Fréttablaðið - 04.08.2004, Blaðsíða 28
20 4. ágúst 2004 MIÐVIKUDAGUR
Við mælum með...
...að KR-ingar fari að hafa samband við særingarmann sem geti hrakið þá
illu anda sem virðast taka sér bólfestu í leikmönnum liðsins er það mætir
Fimleikafélagi Hafnarfjarðar. Það er farið að dimma í Vesturbænum og
ef leikurinn gegn FH tapast er staða liðsins orðin mjög svört. Þar af
leiðandi tapa þeir litlu á að reyna óhefðbundnar leiðir.sport@frettabladid.is
HVAÐ? HVENÆR? HVAR?
1 2 3 4 5 6 7
Miðvikudagur
ÁGÚST
Við hrósum...
...Knattspyrnusambandi Íslands fyrir óhemju mikinn metnað. Forkólfar sambandsins stefna
að því að slá aðsóknarmetið á Laugardalsvellinum og fá um 20 þúsund áhorfendur á
vináttulandsleik Íslands og Ítalíu 18. ágúst. Þeir eru ekkert að grínast með þessu mark-
miði sínu og til að undirstrika það hafa þeir dregið gamla brýnið Eusebio á flot en hann
átti heiðurinn af því að 18.194 áhorfendur mættu á leik Vals og Benfica árið 1968.
FÓTBOLTI Stórleikur átta liða úrslit-
anna er klárlega viðureign KR og
FH í Frostaskjóli. Liðin hafa mæst
oft síðustu ár og er óhætt að segja
að FH sé komið með hreðjatak á
KR en það er orðið ansi langt
síðan Vesturbæjarrisinn lagði
Fimleikafélagið. Ólafur Kristjáns-
son, þjálfari Fram, hefur leikið
með báðum félögum og við
fengum hann til þess að spá í
spilin fyrir okkur.
„Ég er mjög spenntur fyrir
þessum leik því hann gæti orðið
vendipunktur fyrir bæði lið. Ef
FH sigrar staðfestist það að þeir
geta virkilega barist á mörgum
vígstöðvum og fyrir KR er þetta
möguleiki til þess að rífa sig upp
úr ládeyðu. Þannig að þetta er
gríðarlega mikilvægur leikur,“
sagði Ólafur en hann telur KR
virkilega þurfa á sigri að halda
enda gerir hann ekki ráð fyrir því
að þeir verji titil sinn í deildinni.
„Mér finnst hafa verið mjög
neikvæðir tónar í kringum KR.
Leiðinlega neikvæðir síðan ég
kom heim. Það er kvartað yfir öllu
og það virðist ekki vera starfs-
friður í Vesturbænum en það er
ekkert nýtt enda virðist bara vera
starfsfriður þar ef það næst
árangur. Ég tel að FH hafi hópinn
til þess að fara alla leið í bæði
deild og bikar en ég efast um að
KR hafi það.“
Eins og áður segir hefur FH
haft gríðarlegt tak á KR síðustu
mánuðum en telur Ólafur að slíkt
hafi áhrif þegar út í svona leik er
komið?
„Þegar maðurer þjálfari og
segir við lið sitt að tölfræðin hafi
ekkert að segja þá er það bara til
þess að reyna að gera lítið úr töl-
fræðinni. Það er aftur á móti stað-
reynd að svona lagað hefur áhrif á
leikmenn og sérstaklega þá sem
tóku þátt í leikjunum á undan.
Engu að síður hlýtur að styttast í
sigurleik hjá KR en sálfræðitakið
er mjög sterkt hjá FH. Ég tel að
FH-liðið í dag sé einfaldlega of
sterkt til þess að tapa þessum leik
þannig að ég tippa á FH-sigur,“
sagði Ólafur Kristjánsson.
