Fréttablaðið - 16.07.2004, Blaðsíða 34
26 16. júlí 2004 FÖSTUDAGUR
ALLAN BORGVARDT DRJÚGUR
Tryggði FH sigur í Cardiff í gær.
Evrópukeppni félagsliða:
FH í fínum
málum
FÓTBOLTI FH-ingar eru komnir með
annan fótinn í næstu umferð UEFA-
bikarsins eftir að þeir lögðu velska
liðið Haverfordwest í Cardiff í gær,
1–0. Markið skoraði Daninn magnaði
Allan Borgvardt á 74. mínútu með
þrumuskoti fyrir utan teig.
„Mér fannst þetta frekar sann-
gjörn úrslit. Við réðum ferðinni allan
tímann og fengum fleiri færi til þess
að gera út um þetta einvígi,“ sagði
Heimir Guðjónsson, fyrirliði FH, í
samtali við Fréttablaðið skömmu
eftir leik í gær. „Þetta var frekar
týpískt breskt lið sem kýlir boltanum
fram á stóra og sterka framherja“
Heimir játaði að þeir væru komnir
í góða stöðu en þyrftu að hafa fyrir
því að klára dæmið. „Þetta lið mun
berjast fyrir lífi sínu í seinni leiknum
og því verðum við að vera klárir að
taka á móti. En ef við náum upp okkar
leik þá eigum við að klára dæmið.“ ■
1–0 Reynir Leósson 6.
2–0 Stefán Þór Þórðarson 36.
2–1 Denis Malov 48.
3–1 Ellert Jón Björnsson 53.
3–2 Maxim Smirnov 58.
4–2 Julian Johnsson 90.
DÓMARINN
A. Juhvelt, Ungverjalandi góður
BESTUR Á VELLINUM
Ellert Jón Björnsson ÍA
TÖLFRÆÐIN
Skot (á mark) 11–9 (5–3)
Horn 8–4
Aukaspyrnur fengnar 15–12
Rangstöður 0–0
GÓÐIR
Ellert Jón Björnsson ÍA
Grétar Rafn Steinsson ÍA
Reynir Leósson ÍA
Julian Johnsson ÍA
Kári Steinn Reynisson ÍA
Liivo Leepma TVMK
Andrei Borissov TVMK
Maxim Smirnov TVMK
4-2
ÍA TVMK TALLINN
HETJA OG SKÚRKUR SKAGAMANNA Skagamenn fagna hér marki Stefáns Þórs Þórðarsonar á Skipaskaga í gær. Mark Stefáns kom ÍA
í 2–0. Stefán hafði ekki sagt sitt síðasta orð á þessari stundu því hann lét reka sig af velli í síðari hálfleik.
Stefán stal senunni á Skaganum
Skagamaðurinn Stefán Þór Þórðarson stal senunni í leik ÍA og TVMK Tallinn í UEFA-
bikarnum í gærkvöld. Hann skoraði mark og lét síðan reka sig af velli. ÍA vann leikinn 4–2.
FÓTBOLTI Skagamenn eiga erfitt
verkefni fyrir höndum í Eistlandi
eftir viku eftir að þeir sigruðu TVMK
Tallinn 4–2 á Akranesi í gær.
Skagamenn höfðu fína stöðu í leikhléi
en misstu tökin á leiknum í síðari
hálfleik sem og einn leikmann.
Heimamenn fengu óskabyrjun á 6.
mínútu er varnartröllið Reynir
Leósson kom Skagamönnum yfir.
Markið kom upp úr hornspyrnu frá
Ellerti Jóni Björnssyni. Guðjón
Heiðar Sveinsson átti þrumuskot að
marki sem hafnaði í varnarmanni.
Þaðan datt boltinn fyrir fætur Reynis
sem gat ekki annað en skorað.
Gestirnir frá Eistlandi spiluðu
með fimm manna vörn og þeirra leik-
skipulag sem gekk út á að halda
hreinu var þar með kolfallið.
