Fréttablaðið - 05.08.2004, Blaðsíða 27

FIMMTUDAGUR 5. ágúst 2004
Laugavegi 32 sími 561 0075
Húðflúr fer reglulega inn og úr
tísku þó að flúraður líkami sé vissu-
lega einskonar lífstíll margra
manna. Rokkarar og sjómenn hafa
löngum verið þekktir fyrir að bera
flúraðar myndir víðs vegar um lík-
amann en nú sjást allar stéttir þjóð-
félagsins með húðflúr.
Hjá kvenfólki hefur ökklinn ver-
ið vinsæll staður til að teikna á sól,
blóm eða dreka og nú sér maður
reglulega glitta í frumbyggjalegt
munstur á neðra baki ungra kvenna.
Húðflúr á sér langa sögu og forn-
leifafræðingar hafa rakið húðflúr
aftur til um 6.000 árum fyrir Krist.
Það voru aðallega konur sem báru
húðflúr í Egyptalandi hinu forna en
eftir að þessi skreytilist barst til
Evrópu um 2.000 árum fyrir Krist,
voru Rómverjar duglegir við þessa
iðju svo og Keltar. Sagan segir að
lyktin af efnum þeim sem voru not-
uð hafi verið svo slæm að skreyti-
listamenn til forna
hafi allajafna þurft
að búa utan þorpsk-
jarna en það er
sennilega úr sög-
unni nú.
Margar þjóðir í
dag iðka enn að
skreyta líkamann
ýmsum táknum til
heilla guðunum, önd-
unum eða dýrunum,
en nútímamaðurinn
notar húðflúrið aðal-
lega til skrauts.
Hér á landi hafa nokkrir menn
sérhæft sig í húðflúri eins og Helgi
tattoo, Fjölnir tattoo Braga og Jón
Páll tattoo. Við slógum á þráðinn til
Jóns Páls skreytimeistara á húðflúr-
stofunni Studio 54 á Laugavegi 54.
Að hans sögn eru vinsældir einlitu
Tribal-flúranna farin að dala og lit-
ríkari tattoo að verða vinsælli. Hann
tekur þó fram að að ekki sé um að
ræða einhverjar litabókamyndir þar
sem öllum litum ægi saman, heldur
opnar og léttar útlínur með fáum lit-
um en oft mörgum tónum af sama
lit. Segir Jón Páll að þessi stíll sé
mjög vinsæll í Bandaríkjunum og
og sé nú í auknum mæli ryðja sér til
rúms í Evrópu. Ástæðuna fyrir
þessari auknu áherslu á liti segir
hann að tækninni og gæðunum í
greininni hafi fleygt svo fram á und-
anförnum árum að bókstaflega allt
sé orðið hægt. Fólk sé því orðið djar-
fara í vali á líkamsskreytingum eins
og þessar myndir úr smiðju hans
sýna glögglega.■
Húðflúr:
Inn og úr tísku
Klassískt húðflúr.
Töffarar á öll-
um aldri eru
með húðflúr.
Nýjasta nýtt í New York:
Borgaðu fyrir
að versla
Nýjasta tískan í heimsborginni New York er að borga fyrir að
versla. Nú getur fólk á öllum aldri, hvort sem það eru þreyttar hús-
mæður, áttavilltir karlmenn eða tískugúrúar, fengið leiðsögn um
allar aðalverslanirnar í borginni.
Ferðirnar eru allt frá tveim tímum og upp í heilan dag og kosta
frá rúmlega tvö þúsund krónum og upp í rúmlega tíu þúsund krón-
ur.
Í ferðunum eru ekki aðeins verslanir heimsóttar heldur líka
vinnustofur hönnuða og flottir veitingastaðir. Einnig er farið í
uppáhaldsverslanir Britney Spears og Jennifer Lopez. Síðan bjóða
verslanirnar í ferðinni upp á afslátt þannig að fólk getur keypt vör-
ur á hagstæðu verði. Og ef þú kaupir inn fyrir meira en sjötíu þús-
und krónur þá þarftu ekki að borga fyrir leiðsögnina. Nánari upp-
lýsingar er að finna á vefsíðunni expedia.com.■
Nú er hægt að fá leiðsögn í allar helstu
verslanir New York borgar.
Nýtt æði:
Til styrktar
góðu málefni
Nýjasta æðið í Bandaríkjunum
eru gul armbönd kennd við
Lance Armstrong. Þessi arm-
bönd eru til styrktar fólki með
krabbamein og hafa allar helstu
stjörnurnar vestan hafs sést
bera þau; allt frá George Bush
forseta til leikarans og prakkar-
ans Ashton Kutcher.
Armböndin kosta aðeins um
einn dollara og hefur sala á
þeim nú þegar farið yfir sjö
milljónir dollara. Ekki spillir
fyrir að málefnið er gott og
þarft þar sem einn af hverjum
þremur Bandaríkjamönnum
fær krabbamein einhvern tím-
ann á lífsleiðinni. ■
- mest lesna blað landsins
Á LAUGARDÖGUM

Hin hliðin á bílum

Stærsti bílamarkaður landsins

Auglýsingasíminn er 550 5000

auglysingar@frettabladid.is
Á SUNNUDÖGUM

Atvinnuauglýsingar sem

fara inn á 75% heimila

landsins

Auglýsingasíminn

er 550 5000
auglysingar@frettabladid.is
- mest lesna blað landsins -