Fréttablaðið - 16.07.2004, Blaðsíða 29
21FÖSTUDAGUR 16. júlí 2004
Hugsaðu þér heilan
mánuð þar sem þú
mátt einungis vera með barni
þínu í fjóra daga. Að mínu
áliti er þetta eitt af því grófara
andlega ofbeldi sem þekkist.
Feður og umgengni við börn
Mikið var ég nú ánægður að lesa
skoðun Guðrúnar Helgu Friðriks-
dóttur í Fréttablaðinu þann 25. maí
síðastliðinn sem fjallar um það and-
lega ofbeldi sem gríðarlega mörg
börn eru beitt á Íslandi. Gott að vita
að kona/konur séu sömu skoðunar
og flestir (ef ekki allir) feður. Hún
talar um þá fáránlegu staðreynd
hversu feður eru lítils metnir í upp-
eldishlutverki og hversu sjálfsagt
það þykir að útskúfa barni frá föð-
ur sínum. Veit ég að hjá sýslu-
mannsembættinu í Reykjavík eru
einungis konur í starfi við það að
úrskurða feðrum tíma með börnum
sínum. Halda þær fast í þá „hefð“
að leyfa ekki börnum að vera með
feðrum sínum yfir nótt fyrr en þau
eru 2, 3 eða jafnvel 4 ára. Einnig er
„hefð“ hjá kvenkyns sýslumönnum
að úrskurða feðrum og börnum
þeirra aðra hverja helgi sem þýðir
að barnið er 4 daga í mánuði hjá
foreldri sínu. Bið ég lesendur að
setja sig í þau spor að opinber aðili
myndi leggja þennan dóm á þig
sjálfan/sjálfa og barnið. Hugsaðu
þér heilan mánuð þar sem þú mátt
einungis vera með barni þínu í
fjóra daga. Að mínu áliti er þetta
eitt af því grófara andlega ofbeldi
sem þekkist. Hjá sýslumanninum
starfar (að ég held) sálfræðingur
sem skoðar úrskurði og leggur
blessun sína yfir þá, efast ég um að
það sé rétt. Slíkir úrskurðir eru
fjandsamlegir barninu við eðlilegar
aðstæður og er almennt vitað að
börn tengist sínum sterkustu til-
finningaböndum til tveggja ára ald-
urs og að útiloka foreldri frá barni
sínu á þeim tíma er hreinn og beinn
glæpur í mínum augum.
Ekki má búast við miklum
breytingum á þessu kjörtímabili
því það var jú Sjálfstæðiflokkurinn
sem kom í veg fyrir að lögum væri
breytt í þá átt að sameiginleg for-
sjá og lágmarksumgengni við barn
yrði aldrei minni en 118 dagar á
ári. Ef þannig lög væru í gildi
myndi heldur betur fækka rifrild-
um milli foreldra þar sem börnin
eru notuð til þess að fá mál sín í
gegn og hlutverk sýslu-
mannskvenna myndu breytast til
muna. Þyrftu þær einungis að fjalla
um mál þar sem annað foreldrið
sannaði fram á vanhæfi hins en
ekki að þúsundir feðra þyrftu að
sanna fram á hæfni sína til að hitta
börn sín 4 daga í mánuði. Sjálfstæð-
isflokkurinn hefur verið með dóms-
málaráðuneytið í allmörg ár en hef-
ur aldrei sýnt tilburði til þess að
fylgja jafnréttisstefnu sinni og læt-
ur einungis kvenkyns úrskurðar-
aðila bæði hjá sýslumanni og dóms-
málaráðuneyti sjá um að úrskurða í
þessum málum. Ekki veit ég hvort
þessir aðilar eru hræddir við að
skoðun karlmanna heyrist varðandi
barnauppeldi. Nú hlýtur að vera
mál að linni, opinberir aðilar verða
að láta af ofbeldisaðferðum sínum
gagnvart börnum og feðrum þeirra
og taka hér upp uppeldis- og jafn-
réttisstefnu sem er barnvæn og í
anda alþjóðasáttmála. ■
UMRÆÐAN
FORSJÁ BARNA
,,
a
rg
u
s
–
0
4
-0
4
3
7
Ég var að velta því fyrir mér, af
hverju mér fannst á sínum tíma
Bubbi kóngur fyndinn en í dag
Dabbi kóngur alveg laus við alla
fyndni. Hegðunin sú sama og orða-