Hin viðureign kvöldsins fer
fram á Kópavogsvelli þar sem
liðið í fyrsta sæti 1. deildar, Valur,
tekur á móti liðinu í þriðja sæti
deildarinnar, HK. Valur hefur
haft gott tak á HK í sumar og
unnið báðar viðureignirnar, 5-1 og
1-0. Við fengum Bjarna Jóhanns-
son, þjálfara Breiðabliks, til að
leiða okkur í allan sannleika um
það hvernig þessi leikur fer.
„Mér finnst eins og bæði þessi
lið hafa verið með hugann við
þennan leik frá því að drátturinn
fór fram því ekki hafa þau verið
að hala inn stigin í deildinni frá
drættinum. Ég tel að bæði lið
mæti vel undirbúin og að leikur-
inn endi í vítaspyrnukeppni þar
sem HK fer með sigur,“ sagði
Bjarni ákveðinn og greinilega
búinn að rýna vel í kristalkúluna
sína. Rétt er síðan að geta þess að
leikirnir hefjast klukkan 18.30.
henry@frettabladid.is
FH sleppir ekki
hreðjatakinu
■ ■ LEIKIR
18.30 HK og Valur mætast á
Kópavogsvelli í 8-liða úrslitum
VISA-bikarkeppni karla í
knattspyrnu.
18.30 KR og FH mætast á KR-velli í
8-liða úrslitum VISA-bikarkeppni
karla í knattspyrnu.
■ ■ SJÓNVARP
16.25 Einvígið á Nesinu 2004 á
RÚV. Endurtekinn þáttur.
19.10 Champions World 2004
(Chelsea - AC Mílan) á Sýn.
20.50 Champions World 2004
(Liverpool - Róma) á Sýn.
23.15 US PGA Tour 2004 (US
Bank Championship In
Milwaukee) á Sýn.
23.50 Bikarkvöld á RÚV. Sýnt úr
leikjum í 8-liða úrslitum VISA-
bikarkeppni karla í knattspyrnu.
ÚR ÍÞRÓTTAHEIMINUM
VI
Átta liða úrslit VISA-bikars karla hefjast í kvöld með tveim leikjum. KR
tekur á móti FH og 1. deildarliðin HK og Valur mætast í Kópavogi.
NÁ KR-INGAR AÐ LOSA TAKIÐ? Atli Viðar Björnsson og Gunnar Einarsson eigast við í
opnunarleik KR og FH í Landsbankadeildinni í sumar. Þá fór FH með sigur af hólmi, rétt
eins og í bikarleik félaganna í fyrra.
Rússneski hornamaðurinn sterki,David Kekelia, hefur yfirgefið
handknattleikslið
Stjörnunnar og
mun leika með
Gróttu/KR á næstu
leiktíð. Hann bætist
í hóp fjölmargra
leikmanna sem yfir-
gefið hafa Garða-
bæjarliðið frá því að
síðustu leiktíð lauk og nánast má
líkja því við faraldur. David Kekelia
hefur verið einn traustasti en um leið
einn vanmetnasti leikmaður Íslands-
mótsins undanfarin ár og er mikill
fengur fyrir lið Gróttu/KR.
Handknattleiksmaðurinn IngólfurRagnar Axelsson hefur gengið
til liðs við Fram frá bikarmeisturum
KA. Ingólfur er 21 árs gamall og
þykir efnilegur. Hann er rétthentur
útispilari sem getur leyst nokkrar
stöður þótt oftast leiki hann á
miðjunni.
Stjórnarformaður enska úrvals-deildarfélagsins Portsmouth,
Milan Madaric, hefur látið hafa eftir
sér í fjölmiðlum að
Dwight Yorke væri
ofarlega á óskalista
liðsins. Sagan
hermir að
Portsmouth hafi
þegar boðið Black-
burn Rovers
400.000 pund fyrir
framherjann snjalla. Háar launakröf-
ur hans gætu þó sett strik í reikning-
inn varðandi vistaskiptin. Graeme
Souness, framkvæmdastjóri Black-
burn, vill Yorke í burtu enda andar
köldu á milli þeirra.
