Fréttablaðið - 28.07.2004, Blaðsíða 18
Þeir sem ætla að „tjalda til einnar nætur“
eða öllu heldur helgar, kjósa sumir að
leigja sér tjald eða tjaldvagn í stað þess
að fjárfesta í slíkum búnaði til fram-
búðar. Ekki fundum við nema eina
tjaldaleigu í borginni sem hefur venjuleg
fjölskyldutjöld til leigu. Það er verslunin
Útilíf sem er með markað við Vatnsmýr-
arveg, rétt við BSÍ. Þar kostar 4.500 krón-
ur að leigja sér rúmgott og vandað 2–3
manna tjald í þrjá daga en 4–5 manna
tjald af sama gæðaflokki og með for-
tjaldi kostar 5.700 kr. miðað við sama
tíma. Krafist er staðfestingargjalds. Í
Seglagerðinni Ægi eru leigðir út 4–6
manna tjaldvagnar með fortjöldum og
kostar vikan 29.000 kr. en þá þarf að
panta með fyrirvara því biðlisti er eftir
þeim um þetta leyti árs. ■
Margir sem eiga aldrei pening lenda í þeirri
gryfju að borga of mikið fyrir hlutina. Berðu
saman vörur á mörgum stöðum og keyptu svo
– það margborgar sig.
Góð ráð
INGÓLFUR HRAFNKELL INGÓLFSSON,
FÉLAGSFRÆÐINGUR OG LEIÐBEINANDI Á
NÁMSKEIÐUM FJÁRMÁLA, SVARAR
SPURNINGU UM YFIRDRÁTT.
Losnað við yfirdráttinn
Sæll Ingólfur.
Mig langar til að vita hvort þú lumir á
góðum ráðum varðandi yfirdrætti?
Þannig er að við erum að greiða yfir 10
þús. krónur í vexti á mánuði vegna yfir-
dráttarheimilda. Þetta er náttúrlega
alltof mikið og væri betra að ráðstafa
þessum peningum t.d. í sparnað. En
þetta er vítahringur sem erfitt er að
komast úr. Er sniðugt að taka lán fyrir
yfirdrættinum? Er það ekki bara léleg
lausn? Ertu með einhver ráð?
Kveðja Svala.
Sæl Svala.
Þú hefur í rauninni aðeins um tvo kosti
að velja fyrir utan að bíða eftir lottó-
vinningnum sem ég mæli ekki með.
Annaðhvort semur þú við þig sjálfa um
að greiða ákveðna upphæð inn á
heimildina á hverjum mánuði þangað
til hún er búin, eða þú tekur skuldabréf
með mánaðarlegum greiðslum. Kostur-
inn við skuldabréfið eru lægri vextir og
aginn sem mánaðarlegir greiðsluseðlar
veita. Seðlarnir liggja á manni eins og
mara og maður losnar ekki við þá fyrr
en maður borgar. Veljir þú hina leiðina
mæli ég með að þú semjir um yfir-
dráttarvextina, annaðhvort við bankann
þinn eða einhvern annan. Lánastofnan-
ir hafa ekkert á móti tiltölulega skil-
vísum skuldurum og Netbankinn, nb.is,
hefur til dæmis gert fólki tilboð í yfir-
dráttinn þeirra og boðið lægri vexti en
ég hef séð annars staðar. Veljir þú
þessa leið verður þú sjálf að bera
ábyrgð á mánaðarlegum greiðslum. Þú
verður að veita þér nauðsynlegt aðhald
til þess að greiða reglulega inn á heim-
ildina. Bankinn setur ekki á þig þrýsting
því honum líður vel á meðan hann tínir
af þér vextina. Til þess að gera þér
þessa leið auðvelda, legg ég til að þú
takir 10% af mánaðarlegum nettó-
tekjum þínum og notir þá upphæð til
þess að greiða niður heimildana. Þú
getur svo notað sömu upphæð í sparn-
að þegar þú hefur klárað yfirdráttinn.
