Fréttablaðið - 17.07.2004, Blaðsíða 36

Patterson beint á toppinn Bandaríski spennusagnahöfundurinn James
Patterson má vel við una þessa dagana. Um leið og ný bók hans Sam’s
Letters to Jennifer kom í bókabúðir streymdu að kaupendur og bókin
skaust samstundis í fyrsta sæti metsölulista New York Times. Bókin segir
segir frá konu sem finnur á æskuheimili sínu bréf til sín sem gjörbreyta lífi
hennar. Patterson er einn vinsælasti höfundur heims og sérstakra vinsælda
njóta bækur hans um lögreglumanninn Alex Cross. JPV forlag hefur gefið
út nokkrar bækur Pattersons og nú er að bíða og sjá hvort þessi nýja bók
rati á útgáfulista forlagsins í framtíðinni.
BÓKASKÁPURINN
24 17. júlí 2004 LAUGARDAGUR
ALLAR BÆKUR
ÍSLENSK FJÖLL
Ari Trausti og Pétur Þorleifsson
DA VINCI LYKILLINN
Dan Brown
ÍSLENSKA VEGAHANDBÓKIN
Stöng
ÍSLENDINGAR
Sigurg. Sigurjónss. og Unnur Jökulsd.
BETTÝ
Arnaldur Indriðason
KORTABÓK 1:300.000
Mál og menning
HÁLENDISHANDBÓKIN 2004
Páll Ásgeir Ásgeirsson
SUMARSALÖT
Margrét Þóra Þorláksdóttir
SVO FÖGUR BEIN
Alice Sebold
STÓRA GARÐABÓKIN
Forlagið
SKÁLDVERK - INNBUNDNAR BÆKUR
HOBBITINN
J.R.R. Tolkien
ÖXIN OG JÖRÐIN
Ólafur Gunnarsson
STÚLKA MEÐ PERLUEYRNALOKKA
Tracy Chevalier
Í LEIT AÐ GLÖTUÐUM TÍMA
Marcel Proust
ÞORSTEINN FRÁ HAMRI - RITSAFN
Þorsteinn frá Hamri
SJÁLFSTÆTT FÓLK
Halldór Laxness
LJÓÐAS.STEINUNNAR SIGURÐARD.
Steinunn Sigurðardóttir
STORMUR
Einar Kárason
GLÆPUR OG REFSING
Fjodor Dostojevskí
ILMURINN
Patrick Suskind
SKÁLDVERK - KILJUR
DA VINCI LYKILLINN
Dan Brown
BETTÝ
Arnaldur Indriðason
SVO FÖGUR BEIN
Alice Sebold
GRAFARÞÖGN
Arnaldur Indriðason
MÝRIN
Arnaldur Indriðason
REISUBÓK GUÐR. SÍMONARD.
Steinunn Jóhannesdóttir
ÖXIN OG JÖRÐIN
Ólafur Gunnarsson
SYNIR DUFTSINS
Arnaldur Indriðason
ANNA, HANNA OG JÓHANNA
Marianne Fredriksson
KVENSPÆJARASTOFA NÚMER 1
Alexander McCall Smith
LISTINN ER GERÐUR ÚT FRÁ SÖLU DAGANA
07. 07.- 13. 07. 2004 Í BÓKABÚÐUM MÁLS OG
MENNINGAR, EYMUNDSSONAR OG PENNANS.
1
2
3
4
5
6
7
8
9
10
1
2
3
4
5
6
7
8
9
10
1
2
3
4
5
6
7
8
9
10
Ódysseifskviða eftir
Hómer
Bjartur hefur sent frá sér Odysseifs-
kviðu Hómers í hinni stórfenglegu
þýðingu Sveinbjarnar Egilssonar.
Enginn bókelskur maður ætti að
fara í gegnum lífið án þess að lesa
um mögnuð ævintýri hins ráðagóða
Ódysseifs á heimleið hans til hinnar
vitru og trygglyndu Penelópu. Verkið
er í kiljuformi og á afar hagstæðu
verði. Gullaldarbókmenntir!
