Fréttablaðið - 28.07.2004, Blaðsíða 2
2 28. júlí 2004 MIÐVIKUDAGUR
Forseti staðfestir niðurfellingu fjölmiðlalaganna:
Fjölmiðlalögin fallin úr gildi
FORSETI Forseti Íslands, Ólafur
Ragnar Grímsson, mun staðfesta
lögin sem fella úr gildi fjölmiðla-
lögin sem hann synjaði staðfest-
ingar þann 2. júní. Ólafur Ragnar
sendi frá sér svohljóðandi yfir-
lýsingu í gær:
„Í yfirlýsingu minni 2. júní
2004 var áréttað að mikilvægt sé
að lagasetning um fjölmiðla styðj-
ist við víðtæka umræðu í sam-
félaginu og almenn sátt sé um
vinnubrögð og niðurstöður. Sjálf-
stæðir og öflugir, fjölbreyttir og
frjálsir fjölmiðlar séu hornsteinar
lýðræðisins,“ sagði forsetinn og
bætti við: „Alþingi hefur nú fellt
úr gildi lögin sem ollu hörðum og
langvarandi deilum og mynduðu
djúpa gjá milli þingvilja og þjóð-
arvilja.
Það er andi íslenskrar stjórn-
skipunar að túlka beri stjórnar-
skrá og lagareglur á þann veg að
sem mest sátt takist í samfélaginu.
Í anda slíkrar sáttar hef ég
ákveðið að staðfesta lagafrum-
varpið sem fellir úr gildi fjöl-
miðlalögin nr. 48/2004“. ■
RANNSÓKN Jón Gerald Sullenberger
var í sex klukkustundir í skýrslu-
tökum hjá Ríkislögreglustjóra í
gær vegna rannsóknar á meintum
efnahagsbrotum forsvarsmanna
Baugs. Hann er boðaður aftur til
skýrslutöku í dag. Rannsóknin hef-
ur staðið í tæp tvö ár.
Jón Gerald mætti í skýrslutöku
klukkan tvö í gærdag en kom út af
skrifstofu Ríkislögreglustjóra
snemma á níunda tímanum í gær-
kvöldi. Jón sagðist ekkert mega
segja um hvað hafi verið rætt, en
gaf upp að hann væri boðaður aftur
í skýrslutöku í dag.
Upphaflega stóð til að teknar
yrðu skýrslur af Jóni Geraldi fyrir
dómi þar sem öllum er opinn að-
gangur en í gærmorgun var ákveð-
ið að skýrslutakan skyldi fara fram
fyrir luktum dyrum í húsakynnum
Ríkislögreglustjóra. Aðspurður
sagðist Jón Gerald ekki vita af
hverju þessu hefði verið breytt, því
þyrfti lögregla að svara. Jón full-
yrðir að samningur sé í gildi milli
hans og Baugs þess efnis að hann
gefi aðeins skýrslur í dómsal. Hann
segir það þó ekki rof á samningnum
þó hann hafi gefið skýrslu fyrir
luktum dyrum hjá Ríkislögreglu-
stjóra.
Hreinn Loftsson, stjórnarfor-
maður Baugs, hafnar með öllu að
nokkur slíkur samningur sé í gildi
milli Baugs og Jóns Geralds: „Við
getum ekki samið um það hvernig
Jón Gerald hagar sínum málum
gagnvart lögreglunni. Það voru
málaferli í gangi milli Nordica og
Baugs sem laut að einkaréttarlegu
uppgjöri. Því máli lauk með sátt
fyrir ári síðan og liður í henni var
samkomulag þess efnis að málsaðil-
ar væru bundnir trúnaði um efni
sáttarinnar. Sú sátt snertir hins
vegar á engan hátt möguleika hans
eða heimild til að reifa mál sín fyr-
ir lögreglu eða öðrum yfirvöldum.“
Jón Gerald kom gagngert til
landsins í skýrslutökur vegna
Baugsrannsóknarinnar en hann er
búsettur í Flórída. Hann er fram-
kvæmdastjóri Nordica á Flórída,
sem átti í viðskiptum við Baug, en
kærði fyrirtækið á sínum tíma til
lögreglu þar sem hann taldi Baug
skulda sér ógreidda reikninga.
hjordis@frettabladid.is
bergsteinn@frettabladid.is
Ákvörðunin forsetans:
Samkvæmt
væntingum
FJÖLMIÐLALÖG Steingrímur J. Sig-
fússon, formaður Vinstri hreyfing-
arinnar - græns
framboðs, segir
að hann hafi
frekar átt von á
því að forsetinn
staðfesti að fella
lagafrumvarpið
úr gildi miðað við
þróun málsins.
