Fréttablaðið - 16.07.2004, Blaðsíða 35

FÖSTUDAGUR 16. júlí 2004 27
EITT STERKASTA GOLFMÓT ÁRSINS
Vinna Íslendingarnir aftur á Canon PRO/AM?
PRO/AM 2004
Nýherji hf. · Borgartúni 37 · 105 Reykjavík · Sími 569 7700 · Fax 569 7799
Canon og Nýherji standa fyrir einu sterkasta golfmóti ársins,
Canon PRO/AM 2004, þegar fremstu kylfingar landsins mæta
þeim Trevor Immelman og Tony Johnstone. Mótið fer fram á
golfvelli Keilis á Hvaleyri í Hafnarfirði, 26. júlí nk.
Nýherji, í samstarfi við Golfsamband Íslands og Golfklúbbinn Keili,
býður sterkustu kylfingum landsins að taka þátt í mótinu og þá tryggðu
þrír efstu keppendurnir á Nýherji Canon Open, sem haldið var 19. júní
sl., sér þátttökurétt í mótinu.
Á síðasta móti fór Sigurpáll Geir Sveinsson með sigur af hólmi og
Magnús Lárusson hafnaði í öðru sæti. Það verður því spennandi að
fylgjast með hvort íslensku kylfingarnir ná að endurtaka leikinn og sigra
þá Immelman og Johnstone.
Ná Íslendingarnir að stöðva Immelman?
Trevor Immelman er fimmti tekjuhæsti kylfingurinn á Evrópsku
mótaröðinni um þessar mundir en hann hefur unnið sér inn rúmar 65
milljónir kr. á þessu ári. Þá er hann i 36 sæti á heimslistanum.
Trevor Immelman er 25 ára gamall og fetaði í janúar síðast liðnum í
fótspor Gary Players þegar hann varði sigur á South African Airways
Open með framúrskarandi spilamennsku en það mót er liður í Evrópsku
mótaröðinni. Þá sigraði Immelman á Opna þýska meistaramótinu í maí
sl. en þar hafnaði Padraig Harrington í öðru sæti.
Immelman hefur verið á góðri siglingu síðustu tvö ár og það verður því
spennandi að sjá hvernig honum gengur að kljást við íslensku
kylfingana.
Sigraði Els
Tony Johnstone er gamall reynslubolti en hann gerðist atvinnumaður
árið 1979. Hann sigraði Ernie Els með tveimur höggum á Alfred Dunhill
SA PGA árið 1998 og sigraði á Qatar Masters árið 2001 þar sem Robert
Carlsson lenti í öðru sæti og Angel Cabrera í því sjötta.
Um er að ræða eitt sterkasta golfmót ársins – Gríptu tækifærið og
mættu á Hvaleyrina.
Ókeypis aðgangur.
Landsbankadeild karla í knattspyrnu:
Engir heimasigrar
þegar Magnús dæmir
FÓTBOLTI Víkingum tókst ekki að
landa heimasigri gegn Fram á
dögunum þrátt fyrir stórskotahríð
að marki Safamýrarliðsins í seinni
hálfleik. Ástæðan var kannski sú
að dómari leiksins var Keflavík-
ingurinn Magnús Þórisson en hann
hefur ekki reynst heimaliðunum
vel það sem af er í Landsbanka-
deild karla.
Magnús var í Víkinni að dæma
sinn sjötta leik í deildinni í sumar
og heimaliðunum hefur aldrei
tekist að vinna í þessum sex leikj-
um. Fjórum sinnum hafa leikirnir
endað með jafntefli og tvisvar
hafa útiliðin farið með sigur af
hólmi. Magnús er einn af níu dóm-
urum í deildinni en heimasigrar
hafa orðið hjá öllum hinum átta
dómurum deildarinnar. Hins vegar
hafa útiliðin aldrei tekið með sér
öll þrjú stigin þegar Garðar Örn
Hinriksson og Jóhannes Valgeirs-
son sjá um dómgæslu. Það er þó
ekki að sjá á tölfræðinni að Magn-
ús dæmi á móti heimaliðunum en
þau hafa fengið fjórum fleiri auka-
spyrnur og einu spjaldi fleira en
útiliðin í þessum leikjum. Þau lið
sem hafa verið á heimavelli þegar
Magnús hefur flautað eru Fram
(tap), Grindavík (tap), ÍA, Víking-
ur, KA og ÍBV en leikir þeirra
fjögurra síðastnefndu enduðu með
jafntefli. Útiliðin voru fyrst til að
skora í öllum sex leikjunum. ■
TÖLFRÆÐI MAGNÚSAR ÞÓRIS-
SONAR Í SUMAR
Leikir 6
Heimasigrar 0
Jafntefli 4
Útisigrar 2
Aukaspyrnur dæmdar 226 (37,7)
Gul spjöld 27 (4,5)
Rauð spjöld 2
Víti dæmd 1
ENGIN HEIMADÓMGÆSLA HJÁ MAGNÚSI Heimaliðin í Landsbankadeildinni vonast
örugglega ekki til að Magnús Þórisson dæmi því heimasigur hefur aldrei orðið þegar
hann hefur dæmt í sumar.
