Fréttablaðið - 12.07.2004, Blaðsíða 55
27MÁNUDAGUR 12. júlí 2004
Skotlínur frá Scierra
fyrir þá sem vilja ná lengra
Leynivopn Veiðihornsins. Hrói höttur
hefur reynst frábærlega í sjóbleikju,
urriða og sjóbirting. Höfundur Bjarnfinnur
Sverrisson
Skothausar og heilar skotlínur frá Scierra sem eru hannaðar af Henrik Mortensen
og Hywel Morgan hafa slegið í gegn enda magnaðar línur á góðu verði.
Skothausar aðeins 4.890, heilar skotlínur aðeins 5.890.- Gerðu verðsamanburð,
fáðu þér góða skotlínu á sanngjörnu verði og náðu lengra. Byrjendur ná fyrr
góðum tökum á fluguköstum með skotlínum frá Scierra.
Veiðihornið Hafnarstræti 5 sími 551 6760
Veiðihornið Síðumúla 8 sími 568 8410
Fylgstu með leynivopni vikunnar á mánudögum.
Fullt verð kr. 36,600
Tilboðsverð kr. 29,900
Vöðlur, skór, sandhlíf og belti.
Simms Freestone
öndunarvöðlu sett
Mörkinni 6, s. 568 7090
PJ HARVEY
Þessi ljósmynd af rokkdrottningunni PJ
Harvey var tekin á laugardag, þegar hún
lék fyrir um 60 þúsund manns á Oxegen-
tónleikahátíðinni á Írlandi. Hún gaf nýverið
út nýja plötu, Uh Huh Her, sem fékk góða
dóma hér í Fréttablaðinu.
Flóttakona á spítala
Söngkonan Courtney Love var
lögð inn á spítala á föstudag,
sama dag og dómari lýsti því
yfir að hún væri „flóttamaður“
eftir að hún mætti ekki á til-
settum tíma í réttarsalinn.
Love átti að mæta fyrir dóm-
ara í Los Angeles á föstudags-
morgun til þess að svara fyrir
þær sakir að hafa ráðist að
konu með lífshættulegt vopn.
Atvikið átti sér stað 25. apríl
þegar Love á að hafa slegið
konu niður með járnvasaljósi
og flösku.
Lögfræðingur Love sagði
blaðamönnum fyrir utan réttar-
salinn að hann hefði enga hug-
mynd um af hverju söngkonan
hefði ekki séð sér fært að
mæta. Hann hafði þá fyrir-
skipað henni að fljúga frá New
York til Los Angeles kvöldið
áður. „Ég dreg bara þá ályktun
að hún hafi ekki haft tækifæri
til þess að ná seinna flugi,“
sagði hann.
Síðar var gefin út frétta-
tilkynning þar sem fram kom
að Love hefði verið lögð inn á
spítala vegna vandræða í legi.
„Þetta var ekki sjálfsmorð-
stilraun og ekki vegna eitur-
lyfja,“ sagði talsmaður hennar.
„Þetta er vegna vandræða í legi
og hún þurfti að gangast undir
aðgerð. Þessar upplýsingar eru
þó í gegnum annan aðila, ég hef
ekki talað við hana frá því í
gærkvöldi. Þá kvartaði hún
undan sársauka, en hafði ekki
leitað sér læknisaðstoðar.“
Þegar Love mætti ekki í rétt-
arsalinn gaf hann út handtöku-
skipan á hana og sagði að trygg-
ingargjaldið yrði 10,6 milljónir
króna. ■
GRÍMSÁ
Veiðimaður kastar flugunni í Strengjunum í Grímsá í Borgarfirði.
Lítið vatn og mikill hiti en lax-
inn hellist inn í laxveiðiárnar
Ekkert lát virðist vera á gegnd
laxa síðustu daga og torfurnar eru
stórar sem mæta í flestar lax-
veiðiár. Þetta á við stóran hluta
landsins, en þó ekki alveg við
Norðausturlandið ennþá. En það
kemur vonandi á allra næstu dög-
um, Laxá í Aðaldal er slöpp og
Selá og Hofsá eru vonandi að
komast í gang.
Holl sem var að hætta veiðum í
Víðidalsá í Húnvatnssýslu veiddi
50 laxa og í Hrútafjarðará hafa
veiðimenn séð mikið af löxum, í
flestum hyljum árinnar.
„Það eru komnir um 450 laxar
á land og það hefur veiðst ágæt-
lega miðað við aðstæður hérna en
þær hafa alls ekki verið góðar,“
sagði Eggert Ólafsson, veiðivörð-
ur við Þverá og Kjarará í Borgar-
firði, er við spurðum um stöðuna,
en þessar laxveiðiár hafa gefið
flesta laxana í sumar.
„Í fyrradag var 22 stiga hiti
hérna og það er nú ekki gott veiði-
veður en laxinn er kominn víða
um árnar. Það er mikið neðarlega
í Þveránni og í gærdag veiddust
15–20 laxar í báðum ánum,“ sagði
Eggert enn fremur.
„Þetta er ekki veiðiveður hérna
við Flókadalsá í dag, hiti og fisk-
urinn latur að taka hjá veiðimönn-
um,“ sagði Ingvar Ingvarsson á
Múlastöðum, veiðivörður við
Flókadalsá í Borgarfirði, er við
hittum hann við veiðistaðinn For-
manninn, ásamt vöskum veiði-
mönnum, þeim Stefáni og Gylfa
Kristjánssonum.
En það voru komnir fimm lax-
ar í hollinu og fiskurinn stökk um
allan hylinn en var tregur að taka.
Flugunni var kastað grimmt en
fiskurinn var verulega tregur,
enda hitamolla mikil á svæðinu og
í ánni.
Flókadalsá hefur gefið um 190
laxa, sem er mjög gott og það er
mikið af fiski víða í henni eins og
gljúfrunum fyrir ofan þjóðveg-
inn. Þar er fiskurinn í hverjum
hyl og mikið sumstaðar.
Í þessari miklu birtu og hita,
sem hefur verið við Flókadalsá
síðustu daga, hefur laxinn ekki
staðist eina flugu og það er flugan
Iða, en á stuttum tíma fengust
þrír laxar á hana, meðal annars í
Formanninum.
Hilmar Hansson og félagar
voru í Svartá í Húnvatnssýslu og
veiddu vel, eftir einn voru þeir
komnir vel á annan tug fiska og
var rauð franese sterkust.
Góður gangur hefur verið í
Gljúfurá í Borgarfirði og eru
komnir 40 laxar á land úr ánni, en
það er miklu, miklu betri veiði en
á sama tíma fyrir ári. Enda búið
að laga ósinn og laxinn kemst á
staðinn, án þess að losa af sér allt
hreistur
Á Vatnasvæði Lýsu er fyrsti
lax sumarsins kominn á þurrt og
veiðimenn sáu fleiri fiska á leið-
inni á svæðið, 12–15 laxa torfu.
Eitthvað hefur líka veiðst af
silungi. ■
GYLFI KRISTJÁNSSON
dregur inn fluguna í veiðistaðnum Formanninum í Flókadalsá í Borgarfirði.
VEIÐIHORNIÐ
GUNNAR BENDER
■ skrifar um veiði.
COURTNEY LOVE
Mætti ekki til dómara sem gaf út hand-
tökuskipan á hana á föstudag. Sama dag
var hún lögð inn á spítala.