Fréttablaðið - 15.07.2004, Blaðsíða 16

15. júlí 2004 FIMMTUDAGUR
EFNAHAGSMÁL Fyrir dyrum stendur
fyrsta útboð Ríkiskaupa vegna
kaupa á eldsneyti og olíum til
handa Landhelgisgæslunni og
Hafrannsóknastofnuninni sam-
kvæmt rammasamningakerfi rík-
isins. Þessi útgjaldaliður hefur
reynst einna kostnaðarsamastur
ríkisfyrirtækjanna enda olíu- og
bensínverð há hér á landi. Sér-
staklega hefur þetta háð Land-
helgisgæslunni sem gripið hefur
til þess ráðs að leggja einu skipi
sínu í því skyni að spara fjárút-
gjöld vegna eldsneytiskaupa.
Ennfremur hefur stofnunin gripið
tækifærið þegar skip þess eru
fyrir austan land að koma við í
Færeyjum og fylla tanka skipa
sinna enda talsverður kostnaðar-
munur. Engin samantekt er til um
hversu oft slíkt á sér stað en óvíst
er hvort tekið verður fyrir þessa
iðju þegar núverandi útboði lýkur.
Tilboðin verða opnuð í byrjun
næsta mánaðar. ■
SÝNATÖKUR Tækjakostnaður kemur
í veg fyrir að margar stofnanir
hér á landi geti með góðu móti
sinnt rannsóknarskyldum er á
þær eru lagðar og verða að gera
sér að góðu að senda gögn og sýni
ýmiss konar utan til frekari rann-
sókna en slíkt getur verið afar
tímafrekt. Þetta gerist þrátt fyrir
að í flestum tilvikum sé næg
þekking fyrir hendi hérlendis og
ljóst sé að samanlagður kostnaður
allra stofnananna vegna þessa er
nokkuð hár.
Engin rannsóknarstofa hér-
lendis hefur tök á að rannsaka
svokölluð DNA-lífssýni sem eru í
vaxandi mæli það sönnunargagn í
sakamálum sem lögregla bindur
vonir við við sakfellingu. Hörður
Jóhannesson yfirlögregluþjónn
segir vissulega bagalegt að ekki
sé hægt að rannsaka slíkt til hlítar
hérlendis en bendir á að rann-
sóknardeild lögreglunnar sé að
öðru leyti afar vel í stakk búin
hvað tækjakost varðar. „Það er
ekki um mörg tilfelli á ári hverju
hingað til þar sem senda þarf lífs-
sýni í rannsókn erlendis en auð-
vitað er talsverður kostnaður því
samfara.“
Stutt er síðan sóttvarnarlæknir
þurfti að senda vatnssýni utan
vegna veirusýkingar sem upp
kom í Húsafelli í Borgarfirði og
dýralæknar senda reglulega sýni
til Noregs til skoðunar.
Nýr búnaður til rannsókna á
kúa- eða kindariðu er ekki til hérl-
endis en sömu próf eru notuð við
báðar sýkingar þó kindariða sé
ekki hættuleg fólki. Sigurður
Sigurðarson, dýralæknir við til-
raunastöð Háskóla Íslands að
Keldum, segir biðtímann hvað
verstan í slíkum tilvikum. „Kostn-
aður er talsverður og við getum
ekki ætlast til þess að þeir rann-
sóknaraðilar sem við leitum til gefi
okkur forgang. Því getur liðið tals-
verður tími frá því að gögn eru
send út og niðurstöður liggja
fyrir.“
Fjórði aðilinn sem reglulega
sendir gögn til úrvinnslu út fyrir
landsteinana er Rannsóknarnefnd
flugslysa. Þurfi að rannsaka flug-
rita flugvéla eftir slys eru þeir
sendir til Bretlands með tölu-
verðum kostnaði fyrir lítið em-
bætti. Forstöðumaður hennar,
Þormóður Þormóðsson, segir þau
tæki sem til þarf of dýr til að það
svari kostnaði. „Þess utan fleygir
tækninni fram og sé fjárfest í
þeim búnaði sem til þarf er eins
líklegt að hann verði úreldur inn-
an fárra ára.“
albert@frettabladid.is
G Æ Ð A F R A M K Ö L L U N U M A L L T L A N D
Landhelgisgæslan og Hafrannsóknastofnunin:
Fyrsta útboð vegna eldsneytiskaupa
TÝR VIÐ BRYGGJU
Gæslan kaupir olíu af Færeyingum þegar
færi gefst til að spara útgjöld. Óvíst er
hvort slíkt verður liðið áfram þegar
núverandi útboði Ríkiskaupa lýkur.
Vantar tæki, tól
og peninga
Fjöldi stofnana og fyrirtækja verður að gera sér að góðu að senda gögn
og sýni utan til rannsóknar þar sem búnað, tæki og fjármagn skortir hér
á landi. Slíkt er bæði fjár- og tímafrekt.
VETTVANGSRANNSÓKN
Lögreglan er ein af mörgum stofnunum sem þarf að senda sýni og gögn út í lönd til rann-
sóknar. Engin samantekt er til um þann tíma og kostnað sem slíkt hefur í för með sér.
MOSKVA, AP Upplausn einkenndi
flokksþing rússneska kommúni-
staflokksins um helgina. Miklir
flokkadrættir eiga sér stað
meðal stuðningsmanna flokks-
ins og héldu andstæðingar
Gennadís Zyuganov, leiðtoga
flokksins, annað þing samtímis
og halda því fram að þar hafi
verið fjölmennara.
Fréttir herma að fulltrúum á
flokksþinginu hafi verið bægt
frá þinghaldinu og meðal ann-
ars hafi þeim verið tjáð að jarð-
sprengjur væru í salnum. Þá
virðist sem andstæðingar
Zyuganovs hafi fiktað við ljósa-
búnaðinn því rafmagnið fór af
húsinu og þurfti Zyuganov að
lesa ræðu sína við vasaljós.
Tikhonov, leiðtogi and-
spyrnuhreyfingarinnar innan
flokksins, heldur því fram í
rússneskum fjölmiðlum að raf-
magnsleysið hafi verið sett á
svið af kommúnistaflokknum.
Flokksþing andspyrnuhópsins
kaus Tikhonov sem leiðtoga
sinn og heldur því fram að það
hafi umboð til þess að starfa
undir merkjum gamla kommún-
istaflokksins.
Ólguna í rússneska kommún-
istaflokknum má rekja til þess
að í síðustu kosningum galt
hann afhroð; fékk einungis 12,7
prósent atkvæða. ■
Rússneskir kommúnistar:
Dimmt yfir flokksþingi
GENNADÍ ZYUGANOV
Formaður rússneska kommúnistaflokksins
sem hélt landsfund um helgina.