Fréttablaðið - 17.07.2004, Blaðsíða 18

Þó að fjörutíu ár þyki ekki hár ald-
ur miðað við hefðbundin íþrótta-
félög á Íslandi eru golfklúbbarnir á
Nesinu komnir í öldungaflokk í
greininni. Golfið er tiltölulega ung
íþrótt á Íslandi og aðeins höfðu
fjórir aðrir golfklúbbar verið
stofnaðir þegar félagarnir Pétur
Björnsson og Ragnar J. Jónsson
réðust í stofnun golfklúbbs Ness. Í
dag fylla golfklúbbar á Íslandi vel
á sjötta tuginn og iðkendur skipta
þúsundum.
Golfklúbbarnir á Nesinu eru
tveir, Golfklúbbur Ness og
Nesklúbburinn, sem á sér auð-
vitað sínar skýringar eins og
annað. GN, sem var stofnaður
1964, var einkaklúbbur og meira í
anda sambærilegra klúbba í út-
löndum þar sem menn áttu sér
griðastað á golfvellinum og vín
var veitt í skálanum. Af þeim
sökum var klúbburinn ekki gjald-
gengur innan vébanda íþrótta-
hreyfingarinnar og félögum
óheimilt að taka þátt í landsmóti
og öðrum opnum mótum.
Úr varð að árið 1969 var stofn-
aður nýr klúbbur innan GN og
hlaut hann nafnið Nesklúbburinn.
Var hann opið félag sem uppfyllti
öll skilyrði Golfsambandsins og
félagsmönnum því heimilt að taka
þátt í opnum mótum og njóta
þeirra réttinda sem félagar ann-
arra klúbba nutu.
Stofnendur GN voru Pétur
Björnsson og Ragnar J. Jónsson
og auk þeirra sátu í fyrstu stjórn
klúbbsins þeir Jón Thorlacius,
Ólafur Loftsson og Sigurjón
Ragnarsson. Þáttur Sigurjóns í
stjórninni sýnir glögglega að
klúbburinn var ekki bara golf-
klúbbur heldur líka, og kannski
ekki síður, sveitaklúbbur að er-
lendri fyrirmynd. Sigurjón mun
nefnilega aldrei hafa leikið golf
en var þrátt fyrir það gjaldkeri
stjórnar og hluthafi í klúbbnum
ásamt Pétri og Ragnari.
Félagsmenn höfðu greiðan að-
gang að sambærilegum klúbbum í
útlöndum, bæði í Bretlandi og
Bandaríkjunum, en meðal félaga í
einkaklúbbum af þessu tagi ríkir
gagnkvæmt vinaþel.
Nesið sem völlurinn var reistur
á heitir Suðurnes og var í eigu
nokkurra manna, meðal annars
Björns, föður Péturs. Á því stóðu
meðal annars sorphaugar Seltirn-
inga, þar voru fiskitrönur og lög-
reglan hafði þar aðstöðu til æf-
inga. Nú hafa kylfingar Nesið út
af fyrir sig, ásamt fuglunum fjöl-
mörgu sem eiga þar jafnan til-
verurétt.
Þó að Suðurnesið sé fullnýtt
gæla kylfingar við þá hugmynd að
fá svæðið sem kennt er við gamla
Landlæknisbústaðinn til umráða
svo bæta megi öðrum níu holum
við og gera völlinn þannig að full-
gildum átján holu velli.
Nýlega réðust félagsmenn í
byggingu nýs golfskála en gamli
skálinn hafði þjónað kylfingum
vel og lengi. Var þess vandlega
gætt að hafa þann nýja í svipuðum
dúr og gamla skálann, byggingar-
efnið var timbur og sálin vand-
lega varðveitt.
bjorn@frettabladid.is
18 17. júlí 2004 LAUGARDAGUR
Klúbburinn fullur
og biðlistinn langur
Árni Halldórsson hefur verið fram-
kvæmdastjóri Nesklúbbsins undanfarinn
áratug en talsverðar breytingar hafa orðið
á klúbbstarfinu á þeim tíma. „Hér hafa
verið miklar framkvæmdir að undan-
förnu. Við höfum byggt upp fimm flatir,
þrjár nýjar brautir, nýjan skála og æfinga-
skýli á síðustu árum,“ segir Árni og bætir
við að golfvöllur sé í raun aldrei tilbúinn,
alltaf sé hægt að laga og snurfusa.
Nesklúbburinn hefur alltaf haft nokkra
sérstöðu gagnvart flestum öðrum golf-
klúbbum. „Hér hafa eldri kylfingar alla tíð
verið áberandi og margt hjónafólk er
duglegt við að spila hérna. Við höfum þó
verið að efla unglingastarfið á undan-
förnum árum og hér eru margir krakkar
á aldrinum 10 til 15 ára.“
Hin harða keppnismennska er ekki
jafn áberandi á Nesinu og í mörgum
öðrum klúbbum. „Hér er engin atvinnu-
mennska í gangi eins og sums staðar er,
við tökum þó þátt í öllum sveitakeppn-
um og slíku.“
Um fimm hundruð félagsmenn eru í
Nesklúbbnum og biðlistinn er langur.