EYMUNDSSON
MÁL OG MENNING
PENNINN
[ METSÖLULISTI ]
Hinar geysivinsælu kvæðabæk-
ur Þórarins Eldjárns, Óðfluga,
Heimskringla og Halastjarna,
hafa nú verið endurútgefnar í
einni bók sem ber titilinn Óðhal-
aringla. Þetta er þriðja útgáfa af
Óðflugu en hinar tvær bækurnar
hafa lengi verið ófáanlegar.
Bækurnar eru sérstaklega ætl-
aðar börnum sem hafa tekið
þeim fagnandi og það hefur ekki
farið framhjá foreldrum og
kennurum að fjölmörg börn
kunna kvæðin. „Já, ég hef hitt
börn sem kunna kvæðin utan að,
jafnvel heilu bækurnar,“ segir
Þórarinn, „og það er mjög gam-
an því maður hefur á tilfinning-
unni að þau hafi lært kvæðin
svotil óvart. Kvæðin hafa verið
lesin fyrir þau þegar þau voru
ung og svo tóku þau sjálf við
lestrinum þegar þau höfðu aldur
til og uppgötvuðu að þau kunnu
kvæðin utan að.“
Allt í lagi að misskilja
Skiptar skoðanir eru um gildi
utanbókarlærdóms á ljóðum. „Ég
held að hann sé mjög hollur og
nauðsynlegur,“ segir Þórarinn.
„Næst á eftir þéringum eru
þýskar endursagnir það nytsam-
legasta sem ég lærði í mennta-
skóla. Ég gæti farið með Lorelei
fyrir þig ef það hentaði í svona
viðtali. Mér finnst allt í lagi að
börn séu látin læra ljóð sem þau
skilja ekkert í. Þau misskilja
þau þá oft mjög skemmtilega.
Ég hef sett fram þá skoðun að
hollt sé að fylla harða diskinn af
ljóðum nógu snemma, þá eru þau
þarna í heilabúinu og svo kannski
á gamals aldri uppgötvar maður
ljóð sem maður hafði alla tíð mis-
skilið. Og ég held það sé miklu
betra að hafa ljóðlínur í hausnum
en gömul símanúmer sem eru
löngu orðin úrelt.“
Nauðsynlegt að
eiga ljóð fyrir börn
Systir Þórarins, Sigrún Eld-
járn, myndskreytir ljóðabæk-
urnar þrjár á afar skemmtileg-
an hátt. „Verkaskiptingin var
þannig að ég gerði ljóðin og
síðan fóru þau í myndskreytingu
og þá bættist yfirleitt einhver
vídd við þau. Í einstaka tilvikum
fékk ég hugmynd hvernig
snjallt væri að myndskreyta og
benti Sigrúnu á mögulega leið,
sem hún stundum fór eftir og
stundum ekki. Í þessum bókum
þar sem ég er höfundur og hún
gerir myndirnar var ekki um
það að ræða að myndirnar yrðu
til fyrst. En svo eru aðrar bækur,
Stafrófskver og Talnakver, sem
eru í rauninni eftir Sigrúnu, þar
sem myndirnar komu fyrst og
ég ljóðskreytti síðan.“
Þórarinn segist alltaf vera að
yrkja. „Það er með það eins og
annað, hugmyndir koma og vilja
verða eitthvað. Hending virðist
ráða hvort úr verða barnaljóð
eða fullorðinsljóð. Ég er eigin-
lega alveg hættur að greina
þarna á milli og geri það
kannski frekar þegar ég fer að
sópa ljóðunum saman í bækur.
