Fréttablaðið - 15.07.2004, Blaðsíða 28
Þó að gott sé að sleikja sólina á sumrin þá er ekki
vænlegt að fresta húsverkunum endalaust. Þau taka
enga stund þannig að drífðu í þeim. Hengdu upp
spegilinn, vaskaðu upp og þrífðu gluggakistuna.
Vittu til – þér líður mun betur eftir á.
LAUGAVEGI 87 • SÍMI 511 2004
Glæsilegar sængur og koddar
„Ferskur sumarvindur
í fiðri dúnfugla tryggir
brosmilda drauma og
svalandi hvíld“
Tilvalið sem brúðargjöf
Skermagerð Berthu:
Áhuginn blossaði
upp um leið og eldgosið
Bertha María Grímsdóttir Waag-
fjörd er ein þeirra fáu sem fæst við
skermagerð af alvöru á okkar landi.
Hún hefur á valdi sínu ótal mis-
munandi stíla og aðferðir eftir því
hvert efnið er, lagið á lampanum og
óskir kaupandans. Áratuga reynsla
er að baki og enn er hún á fullu þótt
áttugasta afmælið nálgist. „Sum-
ir segja að ég eigi að fara að hætta
en ég sé ekki ástæðu til þess. Samt
læt ég starfið ekki binda mig alger-
lega. Ef ég þarf að fara frá þá geri
ég það,“ segir hún hressileg.
Bertha bjó úti í Vestmanna-
eyjum um tíma og segja má að
áhugi hennar á skermagerð hafi
blossað upp um svipað leyti og
eldgosið. „Ég byrjaði fyrir jólin
1972 og eftir það varð ekki stopp-
að, þótt fjölskyldan flyttist upp á
land vegna náttúruhamfaranna
og væri inn á ættingjum til að
byrja með. Þegar við komumst í
eigið húsnæði um sex mánuðum
síðar var sérstakt herbergi tekið
undir skermagerðina. Þetta var
erfiður tími ekki síst fyrir börn-
in sem fóru í nýja skóla í nýju
umhverfi og þá var gott að geta
verið að vinna heima við. Þau
höfu þá einhvern fastan punkt,“
segir Bertha og brosir angur-
vært. Þegar mest var að gera í
skermagerðinni kveðst hún hafa
haft 5–6 stúlkur í vinnu en nú er
hún mest ein. Afurðirnar selur
hún einkum í Suðurveri og einnig
fær hún skerma til viðgerðar og
endurnýjunar.
Í Skermagerð Berthu eru efnis-
strangar af ótal gerðum, grindur,
borðar og leggingar. Einnig skraut-
legir skermar af ýmsum gerðum.
Sérstaka athygli vekja skermar
skreyttir íslenskum jurtum. Þeir
eru hennar sérgrein. „Ég vann sem
ung stúlka í skermagerð hjá Edith
Guðmundsdóttur í Hátúni í Reykja-
vík. Það var hún sem byrjaði með
blómaskermana og síðan tók ég við
enda er alltaf eftirspurn eftir
þeim,“ segir Bertha brosandi.
Blómin hefur hún tínt og þurrkað
sjálf og geymir þau milli síðna í
dagblöðum. Þar varðveitast blómin
svo vel að undrun sætir. Blágresið
er enn skínandi blátt í blaði frá 1974
og Gunnar ljósmyndari kættist er
hann sá blómabreiðu í myndaopnu
eftir GVA í Tímanum frá 1972.
gun@frettabladid.is
FR
ÉT
TA
B
LA
Ð
IÐ
/G
VA
Blómaskermarnir eru sérgrein Berthu.
Handtökin eru mörg
og lengi má gott bæta.
Dagblöðin eru góð geymsla fyrir blómin. Hér er tófugras og fleira í Tímanum frá ‘72.
Myndirnar í opnunni eru af töku myndarinnar Paradísarheimt eftir Halldór Kiljan og
það var GVA sem tók þær.
Bertha með skerm í amerískum stíl.
SMÁAUGLÝSINGAR ALLA DAGA
Smáauglýsingasíminn er 550 5000
auglysingar@frettabladid.is
- mest lesna blað landsins