Þú segir að þetta sé vítahringur hjá
ykkur. Er hugsanlegt að þið stýrið
neyslunni ekki nógu vel og nýtið þar af
leiðandi peningana illa? Getur verið að
þið vitið ekki almennilega í hvað pen-
ingarnir fara; notið kreditkort, kaupið
eitthvað sniðugt og ódýrt en síður það
sem þið þurfið og ykkur vantar alltaf
eitthvað? Þegar kortareikningurinn
kemur hverfur ánægjan og þið munið
ekki hvað þið keyptuð eða hvað það
var sem kostaði svona mikið. Er þetta
einhvern veginn svona? Ef svo er, mæli
ég með að þið notið peningana eins
og þið væruð að undirbúa góða og
dýra máltíð: Skipuleggið kaupin með
góðum fyrirvara og kaupið aðeins
besta hráefnið. Látið ykkur hlakka til og
finnið fyrir eftirvæntingunni og spenn-
unni. Nostrið við matargerðina og
skreytið borðið af tilfinningu og hug-
myndaauðgi. Gefið ykkur góðan tíma
við að matast, smjattið vel á réttunum
og lifið lengi á eftirbragðinu.
Verði ykkur að góðu,
Ingólfur Hrafnkell
Ertu með spurningu til Ingólfs? Sendu spurningar á fjarmal@frettabladid.is
80%veðsetningarhlutfall
Stokkaðu upp fjármálin
Þú getur auðveldlega samið um hagstætt lán hjá Frjálsa fjárfestingar-
bankanum, sem er kjörið til að skuldbreyta óhagstæðum lánum á borð við
skammtímabankalán. Þannig lækkarðu greiðslubyrðina hjá þér og eykur
fjárhagslegt svigrúm. Lánið er veitt til allt að 40 ára gegn veði í fasteign.
Ráðgjafar okkar veita allar nánari upplýsingar. Þú getur litið inn í Ármúla
13a, hringt í síma 540 5000 eða sent tölvupóst á frjalsi@frjalsi.is
www.frjalsi. is
– með hagstæðu fasteignaláni
H
im
in
n
o
g
h
a
f/
9
0
4
0
4
4
2
5,40% 5,95% 6,50% 7,50%
30 ár 5.610 5.960 6.320 6.990
40 ár 5.090 5.470 5.850 6.580
2 4.500 4.960 5.420 6.250Afborgunar-laust *
*Lán með jafngreiðsluaðferð án verðbóta
Dæmi um mánaðarlega greiðslubyrði
af 1.000.000 kr.*
Vextir %
Tjaldað til einnar nætur
Þótt tilhlökkun sé vonandi sterk-
asta tilfinningin í aðdraganda versl-
unarmannahelgar er líka nauðsyn-
legt að hugsa fyrir útgjöldunum því
allt kostar eitthvað. Hvort sem leið-
in liggur á útihátíð eða bara í
tjaldútilegu í frekar miklum róleg-
heitum þá er næsta víst að allir
verða að taka upp veskið. Það þarf
að kaupa bensín á bílinn eða reiða
fram rútu- eða flugfargjald. Tjald-
stæði eru víðast hvar á 700–750
krónur fyrir manninn hverja nótt
þó hitt sé til að boðið sé upp á
ókeypis tjaldstæði, þannig er það til
dæmis á Neskaupstað. Á einstaka
stað er tekin greiðsla fyrir hvert
tjald, óháð mannfjölda í þeim. Það
gildir til dæmis um Úthlíð í Bisk-
upstungum. Þar kostar 1000 kall
fyrir tjaldið pr. nótt. Nesti eða eitt-
hvað að borða og drekka er óhjá-
kvæmilegur útgjaldaliður.
Við könnuðum lítillega hvað það
kostar einstakling að fara á þjóðhá-
tíð í Eyjum og hinsvegar hvað par
sem fer í tjaldútilegu til Akureyrar
þarf að hafa handa á milli. Neyslan
er auðvitað alltaf einstaklingsbund-
in og hér er um ágiskanir að ræða í
þeim efnum. Fargjöld og aðgangs-
eyrir voru hinsvegar könnuð og hér
er ekki reiknað með að kaupa þurfi
tjöld eða annan viðleguútbúnað. ■
Útihátíðir og útilegur eru skemmtilegar en útgjöld eru líka óhjákvæmileg.
