Fréttablaðið - 04.08.2004, Blaðsíða 14

„Fjárlögin og stöðugleikinn í efna-
hagsmálum er forsenda alls ann-
ars og skiptir því meginmáli að
leggja höfðuáherslu á þann mála-
flokk,“ segir Halldór Ásgrímsson,
formaður Framsóknarflokksins,
sem taka mun við embætti for-
sætisráðherra 15. september.
Við myndun ríkisstjórnar var
það hluti af samningi ríkisstjórnar-
flokkanna að þeir myndu skipta
milli sín forsætisráðuneytinu.
Halldór segir málefnin sem
bíða hans í forsætisráðherraemb-
ættinu hefðbundin. Tímabil fjár-
laga sé að renna upp og því muni
efnahagsmál og atvinnumál verða
hæst á baugi á næstunni auk mál-
efna sem þeim tengjast, svo sem
velferðarmál og skattamál.
Ríkisstjórnin hefur þegar efnt
hluta af ríkisstjórnarsáttmálanum
er varðar skattamál með því að
lækka og samræma erfðafjár-
skatt og lækka hátekjuskatt. Mun
það því meðal annars koma í hlut
Halldórs að stýra ríkisstjórninni í
ákvörðunum um lækkun tekju-
skatts og endurskoðun á virðis-
aukaskattskerfinu, líkt og ríkis-
stjórnin hefur þegar lýst vilja sín-
um fyrir.
Ekki áherslubreyting á
embættinu
Spurður hvort áherslubreyting
verði á embættinu segist Halldór
ætla að halda áfram því góða
starfi sem hafi verið unnið á und-
anförnum árum.
„Það er ekki eingöngu mitt
heldur allrar ríkisstjórnarinnar
og þingmeirihlutans sem að baki
stendur. Það er nauðsynlegt að
eiga gott samstarf um þau mál-
efni sem þarf að takast á við,“
segir Halldór.
Hann segist ekki viss um að
það breyti í sjálfu sér svo miklu
fyrir Framsóknarflokkinn að
flokkurinn taki við völdum í for-
sætisráðuneytinu.
„Það liggur fyrir að þetta er
samningur sem gerður var milli
flokkanna. Aðalatriðið er það að
núverandi ríkisstjórn geti skilað
góðu starfi og haldi áfram að
vinna að því að bæta afkomu þjóð-
arinnar. Ef það tekst þá er það
vel,“ segir hann.
Halldór vill ekkert segja um
fyrirhuguð ráðherraskipti ríkis-
stjórnarinnar, um þau verði til-
kynnt þegar nær dregur.
Samstarf stjórnarflokkanna
gott
Halldór gegnir um þessar
mundir stöðu tveggja ráðherra í
veikindum Davíðs Oddssonar for-
sætisráðherra. Aðspurður segir
hann það ganga mjög vel og allt
hafi farið fram með eðlilegum
hætti til þessa.
„Það er tiltölulega rólegur tími
í stjórnmálum eins og er og engin
sérstök erfiðleikamál uppi. Það
sem mestu máli skiptir er að for-
sætisráðherra nái sínum fyrri
styrk. Ríkisstjórnin mun leysa úr
þeim málum sem upp koma,“
segir Halldór.
Halldór neitar því að samstarf-
ið milli flokkanna hafi stirðnað
við átökin sem fylgdu fjölmiðla-
málinu og lyktum þess.
„Samstarfið milli flokkanna er
gott, við þurfum eins og allar rík-
isstjórnir að takast á við margvís-
leg málefni. Í öllum samsteypu-
stjórnum kunna að vera mismun-
andi áherslur. Það eru einfaldlega
dagleg verkefni íslenskra stjórn-
mála,“ segir hann.
Fjölmiðlanefndin í start-
holunum
Gunnar I. Birgisson, þingmaður
Sjálfstæðisflokksins, sagði í sam-
tali við Fréttablaðið á dögunum að
stefnt væri að því að nýtt og
endurskoðað fjölmiðlafrumvarp
yrði lagt fram á Alþingi fyrir ára-
mót. Spurður um það sagði Halldór
að engin tímasetning hefði verið
ákveðin í því sambandi.
