Fréttablaðið - 03.08.2004, Blaðsíða 6

6 3. ágúst 2004 ÞRIÐJUDAGUR
WASHINGTON, AP Fjármálaráðherra
Bandaríkjanna, John Snow, lýsti
því yfir í gær að fjármálakerfi
landsins hefði haldið áfram að
starfa eðlilega um helgina, þrátt
fyrir vísbendingar um hryðjuverk.
Sagði Snow að þetta sýndi að fjár-
málakerfið stæði traustum fótum.
Í yfirlýsingu sem ráðherrann
sendi frá sér sagði hann að fjár-
málakerfi landsins stæði hvaða
hryðjuverkaárás sem er af sér
með sama hætti og ef um náttúru-
hamfarir væri að ræða. Gífurleg-
um fjármunum hefur verið varið í
að byggja um bráðabirgðakerfi
sem tæki við ef gerð yrði hryðju-
verkaárás á bandaríska fjármála-
kerfið. Slíkt kerfi á að tryggja að
öll hefðbundið bankaviðskipti geti
farið fram þótt hefðbundna kerfið
hrynji.
„Ég tek ofan fyrir fjármála-
þjónustunni fyrir láta hryðju-
verkaógnina ekki á sig fá,“ sagði
Snow. „Framlag þeirra sem vinna
í þessum geira er ómetanlegt og
það er fyrir þeirra verk að fjár-
málakerfi okkar stendur traust-
um fótum.“ ■
Aldrei fleiri
gestir á Akureyri
Aðstandendur Einnar með öllu á Akureyri eru mjög ánægðir með
hátíðina og segja hana þá best heppnuðu frá upphafi. Lögreglan segir
að á heildina litið hafi helgin gengið mjög vel.
ÚTIHÁTÍÐ „Í heildina gekk helgin
mjög vel. Hér var mikið af fólki
og meira en við höfum séð áður,“
segir Daníel Guðjónsson, yfir-
lögregluþjónn á Akureyri. Talið er
að um sextán þúsund gestir hafi
verið á Akureyri.
Ein nauðgun var kærð í gær-
morgun og rannsakar lögreglan
málið. Þá kærði ungur maður lík-
amsárás í miðbæ Akureyrar, en
hann hafði verið barinn í andlit
þannig að tennur og nef brotnuðu.
Upp komu 46 fíkniefnamál sem að
sögn Daníels voru öll minniháttar
ef þrjú eru talin frá. Í einu tilfell-
anna voru fjórir menn handteknir
með um 40–50 grömm af am-
fetamíni, e-töflum og hassi auk
nokkurrar upphæðar í peningum.
Sjálfir sögðu þeir efnin ætluð til
einkanota en grunur var á að efnin
hafi verið ætluð til sölu. Daníel
segir grannt eftirlit hafi verið með fíkniefnum, fjórir menn hafi verið
á staðnum á vegum Ríkislögreglu-
stjóra og að auki hefðu tveir verið
frá tollinum með leitarhunda.
Sex voru teknir fyrir ölvun-
arakstur um helgina en annars
gekk umferðin vel og án slysa.
Íbúar á Akureyri urðu fyrir
nokkrum óþægindum vegna
gesta, mest við tjaldstæðin á Þór-
unnarstræti. Kvartað var til lög-
reglu vegna fólks sem létti af sér
þvagi í matjurtargörðum.
„Við erum svakalega ánægð.
Ég held að þetta hljóti að teljast
best heppnaða hátíðin um versl-
unarmannahelgi frá upphafi. Við
ríflega tvöfölduðum íbúatölu
Akureyrar og veðrið var eins og
við hefðum pantað það sjálf,“
segir Bragi Bergmann, fram-
kvæmdastjóri hátíðarinnar.
Hann segir að um tíu þúsund
manns hafi verið á tjaldsvæðum
bæjarins og var tjaldað á mörg-
um stöðum í nágrenni Akureyr-
ar. Bragi segir einhverja íbúa
Akureyrar hafa orðið fyrir
ónæði, vantað hafi salerni á viss-
um svæðum, en allir ferðakamr-
ar sem til voru í bænum voru í
notkun. Bragi segir að í vikunni
verði farið yfir hátíðina og hvort
í framtíðinni þurfi jafnvel að tak-
marka aðgang því augljóst sé að
ekki verði hægt að þrefalda íbúa-
töluna yfir eina helgi.
hrs@frettabladid.is
Óánægðir öreigar:
Fríðindi
afnumin
MOSKVA, AP Á sjötta hundrað elli-
lífeyrisþega og fátækra mótmæltu í
Moskvu í gær nýju lagafrumvarpi
sem afnemur ókeypis almennings-
samgöngur og heilbrigðisþjónustu í
Rússlandi. Margir þeirra hræðast
að með frumvarpinu verði seinasti
opinberi stuðningurinn frá tíma
kommúnisma afnuminn.
Tólf ungir, róttækir þjóðernis-
bolsévíkar mótmæltu einnig með
því að hlekkja sig við skrifstofur í
heilbrigðisráðuneytinu, brenna
fána og henda myndum af Vladimir
Pútín út um glugga byggingarinnar.