Verslunarmannahelgin:
Stuðið kostar sitt
Einstaklingur til Eyja
Fargjald BSÍ – Þorlákshöfn, báðar leiðir 1.900
Fargjald með Herjólfi báðar leiðir 3.400
Miði á þjóðhátíðina 8.800
Kassi af bjór 5.000
Nesti 3.000
Sjoppufæði á staðnum 5.000
Pitsa og kók 2.000
Alls 29.100
Par á leið til Akureyrar
Bensín á bílinn 10.000
Tjaldstæði í þrjár nætur 4.200
1 og 1/2 kassi bjór 7.500
1 flaska áfengi 4.000
Nesti 5.000
Matur á staðnum 15.000
Inn á böll 6.000
Barinn 2.500
Alls 54.200
Tryggingamiðstöðin býður nú fyrst
íslenskra tryggingafélaga upp á sérstaka
námsmannatryggingu sem felur meðal
annars í sér forfallatryggingu fyrir skóla-
gjöldum. Tryggingin bætir skráningar- og
skólagjöld sem ekki fást endurgreidd,
geti námsmaður ekki hafið nám eða
fellur frá námi sökum veikinda eða slys-
fara hans sjálfs eða náinna vandamanna
innan átta vikna frá upphafi kennsluárs
eða á fyrri helmingi styttra náms. Hægt
er að sækja um námsmannatrygginguna
á heimasíðu TM, tmhf.is ■
Námsmannatrygging
„Ég næ oftast að safna mér góðum
pening á sumrin og yfirleitt á ég af-
gang á vorin. Þó er ég dugleg að
kaupa mér föt, fara í bíó og gera
það sem mig langar til. Ég hef bara
haft það góð laun á sumrin og síðan
fæ ég dreifbýlisstyrk tvisvar á ári,“
segir Kristín Lilja Friðriksdóttir, 19
ára nemi við Kvennaskólann í
Reykjavík. Hún kemur frá Grund-
arfirði og hefur þess vegna þurft að
vera dugleg að vinna á sumrin til að
geta séð fyrir sér á veturna hér í
höfuðborginni. Hún segist þó hafa
fengið góða fjárhagslega aðstoð frá
foreldrum sínum en þau búa í
Grundarfirði. „Fyrstu tvo veturna
bjó ég hjá ömmu minni. Þá fékk ég
oftast í kringum fimm þúsund
krónur á viku í vasapening sem ég
lét duga og var það ekkert mál.
Núna bý ég með kærastanum mín-
um í íbúð sem hann og foreldrar
mínir eiga og þarf ég því ekki að
borga neina leigu sem munar auð-
vitað mikið um. Ég þarf samt sem
áður að borga fæði, símareikninga
og annað sem tínist til,“ segir hún.
Tvö síðustu sumur vann Kristín
Lilja í frystihúsi í Grundarfirði en í
sumar vinnur hún á Hlölla bátum
upp á Höfða og líkar vel. „Ég vann
þar einmitt í vetur með skólanum
aðra hverja helgi en það var líka í
fyrsta skipti sem ég gerði það. Það
gekk bara vel og bitnaði vinnan
ekkert á náminu,“ segir hún.
Kristín Lilja segist þekkja
nokkra sem hafa þurft að safna sér
pening á sumrin til að eiga fyrir
skólagöngu á veturna. „Ein vinkona
mín hefur verið í skóla á Akranesi
og þurft að leigja íbúð þar. Hún
þarf að vera mjög dugleg á sumrin
að vinna sér inn pening því það er
auðvitað dýrt að þurfa að leigja og
halda sér uppi að öllu leyti. Þetta
gengur upp ef krakkar fara vel með
peningana sína og eyða þeim ekki í
óþarfa vitleysu,“ segir Kristín Lilja.
halldora@frettabladid.is
Kristín Lilja Friðriksdóttir:
Sumarhýran dugir til vors
„Það er dýrt að þurfa að sjá fyrir sér,“
segir Kristín Lilja.