Fréttablaðið - 15.07.2004, Blaðsíða 1
● gerði jafntefli, 2–2, gegn shelbourne
Meistaradeildin:
▲
SÍÐA 28
KR missti niður
unninn leik
● heimilisleg stemning og baráttuhugur
Snorri Már Skúlason:
▲
SÍÐA 42
Grípur enska bolt-
ann á Skjá einum
MEST LESNA DAGBLAÐ Á ÍSLANDI Skaftahlíð 24, 105 Reykjavík — sími 550 5000
FIMMTUDAGUR
EVRÓPULEIKUR Á SKAGANUM
Skagamenn taka í kvöld á móti eistneska
liðinu TVMK í Evrópukeppni félagsliða.
Leikurinn fer fram á Akranesvelli og hefst
klukkan 19.15.
DAGURINN Í DAG
VEÐRIÐ Í DAG
BJART MEÐ KÖFLUM víðast hvar á
landinu. Stöku skúrir með suðurströndinni
og síðan víða síðdegisskúrir. Hiti 12-17
stig. Sjá síðu 6
15. júlí 2004 – 191. tölublað – 4. árgangur
NORÐMENN TELJA SIG Í RÉTTI
Norsk yfirvöld láta kvartanir Íslendinga
vegna meintra brota Norðmanna á Sval-
barðasamningnum sem vind um eyru
þjóta. Utanríkisráðuneytið viðurkennir að
eiga í fá önnur hús að venda en að hefja
lögsókn. Sjá síðu 2
FAGNA UMMÆLUM Rektor Háskóla
Íslands og formaður Stúdentaráðs fagna
ummælum menntamálaráðherra um skóla-
gjöld í grunnnámi. Sjá síðu 4
DREGUR EKKI ÚR ATVINNULEYSI
Þrátt fyrir aukinn hagvöxt dregur ekki úr at-
vinnuleysi. Vaxtahækkanir vinna gegn
minnkandi atvinnuleysi. Sjá síðu 6
FRAM ÚR FJÁRLÖGUM
Talsverður munur er á fjárlögum og
endanlegri niðurstöðu á rekstri ríkissjóðs.
Sjá síðu 8
Kvikmyndir 38
Tónlist 34
Leikhús 34
Myndlist 34
Íþróttir 26
Sjónvarp 40
Valgerður Guðnadóttir:
▲
Í MIÐJU BLAÐSINS
Kjólar við
öll tækifæri
● ferðir ● tíska ● heimili
Þorleifur Örn Arnarsson:
▲
SÍÐA 24
Grátbiður um
tveggja stunda frí
● 26 ára í dag
FJÖLMIÐLALÖG Máttarstólpar Fram-
sóknarflokksins hafa í rúma viku
unnið markvisst að því að fá Sjálf-
stæðisflokkinn til að fallast á að
draga nýja fjölmiðlafrumvarpið til
baka og ná þannig pólitískri sátt
um málið. Áhrifamenn innan Fram-
sóknarflokksins telja að það
strandi einungis á einum manni að
samstaða náist um það milli stjórn-
arflokkanna, Davíð Oddssyni, sem
virðist algjörlega óhagganlegur í
því að keyra frumvarpið í gegn
eins og til stóð.
Flokksmenn sögðust í samtali við
Fréttablaðið leita pólitískrar lausnar
á málinu.
„Það er ekkert hægt að segja um
þetta mál fyrr en öll kurl eru kom-
in til grafar. Ríkisstjórnarflokkarn-
ir munu auðvitað setjast yfir þá
niðurstöðu sem kemur fram eftir
vinnu allsherjarnefndar og hvort
þá verða leiknir pólitískir leikir eða
ekki ætla ég ekki að fullyrða hér
um, við verðum bara að sjá til,“
sagði Guðni Ágústsson.
Framsóknarmenn óttast öðru
fremur afleiðingar þess fyrir flokk-
inn ef forseti neiti nýju lögunum
staðfestingar. Þeir sögðu það ekki
einungis óviðunandi fyrir flokkinn,
heldur alla þjóðina, ef upp kæmi þrá-
tefli milli forseta og Alþingis.
Framsóknarmenn segja að ráðherr-
ar og þingmenn Sjálfstæðisflokksins
séu sumir hverjir hlynntir því að málið
verði lagt til hliðar um hríð. Hins veg-
ar séu hendur þeirra bundnar þar til
Davíð breyti um skoðun.
Sjálfstæðismenn í allsherjar-
nefnd sögðu í samtali við Fréttablaðið
það alls ekki útilokað að breytingar
verði gerðar á frumvarpinu.
