu.
„Ástæðan er einföld. Það var
verið að nýta betur fjárfestingu
borgarinnar í gatnagerð. Þjóna
fleiri húsum út frá sömu götu,“ út-
skýrir Pétur Ágústsson, deildar-
stjóri byggingalistardeildar Lista-
safns Reykjavíkur. Honum finnst
þetta hafa verið skynsamlega
hugsað hjá Einari Sveinssyni
borgararkitekt, sem var skipu-
lagsstjóri Reykjavíkur þegar
þetta var tekið upp. „Á þessum
tíma var borgin í miklum vexti og
jafnframt í mikilli fjárþröng.
Alltaf á eftir með að leggja lagnir
og götur og þetta hefur eflaust
verið tilkomið út af því. Það var
verið að auka heildarnýtinguna á
hverfinu,“ bendir hann á.
Rauðilækurinn byggðist um
1955 og þar er svipað fyrirkomu-
lag nema bakhúsin standa að-
skilin og algerlega sjálfstæð. Ein-
ar Sveinsson var hættur sem
skipulagsstjóri á byggingartíma
þeirra og Þór Sandholt tekinn við.
Elstu parhúsin í baklóðum
borgarinnar eru í Túnunum, nán-
ar tiltekið við Miðtún og Samtún.
Það hverfi var skipulagt á stríðs-
árunum. Síðan var þetta form
tekið upp í hverfum sem byggð-
ust samtímis í tveimur borgar-
hlutum á árunum 1945–1950,
annars vegar í Skjólunum og
hinsvegar í Laugarneshverfi.
Sörlaskjól og eystri hlutar
Laugateigs og Hofteigs eru dæmi
um það. Svona hús sjást líka neð-
arlega við Langholtsveginn og
Hjallaveg. Tilgangur þess að
hafa húsin sambyggð virðist
meðal annars sá að láta þau ekki
skyggja á sólina í næstu húsum
fyrir aftan sem standa aðskilin.
Svo sparast líka einn gafl.
Sambyggð bakhús í borginni:
Hagkvæmnin í fyrirrúmi
Hjá fasteignasölunni Lyngvík í
Kópavogi er til sölu glæsileg og
vönduð 139,8 fm hæð við Haga-
mel. Hæðinni fylgir 35,8 fm bíl-
skúr.
Fyrst er komið inn í snyrtileg-
an sameiginlegan inngang á
þriðju hæðinni. Þaðan er gengið
inn í hol, þar sem er góður skápur.
Gengið er um ganginn í stofur,
eldhús og inn á svefnherbergis-
gang.
Í eldhúsi er góð innrétting með
góðum borðkrók. Stofurnar eru
bjartar og rúmgóðar með tvö-
faldri vængjahurð frá holi, tvær
tröppur í efri stofu og rósettur
undir loftljósum. Inn af efri stofu
er herbergi og þaðan útgengt á
suðursvalir. Á herbergisgangi er
góður skápur og úr hjónaherbergi
útgengt á vestursvalir. Baðher-
bergið er með sturtuklefa og
flísalagt í hólf og gólf.
Góðir skápar eru í herbergj-
um. Íbúðin er öll parkettlögð
nema í eldhúsi er korkur og flísar
í baðherbergi. Í sameign í kjallara
er sérgeymsla og sérskápur, þvot-
ta- og þurrkherbergi. Einnig er
útgengt úr kjallara.
Bílskúrinn er með gluggum,
hita og heitu og köldu vatni. Hús-
ið var nýlega tekið í gegn að utan,
viðgert og málað. Nánari upplýs-
ingar eru að fá á skrifstofu Lyng-
víkur í síma 414 6600. Íbúðin er
sýnd í samráði við sölumenn.
Vesturbær:
Flott hæð á Hagamel
Í þessu húsi við Hagamel er til
sölu glæsileg hæð.
FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/S
TE
FÁ
N
Stofurnar eru bjartar og rúmgóðar.