„Nú veit mað-
ur ekki hversu
ánægður hann
hafi verið með
þær aðstæður
sem hann var í.
Annars vegar að fella niður þessi
lög sem hann hafði neitað að stað-
festa og þar með eru þau úr sög-
unni sem má segja að séu mikil rök
fyrir hans fyrri ákvörðun. En á
hinn bóginn verður þá ekkert að
kosningunni sem að maður veit að
margir töldu að eðlilegast hefði
verið að færi fram. Augljóslega
hefur hann valið þann kost að fall-
ast á þá tillögu að lögin væru felld
úr gildi og því ekkert tilefni fyrir
kosningunni lengur.“ ■
„Nei. Þar sem Siggi stormur er -
þar er aldrei stormur.“
Sigurður Ragnarsson er veðurfræðingur – hann er
stundum kallaður Siggi stormur. Margir velta nú
fyrir sér hvar besta veðrið verður
um verslunarmannahelgina
SPURNING DAGSINS
Siggi, verður stormur á þjóðhátíð í
Eyjum?
Suður-Kórea:
Tekið við
liðhlaupum
SEÚL, AP Tvö hundruð norður-
kóreskir liðhlaupar komu til Seúl,
höfuðborgar Suður-Kóreu, í gær.
Þetta er stærsti hópur liðhlaupa
sem komið hefur til borgarinnar.
Liðhlauparnir komu með flug-
vélum á vegum suðurkóreskra
stjórnvalda til landsins frá landi í
Suður-Asíu sem ekki hefur fengist
uppgefið hvert er. Liðhlauparnir
fóru beint upp í rútur en ekki er
vitað hvert þeir voru fluttir. Búist
er við að annar svipaður hópur
komi til landsins í dag. ■
Fást í útibúum Íslandsbanka um land allt og hjá Íslandsbanka-Eignastýringu, Kirkjusandi.
Hægt er að panta bækurnar hjá Þjónustuveri Íslandsbanka í síma 440 4000.
Einnig eru bækurnar til sölu í bókabúðum Pennans-Eymundsson, hjá Máli og Menningu
og hjá Bóksölu stúdenta.
Frábærar bækur frá Íslandsbanka-Eignastýringu
NÝ HEIMKYNNI
Tvö hundruð norðurkóreskir liðhlaupar
komu til Suður-Kóreu í gær.
Stálu af þvottasnúrum:
Þvottaþjófur
í haldi
LÖGREGLAN Maður var handtekinn í
gærmorgun með töluvert af
fatnaði, sem hann er grunaður um
að hafa stolið í félagi við tvo aðra,
af þvottasnúrum í Breiðholti.
Ef einhverjir í Seljahverfi eða í
Breiðholtinu sakna fatnaðar af
snúru geta þeir haft samband við
Lögregluna í Reykjavík.
Lögreglan náði af mönnunum
stórri íþróttatösku fullri af kven-
manns-, karlmanns- og barnafatn-
aði. Talið er að mennirnir hafi
stolið fötunum af snúrum innan
eða utan dyra í gærmorgun eða
fyrrinótt. Einn þeirra var hand-
tekinn og var yfirheyrður í gær.
Hinir mennirnir náðu að hlaupa
undan lögreglu en þó er vitað hver
annar þeirra er. Mennirnir hafa
áður komið við sögu lögreglu. ■
STEINGRÍMUR
Átti von á þessu.
