Fréttablaðið - 07.08.2004, Blaðsíða 6
6 7. ágúst 2004 LAUGARDAGUR
FÍKNIEFNI 46 fíkniefnamál komu
upp á Akureyri um verslunar-
mannahelgina og 43 í Vestmanna-
eyjum. Á báðum stöðum fundust
þrjár tegundir fíkniefna, am-
fetamín, e-töflur og hass.
Um 100 grömm af amfetamíni
fundust í Vestmannaeyjum. Einn
maður var tekinn með hátt í 40
grömm af amfetamíni sem talið er
að ætluð hafi verið til sölu. Þá voru
tveir aðrir teknir með nokkuð magn
af amfetamíni, annar með 14 grömm
en hinn með tólf grömm. Rúm þrjá-
tíu grömm af amfetamíni sem fund-
ust einnig voru í minni skömmtum.
Tveir menn voru teknir með samtals
tólf e-töflur og tveir með eina töflu
hvor. Þá voru tekin tíu grömm af
hassi allt í litlum skömmtum.
Á Akureyri voru fjórir menn
teknir með um 40 til 50 grömm af
amfetamíni, nokkuð af hassi og e-
töflum. Frekari upplýsingar um
magn fíkniefna sem tekin voru á
Akureyri um verslunarmanna-
helgina voru ekki tilbúnar.
Ásgeir Karlsson, yfirmaður
fíkniefnadeildar lögreglunnar í
Reykjavík, segir mikla áherslu
lagða á fíkniefnaeftirlit um verslun-
armannahelgar. Ríkislögreglustjóri
hafi lagt til mannafla á stærstu stað-
ina til fíkniefnaeftirlits sem skýri
mikið til hversu mörg mál komu
upp um síðustu helgi. ■
ÍRAK, AP Harðir bardagar milli íra-
skra uppreisnarmanna og banda-
rískra hermanna í hinni helgu borg
Najaf síðustu tvo daga hafa kostað
300 uppreisnarmenn lífið að sögn
bandarísku herstjórnarinnar í
Írak. Tugir til viðbótar hafa látist í
bardögum annars staðar á svæðum
sjíamúslima að sögn íraskra stjórn-
valda.
Bardagarnir eru einhverjir þeir
mannskæðustu sem hafa brotist út
milli uppreisnarmanna og banda-
rískra hermanna.
Bardagarnir í Najaf brutust út
að morgni fimmtudags. Sveitir
hliðhollar klerknum Muqtada al-
Sadr og Bandaríkjamenn kenna
hvor öðrum um upptökin. Hitt er
ljóst að bardagarnir hafa verið
mjög harðir. Bandaríkjamenn hafa
beitt herþotum og þyrlum í árásum
á staði þar sem þeir telja uppreisn-
armenn halda sig. Þeir áætla að um
300 uppreisnarmenn hafi látist en
segja þrjá bandaríska hermenn
hafa látist og tólf slasast í bardög-
unum.
Al-Sadr veittist
harkalega að
Bandaríkjunum í
messu sinni í gær.
Hann hvatti til
árása á Banda-
ríkjaher og sagði
fráleitt að líta á
hann sem banda-
menn eins og
Íraksstjórn hefur gert. „Bandarík-
in eru óvinur okkar og óvinur
þjóðarinnar. Við höfnum þessu
bandalagi,“ sagði hann.
Á sama tíma kölluðu aðstoðar-
menn al-Sadr eftir vopnahléi. „Við
skorum á ríkisstjórnina, sem hefur
lýst sig fullvalda, að stöðva árásir
Bandaríkjamanna,“ sagði Ma-
hmoud al-Sudani, talsmaður al-
Sadr. Að auki var óskað eftir aðstoð
Sameinuðu þjóðanna við að binda
endi á bardagana.
Najaf hafði verið nokkuð frið-
sæl um tveggja mánaða skeið þeg-
ar bardagarnir brutust út í fyrra-
dag. Hart var barist í borginni frá
apríl fram í júní. Þá eins og nú átt-
ust við sveitir al-Sadr og banda-
rískar hersveitir. Þeim bardögum
lauk með vopnahléi en spennan í
samskiptum Bandaríkjamanna og
al-Sadr og stuðningsmanna hans
hefur magnast mjög að undan-
förnu. ■
Áhafnarskipti við
Svalbarða:
Spara tíma
og peninga
FISKVEIÐAR Áhafnarskipti voru
gerð á fjölveiðiskipinu Vilhelmi
Þorsteinssyni EA 11 á Svalbarða í
síðustu viku. Í tilkynningu frá
Samherja hf. sem gerir út skipið,
er þetta í fyrsta skipti sem send
er leiguflugvél til Longerbyen á
Svalbarða í þessum erindagjörð-
um.