Aðspurðir sögðust framsóknar-
menn telja að rétt væri að leggja rík-
isstjórnarsamstarfið í hættu ef ekki
næðist sátt meðal ríkisstjórnarflokk-
anna um að draga frumvarpið til
baka. Ekki mætti stefna framtíð
flokksins í hættu fyrir það eitt að
sátt haldist innan ríkisstjórnarinnar.
Ekki náðist í Davíð Oddsson í gær.
Halldór Ásgrímsson var fjarverandi.
sda@frettabladid.is
Sjá nánar á síðu 18.
Framsókn hótar að slíta
stjórnarsamstarfinu
Menn í innsta hring Framsóknarflokksins fullyrða að flokkurinn muni fremur slíta stjórnarsam-
starfinu en keyra fjölmiðlafrumvarpið óbreytt í gegn. Mikil óvissa ríkir um framgang málsins.
HALDA ÞJÓÐHÁTÍÐARDAGINN HÁTÍÐLEGAN
Það var mikið um dýrðir í París og annars staðar í Frakklandi í gær þegar haldið var upp á Bastilludaginn, þjóðhátíðardag Frakka.
Franskir fallhlífarhermenn lenda fyrir framan Invalides-hersjúkrahúsið.
Króatískir prestar:
Óttast hörð
áfengislög
KRÓATÍA, AP Króatískir klerkar
óttast að ný lög sem eiga að
sporna gegn ölvunarakstri eigi
eftir að koma í bakið á þeim.
Stjórnvöld hafa brugðist við
fjölgun banaslysa í umferðinni
með því að setja lög sem kveða
á um að ekkert áfengi megi
finnast í blóði ökumanna.
Klerkarnir óttast að þetta komi
sér illa fyrir þá vegna þess að
hluti af messuhaldi sé að
drekka messuvín.
„Þar sem við messum dag-
lega, stundum allt að þrisvar á
dag, verður ekki undan því
komist að breytingin leiði til
þess að helmingur presta verði
bak við lás og slá innan
skamms,“ sagði presturinn Zi-
vko Kustic. ■
LONDON, AP Gögn bresku leyni-
þjónustunnar sem bentu til þess
að Írakar byggju yfir efnavopn-
um fyrir innrásina í landið voru
mjög gölluð og byggðu á óáreið-
anlegum heimildum. Tony Blair
forsætisráðherra er hins vegar
ekki sekur um að hafa viljandi
brenglað fyrirliggjandi gögn eða
um vítaverða vanrækslu.
Þetta er niðurstaða skýrslu
Robins Butler lávarðs, en hann
stýrði opinberri rannsókn um að-
komu bresku ríkisstjórnarinnar
að innrásinni í Írak. Rannsókn
málsins stóð í hálft ár og var
Tony Blair meðal þeirra sem
voru yfirheyrðir vegna málsins,
ásamt ýmsum ráðherrum og yfir-
mönnum leyniþjónustunnar.
Blair fagnaði niðurstöðu skýrsl-
unnar en tekur persónulega
ábyrgð á mistökum sem gerð
voru. Hann sagði á þingi að
síðastliðna mánuði hafi það legið
æ skýrar fyrir að Írakar byggju
ekki yfir neinum efnavopnum
þegar ákveðið var að ráðast inn í
Írak. Hann lítur þó ekki á það
sem mistök að steypa Saddam
Hussein af stóli og telur heiminn
öruggari fyrir vikið.
Andstæðingar Blair á þingi
segja að niðurstöður skýrslunnar
rýri trúverðugleika Blair og að
orðspor hans hafi beðið hnekki.
Skýrsla Butler lávarðs er sam-
hljóma skýrslu bandarískrar
rannsóknarnefndar sem birtist í
síðustu viku þar sem sagði að
Írakar hefðu ekki búið yfir nein-
um efnavopnum.
Breska leyniþjónustan fær
harða útreið í skýrslunni fyrir að
byggja upplýsingar sínar á göll-
uðum gögnum og óáreiðanlegum
heimildum, auk þess sem hún
hafi gert meira úr hættunni frá
Írak en efni stóðu til. ■
Forsendur Íraksstríðsins:
Gögn bresku leyni-
þjónustunnar gölluð
TONY BLAIR
Blair varði stríðið í Írak á þingi í gær og
sagði heiminn öruggari eftir að Saddam
var settur af.
M
YN
D
/A
P
Veldu
ódýrt
bensín