Fréttablaðið - 16.07.2004, Blaðsíða 30

„Ætli ég fari ekki bara með for-
eldrum mínum á kaffihús í dag og
taki þessu rólega,“ segir Helgi
Rafn Ingvarsson sem flestir kann-
ast við úr Idolinu í vetur. „Ég er
venjulega mikið afmælisbarn og
þegar ég var lítill var alltaf haldið
garðpartí af því að afmælið mitt er
um hásumar. Þá voru blöðrur
hengdar upp í trén og öllum félög-
unum í hverfinu var boðið í brjálað
grillpartí,“ segir Helgi sem var
varla búinn að átta sig á því að
hann ætti afmæli þegar blaðamað-
ur náði tali af honum. „Það er bara
búið að vera svo mikið í gangi að
ég hef ekki haft tíma til að leiða
hugann að afmælinu,“ en Helgi
Rafn tekur um þessar mundir þátt
í Hárinu í Austurbæ. „Svo er bara
svo margt sem liggur fyrir. Ég er
að mála herbergið mitt og stend
líka í miklum framkvæmdum úti í
bílskúr. Þar er ég að reyna að
koma mér upp stúdíói og svo er ég
á fullu að æfa með hljómsveitinni
minni,“ segir Helgi Rafn sem
hefur í rúmt ár verið í hljóm-
sveitinni Gaur. „Við semjum alls
kyns tónlist og spilum svo aðallega
rokklög eftir aðra,“ segir Helgi
Rafn. „Við verðum í Galtalæk um
verslunarmannahelgina og þess
vegna erum við með æfingatörn í
gangi en ef fólk vill forvitnast
frekar um hljómsveitina þá erum
við með heimasíðuna gaur.info.“
Helgi Rafn, sem verður nítján
ára í dag, ætlar bæði að leika og
syngja á afmælisdaginn. „Það er
sýning á Hárinu í kvöld en eftir á
ætla ég að hitta vini mína og taka
því létt,“ segir Helgi Rafn sem er
ekki alls óreyndur á leiksviðinu.
„Ég hef verið í leiklist síðan í átt-
unda bekk og síðustu þrjú árin hef
ég verið í leikfélagi Mennta-
skólans við Hamrahlíð. En Hárið
er fyrsti söngleikurinn sem ég tek
þátt í, ég fór í prufur í vor og
finnst frábært að hafa fengið að
vera með.“ ■
22 12. júní 2004 LAUGARDAGUR
Mickey Rourke
Einu sinni, fyrir margt löngu, var þessi leikari einn mesti
töffari sem sást. Því miður má segja að persóna hans í
Barfly hafi yfirtekið líf hans. Mickey er 51 árs í dag.
AFMÆLI
Karl Lilliendahl tónlistarmaður er 71
árs.
Þorkell Sigurbjörnsson tónskáld er 66
ára.
Anna Kristín Arngrímsdóttir leikkona
er 56 ára.
BRÚÐKAUP
Jóna Ellen Valdimarsdóttir og Lárus
Long
Þann 3. júlí voru gefin saman í hjóna-
band í Hafnarfjarðarkirkju Jóna Ellen
Valdimarsdóttir og Lárus Long. Prestur
var sr. Þórhallur Heimisson.
ANDLÁT
Björg Gunnlaugsdóttir, Dvalar- og
hjúkrunarheimilinu Grund, áður til
heimils í Melgerði 12, Reykjavík, lést
þriðjudaginn 13. júlí.
Davíð Örn Þorsteinsson, Fosshóli,
Vesturárdal, V-Húnavatnssýslu, lést
sunnudaginn 11. júlí.
Guðbjörg Gunnarsdóttir, Lyngási 2,
Garðabæ, lést þriðjudaginn 13. júlí.
Guðrún Ingólfsdóttir lést miðvikudag-
inn 14. júlí.
JARÐARFARIR
10.30 Ingibjörg Guðmundsdóttir lyfja-
fræðingur verður jarðsungin frá
Dómkirkjunni í Reykjavík.
10.30 Þuríður Jónsdóttir (Hulla), Meist-
aravöllum 7, verður jarðsungin frá
Fossvogskirkju.
13.30 Borghildur Sólveig Ólafsdóttir,
Hjallalundi 3a, Akureyri, verður
jarðsungin frá Akureyrarkirkju.
13.30 Guðmunda Lilja Ólafsdóttir, Selja-
hlíð, Hjallaseli 55, verður jarðsung-
in frá Dómkirkjunni í Reykjavík.
15.00 Hafþór Líndal Jónsson frá Minni-
Bakka við Nesveg, síðast til heim-
ils í Hátúni 10, Reykjavík, verður
jarðsunginn frá Seljakirkju.
15.00 Jón Árnason, Þverá, Eyjafjarðar-
sveit, verður jarðsunginn frá
Munkaþverárkirkju.
Leikur og syngur á afmælisdaginn
Í Jekaterinborg var keisari Rúss-
lands, Nikulás II, og fjölskylda
hans tekin af lífi af bolsévikum á
þessum degi árið 1918. Þar með
leið þriggja alda stjórn Rómanov
ættarveldisins undir lok. Fjöl-
skyldan, sem hafði verið í haldi
bolsévika síðan í mars 1917, var
leidd niður í kjallara undir því
yfirskini að það ætti að taka af
þeim mynd. Þess í stað stormuðu
hermenn inn og skutu þau.
