Fréttablaðið - 05.08.2004, Blaðsíða 12

12 5. ágúst 2004 FIMMTUDAGUR
FAGNAÐ Á GÍBRALTAR
Íbúar Gíbraltar fögnuðu því í gær að 300 ár
eru liðin frá því Bretar náðu völdum á land-
svæðinu. Þeirra á meðal var þetta fólk sem
klæddi hundinn sinn í fánalitum Bretlands.
Kostnaður við ólympíuleikana fer vaxandi:
Skuldsetja sig
næsta áratuginn
GRIKKLAND, AP Útlit er fyrir að
ólympíuleikarnir verði mun dýr-
ari en grísk stjórnvöld stefndu að.
Nú er svo komið að sérfræðingar
eru farnir að lýsa áhyggjum af því
að leikarnir íþyngi gríska ríkinu
svo mjög að það kunni að taka
gríska skattborgara tíu ár, hið
minnsta, að borga reikninginn.
„Það sem við höfum tekið
saman sýnir kostnað upp á sex
milljarða evra og rúmlega það,“
sagði aðstoðarfjármálaráðherr-
ann Petros Doukas í viðtali við
grísku útvarpsstöðina Flash. Það
samsvarar rúmum 500 milljörð-
um króna en sumir fjármálasér-
fræðingar segja að kostnaðurinn
verði á bilinu 800 til 900 milljarð-
ar króna þegar uppi verður
staðið.
Ljóst þykir að kostnaðurinn
vegna ólympíuleikanna verði svo
mikill að hallarekstur ríkissjóðs
Grikklands nemi meira en fjórum
prósentum af landsframleiðslu.
Það er mun meira en reglur evru-
svæðisins kveða á um. Samkvæmt
þeim má halli ríkissjóðs ekki
nema meira en þremur prósent-
um. ■
Minnihluti hagnaðar
úr starfsemi útibúa
Einungis sex prósent af hagnaði KB banka fyrir skatta er vegna hefðbundinn-
ar viðskiptabankastarfsemi. Hlutfallið er hæst hjá Landsbankanum.
BANKAR Hefðbundin bankastarf-
semi, eins og hún snýr að almenn-
ingi skilaði sex til 28 prósentum af
hagnaði bankanna fyrir skatta.
Hefðbundin viðskiptabanka-
starfsemi skilaði KB banka 488
milljónum af 7,5 milljarða hagnaði
fyrir skatta eða sex prósent af
hagnaðinum. Hreiðar Már Sigurðs-
son, forstjóri KB banka, segir af-
komuna af þessari starfsemi óvið-
unandi. Að hans sögn vinnur bank-
inn að yfirferð lána til smærri fyrir-
tækja og einstaklinga í því skyni að
auka gæði lánanna. Þessari vinnu sé
ekki að fullu lokið og hún leiði til
hærri færslu á afskriftareikninga
bankans.
Hæsta hlutfallið er hjá Lands-
bankanum eða 28 prósent. Af 7,5
milljarða hagnaði bankans fyrir
skatta koma rúmir tveir milljarðar
af viðskiptabankastarfsemi. Tölu-
verður kostnaður fylgir viðskipta-
bankastarfseminni, þar sem hún er
mannfrek.
Þótt hlutfallið sé undir markmið-
um KB banka, varpar það engu að
síður ljósi á ólíkar áherslur bank-
anna. KB banki hefur verið
sterkastur á sviði fjárfestinga-
bankastarfsemi.
Guðmundur Magnússon, pró-
fessor í viðskiptafræði, segir þetta
þróun sem hafi mátt greina undan-
farin misseri. „Íslenskir bankar
eiga meira af hlutabréfum en bank-
arnir í löndunum í kringum okkur
og það hefur gengið vel hjá þeim.“
Auk þessa bendir Guðmundur á að
bankarnir hafi hagnast vel á eign í
öðrum verðbréfum í lækkandi vöxt-
um. „Það ætti nú að fara að draga
eitthvað úr því. Þótt vextirnir hafi
verið eitthvað að lækka til okkar, þá
eru vextirnir enn þeir hæstu á
Norðurlöndum“ segir Guðmundur.