„Ákveðið var að fjölmiðla-
nefndin myndi hefja undirbúning
að nýju frumvarpi og mun stjórn-
arandstaðan meðal annars taka
þátt í þeirri vinnu. Aðalatriðið er
að koma því starfi af stað og gefa
nefndinni það svigrúm sem þörf er
á án þess að draga starf hennar um
of á langinn, það er engum til
góðs,“ segir Halldór. Aðspurður
segir hann það ekki hafa verið
rætt innan flokksins hvaða ákvæði
þættu æskileg að hafa í frumvarp-
inu.
Halldór neitar því að ágreining-
urinn innan Framsóknarflokksins
hafi verið jafn mikil og dregið
hefur verið upp í fjölmiðlum.
„Ég tel að fjölmiðlar hafi ýkt
þessi átök. Það má segja að þetta
hafi verið eins og veðrið nú um
verslunarmannahelgina,“ segir
hann. „Vont veður er miklu vin-
sælla fréttaefni en gott veður.
Fjölmiðlar hafa tilhneigingu til að
ýkja og gera meira úr því sem
miður fer. Slæmar fréttir virðast
meira áberandi í fjölmiðlum
þessa dagana. Og leitin að þeim,“
segir Halldór.
Samstaða um endurskoðun
stjórnarskrár
Vegna ákvörðunar forseta að
synja fjölmiðlalögunum svoköll-
uðu staðfestingar 2. júní kom upp
áður óþekkt staða í íslenskri
stjórnskipun og var því jafnvel
haldið fram að stjórnskipunar-
kreppa hefði myndast. Greindi lög-
spekinga á um ýmis grundvallar-
ákvæði stjórnarskrárinnar og í
kjölfarið náðist pólitísk samstaða
um að nauðsynlegt væri að hefja
endurskoðun stjórnarskrárinnar
sem fyrst.
Forsætisráðherra hafði reynd-
ar þegar gert það að umtalsefni
sínu í kjölfar fyrirspurnar Stein-
gríms J. Sigfússonar á Alþingi síð-
asta haust.
Halldór segir að allir séu sam-
mála um að nauðsynlegt sé að fara
ofan í ýmis atriði stjórnarskrár-
innar.
„Miklu máli skiptir að gera það
með almennum hætti, ekki í ljósi
einhvers ákveðins máls. Umfjöllun
um stjórnarskrárbreytingu er allt
annars eðlis en öll önnur mál. Hún
varðar stjórnmálin almennt og
starfssvið mikilvægustu embætta
þjóðarinnar. Verið er að ræða mál-
efni sem varða lengri framtíð og
eiga við alla þá sem starfa að þess-
um málum. Það skiptir okkur
14 4. ágúst 2004 MIÐVIKUDAGUR
STUDDUR YFIR LANDAMÆRIN
Íraskir landamæraverðir hjálpa íraska
flóttamanninum Nasi Khalaf yfir landa-
mærin til Íraks á ný. Khalaf flúði til Írans
ásamt fjölskyldu sinni árið 1991 þar sem
hann hefur dvalið síðan án þess að sjá
heimaland sitt.
Taívan þykir ógna samskiptum Kína og Bandaríkjanna:
Bandaríkin selja vopn til Taívan
PEKING, AP Á mánudag sagði Wu
Bangguo, einn af æðstu leiðtogum
Kína, bandarískum öldungadeild-
arþingmönnum sem voru í heim-
sókn í Asíulandinu að Kína myndi
aldrei gefa Taívan formlegt sjálf-
stæði. Bangguo sagði að spurning-
in um framtíð Taívan ógni sam-
skiptum Kína og Bandaríkjanna.
Hann sagði að ráðamenn í Wash-
ington yrðu að sætta sig við
stefnu stjórnvalda í Peking í garð
Taívan sem gengur út á að standa
í veginum fyrir að landið fái form-
legt sjálfstæði.
