Fréttablaðið - 28.07.2004, Blaðsíða 28
Velkomin á
Krókinn
Unglingalandsmótið fer fram á Sauðárkróki. Þar eru allar
aðstæður eins og best verður á kosið; nýr glæsilegur íþrót-
taleikvangur verður tekin í notkun í sumar, stórt og gott
íþróttahús og svo ágætis sundlaug. Öll þessi mannvirki
eru nánast á sama stað, íþróttaleikvangurinn í hjarta
bæjarins og sundlaugin og íþróttahúsið við sitt hvorn
enda hans. Golfvöllurinn er einnig í göngufæri við
aðalsvæðið sem og önnur svæði sem verða notuð.
Tjaldsvæðið verður á Nöfunum vestan og ofan við íþrót-
taleikvanginn og frá tjaldsvæðinu er aðeins nokkurra
mínútna gangur á keppnisstaði, allt er þetta í einum
hnapp.
Íþróttakeppni
Íþróttakeppni á unglingalandsmótinu verður að sjálfsögðu í fyrsta sæti. Keppt verður í átta íþrót-
tagreinum en þær eru: frjálsar íþróttir, knattspyrna, körfubolti, sund, golf, glíma, skák og hes-
taíþróttir. Keppni hefst á föstudegi og henni lýkur á sunnudegi. Einstaka greinar munu líkast til
hefjast á föstudagsmorgni en stefnt er að því að íþróttakeppni ljúki um kl. 15 á daginn og þá taki
„öðruvísi“ greinar við.
Nýjar greinar / smiðjur
Páll segir að töluverð áhersla verði lögð á kynningu nýrra greina á unglingalandsmótinu og þátt-
takendur geta prófað öðruvísi greinar og tekist á við ný verkefni. Einnig verða margskonar
smiðjur í gangi þar sem frábærir leiðbeinendur munu vinna með þátttakendum. Þessar greinar
verða víðsvegar um bæinn og öllum heimil þátttaka.
Afþreying
„Að sjálfsögðu verður fjölbreytt afþreying alla dagana á mótssvæðinu, settur verður upp leiktækja-
garður og ýmsar þrautir sem hægt verður að glíma við. Metnaðarfullar kvöldvökur verða þar sem
fjöldi frábærra listamanna mun koma fram og má m.a. nefna: Írafár, Quarashi, Mammút, sigur-
vegara Músíktilrauna 2004 o.fl. o.fl.,“ segir formaður unglingalandsmótsnefndar.
Þjónusta
Á Sauðárkróki verða verslanir opnar og veitingastaðir að sjálfsögðu þessa helgi. Fjölbreyttir mat-
seðlar eru á veitingastöðunum þannig að allir eiga að geta fundið sér eitthvað við hæfi, allt frá salati,
hamborgurum og pitsum til dýrindis steika. Verslanir á Króknum hafa upp á að bjóða allt það sem
gestir þarfnast, hvort svo sem það eru matvörur og eitthvað á grillið eða fatnaður eða álíka.
Íþrótta- og fjölskylduhátíð
Páll Kolbeinsson, formaður unglingalandsmótsnefndar, segir að unglingalandsmótin séu fjölskyl-
duhátíð þar sem íþróttir og unglingar eru í fyrirrúmi. „Lögð er áhersla á að öll fjölskyldan komi saman
og eigi góðar minningar frá Sauðárkróki. Það þarf að sjálfsögðu ekki að geta þess að unglingalandsmótin
eru vímuefnalaus hátíð enda eiga vímuefni hverskonar enga samleið með þessari hátíð.
Unglingalandsmótin hafa hvarvetna vakið mikla athygli og þeir fjölmörgu sem þau hafa sótt hafa
verið öðrum til mikillar fyrirmyndar með allri framkomu hvort sem er í keppni eða leik,“ segir Páll
Kolbeinsson.
Það sem í boði verður:
1. Akrobatic
2. Capoeira
3. Fitness – þrautabraut
4. Freestyle-smiðja
5. Hacky sack
6. Judo
7. Klifurveggur
8. Körfubolta hipp hopp
9. Slagverkssmiðja
10. Strandblak
Við setningu Unglinglandsmóts ganga á annað þúsund keppendur, fylgtu liði inn á íþróttaleikvanginn undir merkjum sinna félaga. Myndin er tekin við setningu Unglingalandsmóts á Ísafirði í fyrra þar sem gestir mótsins voru um
7000 talsins.
Eyjólfur Sverrisson, fyrrverandi knattspyrnukappi og landsliðsfyrirliði, óskasonur Skagafjarðar og Sauðárkróks, var kyndilberi
við setningu 24. landsmóts UMFÍ á dögunum. Eyjólfi var vel fagnað þegar hann hljóp einn hring um völlinn áður en hann
tendraði landsmótseldinn. Eyjólfur verður einnig á Unglingalandsmóti UMFÍ um verslunarmannahelgina.