Enska úrvalsdeildarfélagið Totten-ham Hotspur kemur líklega til
með að gera samning við leikmann-
inn Dagui Bakari en hann lék
æfingaleik með félaginu gegn Nott-
ingham Forest á dögunum. Bakari er
29 ára gamall sóknarmaður og hefur
leikið með franska liðinu Lens und-
anfarin ár. Tottenham þarf nauðsyn-
lega á sóknarmanni að halda eftir að
Írinn Robbie Keane meiddist á
dögunum og Portúgalinn Helder
Postiga var seldur.
Luke Chadwick er genginn til liðs
við 1. deildarlið West Ham United.
Hann fór á frjálsri sölu frá ensku bik-
armeisturunum Manchester United
en kappinn lék reyndar sem láns-
maður með 1. deildarliði Burnley á
síðustu leiktíð. Chadwick þótti á
sínum tíma mjög efnilegur leikmað-
ur en komst lítt áleiðis enda barðist
hann við David Beckham um stöðu
í byrjunarliðinu. Nú vonast hann til
að ferillinn gangi í endurnýjun líf-
daga á hjá West Ham.
Hinn 71 árs gamli Sir Bobby Rob-son, framkvæmdastjóri enska úr-
valsdeildarfélagsins
Newcastle United,
ætlar ekki að fjarg-
viðrast vegna yfir-
lýsingar stjórnarfor-
manns félagsins,
Freddy Shephard,
þess efnis að samn-
ingur Robsons verði
ekki endurnýjaður eftir næsta keppn-
istímabil. Robson sagði að nú yrðu
menn að snúa bökum saman og ein-
beita sér að komandi leiktíð og úti-
loka allt utanaðkomandi áreiti. Hann
tilkynnti einnig að hann hefði ekki í
hyggju að hætta afskiptum af knatt-
spyrnu eftir að samningur hans
rennur út heldur reyna fyrir sér ann-
ars staðar, enda fyndist honum hann
eiga nóg eftir.
Svo gæti farið að Ítalinn RobertoBaggio mæti til leiks þegar ítalski
boltinn fer að rúlla að nýju. Baggio
lagði skóna formlega á hilluna eftir
að síðustu leiktíð
lauk og fékk meira
að segja eitt stykki
kveðjuleik. Síðan
þá hafa forráða-
menn tveggja fyrr-
verandi liða hans,
Bologna og Fiorent-
ina, lagt hart að
honum að endurskoða ákvörðunina
og boðið honum samning. Baggio,
sem skoraði sitt tvö hundruðasta
mark í Seria A, í vetur, hefur ekki úti-
lokað að snúa aftur en segist þurfa
meiri umhugsunarfrest.
Leikbönn hafa augljóslega áhrif á leikmenn:
Rio að missa það?
FÓTBOLTI Það má fastlega gera ráð
fyrir því að leikmaður sem er að
afplána átta mánaða langt leik-
bann hafi tíma til að heimsækja
hárgreiðslustofu. Það er einmitt
það sem Rio Ferdinand hefur
greinilega gert. Hann mætti á
æfingu og skartaði þá nýrri hár-
greiðslu - einhverri óhugnanleg-
ustu afró-greiðslu sem sést hefur
síðan hljómsveitin Jackson 5 var
að toppa vinsældalista út um allan
heim.
Venjulega hefur Rio verið hár-
prúður með eindæmum, með
annaðhvort stutt eða snoðað hár.
Gera má ráð fyrir að hárgreiðsla
Rio hafi lífgað upp á æfingar
Man.Utd. því liðinu hefur ekki
gengið vel á æfingamótinu í
Bandaríkjunum. Vonandi gerir
hann það eina rétta í stöðunni og
rakar á sér hausinn áður en hann
snýr aftur í ensku úrvalsdeildina
því menn með slíka hárgreiðslu eru
ekki líklegir til að fara af fullum
krafti upp í skallaeinvígi. ■
FLOTTUR MEÐ FRÓIÐ Svona leit Rio
Ferdinand út þegar hann mætti á æfingu
hjá Man.Utd. í fyrradag.