Fréttablaðið - 15.07.2004, Blaðsíða 29
7FIMMTUDAGUR 15. júlí 2004
Sparisjóðurinn er í sumarskapi og býður þér að taka þátt í léttum leik
Eina sem þú þarft að gera er að fara á vefsíðu okkar www.spar.is eða
koma við á næsta þjónustustað og fylla út svarseðil og þú gætir unnið
ferð til sólarlanda fyrir tvo – þér að kostnaðarlausu.
Viltu vinna ferð til sólarlanda?
...og það fyrir tvo!
Vertu með í sumar!
Ánægðustu viðskiptavinirnir
Margrét Pétursdóttir, leikari og
leikstjóri, hafði verið á hrak-
hólum með vinnuaðstöðu árum
saman er hún tók að lokum
áræðna ákvörðun. Hún er alsæl
með árangurinn.
„Ég er með sjálfstæðan at-
vinnurekstur, rek fyrirtæki og
leikhús og er á leiðinni í nám í
haust þannig að mér fylgir
ógrynni af pappírum. Undan-
farin ár hef ég unnið við borð-
stofuborðið sem var hætt að
sjást í fyrir pappír. Þannig að ég
tók þá ákvörðun að breyta borð-
stofunni bara í skrifstofu, leyfa
pappírunum að halda sér en láta
hitt dótið víkja.“ Margrét býr
með mömmu sinni, Soffíu
Jakobsdóttur leikkonu, sem er
líka með mörg járn í eldinum.
„Okkur vantaði báðar vinnu-
aðstöðu svo þetta herbergi bráð-
vantaði í húsið. Við áttum til að
mynda risastóran bókaskáp sem
er búinn að þvælast um allt hús
og enginn vissi hvar átti að vera.
Nú trónir hann inni á skrifstofu
svo það er hægt að segja að við
höfum búið til sérherbergi
handa bókaskápnum. Svo eign-
aðist ég loksins skrifborð sem er
er risastórt og það fær líka
pláss. Skrifstofan er núna uppá-
haldsstaðurinn minn í húsinu. Ef
maður ætlar að gera eitthvað al-
mennilegt er frumskilyrði að
hafa almennilega vinnuaðstöðu.
Nú er ég t.d. að klára handrit að
barnaleikriti sem er fyrir bæði
heyrandi börn og heyrnarlaus og
skotgengur að vinna á nýju
skrifstofunni.“ ■
Poki fyrir óhreint tau sem fer út í
skolvatnið og mengar ekkert.
Leysist upp í
þvottavélinni
Komnir eru á markaðinn sérstakir
pokar til að setja óhreinan þvott í
sem er mengaður af einhverju
sem fólk vill síður snerta. Í
þvottavélinni leysist pokinn upp
en innihaldið hreinsast. Pokinn
fæst í versluninni Besta og að
sögn Friðriks Inga framkvæmda-
stjóra eru um það bil fimm ár
síðan farið var að framleiða hann.
„Þá var eingöngu horft til heil-
brigðisgeirans því þar er verið að
meðhöndla tau sem er mengað
af þvagi, saur og blóði. Það er
sett í svona poka, hnýtt fyrir og
hent beint í þvottavél. Þvotturinn
kemur sótthreinsaður út en
pokinn er horfinn út í skolvatnið,“
segir hann. En hvaða efni skyldi
vera þarna á ferðinni? „Þetta eru
polymerar sem bindast vatni og
leysast upp,“ svarar hann og
bætir við. „Það besta er að efnið
pokanum er umhverfisvænt og
mengar því ekkert.“ ■
Tími
hreingerninga
Vorið og sumarið er tími hrein-
gerninga bæði innanhúss og utan.
Garðurinn er tekinn í gegn, runn-
anrnir snyrtir, grasið slegið og
sumir fjarlægja heilu trén. Sé
raunin sú að trén skyggja of
mikið á garðinn og það þarf að
hefja öxina á loft er góð hugmynd
að henda ekki trjástofnunum
heldur nýta þá til skreytinga hvar
sem er í kring um húsið og inni
líka.
Leyfið hugmyndafluginu að
njóta sín, trén geta verið mjög
falleg og gefa hinum ýmsu vistar-
verum skemmtilegan svip. ■
Margrét Pétursdóttir á
skrifstofunni þar sem loks
er pláss fyrir pappírana.
Skrifstofan mín:
Bókaskápurinn fékk sérherbergi