Íslenski kvennalandsliðshópurinn í körfubolta valinn fyrir Promotion Cup:
Anna María spilar með
landsliðinu í Andorra
KÖRFUBOLTI Ívar Ásgrímsson, lands-
liðsþjálfari kvenna í körfubolta,
hefur valið tíu manna landsliðs-
hóp sinn sem tekur þátt í áttundu
Evrópukeppni smærri þjóða í
Andorra, svonefndu Promotion
Cup, en mótið fer fram í lok
mánaðarins.
Það vekur mesta athygli að hin
síunga Anna María Sveinsdóttir
fer með í ferðina og spilar þar
væntanlega sinn 60. landsleik en
engin kona hefur spilað ofar fyrir
íslenska kvennalandsliðið. Anna
María, sem er 34 ára, lék síðast
með íslenska landsliðinu fyrir
tveimur árum síðan en hún lék
sinn fyrsta landsleik 1986.
Íslensku stelpurnar fengu
silfur á sama móti fyrir tveimur
árum og liðið tapaði þá naumlega
fyrir Albaníu í úrslitaleiknum
sem var síðasti landsleikur Önnu
Maríu. Íslenska landsliðið hefur
einu sinni náð að vinna þetta
Evrópumót en það var fyrir átta
árum. Sex af tíu leikmönnum
íslenska liðsins voru með fyrir
tveimur árum en allir leikmenn
liðsins sem fara út að þessu sinni
hafa góða reynslu og allar nema
tvær hafa leikið meira en 20
landsleiki fyrir Íslands hönd.
Þrjú lið eiga þrjá leikmenn
hver en það eru lið ÍS, Keflavíkur
og Grindavíkur. Fyrrum Keflvík-
ingarnir Erla Þorsteinsdóttir og
Erla Reynisdóttir hafa báðar skipt
yfir í Grindavík og spila því í
Andorra sína fyrstu landsleik sem
leikmenn Grindavíkur.
Fyrsti leikur íslenska liðsins er
gegn Skotum þann 26., næst verð-
ur svo leikið gegn heimamönnum
í Andorra 28. júlí, þann 29. gegn
Azerbaijan og 30. gegn Möltu. 31.
júlí verður svo leikið um sæti í
mótinu við lið úr hinum riðlunum.
Í þeim riðli eru lið Lúxemburgar,
Wales, Kýpur, Gíbraltar og
Armeníu.
Þetta mót í Andorra er góður
vettvangur fyrir íslensku
stelpurnar að sanna styrk sinn en
liðið tekur einnig þátt í norðurlan-
damótinu í Svíþjóð um miðjan
ágúst næstkomandi. Næstu vikur
eru því viðburðarríkar hjá
kvennalandsliðinu. ■
LANDSLIÐSHÓPURINN Á
PROMOTION CUP
Alda Leif Jónsdóttir ÍS
Anna María Sveinsdóttir Keflavík
Birna Valgarðsdóttir Keflavík
Erla Reynisdóttir Grindavík
Erla Þorsteinsdóttir Grindavík
Hildur Sigurðardóttir KR
Lovísa A. Guðmundsdóttir ÍS
Marín Rós Karlsdóttir Keflavík
Signý Hermannsdóttir ÍS
Sólveig Gunnlaugsdóttir Grindavík
Ívar Ásgrímsson þjálfar íslenska liðið og
Guðbjörg Norðfjörð er fararstjóri.
LEIKIR ÍSLENSKA LIÐSINS Á
PROMOTION CUP
Ísland – Skotland 26. júlí
Ísland – Andorra 28. júlí
Ísland – Aserbaídsjan 29. júlí
Ísland – Malta 30. júlí
Ísland spilar um sæti 31. júlí
ANNA MARÍA AFTUR MEÐ Anna María Sveinsdóttir spilar væntanlega sinn 60. lands-
leik í Evrópukeppni smærri landsliða sem fram fer í Andorra í lok mánaðarins.