Fréttablaðið - 05.08.2004, Blaðsíða 25
3FIMMTUDAGUR 5. ágúst 2004
Margt er að sjá í grennd við höfuðborgarsvæðið:
Túristi í einn dag
Ef til vill ertu einn af þeim sem
hafa ferðast út um allt og skoðað
sögufræga staði erlendis og geng-
ið um hálendi Íslands en hafa
samt aldrei farið í Bláa lónið, upp
í Hallgrímskirkjuturn eða séð
Gullfoss og Geysi. Eða einn af
þeim sem ferðast aldrei og vilja
umfram allt bara vera heima hjá
sér og sofa í eigin rúmi eða hafa
hreinlega ekki efni, ráð og tíma til
að ferðast. Hverjar svo sem
ástæðurnar eru fyrir því að hafa
ekki skoðað þá merkisstaði sem
við lokkum ferðamenn með þá er
einfalt að bæta úr því. Lítið mál er
að byrja fallegan dag á því að
labba að Hallgrímskirkju og horfa
yfir höfuðborgina og fara svo í
dagsferð með Iceland Excursions
og Allrahanda um vinsælustu
ferðamannastaði landsins. Úrval-
ið er mikið og öllum ferðum fylg-
ir leiðsögn. Hugsanlega er hægt
að klæða sig í stíl við aðra ferða-
menn þannig að maður blandist í
hópinn og líta svo á Ísland með
augum ferðamannsins. Sagt er að
glöggt sé gests augað og með aug-
um ferðamannsins getur maður
öðlast nýja sýn á land og þjóð. ■
Sumarferðir til Þýskalands:
Vinalegt í München
Um leið og vorsólin fer að
skína í München flykkjast
Münchenarbúar út í sólina og
nánast setjast að á útiveitinga-
húsum þar sem þeir teyga
bæverskan bjór og njóta lífsins
til hins ýtrasta. Í München eru
180 svokallaðir bjórgarðar þar
sem ekki eingöngu er borinn
fram bjór í lítrakrúsum (já,
þetta er ekkert grín, bjórinn
fæst ekki í minni einingum í
dæmigerðum
b j ó r g a r ð i )
heldur má fá
þar hverskyns
aðrar veitingar,
mat og óáfenga
drykki. Fátt er
notalegra en
sitja kvöld-
stund með
Bæverjum og
njóta sérrétta
þeirra og
s k e m m t i l e g s
félagsskapar
því þeir eru
opnir og taka gestum fagnandi.
En það er ýmislegt fleira
sem heillar við München. Þó að
hún hafi óneitanlega yfirbragð
stórborgar er hún samt ekki
stór og andrúmsloftið er hlý-
legt og vinalegt. Borgin er iða-
græn og einkennist af breið-
strætum með stórum torgum
og fjölmörgum skrúðgörðum
þar sem er gaman að ganga um
í sumarblíðunni.
Fyrir þá sem vilja gera ferð-
ina að menningarferð er óend-
anlega margt í boði. Borgin er
full af merkilegum söfnum og
leikhúslífið blómstrar. Kvöld-
stund í öðru tveggja óperuhúsa
borgarinnar er ógleymanleg og
full ástæða til að kanna áður en
farið er af stað hvaða sýningar
eru í gangi. Markaðirnir í
München erum margir og fjöl-
breyttir og Bæjarar, sem eru
mikið gleðifólk, halda hátíðir af
hverskyns til-
efni þó frægust
sé auðvitað
Októberfestin.
Frá München í
B æ j a r a l a n d i
geta leiðir svo
legið til margra
átta. Borgin er
á einstökum
f e r ð a m a n n a -
slóðum, rétt
norður af Alpa-
fjöllum, og
mikið af nátt-
úruperlum í
grennd við borgina. Auðvelt er
að taka bílaleigubíl og aka
suður í Alpana, fara í skoðunar-
ferð að Starnbergvatni og
heimsækja Schloss
Neuschwanstein, einhvern
frægasta kastala í heimi. Þá er
freistandi að aka yfir til
Austurríkis og skoða Arnar-
hreiður Adolfs Hitler.
Beint flug er til München
með Icelandair á þriðjudögum
til 7. september. ■
Bjórhátíðin í München í október
laðar að fjölda ferðamanna.
München er falleg borg sem iðar af lífi yfir sumartímann.
Bláa lónið er vinsæll áfanga-
staður ferðamanna.
Suðurland og Þórsmörk
Leiðin liggur yfir Hellisheiði í gegnum Selfoss, Hellu og Hvolsvöll þar sem gert er
stutt stopp til að kaupa mat og aðrar birgðir. Næst er kíkt á Seljalandsfoss og
gengið aftur fyrir fossinn og svo upp í rútu og haldið áfram að Steinholtsá og
gengið þar inn Stakkholtsgjá. Að lokum liggur leiðin að Þórsmörk þar sem ferða-
mönnum gefst tækifæri til að njóta einstakrar náttúrufegurðar.
Lagt er af stað kl. 8.30 og ferðin tekur 11 klukkustundir.
Verð: 8.900 kr.
Bláa lónið og Reykjanes
Ferðin hefst á baðferð í Bláa lónið þar sem hægt er að slappa vel af, maka á sig
leir og fá hálsnudd á meðan legið er í vatninu. Því næst er keyrt til sjávarþorpsins
Grindavíkur og haldið áfram þaðan í gegnum hraunbreiður í átt að Reykjanesvita
þar sem getur að líta mikið fuglalíf í háum klettunum.
Lagt er af stað kl.9 og ferðin tekur 6 klukkustundir.
Verð: 4.800 kr. (innifalinn aðgangur í Bláa lónið)
Golden Circle Classic
Fyrst er keyrt í gegnum jarðhitasvæði og komið að Nesjavallavirkjun og þaðan
keyrt að Þingvöllum og hið forna Alþingi skoðað. Haldið er áfram að Gullfossi og
Geysi en svo að Skálholti. Stoppað er við Kerið þar sem kjörið er að draga upp
myndavél og smella af nokkrum góðum myndum. Á leiðinni aftur til höfuðborg-
arinnar er komið við í Hveragerði þar sem hægt er sjá hvernig við Íslendingar
höfum nýtt okkur jarðhitann til ræktunnar.
Lagt er af stað kl. 8.30 og ferðin tekur níu og hálfa klukkustund.
Verð: 5.900 kr.