Hann segist búast við því að
þessi þróun muni ekki halda svona
áfram. „Til lengdar verður hluta-
bréfahagnaður ekki jafn mikill hluti
af hagnaði bankanna.“
Guðmundur bendir einnig á að
talsvert af tekjum bankanna hafi
komið til vegna fjármögnunar
kaupa og sölu á fyrirtækjum. „Út-
lánaaukning hefur aukist mikilu
hraðar en landsframleiðsla sem
þýðir að í vaxandi mæli eru menn
að græða á því að kaupa og selja
hverjir öðrum.“
haflidi@frettabladid.is
Öryggi í Ísrael:
Veikir blettir
JERÚSALEM, AP Helsti flugvöllur
og stórar herstöðvar í Ísrael eru
ekki nægilega vel varðar gagn-
vart hugsanlegum árásum
hryðjuverkamanna. Þetta kem-
ur fram í nýrri leyniskýrslu
ísraelskra yfirvalda um ástand
öryggismála.
Heildarástand öryggismála
er þó ekki talið slæmt en rann-
sóknin tók til sextíu mikilvægra
mannvirkja, meðal annars Ben
Gurion flugvallarins. Þar eru
sagðir vera veikir blettir í ör-
yggismálum. Til dæmis segir í
skýrslunni að sums staðar geti
hryðjuverkamenn komist nægi-
lega nálægt vellinum til að
skjóta flugskeytum á flugvallar-
byggingar og flugvélar. ■
Flokksþing repúblikana:
Búist við
mótmælum
NEW YORK, AP Búist er við að stórir
hópar standi fyrir mótmælum
þegar bandaríski Repúblikana-
flokkurinn heldur flokksþing sitt í
New York í lok mánaðarins. Mót-
mælendur hafa í hyggju að setjast
fyrir í hótelanddyrum, stöðva um-
ferð fólks inn í byggingar og
svindla sér inn á viðburði á vegum
flokksins.
Skipuleggjendur mótmælanna
vonast til þess að þúsundir taki
þátt í mótmælunum sem hefjast á
Times torgi sama kvöld og flokks-
þingið verður sett; þann 30. ágúst.
Daginn eftir er gert ráð fyrir að
mótmælendur standi fyrir mót-
mælum sem feli í sér óhlýðni við
fyrirmæli lögreglu. Mótmælend-
ur segjast kæra sig kollótta um að
vera stungið í steininn. Mestu
skipti að koma skilaboðum á
framfæri. ■
Vestræn skotmörk:
Íri skotinn
SÁDÍ ARABÍA, AP Írskur maður var
drepinn þegar tveir menn vopnað-
ir vélbyssum þustu inn á skrif-
stofu hans í Riyadh höfuðborg
Sádí Arabíu og skutu hann.
Um er að ræða annað dráp á
Íra á tveimur mánuðum. Ekki er
vitað hvaða menn voru að verki.
Vesturlandabúar hafa verið skot-
mörk í skotárásum, sjálfs-
morðsárásum og mannránum frá
12. maí í fyrra þegar bílsprengja
grandaði 35 manns. Litið er á
árásirnar sem tilraun til að grafa
undan efnahagi landsins. ■
BANNA HÝR HJÓNABÖND Kjós-
endur í Missouri samþykktu
stjórnarskrárbann við hjónabönd-
um einstaklinga af sama kyni. Sjö
af hverjum tíu kjósendum
greiddu atkvæði með banninu.
Líklegt er að fleiri ríki fylgi í kjöl-
farið og setji stjórnarskrárbann við
hjónaböndum samkynhneigðra.
■ EVRÓPA
■ BANDARÍKIN
SKÁLMÖLD
Íraki sést hér við eina af kirkjunum í
Bagdad sem varð fyrir árás.
Ráðist á kirkjur:
Árásirnar
fordæmdar
ÍRAK, AP Stjórnvöld í Írak og
múslimskir trúarleiðtogar hafa
fordæmt vel skipulagðar árásir á
kirkjur á í landinu sem kostuðu
sjö manns lífið og særðu 37.