Kristján Vilhelmsson útgerðar-
stjóri segir tilhögunina hag-
kvæma þegar veitt er á fjarlæg-
um miðum. Tíminn sem annars
færi í langa siglingu, nýtist við
veiðar og vinnslu, auk þess sem
olía sparast. ■
HERMENN Í ÍRAK
Danskir hermenn í Basra í suðurhluta
Íraks.
Atlantshafsbandalagið:
Til Íraks á
næstu dögum
BRUSSEL, AP Fyrstu hermennirn-
ir sem fara til Íraks á vegum Atl-
antshafsbandalagsins til að þjálfa
þarlenda hermenn koma þangað á
næstu dögum.
Fjörutíu menn verða í fyrsta
hópnum, sem er undir stjórn hers-
höfðingja í hollenska flughernum.
Á næstu mánuðum munu fjöl-
mennari sveitir fylgja í kjölfarið.
Verkefni þeirra er að aðstoða
Íraka við að byggja upp her og ör-
yggissveitir sem geta ráðið niður-
lögum uppreisnarmanna. ■
Ranghermt var í Fréttablaðinu
26. júlí að fólk frá Sri Lanka sem
hér hefur sótt um hæli sem póli-
tískir flóttamenn hafi greitt
manni 50 þúsund dollara fyrir
hjálp við að komast frá Sri Lanka
til Kanada. Hið rétta er að fólkið
borgaði 15 þúsund dollara.
EKIÐ Á HJÓLREIÐAMANN Piltur á
sextánda ári hlaut minniháttar
meiðsl þegar ekið var á hann í
Kópavogi í gær. Að sögn lögreglu
var pilturinn á reiðhjóli þegar
ekið var á hann en ekki með
hjálm og hlaut lítinn skurð á
höfði.
■ LEIÐRÉTTING
■ LÖGREGLUFRÉTTIR
,,Bardag-
arnir eru
einhverjir
þeir mann-
skæðustu
sem hafa
brotist út...
GENGI GJALDMIÐLA
Bandaríkjadalur 71,79 0,27%
Sterlingspund 130,82 0,14%
Dönsk króna 11,64 0,07%
Evra 8652 0,17%
Gengisvísitala krónu 121,67 0,29%
KAUPHÖLL ÍSLANDS
Fjöldi viðskipta 239
Velta 957 milljónir
ICEX-15 3.105 0,36%
Mestu viðskiptin
Kaupþing Búnaðarbanki hf. 466.996
Burðarás hf. 108.524
Straumur fjárfestingarbanki 107.271
Mesta hækkun
SÍF hf. 2,85%
Og Fjarskipti hf. 1,41%
Kaldbakur hf. 1,32%
Mesta lækkun
Fjárfestingarfélagið Atorka -1,05%
Marel hf. -0,97%
AFL fjárfestingarfélag -0,94%
ERLENDAR VÍSITÖLUR
DJ * 9.843,2 -1,20%
Nasdaq * 1.791,4 -1,66%
FTSE 4.337,9 -1,71%
DAX 3.727,7 -2,65%
NIKKEI 10.,972,6 -0,80%
S&P * 1.068,5 -1,13%
*BANDARÍSKAR VÍSITÖLUR KL. 18.45
VEISTU SVARIÐ?
1Hvað hyggst KB banki sækja sérmarga milljarða með hlutafjárútboði
til að kaupa danska bankann FIH?
2Hvaða átakasvæði er í sex þúsundmetra hæð yfir sjávarmáli?
3Hvar er Darfur-hérað þar sem hung-ursneyð vofir yfir milljónum?
Svörin eru á bls. 35 ÞJÓÐHÁTÍÐ Í VESTMANNAEYJUM
Þrjár tegundir fíkniefna, amfetamín, e-töflur og hass, voru teknar á Akureyri og í Vest-
mannaeyjum um síðustu helgi. Fólkið á myndinni tengist ekki efni fréttarinnar.
BORGARAR FLÝJA BARDAGANA
Írakar flúðu heimili sín undan hörðum bardögum í Najaf. Þar áttust við al-Mahdi sveitir vopnaðra stuðningsmanna sjíaklerksins
Muqtada al-Sadr og bandarískar hersveitir.
Blóðbað í Najaf
Bandaríkjamenn segjast hafa fellt 300 uppreisnarmenn í bardögum í
Najaf síðustu tvo daga. Þyrlum og þotum hefur verið beitt gegn sveitum
fylgismanna róttæka klerksins Muqtada al-Sadr.
Fíkniefni um verslunarmannahelgina:
Mest af amfetamíni