lagið svipað. Bubbi var fúll og feit-
ur, tapsár fílupoki, argandi ofstopi,
miskunnarlaus einræðisherra og
allt það. Og við hlógum. Hlógum
dátt. Okkur fannst þessi snar-
ruglaða persóna, Bubbi kóngur, al-
veg morðfyndinn og Herranótt varð
í hugum fólks stóreflis leikhús, leik-
hús fáránleikans. Þar þorðu menn
að draga upp mynd af fáránleika of-
stopamannsins á valdastóli. Og við
hlógum af því þetta var svo fárán-
legt, svo fjarlægt. Eitthvað sem við
vorum svo örugg um að kæmi ekki
fyrir okkur. Það er svo gott að hlæg-
ja í fjarlægð. Það yrði aldrei hætta
á því að svona nokkuð gæti gerst á
Íslandi. Íslandinu góða. Nei, nei og
sei, sei, nei. Svo vitlaus yrðum við
aldrei. ALDREI! Að við myndum
kjósa yfir okkur svona vitleysu. Vit-
firringu. Nei, ALDREI! ALDREI!
Árin liðu og Bubbi kóngur varð
að svarthvítri minningu gærdags-
ins. Og sumir brostu enn yfir uppá-
tækjum hans í endursýningum
RÚV. Að öðrum læddist grunur: Gat
verið að svarthvíta myndin um
Bubba kóng hafi ekki verið leikrit
heldur forspá? Gat verið að persóna
einræðisherrans væri ekki grín
heldur æfing fyrir það sem seinna
yrði? Eitthvað sem seinna yrði okk-
ar veruleiki i lit. Ekki í endursýn-
ingu heldur í beinni. Fáránleikinn í
æpandi litum í BEINNI.
Við horfum til Valhallar og velt-
um fyrir okkur þegar við heyrum
hlátrasköllin þaðan: Hvað finnst
hirðinni, viðhlæjendunum, svona
fyndið núna? Á hverju eigum við
von á morgun? Hvaða grein stjórn-
arskrárinnar á nú að brjóta? Hvaða
nýju aðferðir var verið að finna upp
til að troða á lýðræðinu? Og hirðin
hlær og þorir ekki annað, til að
verða ekki fyrir reiði kóngsins.
Skjálfandi á beinunum í brókum
hugleysins hlær hirðin og jánkar
öllu sem hrekkur úr munni Dabba
kóngs. En enginn í hirðinni veit eða
man lengur hvaða skoðanir hann
hafði, því það er hláturinn og jáið
sem gildir!
Ég var að velta þessu fyrir mér
þegar ég stóð á Austurvelli og hróp-
aði með fjöldanum: VIÐ VILJUM
KJÓSA – VIÐ VILJUM LÝÐRÆÐI!
Ég var að velta því fyrir mér, af
hverju það er ekkert fyndið við það
að hafa ruddalegan ofstopamann
með einræðistilburði sem valda-
mesta mann landsins? Er það vegna
þess að í bíó getur það verið fyndið
þegar sparkað er í punginn á ein-
hverjum en í veruleikanum er það
kvalafullt? Er það vegna þess að í
bíó getur það verið fyndið þegar
snúið er útúr öllu sem sagt er en í
veruleikanum er það niðurlægj-
andi? Er það vegna þess að í bíó get-
ur það verið fyndið að læsa ein-
hvern inni en í veruleikanum veldur
það innilokunarkend? Er það vegna
þess að í bíó getur það verið fyndið
þegar mönnum er hótað en í veru-
leikanum veldur það kvíða og ang-
ist?
Ég var líka að velta því fyrir mér
hvað við þurfum að vera mörg hróp-
andi fyrir utan þingið og stjórnar-
ráðið: VIÐ VILJUM KJÓSA – VIÐ
VILJUM LÝÐRÆÐI, til að tekið
verði mark á okkur. Eða er engin
von til þess, með Dabba kóng við
völd, að lýðræðið verði virt? Af því
að Dabbi kóngur segir að 88% þjóð-
arinnar hafi kosið þingið. En gleym-
ir um leið að taka fram að aðeins
51% af þeim, kaus þá Dabba kóng
og hirð hans eða aðeins 45% kosn-
ingabærra manna og kvenna! Með
öðrum orðum 55% kosningabærra
kaus EKKI þessa arfavondu stjórn
sem við höfum. Ég er einn af þeim.