Þrjár kirkjur í höfuðborginni
Bagdad og ein í borginni Mosul
urðu fyrir árásunum sem eru þær
fyrstu sem hið 750.000 manna
kristna samfélag í Írak verður
fyrir síðan Bandaríkjamenn komu
Saddam Hussein frá völdum.
Árásirnar þykja boða breyttar
áherslur hjá uppreisnarmönnum
sem hafa aðallega ráðist á
Bandaríkjaher og íraska sam-
starfsmenn þeirra. ■
BÖRN FUNDU SPRENGIEFNI Aust-
urrísk börn að leik fundu jarð-
sprengur og önnur sprengiefni
frá tímum seinni heimsstyrjald-
arinnar á engi nærri þorpinu
Sandl. Hluti sprengiefnanna var
enn virkur og því mikil hætta á
ferðum. Sprengjusérfræðingar
gerðu sprengjurnar óvirkar.
SLÖSUÐUST Í JARÐSKJÁLFTA Sjö
manns slösuðust þegar jarð-
skjálfti reið yfir vesturströnd
Tyrklands í gærmorgun. Fólkið
slasaðist þegar það stökk fram af
svölum og út um glugga til að
forða sér út úr húsum sínum.
Ekki er vitað um neinar skemmd-
ir sem rekja má til skjálftans.
Sex létust í flugslysi:
Hrapaði á íbúðarhús
BANDARÍKIN, AP Sex létu lífið, þeirra
á meðal tvö börn, þegar lítil flugvél
flaug á hús við golfvöll í Austin í
Texas. Vélin breyttist í eldhnött
þegar hún lenti á húsinu og fórust
allir sem voru um borð í henni.
Þrennt var í húsinu þegar atvikið
átti sér stað en þau sluppu öll við
meiðsl.
„Ég sá hann reyna að beygja til
vinstri eða forða sér með öðrum
hætti. Við það missti hann aflið og
hrapaði til jarðar,“ sagði Bert
Brown, fyrrum atvinnuflugmaður,
sem varð vitni að flugslysinu þar
sem hann var að leika golf.
Svo virðist sem vélarvandamál
hafi valdið slysinu. Flugvélin hafði
rétt tekið á loft frá nálægum flug-
velli þegar slysið átti sér stað. ■
RÓLEGHEIT Í MIÐASÖLU
Ólympíuleikarnir hefjast á föstudag í
næstu viku. Enn má fá miða á einstaka
viðburði.
HÚSIÐ SEM VÉLIN LENTI Á
Sex voru um borð í flugvélinni og létust allir. Fólkið í húsinu slapp án meiðsla.
AFKOMA VIÐSKIPTABANKASTARFSEMI BANKANNA Í HLUTFALLI VIÐ HEILDARAFKOMU:
Afkoma í milljónum króna janúar til júní 2004 Landsbankinn Íslandsbanki KB banki
Afkoma viðskiptabankastarfsemi
Hreinar vaxtatekjur 6.081 4.542 3.127
Aðrar tekjur 1.724 1.432 715
Afskriftir 1.812 1.143 1.407
Hagnaður fyrir skatta 2.087 1.223 488
Heildarafkoma:
Hagnaður fyrir skatta 7.426 8.200 7.519
Hagnaður eftir skatta 6.035 6.825 6.158
Hlutdeild viðskiptabankastarfsemi í hagnaði fyrir skatta 28% 15% 6%
LÍTIÐ AF HAGNAÐINUM
Hlutur viðskiptabankastarfsemi í hagnaði bankanna er mismunandi. Hlutfallið er hæst hjá
Landsbankanum og lægst hjá KB banka. Mikill hagnaður er af verðbréfaeign og fyrirtækja-
verkefnum.
FR
ÉT
TA
B
LA
Ð
IÐ
/G
VA
TILBÚIN Í MÓTMÆLIN
Flokksþing repúblikana verður ekki ein-
ungis hátíð repúblikana heldur er búist við
miklum mótmælum meðan á þinginu
stendur. Sú var einnig raunin þegar
demókratar héldu sitt þing í Boston.