Í borgastríðinu í 1949 slitnuðu
tengsl milli stjórnarinnar í Peking
og Taívan sem í dag er þó er ekki
sjálfstætt nema að nafninu til.
Kína hefur hótað að hertaka eyj-
una lýsi hún yfir sjálfstæði sínu.
Ummæli Bangguo fylgja í kjöl-
far fregna um að Bandríkin séu í
þann mund að selja Taívan vopn
og tækjabúnað fyrir andvirði
tæpra þrettán hundruð milljarða
íslenskra króna sem ekki hefur
fallið í góðan jarðveg í kínversku
höfuðborginni. ■
Heimdallur:
Framboð til
formennsku
STJÓRNMÁL Helga Árnadóttir tölv-
unarfræðingur hefur ákveðið að
bjóða sig fram til formanns
Heimdallar, félags ungra sjálf-
stæðismanna í Reykjavík, á næsta
aðalfundi félagsins. Í fréttatil-
kynningu kemur fram að fjöl-
breyttur hópur standi að framboði
Helgu, sem endurspegli þann víð-
tæka stuðning sem grundvallar-
atriðin í stefnu félagsins njóta.
Yfirlýst markmið framboðsins
er að tryggja að stjórn félagsins
sé skipuð af fjölbreyttum hópi.
Helga sat í stjórn Heimdallar árið
2001 til 2002 og var kosningastjóri
ungra sjálfstæðismanna í borgar-
stjórnarkosningunum 2002. ■
Rándýr minnisvarði
veldur slysum:
Gosbrunnur
Díönu
LONDON, AP Starfsmenn í Hyde-garð-
inum í London leita nú leiða til að
lagfæra gosbrunn
tileinkaðan minn-
ingu Díönu prins-
essu. Elísabet
drottning opnaði
brunninn fyrir
tæpum mánuði síð-
an og kostaði hann
um 470 milljónir
króna. Gosbrunnin-
um var lokað 22. júlí
eftir að þrjár mann-
eskjur höfðu slasað
sig meðan þær óðu í
brunninum. Talað er
um að takmarka að-
gengi að brunninum
sem og að setja gestum garðsins
reglur sem koma eiga í veg fyrir að
slíkir atburðir endurtaki sig. ■
HER ALÞÝÐULÝÐVELDISINS
Kínverskir hermenn marsera í hátiða-
höldum sem fram fóru í landinu 1.
ágúst sem mörkuðu þau tímamót að
77 ár eru liðin frá því að Mao Zedong
náði völdum í landinu.
GOSBRUNNUR
Hinum rándýra
minnisvarða um
Díönu prinsessu í
London hefur
verið lokað vegna
slysahættu. Tvær
litlar stúlkur sjást
hér við leik með-
an fólk gat ennþá
buslað í brunnin-
um.
Stöðugleiki forsenda alls
Halldór Ásgrímsson tekur við embætti forsætisráðherra 15. september. Hann boðar ekki miklar
breytingar heldur segist ætla að halda áfram því góða starfi sem hafi verið unnið á undanförnum
árum. Mikilvægt að endurskoðun stjórnarskrár fari ekki fram í ljósi ákveðins máls.
SIGRÍÐUR D. AUÐUNSDÓTTIR
BLAÐAMAÐUR
FRÉTTAVIÐTAL
HALLDÓR ÁSGRÍMSSON
TEKUR VIÐ FORSÆTISRÁÐ-
HERRAEMBÆTTI 15. SEPT-
EMBER.
FR
ÉT
TA
B
LA
Ð
IÐ
/G
VA
HALLDÓR ÁSGRÍMSSON
„Það skiptir okkur miklu máli að við vitum hver mörk okkar eru,
hvað getum við gert og hvað ekki. Þessi óvissa sem upp hefur
komið um stjórnarskrána og mismunandi álit um það hvað er
heimilt að gera samkvæmt stjórnarskránni er mjög óþægileg.“