Kjarnorkuáætlun Írana:
Halda áfram
VÍN, AP Íranir hafa haldið áfram
byggingu búnaðar sem hægt er að
nota til þess að búa til kjarnavopn.
Með því hafa þeir rofið samkomu-
lag sem gert var við stórþjóðir
Evrópu.
Bandaríkjamenn og bandamenn
þeirra hafa ásakað Írani um starf
að kjarnorkuáætlun en því hafa
stjórnvöld í Teheran alfarið neitað.
Eftir að hafa verið beittir
þrýstingi samþykktu Íranir að
hætta notkun úrans gegn því að
Frakkar, Bretar og Þjóðverjar
byðu þeim kjarnorkutækni til
friðsamlegra nota. ■
Niðurstaða ekki fengin:
Breytti venju
samkvæmt
FJÖLMIÐLALÖG Halldór Ásgrímsson,
formaður Framsóknarflokksins og
forsætisráðherra í fjarveru Davíðs
Oddssonar, segir að hann hafi vænt
þess að forsetinn staðfesti að fella
lagafrumvarp um fjölmiðla úr gildi
eins og venja sé til.
„Ég tel að þetta sé það sem að var
rétt að gera og hann hafi gert það.“
Halldór segir niðurstöðu í málinu
ekki fengna og unnið verði að því.
„Það virðast allir vera sammála um
að það beri að setja lög um umhverfi
fjölmiðlanna og nú mun reyna á það
hvernig það gengur.“
Halldór segir óákveðið hvenær
fjölmiðlalög koma næst fyrir þingið. ■
ÓLAFUR RAGNAR GRÍMSSON
„Það er andi íslenskrar stjórnskipunar að
túlka beri stjórnarskrá og lagareglur á
þann veg að sem mest sátt takist
í samfélaginu.“
RAMALLAH, AP Forsætisráðherra
Palestínu, Ahmed Qureia, dró til
baka uppsögn sína eftir fund með
leiðtoganum Jasser Arafat í Ram-
allah í gær. Þannig lauk tíu daga
átökum milli mannanna tveggja
sem valdið hafa miklum svipting-
um í palestínskum stjórnmálum.
„Forsetinn neitaði að taka upp-
sögn mína gilda og ég mun fara eftir
því,“ sagði Qureia eftir fundinn með
Arafat í gær. Qureia sagði af sér
eftir að Arafat neitaði að veita
honum umboð til þess að byggja upp
öryggissveitir Palestínumanna.
Qureia neitaði þó að í samkomu-
lagi þeirra Arafat fælust aukin völd
ráðherrans yfir öryggissveitunum.
„Ég mun ekki deila við forsetann um
öryggismál,“ sagði Qureia. „Við höf-
um næg völd yfir þeim nú þegar.“
Völd Qureia verða áfram tak-
mörkuð við innanríkisöryggissveitir
Palestínumanna meðan Arafat held-
ur völdum sínum yfir palestínsku
leyniþjónustunni og vopnuðum
sveitum landsins að sögn embættis-
manna. Arafat mun þó hafa sam-
þykkt að vinna gegn spillingu innan
heimastjórnarinnar með því að leyfa
lögfræðingi að rannsaka málefni ein-
stakra embættismanna. ■
Forsætisráðherra komst að samkomulagi við leiðtoga Palestínumanna:
Qureia situr áfram í embætti
ARAFAT OG QUREIA
Leiðtogi og forsætisráðherra Palestínu hittust að máli í gær til þess að leysa deilu sína.
Deilan kom upp eftir að sá síðarnefndi sagði af sér og vildi aukin völd yfir öryggissveitum.
Sex tíma í skýrslu-
töku hjá lögreglu
Jón Gerald Sullenberger var í skýrslutöku hjá Ríkislögreglustjóra fram
á kvöld vegna meintra efnahagsbrota stjórnenda Baugs. Skýrslutökunni
verður haldið áfram í dag.
VIÐ KOMU TIL SKÝRSLUTÖKU
Jón Gerald Sullenberger kom til skýrslutöku hjá lögreglu klukkan tvö í gær. Þar var hann
til klukkan átta þegar skýrslutöku var frestað til dagsins í dag.