Fréttablaðið - 05.08.2004, Blaðsíða 56

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Aumingja
forstjórinn!
Nú á dögunum hafa verið tilkynntarþær upphæðir sem ýmsir forstjór-
ar þiggja fyrir sín mikilvægu störf.
Sumir þessara manna eru með einbýlis-
húsaverð á mánuði og aðrir hafa fyrir
sæmilegri jeppaútborgun, en það sem
athygli vekur er að einn þekktur yfir-
maður hefur aðeins 61.000 krónur á
mánuði. Annað hvort er hann með
svona ótrúlega brenglað sjálfsmat að
hann lætur sér nægja þessa smánarlús
eða það er eitthvað meira en lítið að hjá
fyrirtækinu.
FYRIR þennan aur verða menn að
velja hvaða útgjöld ganga fyrir á
mánuði.
SKYLDI viðkomandi velja rafmagnið
fram yfir hitann, er hann kannski einn
af þeim sem birtist skyndilega á mat-
málstíma í öðrum húsum og passar þá
upp á að fá að hringja nokkur símtöl í
leiðinni. Fyrir 61.000 á mánuði er nátt-
úrlega með öllu ómögulegt að reka bíl
og strætókortið er víst ekki gefins
þannig að hann verður að íhuga það
vandlega hvort hann dembi sér á slíkan
lúxus. Auðvitað er hægt að gera góð
kaup í Góða hirðinum í skótaui og göml-
um sófum en líklega fær þessi forstjóri
skó gefins af frændum og máské
frænkum. Það er auðvitað eins og allir
sjá ótrúlega kerlingalegt að hafa ekki
hærri kaupkröfur. Það dettur engum í
hug að hér sé eitthvað gruggugt á ferð-
inni að viðkomandi sé hreinlega að
skrökva, að hann eigi svo helvíti góða
framtalsfrænku að hann geti gefið upp
laun sem eru lægri en hjá bærilega
vinnandi unglingum á sumrin.
MEÐ því að sjá þennan lista yfir for-
stjóralaunin birtist ágætis mynd af
Nýja Íslandi. Menn eru með 20 milljón-
ir á mánuði og niður í 61 þúsund. Mér
fyndist að það ætti að fylgja þessum
láglaunaforstjóra eftir þegar hann tínir
fjallagrösin og veiðir hornsílin sér til
matar því eitthvað getum við hin nú lík-
lega lært af honum þar sem hans laun
eru frekar nær raunveruleika hins
sauðsvarta almúga heldur en millurnar
tuttugu sem hljóma í eyrum eins og
marsbúavals.
ÞÚ sem gutlar í þinni eigin skuldasúpu
og finnur ekki lottómiðann, starir á
reikningahrúguna og þorir ekki að opna
bréfin frá innheimtulögfræðingnum
getur náð upp andanum með því að
söngla. Já já já auðvitað er það satt,
margur verður af aurum api. Ef þú
finnur enga huggun í þessu, skaltu
íhuga mjög vel í hvers konar samfélagi
þú vilt búa. ■
ELÍSABETAR BREKKAN
BAKÞANKAR