Ég held samt að það verði að
vera til ljóð sem eru sérstaklega
ætluð börnum. Það hlýtur að
opna fyrir almennan ljóðaáhuga
hjá einhverjum þeirra. En vitan-
lega er til gnægð af svokölluð-
um fullorðinsljóðum sem henta
börnum mjög vel.“
Ný skáldsaga á leiðinni
Engin ljóðabók er væntanleg
frá Þórarni í bráð en þessa dag-
ana er hann að vinna að skáld-
sögu sem kemur út fyrir jól hjá
Vöku-Helgafelli. Hann segist
vera langt kominn, „á síðustu
fermetrunum“, eins og hann
orðar það. „Skáldsagan byggir á
manni sem margir hafa heyrt af
og var kallaður Hvítárvallabar-
óninn. Hann var fransk-banda-
rískur ævintýramaður sem sett-
ist að á Íslandi í kringum alda-
mótin 1900 og reyndi fyrir sér á
ýmsum sviðum. Hann hefur
lengi þótt mjög dularfullur og
þarna fer ég í saumana á sögu
hans og geri úr skáldskap.“
Og um hina margumtöluðu
stöðu ljóðsins segir Þórarinn:
„Mér finnst vera mikið lesið af
ljóðum. Það getur vel verið að
ljóðabókakaupendur séu eitt-
hvað færri en skáldsagnakaup-
endur og það helgast að ein-
hverju leyti af því að það er svo
auðvelt að lesa ljóðabækur í
búðum. Ég kannast ekkert við
það að staða ljóðsins sé slæm
eða jafnvel að enginn hafi sótt
um hana. Mér sýnist áhuginn
vera mjög mikill.“
kolla@frettabladid.is
[ BÓK VIKUNNAR ]
Hinar geysivinsælu kvæðabækur Þórarins Eldjárns, Óðfluga, Heimskringla og Halastjarna, eru komnar í eina bók
Ljóð fyrir börnin
Á þessum degi árið 1889 fæddist Erle Stanley Gardner, höfundur bókanna um lögfræðinginn
Perry Mason. Hann starfaði um tíma sem lögfræðingur og skrifaði smásögur sem vöktu nokkra
athygli. Hann skapaði Perry Mason árið 1933 en á ferlinum skrifaði hann rúmlega 80 bækur um
hann. Perry Mason varð að framhaldsleikritum í útvarpi á árunum 1943-1955. Árið 1957 voru
gerðar gríðarlega vinsælar sjónvarpsmyndir um Mason þar sem leikarinn Raymond Burr fór með
aðalhlutverkið í níu ár samfleytt og sneri síðan aftur og endurtók leikinn á árunum 1985-1993.
Arnaldur á glæpasagnahátíðÍ næstu viku hefst bók-
menntahátíð í Bretlandi sem helguð er glæpasögum. Fjöldi
þekktra sakamálahöfunda mun mæta á Harrogate hátíðina
sem stendur frá 22. - 25. júlí. Heiðursgestur er Minette
Walters. Arnaldur Indriðason verður meðal höfunda og sömu-
leiðis Colin Dexter, Karin Slaughter, Stella Rimington, Karin
Altvegen og Robert Wilson.
Mundu að fegurstu hlutirnir á jörð-
inni eru þeir sem síst eru til nytja.
Svo sem páfuglar og liljur.
John Ruskin
Hending virðist ráða hvort úr verða barnaljóð eða fullorðinsljóð. Ég er eiginlega alveg hættur að greina þarna á milli og geri það kannski
frekar þegar ég fer að sópa ljóðunum saman í bækur.
FR
ÉT
TA
B
LA
Ð
IÐ
/G
VA
Já, ég hef hitt börn
sem kunna kvæðin
utan að, jafnvel heilu bæk-
urnar,“ segir Þórarinn, „og
það er mjög gaman því
maður hefur á tilfinningunni
að þau hafi lært kvæðin
svotil óvart. Kvæðin hafa
verið lesin fyrir þau þegar
þau voru ung og svo tóku
þau sjálf við lestrinum þegar
þau höfðu aldur til og upp-
götvuðu að þau kunnu
kvæðin utan að.“
,,