Kalla þurfti út lögreglu sem tók
fólkið til fanga. ■
Georgía:
Hörð átök
GEORGÍA, AP Hernaðarleiðtogi í Ab-
khazia-héraði í Georgíu segir að
stríðsástand hafi skapast milli
ráðamanna í
héraðinu og
stjórnarinnar í
h ö f u ð b o r g
l a n d s i n s
Tbilisi.
A b k h a z i a
klauf sig frá
T b i l i s i
snemma á tí-
unda áratugn-
um en hefur enn ekki fengið viður-
kenningu fyrir sjálfstæði sínu og er
því formlega enn undir valdi höfuð-
borgarinnar.
Spenna hefur aukist til muna á
svæðinu að undanförnu því eitt af
kosningaloforðum Mikhail Saaka-
svili, núverandi forseta Georgíu,
var að koma héruðunum aftur að
fullu undir vald sitt en aðskilnaðar-
sinnar eru ekki á því að gefa eftir í
baráttu sinni fyrir sjálfstæði. ■
Hundruðir fagna:
Sýknaður af
þjóðarmorði
KRÓATÍA, AP Hundruðir söfnuðust
saman til að fagna komu fyrrum
bosnískum-króatískum liðþjálfa,
Tihomir Blaskic, til Zagreb í Króa-
tíu frá Hollandi. Blaskic hafði verið
dæmdur fyrir morð framin á árun-
um 1992–1995 en var sýknaður af
Alþjóðaglæpadómstól Sameinuðu
þjóðanna í Haag í síðustu viku.
Ættingjar og fyrrum félagar
Blaskic sungu og veifuðu króatíska
fánanum þegar hann gekk út úr
flugstöðinni á heimleið. Alþjóða-
glæpadómstóllinn úrskurðaði að
sannanir á hendur Blaskic tækju
ekki af allan vafa um þátttöku hans
í þjóðarmorðum. Þar á meðal í
morði á meira en 100 manns í bosn-
íska þorpinu Ahmici. Hann fékk níu
ára dóm í stað 45 ára og hefur setið
hann af sér. ■
VEISTU SVARIÐ?
1Hvaða hljómsveit kom saman umhelgina eftir 20 ára hlé?
2Hvaða einstaklingur greiðir mest íopinber gjöld á Íslandi?
3Gegn hvaða sænska liði drógustSkagamenn í Evrópukeppninni?
Svörin eru á bls. 34
Björgun við Dyrhólaey:
Leist illa á
vindinn
BJÖRGUN Manni var bjargað úti
fyrir Dyrhólaey aðfaranótt
sunnudags en hann var þar einn á
ferð í litlum bát. Maðurinn, sem
var á leið frá Hornafirði til Vest-
mannaeyja, óskaði eftir hjálp
björgunarsveitarinnar laust fyrir
klukkan 2 er honum var hætt að
lítast á aðstæður en vindhraðinn
var kominn upp í 10 m/sek úr suð-
vestri.
Aðeins sex mínútum eftir út-
kall í Vestmannaeyjum var björg-
unarbáturinn Þór lagður af stað
enda tók skamman tíma að kalla
út björgunarsveitarmenn sem
voru við gæslu í Herjólfsdal.
Björgunin tókst vel og komst
maðurinn ásamt bátnum heill á
húfi til Eyja. ■
Sígaunar koma saman í
Póllandi:
Minnast
fórnarlamba
helfararinnar
PÓLLAND, AP Sígaunar hvaðanæva
að úr Evrópu komu saman í útrým-
ingarbúðunum Auschwitz-Birken-
au á mánudaginn til að minnast
þeirra sígauna sem teknir voru af
lífi af nasistum í helförinni í seinni
heimsstyrjöldinni. Sextíu ár eru
liðin frá því síðustu þrjú þúsund
sígaunarnir voru líflátnir í
gasklefum Auschwitz.
Meðan á helförinni stóð féll allt
að hálf milljón sígauna, sem álitn-
ir voru óæðri verur samkvæmt
kynþáttastefnu Þriðja ríkisins
þýska.
Með því að minnast fórnar-
lambanna vilja þeir sem standa að
uppákomunni einnig undirstrika
að víða í Austur-Evrópu heldur
sígaunum áfram að vera mismun-
að enn þann dag í dag. ■
Á VERÐI
Mikill viðbúnaður var hjá lögregluyfirvöld-
um í Bandaríkjunum um helgina vegna
vísbendingu um hryðjuverk sem beinast
áttu að fjármálastofnunum vestan hafs.
M
YN
D
/A
P
Hryðjuverkaógn í Bandaríkjunum:
Engan bilbug að finna
í fjármálakerfinu
SPENNA
hefur aukist til muna
milli aðskilnaðarsinna í
Georgíu og ráðamanna.
GÍTARSPIL OG SÖNGUR Á TJALDSVÆÐINU
Á Akureyri skemmtu flestir sé vel. Þessi ungmenni sungu og spiluðu á gítar í veðurblíðunni.
VÍÐA ÞURFTI AÐ TAKA TIL HENDINNI
Fólk gekk misjafnlega vel frá eftir sig.
Taka þurfti til hendinni á ýmsum stöðum
í bænum eftir skemmtun helgarinnar.
FR
ÉT
TA
B
LA
Ð
IÐ
/G
U
N
N
AR
E
R
N
IR