Hvorki ég né nokkur annar í þess-
um meirihluta þjóðarinnar gaf
Dabba kóngi leyfi til að níðast á lýð-
ræðinu né gefa frat í stjórnars-
krána.
Ég var að velta þessu fyrir mér:
Er þá ekki bara kominn tími á þrif?
Hreingerningu? Þurfum við ekki
bara að henda út þessum ónothæfu
„druslum“ sem vaða yfir þjóðina á
skítugum skóm valdníðslunnar?
Skafa burt þessar „gungur“ sem
hanga á horrim valdagræðginnar?
Sópa út þessum „hugleysingjum“
sem þora ekki að horfast í augu við
þjóðina og lýðræðið? Er ekki bara
kominn tími til að við segjum:
HINGAÐ OG EKKI LENGRA! Er
ekki kominn tími á „flauelsbylt-
ingu“ á Íslandi? Er ekki kominn tími
til að þjóðin öðlist reisn á ný?
Ég var nú bara að velta þessu
fyrir mér á meðan ég hrópaði með
þjóðinni: VIÐ VILJUM KJÓSA –
VIÐ VILJUM LÝÐRÆÐI! ■
Hugverk alræðisherra
Sá í Fréttablaðinu um daginn að
Saddam Hussein er sestur við
skriftir og er að rita lykilspennu-
sögu. Las meira að segja að kall-
inn sé metsöluhöfundur í Írak –
eða var alla vega meðan hann var
alræðisherra. Ríkissjónvarpið í
Írak hafði meira að segja gert
framhaldsþætti eftir einni sögu
hans. Man ekki eftir neinum þjóð-
höfðingja í augnablikinu sem hef-
ur leikið þetta eftir nema Davíð
Oddsson. Enda erfið staða fyrir
útgefanda og dagskrárstjóra rík-
issjónvarps að skella hurðinni á
alræðisherra þegar þeir birtast
með hugverk sín undir hendinni.
Man reyndar eftir Winston
gamla Churchill sem skrifaði
sögu síðari heimsstyrjaldar, fékk
Nóbelsverðlaun og sagði glott-
andi, að ef sagan ætti að gefa
manni sæmileg eftirmæli væri
best að skrifa hana sjálfur. Hár-
rétt hjá honum. Adolf Hitler skrif-
aði líka Mein Kampf en engum
heilvita manni datt í hug að hann
myndi framkvæma þær hug-
myndir sem hann viðrar í bókinni.
Hann gerði það nú samt. Tíminn
leikur hins vegar menn oft grátt.
Enginn les Mein Kamp í dag nema
kannski gamlir nasistar, nýnastar
og einstaka sagnfræðingur. Styrj-
aldarsaga Churchill hefur þurft
að víkja fyrir nýrri söguskoðun.
Saddam fær kannski ekki útgáfu á
nýju bókinni sinni í dag og áreið-
anlega enga sjónvarpsþætti. Eftir
15. september gæti Davíð þurft að
víkja af jólabókamarkaði þótt
Krummi gæti tekið upp á því að
filma hugverk hans. Hver veit?
Og sýna afurðina hjá Norðurljós-
um ef Ríkissjónvarpið er komið
undir hælinn á Samfylkingunni og
svoleiðis bandíttum. ■
SADDAM HUSSEIN
Einræðisherrann fyrrverandi er að semja
spennusögu í fangelsinu.
INGÓLFUR MARGEIRSSON
UMRÆÐAN
SKÁLDSKAPUR OG
STJÓRNMÁL
HANS GÚSTAFSSON
UMRÆÐAN
BUBBI KÓNGUR
Leikhús veruleikans
BUBBI KÓNGUR
Var þetta forspá? spyr greinarhöfundur.
OTTÓ SVERRISSON
BARÁTTUMAÐUR UM JAFNRÉTTI