Fréttablaðið - 28.07.2004, Blaðsíða 34
10 28. apríl 2004 MIÐVIKUDAGUR
Þjóðhátíð Vestmannaeyinga sem
haldin er í Herjólfsdal er vafalaust
ein af vinsælustu og mest sóttu há-
tíðum verslunarmannahelgarinnar.
Hátíðin á sér einnig skemmtilega
sögu og er arfur frá þjóðhátíðinni
1874. Þá héldu landsmenn hátíð í til-
efni þúsund ára afmæli þjóðarinnar
á Þingvöllum en Eyjamenn komust
því miður ekki upp á fastalandið
vegna veðurs. Eyjamenn brugðu
því á það góða ráð að halda sína eig-
in þjóðhátíð og sköpuðu þannig hefð
sem myndi lifa vel og lengi. Árið
1901 var þjóðhátíð í Eyjum haldin
aftur og eftir það næstum því á
hverju ári, jafnvel eftir eldgosið
árið 1973.
Margar hefðir hafa myndast
innan hátíðarinnar og voru íþróttir í
fyrstu mjög áberandi. Bjargsig hef-
ur nú verið sýnt á hverri þjóðhátíð í
rúm sjötíu árþ Söngur er mikilvæg-
ur hluti af þjóðhátíð í Eyjum og er
brekkusöngurinn líklegast fræg-
asta athöfnin á hátíðinni.
Oft er erfitt að komast til Vest-
mannaeyja vegna veðurs en það
hefur aldrei stöðvað fólk í að
skemmta sér. Á endanum komast
flestir á áfangastað og skemmta sér
konunglega, hvort sem þeir eru inn-
fæddir eða af fasta landinu. ■
Hver er útilegupersónuleikinn minn?
Það er ekki nóg að eiga fullt af mat, gott tjald og stað til þess að fara á þegar kemur að verslunarmannahelginni. Þú þarft líka að vera svolítið töff og fylgja þinni sannfæringu.
Reyndu að komast að þínum innri manni og klæddu þig eftir því.
Óskynsama týpan velur sér ódýrustu föt
sem mögulegt er. Kaupir sér þunnan
poncho og einhverja sniðuga húfu og
klæðir sig svo í einhver rosaleg stígvél.
Svo toppar hún óskynsemina í sjálfri sér
með því að klæðast gallabuxum. Við
vitum nú öll hve þægilegar þær eru
þegar rignir. Og ef að þetta var ekki nóg
þá hefur hún aldrei neitt nesti með sér í
útileguna heldur sníkir bara af öðrum.
Klöppum fyrir ungfrú óskynsemi!
Uppáhaldsútilegulag:
Mér finnst rigningin góð.
Veiðimaðurinn er alltaf viðbúinn og
man ennþá skátataktana síðan í gamla
daga. Hann er kappklæddur í feluliti
svo hann geti örugglega falið sig fyrir
óvæntum gestum eða grimmum villi-
dýrum í íslenskri náttúru. Sjóhattinn ber
hann síðan til að toppa nostalgíuna og
man ennþá þegar hann dró tíu punda
laxinn upp á land í Elliðaárdalnum.
Uppáhaldsútilegulag:
Er það minn eða þinn sjóhattur.
Ósamstæðu gellunni er alveg sama
hvað öðrum finnst. Hún tínir bara til
góð og hlý föt heiman frá sér og reynir
ekki að fylgja nýjustu tískustraumum.
Hún er í útilegu til að kynnast landi og
þjóð en ekki til að ganga í augun á ein-
hverjum blindfullum útihátíðarfolum
enda hatar hún útihátíðir. Hún kann
gítargripin utan að og varðeldar eru
hennar ær og kýr.
Uppáhaldsútilegulag: María, María.
Sæta, fína tískustelpan er alltaf í
nýjustu útilegutískunni. Hún hættir sér
þó ekki á útihátíð þar sem hún er svo-
lítið hrædd við fullt fólk og flugelda og
vill frekar ganga um „skóga“ Íslands í
leit að draumaprinsinum á hvíta hestin-
um. Hún þarf að vera í öllu samstæðu
og er meira að segja að hugsa um að
ráða stílista til starfa. Allt fer henni vel,
meira að segja norsku ullarnærfötin og
hún er með alltof góðan tónlistarsmekk
til að fara í útilegu. Þessi stúlka sefur
sko aldrei í tjaldi enda fer hún aldrei að
sofa í eilífri göngu sinni um „skóginn“
þar sem draumaprinsinn kemur ei.
Uppáhaldsútilegulag:
Svarthvíta hetjan mín.
Náttúruskoðunartýpan er alltaf hress
og með öll fuglahljóðin á hreinu. Hún
gengur um holt og hæðir og tístar og
kvakar af tærri list. Hún fer alltaf ein í
útilegur og sefur helst undir berum
himni. Hún vill vera ein með náttúrunni
og hefur oftar en ekki reynt að fljúga af
misháum klettum með misgóðum ár-
angri. Hún er alltaf voðalega vel klædd
og yfirleitt með bros á vör og sól í
hjarta. Þegar hún fer út í náttúruna
hegðar hún sér eins og fugl, borðar
eins og fugl og tístir eins og fugl. Ef þið
mætið henni ekki vera hrædd – hún
bítur ekki.
Uppáhaldsútilegulag: Fiðrildi og flugur.
Öll útilegufötin voru fengin í versluninni
Ellingsen, Grandagarði 2, en þar er gífur-
legt úrval af alls kyns útivistarfatnaði.
FR
ÉT
TA
B
LA
Ð
IÐ
/S
TE
FÁ
N
Þjóðhátíðarlög síðustu tíu ára
1994 - Alltaf á Heimaey Flytjandi Hálft í hvoru
1995 - Þúsund eldar
1996 - Sumarnótt Flytjandi Greifarnir
1997 - Þú veist hvað ég meina mær
Flytjandi Skítamórall
1998 - Við erum öll á þjóðhátíð
1999 - Í dalnum Flytjandi Hreimur og
Lundakvartettinn
2000 - Í Vestmannaeyjum
2001 - Lífið er yndislegt
2002 - Vinátta
2003 - Draumur um þjóðhátíð
2004 - Í Herjólfsdal
Söngur, sprang og s
Verslunarmanna-
helgin 2004