„Þetta verður alltaf þrengra og þrengra,
sprengingin í golfinu hefur orðið mikil
síðustu ár en völlurinn hefur ekkert
stækkað.“
Segja má að golf sé leikið allan sólar-
hringinn á Nesvellinum, í það minnsta
taka sumir daginn snemma og aðrir fara
seint heim. „Það er oft góður hópur
mættur hér klukkan sex eða sjö á
morgnana og menn spila þá áður en
þeir fara í vinnuna,“ segir Árni og bendir
á að það sé besti tíminn til golfiðkunar,
„þá er yfirleitt blankalogn og enginn að
ónáða þig á vellinum“. Og hann mót-
mælir þeirri staðhæfingu blaðamanns að
sjaldnast ríki logn á vellinum. „Hér ríkir
oft skínandi veður dögum saman.“
Þó að annríkið við klúbbreksturinn sé
talsvert gefur Árni sér tíma til að spila
sjálfur en forgjöf hans er 9,2. „Maður fer
hring og hring að loknum vinnudegi og
svo tek ég þátt í mótum.“ ■
ÁRNI HALLDÓRSSON FRAM-
KVÆMDASTJÓRI
„Það er oft góður hópur mættur hér
klukkan sex eða sjö á morgnana og
menn spila þá áður en þeir fara í vinnu.“
Golfklúbburinn á Seltjarnarnesi fagnar fjörutíu ára afmæli sínu á árinu. Saga
klúbbsins er um margt sérstök og einnig vallarins á Suðurnesi en þar voru áður
sorphaugar Seltirninga.
Pör og fuglar í 40 ár
FR
ÉT
TA
B
LA
Ð
IÐ
/R
Ó
B
ER
T
KYLFINGUR Í KRÍUVARPI
Menn eiga það til að missa einbeit-
inguna í sveiflunni þegar krían
gargar yfir hausamótunum á þeim.
Krían er aðgangshörð á Nesinu
Þeir sem spila golf á Nesvellinum
þurfa oft að glíma við annarskonar
hindranir en tíðkast á öðrum golf-
völlum. Krían verpir í þúsunda tali á
vellinum og verði mönnum á að slá
bolta sína út fyrir brautirnar eiga þeir á
hættu að verða fyrir árásum þessa líf-
lega fugls. Krían kemur eggjum sínum
og ungum til varnar þegar mannvera
nálgast hreiðrin.
Það er og til marks um fjörlegt kríu-
lífið að á forsíðu afmælisrits klúbbsins
er ekki mynd af golfvellinum eða
kylfingum heldur kríu á flugi með æti í
goggi.
Árni framkvæmdastjóri gerir ekki of
mikið úr þætti kríunnar. „Ég fékk fyrsta
gatið á hausinn um síðustu helgi. Og
það var ekki hér heldur á Eyrarbakka.
Það er alveg hægt að verjast kríunni
en auðvitað fá margir að kenna á
henni. Svo er fullt af fólki sem kemur
ekki á völlinn þegar hún er sem verst,
það fer þá bara eitthvað annað eða
tekur sér frí frá golfinu.“
Það stoðar ekki að láta kríuna fara í
taugarnar á sér - hún á allan rétt á
vellinum. Má í raun segja að krían sé í
klúbbnum. „Á tilteknum stað á níundu
braut er mikið kríuvarp. Slái kylfingar
bolta sína inn á svæðið er þeim
óheimilt að athafna sig þar. Þeim ber
að slá nýjan bolta utan við svæðið,“
segir Árni.
Atgangur kríunnar er mestur síðustu
dagana í júní og fram undir júlí lok.
Fyrst ver hún eggin og svo ungana
þegar þeir eru skriðnir út. Erfitt er að
segja til um hversvegna krían hefur
valið sér golfvöllinn á Seltjarnarnesi
sem varpstað en ætla verður að hún
finni skjól í faðmi kylfinganna og telji
sig nokkuð örugga innan um þá.
Sigurður golfkennari hefur spilað á
flestum völlum landsins og reyndar
líka víða um heim. Hann kann ágæt-
lega við fuglinn. „Ég er alinn upp í Graf-
arholtinu hjá Golfklúbbi Reykjavíkur og
þegar ég spilaði þar fyrir tveimur árum
þá truflaði lóan mig. Maður var orðinn
svo háður kríunni, þessu stanslausa
gargi hennar, að það var truflandi að
heyra lóusöng í þögninni.“
Þó mest beri á kríunni á Nesinu er
hún aldeilis ekki eini fuglinn sem
verpir þar, þær skipta tugum tegund-
irnar sem hafast við á nesinu fagra og
friðsæla. ■
FR
ÉT
TA
B
LA
Ð
IÐ
/G
VA
Hola Par
1 4
2 3
3 5
4 4
5 3
6 4
7 5
8 4
9 4
=36
Nesvöllurinn
STOFNENDURNIR PÉTUR BJÖRNSSON OG RAGNAR J. JÓNSSON
Fyrir aftan þá má sjá Walter Lentz sjóntækjafræðing slá á fyrsta teig.