Nikulás var krýndur keisari
árið 1896. Hann hafði hvorki
fengið þjálfun til að taka við rík-
inu né virtist hann sérlega áhuga-
samur um það hlutverk. Eftir
slæma útreið Rússa í stríði þeirra
við Japana hófst rússneska bylt-
ingin 1905 sem Nikulás tókst að
kæfa með því að samþykkja
stofnun rússneska þingsins,
Dúmunar, og með því að lofa
stjórnarskrárbreytingum. Hann
stóð þó ekki við loforð sín, ekkert
varð af stjórnarskrárbreytingum
og ítrekað leysti hann upp
Dúmuna. Þetta leiddi til aukins
stuðnings við bolsévika og aðra
uppreisnarhópa. Árið 1914 voru
Rússar orðnir aðilar að fyrri
heimsstyrjöldinni og óánægja óx
með minnkandi matarbirgðum.
Í mars 1917 gengu hermenn í
Petrograd í lið með verkamönn-
um í verkfalli og var krafist
sósíalískra umbóta og áheyrnar
keisarans. 15. mars ákvað Niku-
lás að láta af tilkalli til krúnunn-
ar og afhenda völdin til bróður
síns, Mikaels. Mikael hins vegar
neitaði að taka við krúnunni sem
leiddi til endaloka keisaraveldis-
ins í Rússlandi.
Lík Nikulásar, Alexöndu og
þriggja barna þeirra voru grafin
í skógi nærri Jekaterinborg. Það
voru einungis lík krónprinsins
Alexei og Anastasíu sem ekki var
vitað um og leiddi það til þjóð-
sögunnar um að Anastasia hefði
lifað aftökuna af. Fjölmargar
konur hafa stigið fram og sagst
vera hin týnda Rómanov-dóttir,
en engin þeirra gat fært sönnur á
mál sitt. ■
ÞETTA GERÐIST
RÓMANOV-FJÖLSKYLDAN TEKIN AF LÍFI
16. júlí 1918
OLGA, MARÍA, NIKULÁS, ALEX-
ANDRA, ANASTASÍA, ALEXIS OG
TATIA RÓMANOV
Leyndardómur hefur hvílt yfir örlögum
Anastasíu og fjölmargar konur
hafa sagst vera hún.
„Ég vissi alltaf að ég myndi afreka eitthvað mjög
sérstakt – eins og að ræna banka eða eitthvað í þá áttina.“
- Metnaðurinn hefur aldrei þvælst sérstaklega
fyrir Mickey Rourke, afmælisbarni dagsins.
AFMÆLISBARN DAGSINS
HELGI RAFN INGVARSSON ER 19 ÁRA
„Fólk getur komið og keypt bæk-
ur úr safni uppáhalds söngvarans,
stjórnmálamannsins eða skálds-
ins. Sem dæmi selur Einar Kára-
son bækur úr safninu sínu, Nylon
stelpurnar, Jónsi og Jónína Bjart-
marz,“ segir Kristjón Kormákur
Guðjónsson, framkvæmdastjóri
Hróksins, en félagið efnir til
bókamarkaðar í dag og á morgun
á útitaflinu í Lækjargötu til
styrktar barnastarfi félagins.
Kristjón segir hugmyndina hafa
kviknað þegar Hrafn Jökulsson
ákvað að gefa allt bókasafnið sitt
til styrktar starfinu. „Við ákváð-
um í framhaldinu að hafa sam-
band við fleiri einstaklinga sem
allir hafa tekið mjög vel í þetta. Ef
þessi fyrsta helgi gengur vel er
markaðurinn kominn til að vera
enda höfum við ekki haft tíma til
að hringja í nándar nærri alla sem
gætu lagt okkur lið.“
Féð sem safnast mun allt renna
í barnastarf Hróksins sem félagið
einbeitir sér að. „Við hættum þátt-
töku í Íslandsmótinu til að beita
okkur á þessu sviði. Í haust mun-
um við halda í hringferð í kring
um landið þar sem við gefum öll-
um 3. bekkingum „Skák og mát“
eins og við höfum gert undanfarin
ár.“ Kristjón segir árangurinn
ekki láta á sér standa því skák-
áhuginn sé sífellt að aukast.
Hrafn Jökulsson selur allt bókasafnið sitt
HRAFN JÖKULSSON
Bókasafnið hans verður selt á útitaflinu við
Lækjargötu í dag frá klukkan 12 og á
morgun frá klukkan 13. Ágóðinn mun
renna í barnastarf Hróksins.
Rússneska ættarveldið líður undir lok
ÞETTA GERÐIST LÍKA
1790 Washington DC verður höfuðborg
Bandaríkjanna.
1875 Ný stjórnarskrá Frakklands lítur
dagsins ljós.
1926 Fyrstu litmyndirnar, teknar neðan-
sjávar birtast í tímaritinu National
Geographic. Myndirnar voru
teknar nálægt Florida Keys.
1940 Adolf Hitler skipar mönnum sínum
að búa sig undir innrás í England.
1944 Sovéskir hermenn taka yfir völd í
Vilna í Litháen á leið sinni til
Þýskalands.
1945 Bandaríkjamenn sprengja sína
fyrstu atómbombu í tilrauna-
sprengingu í Alamogordo, Nýju
Mexíkó.
1951 Bók J.D. Salinger, Bjargvætturinn í
grasinu, kemur fyrst út.
1979 Saddam Hussein verður forseti
Íraks.
1990 Jarðskjálfti á Filippseyjum, sem mæl-
ist 7,7 á Richter-kvarðanum, leiðir til
dauða rúmlega 1.600 manna.
HELGI RAFN INGVARSSON
Hefur í nógu að snúast um þessar mundir. Hann tekur þátt í Hárinu í Austurbæ en kemur svo fram með hljómsveitinni
Gaur um verslunarmannahelgina.