Fréttablaðið - 12.07.2004, Blaðsíða 51
23MÁNUDAGUR 12. júlí 2004
■ STUTTAR FRÉTTIR
SheerDrivingPleasure
BMW3Línan
www.bmw.is
FÓTBOLTI Þorvaldur Makan
Sigbjörnsson, leikmaður Fram í
Landsbankadeildinni, hefur
neyðst til að hætta knatt-
spyrnuiðkun eftir að í ljós kom
að meiðslin sem hafa hrjáð
hann í sumar eru mun alvarlegi
en í fyrstu var talið. Vefur í
hægra heilahveli er illa
skaddaður eftir því sem talið er
að stafi af höfuðhöggum í
gegnum tíðina. Ganga læknar
svo langt að segja að eitt alvar-
legt höfuðhögg til viðbótar, eins
og til að mynda hart skalla-
einvígi, gæti leitt til þess að
Þorvaldur myndi lamast. Þá
áhættu myndi að sjálfsögðu
ekki nokkur maður taka og því
á Þorvaldur ekki annarra
úrkosta völ en að leggja skóna á
hilluna.
„Þetta er vissulega gríðar-
legt áfall og mikil vonbrigði. Ég
hef þegar misst um 20% hreyfi-
getunnar í vinstri helmingi
líkamans og sú tala gæti aukist
verulega ef ég held áfram,“
sagði Þorvaldur við Frétta-
blaðið um helgina. ■
Áfall fyrir Framara í Landsbankadeildinni:
Þorvaldur Makan
leggur skóna á hilluna
FYRSTA MARK FRAMARA Í LANDSBANKADEILD KARLA Í SUMAR
Þorvaldur Makan Sigbjörnsson skoraði fyrsta mark Framara í sumar.
Benitez fækkar í hóp:
Martröð
Diouf á enda
FÓTBOLTI Martraðaári Senegalans
El-Hadji Diouf hjá Liverpool virð-
ist verja að ljúka, en spænska
liðið Malaga er mjög áhugasamt á
að fá leikmanninn í sínar raðir.
Diouf var keyptur til Liver-
pool fyrir um 1,2 milljarðar
króna síðasta sumar og áttu þau
kaup eftir að reynast einhver
þau verstu á leiktíðinni. Diouf
hefur fallið mikið í verði og er
talið að Malaga þurfi ekki að
punga út nema um 300 milljón-
um til að fá Diouf en ekki er talið
að hann eigi mikla framtíð hjá
Liverpool og nýr stjóri breytir
litlu um það. ■
VILL EKKI MISSA ROONEY David
Moyes, stjóri Everton, sagðist í
gær ætla að gera allt sem í sínu
valdi stæði til að halda Wayne
Rooney í Everton. „Af hverju
ætti ég að vilja missa besta
unga leikmann Evrópu“, segir
Moyes. Everton hafa þegar
boðið Rooney nýjan fimm ára
samning sem sóknarmaðurinn
er að skoða.
UNDIR CRESPO KOMIÐ Jose
Mourinho, framkvæmdastjóri
Chelsea, segir að ekki verði boðið
í Didier Drogba, sóknarmann
Marseille, fyrr en Hernan Crespo
ákveði sín mál. Ef hann vilji fara
þá megi hann það, en Mourinho
kveðst einnig glaður hafa hann í
sínum hópi. Það verði þó ekki
fyrr en pláss í leikmannahópnum
losni sem að hugað verði að
kaupum á Drogba. Mourinho
virðist þannig sáttur með þá
sóknarmenn sem hann hefur í
augnablikinu.
OWEN TIL REAL? Michael Owen er
sagður vera vopn Florentino Perez
í komandi forsetakosningum
spænsku risanna í Real Madrid.
Perez segist kaupa enska sóknar-
manninn hljóti hann kosningu.
Sagt er að kaupverðið verði í
kringum 2,5 milljarða króna.
HUSHVOD VANN 8. ÁFANGA Norski
hjólreiðamaðurinn Thor Hushovd
sigraði í 8. áfanga Tour de France
keppninnar í gær sem var um
Bretagneskaga. Thomas Voekler
frá Frakklandi kom rétt á eftir
Hushovd í mark og hefur enn for-
ystu í heildarstigakeppninni.
Marion Jones aðeins
fimmta í 100 metra hlaupi:
Jones fær
ekki að verja
gullið sitt
FRJÁLSAR ÍÞRÓTTIR Um helgina varð
það ljóst að Marion Jones fær ekki
að verja ólympíugull sitt í 100
metra hlaupi. Jones endaði í 5. sæti
á úrtökumóti fyrir bandaríska
ólympíuliðið en þrjár þær efstu
tryggja sér farseðil til Aþenu.
Jones vann fimm verðlaun í Sydn-
ey fyrir fjórum árum og getur enn
komist með til Aþenu standi hún
sig betur í 200 metra hlaupi eða
langstökki. Þetta eru sár úrslit
fyrir hina 28 ára Marion Jones sem
keppir á ný eftir barnsburð auk
þess sem hún er undir smásjánni
hjá bandaríska lyfjaeftirlitinu.
Jones hefur verið bendluð við stóra
lyfjahneykslið í bandarískum
frjálsum íþróttum þótt hún hafi
aldrei fallið á lyfjaprófi auk þess
að neita því að hafa nokkurn tím-
ann notað ólögleg lyf. ■
1. deild kvenna
í körfubolta
Öll liðin
komin með
þjálfara
KÖRFUBOLTI Kvennalið Njarðvíkur í
körfuboltanum varð síðasta liðið
til að ráða sér þjálfara fyrir næsta
tímabil en Jón Júlíus Árnason
mun þjálfa liðið næsta vetur. Jón
Júlíus tók við liðinu um síðustu
áramót þegar erlendi spilandi
þjálfari liðsins, Andrea Gaines,
lenti í vandræðum í jólafríinu og
skilaði sér ekki fyrr en mánuði of
seint. Njarðvík endaði í fimmta
sæti í deildinni, vann sjö leiki og
tapaði þrettán. Liðið var lengi inni
í baráttunni um að komast í úr-
slitakeppnina en missti af lestinni
á lokakaflanum. Nú hafa öll sex
lið deildarinnar ráðið sér þjálfara
og eru Jón Júlíus og Gréta María
Grétarsdóttir, þjálfari KR, þau
einu sem halda áfram með sín lið.
Sverrir Þór Sverrisson þjálfar Ís-
lands- og bikarmeistara Kefla-
víkur, Örvar Þór Kristjánsson er
tekinn við liði Grindavíkur, Unn-
dór Sigurðsson þjálfar Stúdínur
og Ágúst Þór Björgvinsson mun
stjórna nýliðum Hauka. ■
SÁR STUND FYRIR JONES
Marion Jones komst ekki í bandaríska
ólympíuliðið í 100 metra hlaupi