Eftir markið féll allt í dúnalogn á
nýjan leik þar til á 36. mínútu er
Skagamenn skoruðu úr sinni annarri
almennilegu sókn. Þá fékk Ellert Jón
stungusendingu upp hægri kantinn
og gaf fastan, lágan bolta fyrir mark-
ið þar sem Stefán Þórðarson kom
aðvífandi og lagði knöttinn laglega í
netið.
Örfáum mínútum eftir seinna
markið átti Gunnlaugur Jónsson
skalla sem hafnaði í þverslá marks
Eistanna. Annars var fyrri
hálfleikurinn slakur af beggja hálfu
en Skagamenn skoruðu úr tveimur af
þremur alvöru sóknum sínum í
hálfleiknum.
Allt annað var upp á teningnum í
upphafi síðari hálfleiks. Á fyrstu
þrettán mínútum hálfleiksins var
boðið upp á þrjú mörk og eitt rautt
spjald.
Denis Malov minnkaði muninn
eftir hornspyrnu á 48. mínútu. Fimm
mínútum síðar var Stefáni
Þórðarsyni vikið af leikvelli fyrir að
slá til mótherja sem hékk utan í
Stefáni. Skagamenn létu rauða
spjaldið ekki slá sig út af laginu
heldur bættu við þriðja markinu á 53.
mínútu og þar var að verki besti
maður vallarins Ellert Jón Björnsson
með skoti inn í teig eftir misheppnað
úthlaup eistneska markvarðarins.
Á 58. mínútu dró enn og aftur til
tíðinda þegar miðjumaðurinn með
skemmtilega nafnið, Smirnov,
minnkaði muninn í eitt mark með
góðu skoti utan við teig sem hafnaði í
bláhorninu.
Eftir þetta mark datt leikurinn í
áðurnefnt dúnalogn allt þar til á
síðustu mínútu leiksins er færeyski
miðjumaðurinn Julian Johnsson skor-
aði gríðarlega mikilvægt mark fyrir
Skagamenn sem gæti reynst
verðmætt þegar upp er staðið. Mark
Julians var fastur skalli eftir horn-
spyrnu. Skagamenn fá hrós fyrir að
halda dampi þrátt fyrir liðsmuninn.
Þeir spiluðu góðan varnarleik í síðari
hálfleik og náðu að skora tvö mörk
manni færri.
Liðsuppstilling Ólafs Þórðarsonar
í leiknum vakti mikla athygli en hann
stillti upp mjög sókndjörfu liði ólíkt
því sem hann hefur gert í sumar.
„Það er rétt, við ætluðum að skora
mörk því það getur verið mjög erfitt
að sækja þessi eistnesku lið heim,“
sagði Ólafur skömmu eftir leikslok.
„Við fáum samt á okkur tvö klaufa-
mörk sem hefði auðveldlega verið
hægt að koma í veg fyrir en það
munar miklu um þetta mark sem við
skoruðum í lokin.“
Ólafur bætti því síðan við að rauða
spjaldið hefði verið hárréttur dómur.
„Það er verið að brjóta á Stefáni.
Hann er reiður, reynir að hrista hann
af sér og hittir hann illa. Þetta var
einfaldlega fáranlegt pirringsbrot.“ ■
FÓTBOLTI Zeljko Zankovic sagði í gær
starfi sínu lausu sem þjálfari
knattspyrnuliðs Grindavíkur.
Guðmundur Valur Sigurðsson og
Sinisa Valdimar Kekic stýra liðinu í
stað Zeljkos út leiktíðina.
Lítið hefur gengið hjá Grindavík í
sumar en þeir eru í næstneðsta sæti
deildarinnar með tíu stig. Þar af hafa
síðustu tveir leikir liðsins tapast. ■
Knattspyrnulið Grindavíkur:
Zeljko lýkur
keppni
FR
ÉT
TA
B
LA
Ð
IÐ
/E
.Ó
L.